Author: LFN

නොරොච්චෝලේ ලක්විජය බලාගාරය මඟින් පරිසරයට සිදුවන බලපෑම් සොයා බැලීම සහ ඒ සම්බන්ධ නිර්දේශ ඉදිරිපත් කිරීම සඳහා අනුකාරක සභාවක් පත් කර තිබේ. මෙම අනුකාරක සභාව පත් කර ඇත්තේ පරිසරය, කෘෂිකර්මය සහ සම්පත් තිරසාරත්වය පිළිබඳ ආංශික අධීක්ෂණ කාරක සභාව විසින් වන අතර, එහි සභාපතිත්වය පාර්ලිමේන්තු මන්ත්‍රී පාර්ලිමේන්තු මන්ත්‍රී (නීතීඥ) භාග්‍ය ශ්‍රී හේරත් මහතා වෙත පැවරී ඇත. පසුගියදා පාර්ලිමේන්තුවේදී පැවති කාරක සභා රැස්වීමේදී මෙම තීරණය ගෙන තිබූ අතර, එම රැස්වීමේ සභාපතිත්වය දරා ඇත්තේ  පාර්ලිමේන්තු මන්ත්‍රී හෙක්ටර් අප්පුහාමි මහතාය. නොරොච්චෝලේ බලාගාරයේ ක්‍රියාකාරීත්වය හේතුවෙන් පරිසරයට සිදුවන බලපෑම්, ඒ සඳහා වගකිවයුතු පාර්ශ්වයන් සහ ආයතනික අඩුපාඩු පිළිබඳව දීර්ඝ ලෙස සාකච්ඡා කිරීමෙන් අනතුරුව වැඩිදුර විමර්ශන සඳහා මෙම අනුකාරක…

අග්‍රාමාත්‍ය ආචාර්ය හරිනි අමරසූරිය එක්සත් රාජධානියේ නිල සංචාරය අතරතුර ලන්ඩන් නුවරදී එරට වෙසෙන ශ්‍රී ලාංකිකයින් හමුවී සුහද සාකච්ඡාවක නිරත වී තිබේ. එහිදී අදහස් දැක්වූ අග්‍රාමාත්‍යවරිය සඳහන් කළේ, ස්වාභාවික ආපදා සහ ජාත්‍යන්තර අර්බුද මධ්‍යයේ වුවද රටේ ආර්ථිකය ස්ථාවර කරමින් ජනතාවට සහන සැලසීමට වත්මන් රජය සමත්ව ඇති බවයි. එමෙන්ම ශ්‍රී ලංකාවේ දේශපාලන සංස්කෘතිය යළි හැරවිය නොහැකි සුබදායී පරිවර්තනයකට ලක්ව ඇති බව ද ඇය ප්‍රකාශ කළාය. මෙම අවස්ථාවට එක්වූ අමාත්‍ය සරෝජා පෝල් රාජ් මහත්මිය සඳහන් කළේ, සියලු ජාතීන්ට සමානව සලකන සහ ආර්ථික සංවර්ධනයේ ප්‍රතිලාභ සෑම පුරවැසියෙකුටම සමසේ හිමිවන පාලනයක් රට තුළ ගොඩනැඟී ඇති බවයි. සාම්ප්‍රදායික දේශපාලන රැස්වීම් රටාවෙන් බැහැරව පැවති මෙම හමුවේදී, සහභාගී…

අයිස් මත්ද්‍රව්‍ය කිලෝග්‍රෑම් 39ක් සහ කේරළ ගංජා කිලෝග්‍රෑම් 5ක් සමග සැකකරුවෙකු දෙමටගොඩ ප්‍රදේශයේදී අද (21) අත්අඩංගුවට ගෙන තිබේ. බස්නාහිර පළාත් උතුර අපරාධ කොට්ඨාසයට ලද තොරතුරක් මත මෙම වැටලීම සිදුකර ඇත. දෙමටගොඩ ප්‍රදේශයේ පිහිටි කොළඹ දිසා අපරාධ කොට්ඨාසය ආසන්නයේදී මෙම සැකකරු අත්අඩංගුවට ගෙන ඇති බව පොලීසිය පවසයි. සිද්ධිය සම්බන්ධයෙන් බස්නාහිර පළාත් උතුරු අපරාධ කොට්ඨාසය වැඩිදුර විමර්ශන සිදුකරයි.

සිසිල් බීම දන්සැල් ආශ්‍රිතව ජලය මගින් ව්‍යාප්ත විය හැකි රෝග වැළඳීම සඳහා වැඩි ඉඩක් ඇති බැවින් සිසිල් බීම දන්සැල් වෙනුවට උණුසුම් පාන වර්ග පිරිනමන දන්සැල් සංවිධාන කිරීම දිරිමත් කරන්නැයි සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අසේල ගුණවර්ධන මහතා සියලු පාර්ශ්වයන්ගෙන් ඉල්ලීමක් සිදු කර තිබෙනවා . වැඩිදුරටත් කරුණු පැහැදිලි කරන සෞඛ්‍ය සේවා අධ්‍යක්ෂ ජනරාල්වරයා පවසන්නේ මේ දිනවල දිවයිනේ සමහර ප්‍රදේශ වල පැතිරයන බෝ වන රෝග තත්ත්වයන්ද සලකා බලා මෙම ඉල්ලීම සිදු කරන බවයි. මේ අතර දන්සැල් සංවිධානය හා අදාළ සෞඛ්‍ය වෛද්‍ය නිලධාරී, සෞඛ්‍ය වෛද්‍ය නිලධාරී කාර්යාලය ,ප්‍රදේශයේ මහජන සෞඛ්‍ය පරීක්ෂකවරයා සම්බන්ධීකරණය කර ගැනීමට ද අමතර සහායක් අවශ්‍ය වන අවස්ථාවලදී ඇමතීමට දුරකථන…

ඩිජිටල් මුදල් සේවා සපයන Remitly ආයතනය කරපු අලුත්ම සමීක්ෂණයකට අනුව, පවුල් එක්ක පදිංචියට යන්න හොඳම රටවල් අතර ශ්‍රී ලංකාව 4වැනි තැනට පත්වෙලා තියෙනවා. ඒ ලැයිස්තුවේ ඉස්සරහින් ඉන්නේ ස්පාඤ්ඤය, චීනය සහ ඇමරිකාව. මේ සමීක්ෂණයේදී සෞඛ්‍ය සේවා, ජීවන වියදම, රැකියා අවස්ථා, දරුවන්ගේ අධ්‍යාපනය, ළමා සුරැකුම් වියදම් වගේ කරුණු ගොඩක් සලකා බලලා තියෙනවා. ශ්‍රී ලංකාවට මේ ඉහළ තැන ලැබිලා තියෙන්නේ හොඳ අධ්‍යාපන පද්ධතියක් සහ අඩු ළමා සුරැකුම් වියදම් නිසා කියලා වාර්තා වෙනවා. ඒ වගේම හොඳ පොදු ප්‍රවාහන සේවාවක් තියෙන රටවල් අතරත් ශ්‍රී ලංකාව 5වැනි තැනට පත්වෙලා තියෙනවා. පසුගිය වසරේ ශ්‍රී ලංකාව පළවැනි තැනේ හිටියත්, මේ අවුරුද්දේ අලුත් දත්ත සහ අමතර මිනුම් එකතු කරලා…

ඉබෝලා වෛරස් වසංගත තත්ත්වය හේතුවෙන් ඉන්දියාවේ නව දිල්ලි නුවරදී පැවැත්වීමට නියමිතව තිබූ අප්‍රිකානු සමුළුව දින නියමයක් නොමැතිව කල් දමා ඇති බව විදෙස් වාර්තා පවසයි. කොංගෝ රාජ්‍යෙය් පැතිරී යන ඉබෝලා වෛරස් වසංගත තත්ත්වය හමුවේ මහජන සෞඛ්‍ය හදිසි තත්ත්වයක් නිර්මාණය වී තිබීම සැළකිල්ලට ගෙන මෙම තීරණය ගත් බව විදෙස් මාධ්‍ය වාර්තා පවසයි. අප්‍රිකානු සමුළුව එළඹෙන 28 වනදා සිට 31 වනදා දක්වා නව දිල්ලි නුවරදී පැවැත්වීමට සැළසුම් කර තිබුණි.

කොච්චිකඩේ පළඟතුරේ ප්‍රදේශයේදී අයිස් මත්ද්‍රව්‍ය සමඟ කාන්තාවක් අත්අඩංගුවට ගෙන තිබේ. කොච්චිකඩේ පොලිස් ස්ථානය වෙත ලද තොරතුරක් මත සිදුකළ වැටලීමකදී අදාළ සැකකාරිය අත්අඩංගුවට ගත් බව පොලීසිය පවසයි. වත්තල ප්‍රදේශයේ පදිංචි 51 හැවිරිදි සැකකාරිය සන්තකයේ තිබී අයිස් මත්ද්‍රව්‍ය ග්‍රෑම් 340යි මිලි ග්‍රෑම් 170ක් එහිදී පොලිස් භාරයට ගෙන තිබේ. කොච්චිකඩේ පොලීසිය සිද්ධිය සම්බන්ධයෙන් වැඩිදුර විමර්ශන සිදු කරනු ලබයි.

ඩොලරයට සාපේක්ෂව රුපියලේ අගය පාලනයකින් තොරව සීඝ්‍රයෙන් පහත වැටීම හේතුවෙන් රජය බරපතල ගැටලුවකට මුහුණදී ඇති බව එක්සත් ජාතික පක්ෂය පවසයි. නිවේදනයක් නිකුත් කරමින් එම පක්ෂය පෙන්වා දෙන්නේ, පැහැදිලි ආර්ථික සැලැස්මක් නොමැතිකම සහ මෙරට විදේශ සංචිත ඉහළ නැංවීමට රජය අසමත්වීම හේතුවෙන් එක්සත් ජනපද ඩොලරයේ අනුපාතය වේගයෙන් ඉහළ ගොස් ඇති බවය. හිටපු ජනාධිපති රනිල් වික්‍රමසිංහ මහතා මීට මාස 20කට පෙර වර්තමාන රජයට රට භාරදෙන විට ඩොලරයේ අගය රුපියල් 292ක් ලෙස පැවති බව එක්සත් ජාතික පක්ෂය අවධාරණය කරයි. මේ වනවිට එය රුපියල් 354 දක්වා ඉහළ ගොස් ඇත්තේ, හිටපු ජනාධිපතිවරයා විසින් ආරම්භ කරන ලද ආර්ථික වැඩසටහන අඛණ්ඩව කරගෙන යාමට රජය අපොහොසත්වීම හේතුවෙනි.

2026 මැයි 18 වන දින වන විට රුපියල් ට්‍රිලියනයකට අධික බදු ආදායමක් රැස් කර ඇති බව දේශීය ආදායම් දෙපාර්තමේන්තුව නිවේදනය කර තිබේ. රටේ මූල්‍ය ස්ථාවරත්වය සහ මහජන සේවාවන් ශක්තිමත් කිරීම සඳහා මෙම බදු ආදායම වැදගත් දායකත්වයක් ලබාදෙන බව ද දෙපාර්තමේන්තුව සඳහන් කරයි.

ජාතික පාරිභෝගික මිල දර්ශකය අනුව 2026 අප්‍රේල් මාසයේ මෙරට ලක්ෂ්‍යමය මතුපිට උද්ධමනය සියයට 4.7 දක්වා ඉහළ ගොස් තිබේ. ජනලේඛන හා සංඛ්‍යාලේඛන දෙපාර්තමේන්තුවේ දත්ත අනුව 2026 මාර්තු මාසයේදී මෙම අගය සියයට 2.4ක් ලෙස වාර්තා වී තිබුණි. වාර්තාවට අනුව, මාර්තු මාසයේදී සියයට 0.7 ක් ලෙස පැවති ආහාර කාණ්ඩයේ ලක්ෂ්‍යමය උද්ධමනය අප්‍රේල් මාසයේදී සියයට 1.1 දක්වා ඉහළ ගොස් ඇත. එමෙන්ම ආහාර නොවන කාණ්ඩයේ උද්ධමනය මාර්තු මාසයේදී වාර්තා වූ සියයට 3.8 සිට අප්‍රේල් මාසයේදී සියයට 7.8 දක්වා ඉහළ යාම ජාතික උද්ධමනය වැඩිවීමට ප්‍රධාන වශයෙන් බලපා ඇති බව ද එම වාර්තාවේ සඳහන් වේ.