Author: LFN

මේ වසරේ ගතවූ කාලය තුළ ඩෙංගු මරණ 12ක් වාර්තා වී ඇති බවත් ඒ අතර අවුරුදු 12ට අඩු කුඩා ළමුන් දෙදෙනෙකු ද සිටින බවත් ජාතික ඩෙංගු මර්දන ඒකකය පවසයි. අද (04) පැවති මාධ්‍ය හමුවක් අමතමින්, එහි ප්‍රජා විශේෂඥ වෛද්‍ය ප්‍රශිලා සමරවීර මහත්මිය පැවසුවේ, කුඩා ළමුන් දෙදෙනාගේ මරණ වාර්තා වුයේ කොළඹ සහ රත්නපුර දිස්ත්‍රික්ක වලින් බවය. මේ අතර මෙම වසරේ, වසරේ මේ දක්වා කාලය තුළ ඩෙංගු රෝගීන් 25,846ක් වාර්තා වී තිබේ. කඩින් කඩ ඇතිවන වර්ෂාපතනය සහ අවට පරිසරයේ මරුදුරවන් බෝ වීමට ඇති පහසුව හේතුවෙන් මෙම ඩෙංගු මදුරුවාගේ ව්‍යාප්තිය ඉහළ යන බවත් ඒ අනුව ඩෙංගු රෝගීන්ගේ සංඛ්‍යාව ඉහඵ යන බවත් ඇය වැඩිදුරටත් පැවසීය.

අත්ලාන්තික් සාගරයේ යාත්‍රා කරමින් තිබූ සුඛෝපභෝගී සංචාරක නෞකාවක ඇති වූ බවට සැක කෙරෙන ‘හන්ටා වෛරස’ (Hantavirus) ව්‍යාප්තියක් හේතුවෙන් පුද්ගලයින් තිදෙනෙකු ජීවිතක්ෂයට පත්ව ඇති බව වාර්තා වේ. ලෝක සෞඛ්‍ය සංවිධානය නිවේදනය කර ඇත්තේ ආර්ජන්ටිනාවේ සිට කේප් වර්ඩ් දක්වා ගමන් කරමින් තිබූ MV Hondius නෞකාව තුළ එක් තහවුරු කරන ලද වෛරස් ආසාදිතයෙකු සහ සැක සහිත ආසාදිතයින් පස්දෙනෙකු වාර්තා වී ඇති බවය. දකුණු අප්‍රිකානු සෞඛ්‍ය අමාත්‍යාංශය ප්‍රකාශ කර ඇත්තේ මියගිය පිරිස අතර නෙදර්ලන්ත ජාතික යුවළක් සිටින බවය. 70 හැවිරිදි පිරිමි පුද්ගලයා ශාන්ත හෙලේනා දූපතට රැගෙන එන විටත් මියගොස් සිටි අතර, ඔහුගේ 69 හැවිරිදි බිරිඳ දකුණු අප්‍රිකාවේ ජොහැන්නස්බර්ග් රෝහලක ප්‍රතිකාර ලබමින් සිටියදී මියගොස් ඇත.…

මෙරට මත්පැන් පරිභෝජනය ඉහළ යමින් පවතින බවට සංඛ්‍යාලේඛන මගින් අනාවරණය වන බව මධ්‍යසාර හා මත්පැන් තොරතුරු මධ්‍යස්ථානය පවසයි. 2025 වසරේ දත්තවලට අනුව බීර නිෂ්පාදනය  5%න් සහ මධ්‍යසාර නිෂ්පාදනය 17%න් ඉහළ ගොස් ඇති අතර ඒ හරහා මධ්‍යසාර පරිභෝජනය ඉහළ ගොස් ඇති බවට නිරීක්ෂණය වන බව එම මධ්‍යස්ථානය පෙන්වා දෙයි. 2024 වසර ආරම්භයේ සිදුවූ සංශෝධනයෙන් පසු මේ දක්වා මධ්‍යසාර මිලෙහි සංශෝධනයක් සිදු නොවීම මෙම තත්ත්වයට බලපාන ප්‍රධානතම සාධකය වී ඇති බව මධ්‍යසාර හා මත්පැන් තොරතුරු මධ්‍යස්ථානය පවසයි. උද්ධමනය සහ පුද්ගල ආදායම් වර්ධනයට සාපේක්ෂව මධ්‍යසාර මිල ස්ථාවරව පැවතීම හේතුවෙන් මධ්‍යසාර මිලදී ගැනීමේ හැකියාවේ විශාල වර්ධනයක් සිදුව ඇති බව ඔවුන් පෙන්වා දෙයි. මෙම කාලය තුළ…

එළැඹෙන වෙසක් පොහෝ දින පැවැත්වීමට නියමිත දන්සල් ලියාපදිංචි කිරීම් මේ වන විට ආරම්භ කර ඇතැයි ශ්‍රී ලංකා මහජන පරීක්ෂකවරුන්ගේ සංගමය පවසයි. එම සංගමයේ ප්‍රකාශක අනුර තිලකසිරි අද මහතා පැවසුවේ දන්සල් ලියාපදිංචි කර ගැනීම සඳහා තම ප්‍රදේශයේ මහජන සෞඛ්‍ය පරීක්ෂකවරයා හමුවී ලියාපදිංචි කිරීම් සිදුකර ගත හැකි බවය. එහිදී දන්සල පැවැත්වෙන ස්ථානය, සංවිධානය කරන පාර්ශ්වයන්ගේ නම, ලිපිනය සහ දුරකථන අංකය වැනි මූලික තොරතුරු ලබා ගනිමින් මෙම ලියාපදිංචිය සිදුවන බවය. එම ලියාපදිංචියෙන් පසුව දන්සලේ ආහාර පිළියෙල කරන අයුරු, කසළ කළමනාකරණය කිරීම් සිදුකිරීම, ආහාර සුරක්ෂිතතාවය සහ ආහාර සනීපාරක්ෂාව යටතේ මහජන සෞඛ්‍ය පරීක්ෂකවරුන් සොයා බැලීමක් සිදුකරන බවද ඒ මහතා සඳහන් කළේය. දන්සල් සඳහා ආහාර නිකුත්…

තමිල්නාඩු ප්‍රාන්ත මැතිවරණයේ ඡන්ද ප්‍රතිඵල මේ වන විට නිකුත් වෙමින් තිබේ. ප්‍රතිඵල වාර්තා අනුව තමිලග වෙට්‍රි කලගම් පක්ෂය නියෝජනය කළ ඉන්දීය සුපිරි නළු විජේ පෙරමුණ ගෙන ඇත. ඒ අනුව මේ වන විට ඔහුගේ පක්ෂය විසින් පළමු අදියරේ තැපැල් ඡන්ද ගණන් කිරීමේදී කොට්ටාස 234න් 107ක් දිනා පෙරමුණට පත්ව ඇත. දෙවන ස්ථානයට පත්ව ඇත්තේ ඉන්දීය අග්‍රාමාත්‍ය නරේන්ද්‍ර මෝදි සමග සන්ධාන ගතව ඇති ADMK සන්ධානයට හිමිව ඇති අතර ඔවුන් ආසන 75ක් මේ වන විට දිනාගෙන තිබේ. කෙසේ නමුත් මින් පෙර බලයේ සිටි එම්. කේ. ස්ටාලින්ගේ නායකත්වයෙන් යුත් DMK සන්ධානයට මෙවර ලබා ගැනීමට හැකිව ඇත්තේ කොට්ඨාස 52ක ජයක් පමණි. ඒ අනුව පළමු අදියරේ තැපැල්…

මාලදිවයින් ජනාධිපති ආචාර්ය මොහොමඩ් මුයිසු මහතා සහ ජනාධිපති අනුර කුමාර දිසානායක මහතා අතර පැවති රාජ්‍ය නායක හමුවෙන් පසුව අවබෝධතා ගිවිසුම් 7ක් සඳහා අත්සන් තබා තිබේ. ඒ අනුව සංචාරක, අධ්‍යාපන, උසස් අධ්‍යාපන, සෞඛ්‍ය , ක්‍රීඩා, තරුණ සංවර්ධනය, ලේඛනාගාර, ආරක්ෂක අංශවල කේෂ්ත්‍රවල සහයෝගීතාවය පිළිබඳ අවබෝධතා ගිවිසුම්වල මෙලෙස අත්සන් තබා ඇති බවද සඳහන්.

වැලිකඩ බන්ධනාගාරයේ අච්චු විඳිමින් සිටි රැදවියකු බන්ධනාගාර නිලධාරීන් සමග ඇති වූ පොරබැදීමකින් පසු රෝගී වී මියගොස් ඇතැයි පොලිස් මාධ්‍ය ප්‍රකාශක සහකාර පොලිස් අධිකාරියේ නීතිවේදී උදය කුමාර වුට්ලර් මහතා පැවසීය. සිද්ධියෙන් මිය ගොස් ඇත්තේ බොරැල්ල ප්‍රදේශයේම පදිංචි අවුරුදු 40 ක්පුද්ගලයෙකි. මැගසින් බන්ධනාගාරය තුළදී ඉකුත් 27 වැනි දින ද පහරදීමකින් රැඳවියකු මියගිය අතර ඒ සම්බන්ධයෙන් ජේලර්වරයකු ඇතුළු බන්ධනාගාර නිලධාරීන් පස්දෙනකු අත්අඩංගුවට ගෙන රිමාන්ඩ් ගත කර සිටියි. මත්ද්‍රව්‍ය චෝදනාවකට අච්චු විඳිමින් සිටි රැඳවියා ඊයේ සවස තවත් පිරිසක් සමග බන්ධනාගාර අභ්‍යන්තරයේ එළිමහන් ක්‍රීඩාංගණය ශුද්ධ පවිත්‍ර කිරීම සඳහා පිටතට ගෙන සිටියදී පලා ගොස් ඇති අතර පැනගිය එම රැඳවියා මහත් පරිශ්‍රමයක් දරා පොරබදා බොරැල්ල ප්‍රදේශයේදී බන්ධනාගාර…

ඉන්දීය නාවික හමුදාවට අයත් ‘INS සින්ධුකේසරි’ සබ්මැරීනය කොළඹ වරායට පැමිණ තිබෙනවා. මෙහෙයුම් අවශ්‍යතා සපුරා ගැනීම සඳහා මෙම සබ්මැරීනය ඊයේ (03) උදෑසන කොළඹ වරායට සේන්දු වූ බවයි ශ්‍රී ලංකා නාවික හමුදාව පවසන්නේ. සබ්මැරීනය කොළඹ වරායට පැමිණි අවස්ථාවේදී ශ්‍රී ලංකා නාවික හමුදාව විසින් එය නාවික සම්ප්‍රදායානුකූලව උණුසුම් ලෙස පිළිගනු ලැබුවා. මෙම සබ්මැරීනය දිගින් මීටර් 72.6ක් වන අතර, එහි කාර්ය මණ්ඩලය නාවිකයන් 67 දෙනෙක්. මෙම නිල සංචාරය නිම කරමින් ‘INS සින්ධුකේසරි’ සබ්මැරීනය හෙට (05) දිවයිනෙන් පිටත්ව යාමට නියමිතයි.

පොලිස්පතිවරයාගේ උපදෙස් මත දිවයින පුරා ක්‍රියාත්මක වන පරිදි සිදුකරගෙන යන අපරාධ හා මත්ද්‍රව්‍ය නිවාරණ මෙහෙයුම් යටතේ පුද්ගලයින් රැසක් පොලිස් අත්අඩංගුවට පත්ව තිබේ. පොලීසිය පැවසුවේ ඊයේ (03) දිනයේදී සිදුකරන ලද මෙහෙයුම් මගින් පුද්ගලයින් 26,346ක් පරීක්ෂාවට ලක් කළ බවය. එහිදී සැකපිට පුද්ගලයින් 548ක් පොලීසිය විසින් අත්අඩංගුවට ගෙන ඇති අතර අපරාධ සම්බන්ධයෙන් සෘජුව පුද්ගලයින් 147දෙනෙකුද හඳුනාගෙන තිබේ. එමෙන්ම මෙම මෙහෙයුම් මගින් වරෙන්තුකරුවන් 212දෙනෙකුද විවෘත වරෙන්තුකරුවන් 158දෙනෙකුද පොලීසිය විසින් අත්අඩංගුවට ගෙන ඇත. තවද බීමත් රියදුරන් 135ක් සහ අපරික්ෂාකාරී රිය පැදවීම් යටතේ පුද්ගලයින් 83දෙනෙකුද මෙහිදී අත්අඩංගුවට ගෙන ඇති අතර වෙනත් රථ වාහන වැරදි සම්බන්ධයෙන් පුද්ගලයින් 3,996කට එරෙහිව නීතිමය පියවර ගැනීමටද කටයුතු කර තිබේ.

අම්බලන්ගොඩ, බලපිටිය ප්‍රදේශයේ දී විදෙස් රටක නිෂ්පාදිත පිස්තෝල අවියක්, පතරොම් ගැබ් 01ක්, ජීව පතරොම් 16ක් හා අයිස් මත්ද්‍රව්‍ය ග්‍රෑම් 11 මිලිග්‍රෑම් 500ක් සමග සැකකරුවෙකු අත්අඩංගුවට ගෙන ඇත. අහුංගල්ල පොලිස් ස්ථානයේ නිලධාරීන් කණ්ඩායමක් විසින් සිදු කළ වැටලීමක දී මෙම පුද්ගලයා අත්අඩංගුවට ගෙන තිබේ. මෙලෙස අත්අඩංගුවට ගෙන ඇත්තේ වයස අවුරුදු 31ක් වන බලපිටිය ප්‍රදේශයේ පදිංචිකරුවෙකි. මෙම පිස්තෝල අවිය මීට දින කිහිපයකට පෙර වෙනත් පුද්ගලයෙකු විසින් මොහුට ලබාදී ඇති බවට අනාවරණය වී ඇති අතර එම සැකකරුද පෙරේදා (03) දින රාත්‍රීයේ දී අම්බලන්ගොඩ, වාද්දූව ප්‍රදේශයේදී අත්අඩංගුවට ගෙන ඇත. සැකකරු අවුරුදු 22ක් වන බලපිටිය ප්‍රදේශයේ පදිංචිකරුවෙකි. මෙම සැකකරුවන් දෙදෙනා සංවිධානාත්මක අපරාධකරුවෙකු වන ලොකු පැටී නමැත්තාගේ…