Author: LFN

හපුතලේ, දඹේතැන්න මාර්ගයේ පිහිටි ෆාමසියකින් කල් ඉකුත් වූ ඖෂධ සහ මිල වෙනස් කළ ඖෂධ අලෙවි කිරීමේ සිද්ධියක් සම්බන්ධයෙන් බදුල්ල දිස්ත්‍රික් පාරිභෝගික කටයුතු පිළිබඳ අධිකාරියේ නිලධාරීන් විසින් හදිසි වැටලීමක් සිදුකර තිබේ. ඊයේ (20) සිදුකළ මෙම වැටලීමේදී කල් ඉකුත් වූ ඖෂධ අලෙවිය සඳහා තබා තිබීම, ඖෂධවල මුල් මිල ගණන් වෙනස් කර වැඩි මිලකට අලෙවි කිරීමට සූදානම් කර තිබීම සහ මුද්‍රිත මිල මකා වෙනත් මිලක් යොදා තිබීම ඇතුළු නීතිවිරෝධී ක්‍රියා රැසක් අනාවරණය වී ඇත. අදාළ නීතිවිරෝධී ඖෂධ තොගය නිලධාරීන්ගේ භාරයට ගෙන ඇති අතර, සැකකාර ව්‍යාපාරිකයාට එරෙහිව බණ්ඩාරවෙල මහේස්ත්‍රාත් අධිකරණය වෙත නඩු පැවරීමට නියමිත බව වාර්තා වේ. පාරිභෝගිකයින් ඖෂධ මිලදී ගැනීමේදී නිෂ්පාදිත දිනය, කල්…

අත්‍යවශ්‍ය ආහාර ද්‍රව්‍ය කිහිපයක ඇස්තමේන්තු මිල පරාසයන් පාරිභෝගික කටයුතු පිළිබද අධිකාරිය විසින් ප්‍රකාශයට පත්කර තිබේ. සෑම සතියකට වරක්ම මෙම මිල පාරායන් මාධ්‍යවෙත පළකරන අතර, මෙම  සතියට අදාළ ඇස්තමේන්තු මිල පරාසයන් පහතින් දැක්වේ. තෝරාගත් අත්‍යාවශ්‍ය ආහාර ද්‍රව්‍යයන්හි ඇස්තමේන්තු සිල්ලර මිල පරාසය (2026 මැයි 18 සිට මැයි 24 දක්වා) තිරිගු පිටි – Rs. 153.00 – Rs. 172.00 සුදු සීනි –    Rs. 195.00 – Rs. 235.00 පරිප්පු –   Rs. 225.00 – Rs. 249.00 අර්ථාපල් (ඉන්දියා) – Rs. 160.00 – Rs. 228.00 අර්ථාපල් (පාකිස්තාන්) – Rs. 160.00 – Rs. 201.00 බී ලූනු (ඉන්දියා) – Rs. 175.00 – Rs. 218.00 බී ලූනු (පාකිස්තාන)…

වෙසක් සතිය ක්‍රියාත්මක වන කාලසීමාව තුළ ශ්‍රී ලංකා පොලීසිය විශේෂ ආරක්ෂක සැළැස්මක් ක්‍රියාත්මක කිරීමට සැළසුම් කර ඇත. මෙම කාලසීමාව තුළ සැදැහැවත් බෞද්ධ ජනතාව දිවයිනේ පිහිටි පෞරාණික බෞද්ධ සිද්ධස්ථාන ඇතුළු බෞද්ධ ආගමික ස්ථාන වෙත විශාල වශයෙන් ඒකරාශී වීමත්, වෙසක් තොරණ හා පහන් කූඩු ප්‍රර්දර්ශනය, බැති ගී සන්දර්ශන, දන්සල් ආදිය සංවිධානය කිරීමත් සිදුකරනු ලබයි. එහිදී එම ස්ථානවල ඇති වන රථවාහන ‌තදබදය අවම කරගැනීම සඳහා අවශ්‍ය ක්‍රියාමාර්‌ග ගැනීමට පොලිස්පතිවරයා විසින් මේ වන විට සියළුම පොලිස් ස්ථාන වෙත උපදෙස් ලබාදී ඇත. එසේම සියළුම පොලිස් වසම් තුළ දිවා / රාත්‍රී ජංගම සංචාර, පාමුර සංචාර වැඩි වශයෙන් ක්‍රියාත්මක කරමින් මහජනතාවගේ සහ දේපොළ වල ආරක්ෂාව තහවුරු කිරීම…

ලොව පුරා ඉහළ පිළිගැනීමක් ඇති චරිතයක් වන ‘හෙලෝ කිටී’ මෙම මස 19 දින මෙරටට පැමිණ ඇති අතර වගකීම් සහගත ප්ලාස්ටික් භාවිතය සහ පරිසර සංරක්ෂණයේ වැදගත්කම පිළිබඳව මධ්‍යම පරිසර අධිකාරියේ දී පැවැත්වුණු දැනුම්වත් කිරීමේ වැඩසටහනකට සහභාගී වී තිබේ. ‘හෙලෝ කිටී’ සමඟ ශිෂ්‍ය ශිෂ්‍යාවෝ 150 දෙනෙක් ද මෙම අවස්ථාවට සහභාගී වී ඇත. ජපාන ජාත්‍යන්තර සහයෝගිතා නියෝජිතායතනය, ශ්‍රී ලංකාවේ මධ්‍යම පරිසර අධිකාරිය සමඟ එක්ව, මෙරට ප්ලාස්ටික් අපද්‍රව්‍ය කළමනාකරණ ක්ෂේත්‍රයේ පවතින අභියෝගයන්ට මුහුණ දීමේ හැකියාව ඉහළ නැංවීම අරමුණු කර ගනිමින්, “ප්ලාස්ටික් කළමනා කරණ ධාරිතාව ශක්තිමත් කිරීමේ තාක්ෂණික සහයෝගිතා ව්‍යාපෘතිය” නමින් වූ තාක්ෂණික සහයෝගීතා ව්‍යාපෘතියක් ක්‍රියාත්මක කර ඇති බව මධ්‍යම පරිසර අධිකාරිය පවසයි. මෙම ව්‍යාපෘතිය…

සංචාරකයින් 2,380 ද‍ෙනෙකු රැගත් Mein Schief 6 නම් වූ සුඛෝපභෝගී මඟී නෞකාවක් කොළඹ වරායේ, වරාය අධිකාරිය සතු ECTජැටියට පැමිණ තිබේ. මෝල්ටා (Malta)ධජය යටතේ යාත්‍රාකරන මෙම නෞකාවේ 951ක කාර්යය මණ්ඩලයක් සේවය කරන බව වරාය හා සිවිල් ගුවන් සේවා අමාත්‍යංශය පවසයි. දිගින් මීටර් 295ක් සහ පළලින් මීටර් 42ක් වන මෙම නෞකාව ශ්‍රී ලංකාවට පැමිණි ප්‍රථම අවස්ථාව මෙය බවද සඳහන් වෙයි. මෙලෙස පැමිණි සංචාරකයින් සංස්කෘතික කලා සංදර්ශන ප්‍රදර්ශනය කරමින් පිළිගැනීමට අදාළ සංචාරක සමාගම් විසින් කටයුතු සම්පාදනය කර තිබිණි.

ජාත්‍යන්තර මූල්‍ය අරමුදලෙන් මේ මස 27 වෙනිදාට ඩොලර් මිලියන 700ක මුදලක් ලැබෙනු ඇතැයි අපේක්ෂා කරන බව මුදල් සහ ක්‍රමසම්පාදන නියෝජ්‍ය අමාත්‍ය අනිල් ජයන්ත මහතා පවසයි. අමාත්‍යවරයා මේ බව ප්‍රකාශ කළේ, අද (21) පාර්ලිමේන්තුවේදී අදහස් පළ කරමිනි. “විදේශ විනියම ලබාගැනීමේදී අපනයනවලට අමතරව විදේශ ප්‍රේෂණවලට අමතරව ජාත්‍යන්තර මූල්‍ය අරමුදලෙන් මේ 27 වෙනිදා බොහෝදුරට බලාපොරොත්තු වෙනවා. අධ්‍යක්ෂ මණ්ඩලය විසින් ඩොලර් මිලියන 700 අපට ලබා දෙයි කියලා. ආසියානු සංවර්ධන බැංකුවෙන් මේ වර්ෂය ඇතුළත ඩොලර් මිලියන 480ක් දක්වා ලබාගැනීමට හැකියාවක් තියෙනවා. ලෝක බැංකුවෙන් ඩොලර් මිලියන 150කුත් අනුශාංඝික ආයතනයකින් ඩොලර් මිලියන 50කුත් ලැබෙන්න තියෙනවා.  ඒ නිසා මේක කළමනාකරණය කරගන්න කිසිදු ගැටලුවක් නිර්මාණය වෙන්නේ නැහැ.” 

ඉබෝලා වෛයිරසය මැඩපැවැත්වීම සදහා එන්නතක් නිපදවීමට තවත් මාස 9ක පමණ කාලයක් ගත වනු ඇති බව ලෝක සෞඛ්‍ය සංවිධානය පවසා තිබේ. එම සංවිධානය පෙන්වා දෙන්නේ එම කාලය තුළ එබෝලා වෛයිරසය ආසාදන තත්ත්වය ඉහළ අගයක් ගන්නා රටවල මරණ සංඛ්‍යාව ඉහළ යාමේ අවධානමක් පවතින බවයි. මේ අතර, ඉබෝලා වෛයිරසය මැඩ පැවැත්වීමේ හැකියාව පවතින බවට විශාවස කරන එන්නත් ද්විත්වයක් නිපදවා තිබුණද මෙතෙක්  ඒවායේ සායනික පරීක්ෂණ සම්පූර්ණ කර නොමැති බව සඳහන් වෙයි. මේ වන විට ඉබෝලා වෛයිරසය මගින් ජාත්‍යන්තරව මහජන සෞඛ්‍ය හදිසි තත්ත්වයක් ඇතිවී තිබෙන බවට නිවේදනය කර තිබුණ ද එය ගෝලීය වසංගත තත්ත්වක් දක්වා වර්ධනය වී නොමැති බව ද ලෝක සෞඛ්‍ය සංවිධානය පෙන්වා දී…

ප්‍රවාහන, මහාමාර්ග, වරාය හා සිවිල් ගුවන් සේවා අමාත්‍යාංශය අතිරේක ලේකම්වරයා වශයෙන් පත් කළ ඩබ්ලිව්.එස්. සත්‍යානන්ද මහතාගේ සේවය අවශ්‍ය නොවන බව සඳහන් කරමින් එම නිලධාරියා අවමානයට හා මානසික කනස්සල්ලට ලක්කිරීම තුළින් එම අමාත්‍යාංශයේ ලේකම් මහාචාර්ය කපිල පෙරේරා මහතා විසින් එම නිලධාරියාගේ මූලික මිනිස් අයිතිවාසිකම් උල්ලංඝනය කිරීමක් සිදුකර ඇතැයි ශ්‍රේෂ්ඨාධිකරණය තීන්දු කර තිබුණි. තමන්ට සිදුවූ අසාධාරණය වෙනුවෙන් එම අතිරේක ලේකම්වරයා විසින් ගොනුකළ මූලික අයිතිවාසිකම් පෙත්සමක් විභාග කිරීමෙන් අනතුරුව ආචාර්ය සෝභිත රාජකරුණා,  ජනක් ද සිල්වා යන විනිසුරුවරුන්ගේ එකඟත්වය ඇතිව ශ්‍රේෂ්ඨාධිකරණ විනිසුරු අර්ජුන ඔබේසේකර මහතා විසින් මෙම තීන්දුව පෙරේදා (19) ප්‍රකාශයට පත් කළේය. පෙත්සම්කරු සඳහන් කළේ, තමා ශ්‍රී ලංකා පරිපාලන සේවයේ විශේෂ සේවයේ නිලධාරියකු…

සැප්තැම්බර් මාසය වනතුරු විදුලිය ගාස්තු ඉහළ දැමීම සඳහා මහජන උපයෝගිතා කොමිෂන් සභාවෙන් ඉල්ලීමක් සිදු නොකරන බව වරාය, සිවිල් ගුවන් සේවා සහ බලශක්ති අරුණ කරුණාතිලක මහතා පවසයි. අමාත්‍යවරයා මේ බව ප්‍රකාශ කළේ, අද (21) පාර්ලිමේන්තුවේදී වාචික පිළිතුරු අපේක්ෂාවෙන් රවී කරුණානායක මහතා ඉදිරිපත් කළ පැනයකට පිළිතුරු ලබාදෙමිනි. අවසන්වරට සිදුකළ විදුලිය ගාස්තු සංශෝධනයේ ඍජු බලපෑම එ්කක 180ට වැඩියෙන් භාවිත කරන පාරිභෝගිකයන්ට එල්ල වන බව ඔහු එහිදී යළිත් පෙන්වා දුන්නේය. සෙසු පාරිභෝගිකයින් සඳහා වන රුපියල් බිලියන 15ක සහනාධාරයක්  ආණ්ඩුව විසින් ලබාදී ඇති බව අමාත්‍යවරයා එහිදී අවධාරණය කළේය. “ඔබතුමා විශේෂයෙන් අහන්නේ, ඩොලරයේ ඉහළයාමත් විශේෂයෙන් මැදපෙරදිග අර්බුදයත් සමඟ ඇති වුණ තත්ත්වය තුළ තවදුරටත් විදුලිබිල ඉහළ යයි…

ජාතික කලාභවනේ තිබූ පෞරාණික සිතුවම් 42 අස්ථානගත වී ඇති බව බුද්ධශාසන, ආගමික හා සංස්කෘතික කටයුතු අමාත්‍ය හිනිදුම සුනිල් සෙ‍නෙවි මහතා පවසයි. අද (21) පාර්ලිමේන්තුවේ දී වාචික ප්‍රශ්න සඳහා පිළිතුරු ලබාදෙමින් අමාත්‍යවරයා මේ බව සඳහන් කළේය. භාණ්ඩ සමීක්ෂණ මණ්ඩලයක් විසින් 2015 වසරේ දී ජාතික කලා භවනේ චිත්‍ර හා මූර්ති සමීක්ෂණය කිරීමෙන් අනතුරුව මෙම අතුරුදන් වීම සම්බන්ධයෙන් තොරතුරු වාර්තා වී තිබේ. ඒ අනුව තොග පොතෙහි සඳහන්ව තිබූ මුළු සිතුවම් සංඛ්‍යාව 281ක් වුවත් කලා භවනේ මේ වනවිට ඇත්තේ, සිතුවම්  239ක් පමණක් බවද අමාත්‍යවරයා සඳහන් කළේය.