Author: LFN
කොටුව දුම්රිය ස්ථානයේ ඊයේ (23) පස්වරුවේ නොසන්සුන් තත්ත්වයක් ඇතිවී තිබුණි. ඒ, දුම්රිය විදුලි කාර්මිකයින් හදිසියේ ක්රියාත්මක කළ වැඩ වර්ජනයක් හේතුවෙනි. වර්ජනය හේතුවෙන් ඊයේ රාත්රී දුම්රිය කිහිපයක ධාවනය ප්රමාද වී තිබූ අතර එහිදී මගීන් නොසන්සුන්වී තිබුණි. කෙසේවෙතත් පසුව වැඩවර්ජනය අත්හිටුවීමට දුම්රිය විදුලි කාර්මිකයින් පියවර ගෙන තිබූ අතර රාත්රී දුම්රිය ධාවනය ද ප්රමාදයක් සහිතව සිදුකෙරුණි.
පොලිස් නිලධාරීන් වෙත ලබාදෙන බටා ආරක්ෂක හමුදාවල ආහාර දීමනාවට සමාන කිරීමට ලබන වසරේ සිට උත්සාහ ගන්නා බව මහජන ආරක්ෂක අමාත්ය ටිරාන් අලස් මහතා පවසයි. පාර්ලිමේන්තු මන්ත්රී ජගත් කුමාර මහතා නැගූ පැනයකට පිළිතුරු දෙමින් මහජන ආරක්ෂක අමාත්ය ටිරාන් අලස් මහතා මේ බව පැවසීය. එහිදී වැඩිදුරටත් අදහස් දැක්වූ මහජන ආරක්ෂක අමාත්යවරයා පැවසුවේ පොලිස් නිලධාරීන් වෙත බටා සහ ආහාර දීමනාවක් යන දිවිත්වයම ලබාදිය නොහැකි බවය. අමාත්ය ආරක්ෂක ඒකකයේ පොලිස් නිලධාරීන් වෙත ලැබෙන විශේෂ දීමනාව පාර්ලිමේන්තුවේ ආරක්ෂක ඒකකයේ සේවයේ නිරත පොලිස් නිලධාරීන් වෙත නොලැබීම සම්බන්ධයෙන්ද කරුණු සොයාබලන බව මහජන ආරක්ෂක අමාත්ය ටිරාන් අලස් මහතා මෙහිදී වැඩිදුරටත් පැවසීය. එසේම අදාළ විශේෂ දීමනාව නොලැබෙන පොලීසිය තුළ…
ඊයේ (22) සවස හපුතලේ පොලිස් වසම, අයිස්පීල්ල ප්රදේශයේ හෝටලයක් තුළ සිදුවූ වෙඩි තැබීමකින් පුද්ගලයකු මිය ගිය බව පොලීසිය වාර්තා කළේය. හෝටලය තුළට පැමිණි පුද්ගලයන් පස් දෙනෙකු විසින් වෙඩි තැබීම සිදුකර ඇති අතර, හෝටල් හිමිකරුවා සහ ඔහු සමඟ සිටි පුද්ගලයකු වෙඩි ප්රහාරයට ලක් වී තිබිණි. වෙඩි වැදීමෙන් හෝටල් හිමිකරු සමඟ සිටි පුද්ගලයා එම ස්ථානයේම මියගොස් ඇති අතර, හෝටල් හිමිකරු බරපතළ තුවාල ලබා දියතලාව රෝහලට ඇතුළත් කර ඇත. මරණකරු වයස අවුරුදු 47ක් වූ ගන්දර ප්රදේශයේ පදිංචිකරුවකු බව පොලීසිය වාර්තා කරයි. මේ අතර, මියගිය පුද්ගලයා මාතර මහාධිකරණයේ විභාග වූ නඩුවක සාක්ෂිකරුවකු බව අනාවරණය වී ඇතැයි පොලීසිය සඳහන් කර ඇත. සිද්ධිය පිළිබඳ හපුතලේ පොලීසිය…
පරිපූරක වෛද්ය වෘත්තිකයන් අගෝස්තු හෙට (24) උදේ 8:00 සිට අනිද්දා 25 වනදා උදේ 8:00 ට දක්වා පැය 24 ක වර්ජනයකට දිවයින පුරා සියලු රෝහල් වල සංකේත වැඩ වර්ජනයකට එළඹීමට තීරණය කර තිබෙනවා. ඒ පරිපූරක වෛද්ය සේවා ඒකාබද්ධ බලමණ්ඩලයේ තීරණයකට අනුවයි. ඉල්ලිම් 7ක් මුල් කරගෙන මෙම වර්ජනය ක්රියාත්මක කිරීමට වෘත්තීය කාණ්ඩ 5කින් සහ නිලධාරීන් 7,000 ට ආසන්න සංඛ්යාවක් තීරණය කර තිබෙනවා. මෙම වර්ජනයට විකිරණ තාක්ෂණවේදීන් වෘත්තිකයන්, රසායනාගාර විද්යාඥ වෘත්තිකයන්, ඖෂධවේදී වෘත්තිකයන්, භෞත චිකිත්සක වෘත්තිකයන්, වෘත්තිය චිකිත්සක වෘත්තිකයන් යන වෘත්තීය සංගම් 5 එකතු වනවා.
මුලසුන අසලට පැමිණ නියෝජ්ය කථානායකවරයාට තර්ජනය කිරීමේ සිද්ධිය සම්බන්ධයෙන් නලින් බණ්ඩාර ජයමහ සහ වසන්ත යාපා බණ්ඩාර යන මහත්වරුන්ට සභා ගර්භයෙන් ඉවත් වන ලෙස කතානායක මහින්ද යාපා අබේවර්ධන මහතා දැනුම් දුන්නේය. ඒ අනුව එම මන්ත්රීවරුන් දෙදෙනා සභා ගර්භයෙන් පිටව යනු දක්නට ලැබිණ. අද දිනයේ සභා ගර්භයෙන් ඉවත් වන ලෙස කතානායක වරයා දැනුම් දුන්නේය.
ව්යාජ ලේඛන සකස් කළ පුද්ගලයෙකු මහනුවර විශේෂ අපරාධ විමර්ශන අංශය මඟින් අත්අඩංගුවට ගෙන තිබේ. පොලීසිය පැවුසුවේ අධ්යාපන අමාත්යාශයේ නිල නාමය, නතතුර හා අමාත්යාංශ ලිපි ශිර්ෂ ව්යාජ ලෙස යොදා ව්යාජ ලේඛන සකස් කර මහනුවර ප්රදේශයේ බාලිකා විද්යාලයකට ළමුන් 29 දෙනෙකු ඇතුළත් කර වංචාවක් සිදුකර ඇති බවය. අධ්යාපන අමාත්යාශයේ අතිරේක ලේකම්වරයා සිදුකළ පැමිණිල්ලකට අනුව සිදුකළ විර්ශනයකට අනුව අදාළ සැකකරු අත්අඩංගුවට ගෙන තිබේ. සැකකරු 45 හැවිරිදි මහනුවර ධර්මාශෝක මාවත ප්රදේශයේ පදිංචිකරුවෙකි. සිදුකළ විමර්ශනවලදී ව්යාජ තොරතුරු ඇතුළත් කර ග්රාම සේවක සහතික නිකුත් කරමින් ඊට ආධාර අනුබල දුන් දෙයියන්දර ග්රාම නිලධාරිවරයාද පොලීසිය විසින් අත්අඩංගුවට ගෙන තිබේ.
රජයේ බදු ප්රතිපත්තියට එරෙහිව ඉදිරියේදී දැවැන්ත විරෝධතා පැවැත්වීමට පියවර ගන්නා බව රජයේ වෛද්ය නිලධාරීන්ගේ සංගමය පවසයි. එහි ලේකම් වෛද්ය හරිත අලුත්ගේ මහතා පැවසුවේ, සැප්තැම්බර් 14 වනදා ජාත්යන්තර මුල්ය අරමුදලේ නියෝජිතයින් පැමිණෙන විට විරෝධතා තීව්ර කරන බවය. “අපේ තියෙන වෘත්තීය සමිති ගණනාවක නායකත්ව මට්ටමේ ඉන්න සමාජිකයින් ගණනාවක් ජනාධිපති ලේකම් කාර්යාලයට ගිහින් සාකච්ඡාවකට අවස්ථාව ඉල්ලුවා නමුත් අපි තේරුම් ගන්න ඕනේ පණිවුඩය තමා තාමත් රජය විශ්වාස කරනවා නම් වෘත්තීකයින් විදියට මේ ඉවසීම වැරදි විදියට පාවිච්චි කරලා අපේ ප්රශ්නය විසඳන්නේ නැතුව කාපට් අස්සට දාලා මේ ප්රශ්නය වහලා දාන්න ඒකට මේ රටේ වෘත්තීයවේදීන් ඉඩදෙන්නේ නෑ. ඒ අපේ ඉවසීම වැරදි විදියට පාවිච්චි කරන්න පාලකයින් උත්සාහ කළොත්…
මහනුවර දෙවන කුඹුල් පෙරහර වීදි සංචාරය කරන අතරතුරදී ඇතුන් දෙදෙනකු කුලප්පුවීම නිසා පෙරහර නරඹමින් සිටි පිරිස හිස් ලූ ලූ අත දිවයාමෙන් එහි නොසන්සුන්කාරී තත්ත්වයක් ඇති විය. නුවර වැව රවුමේ පෙරහර නරඹමින් සිටි පිරිසක් එම අවස්ථාවේදී වැවට පැනීම නිසා පොලිස් ජීවිතාරක්ෂක කණ්ඩායම් සහ නාවික හමුදා නිලධාරීන් විසින් ඔවුහු බේරාගනු ලැබූහ. කලබලයට පත්වූ ඇතුන් දෙදෙනා දළදා වීදිය ඔස්සේ දිවගොස් එක් ඇතකු රැජින හෝටලයේ කොරිඩෝව මතට කඩාවැදී කලබල කිරීමත් සමග ඇත්ගෝව්වෝ පිරිසක් මහත් වෙසෙක් දරා එම ඇතා බැඳදැමීමට කටයුතු කළහ. කලබල වූ ඇතුන් දෙදෙනා ඉවත් කිරීමෙන් පසු පෙරහර අඛණ්ඩව වීදි සංචාරය කරවීමට සංවිධායක මණ්ඩලය කටයුතු කළේය. මෙහිදී කිසිවකුටත් තුවාල සිදුවී නොමැති බව ආරක්ෂක…
සිංගප්පූරුවේ දෙදින නිල සංචාරයක නිරත වූ ජනාධිපති රනිල් වික්රමසිංහ මහතා දිවයිනට පැමිණ තිබේ. ජනාධිපතිවරයා ඇතුළු දස දෙනෙකුගෙන් යුත් දුතපිරිස ඊයේ (22) රාත්රී සිය සංචාරය නිමා කරමින් කටුනායක ගුවන් තොටුපොළින් දිවයිනට පැමිණි ඇති බවට . සිංගප්පූරු ගුවන් සේවයට අයත් එස්.කිව්- 468 දරන ගුවන් යානයෙන් ජනාධිපතිවරයා ඇතුළු පිරිස දිවයිනට පැමිණ තිබුණි. සිංගප්පූරු සංචාරය අතුරතුරදී ජනාධිපති රනිල් වික්රමසිංහ මහතා සිංගප්පූරු ජනාධිපතිනිය, අග්රාමාත්යවරයා ඇතුළු රාජ්යතාන්ත්රිකයින් හමුවී ද්විපාර්ශවික සාකච්ඡා පැවැත් වූ බව ජනාධිපති මාධ්ය අංශය පැවසූවේය. එමෙන්ම පැරිස් සම්මුතියේ 6 වන වගන්තියට අනුව කාබන් හර කිරීම පිළිබඳ ශ්රී ලංකා රජය සහ සිංගප්පූරු රජය අතර සහයෝගීතාව සඳහා වූ අවබෝධතා ගිවිසුමකට ද ජනාධිපති රනිල් වික්රමසිංහ මහතා සහ…
කාන්තා මීටර 100 ඉසව්වේ ලෝක ශූරිය බවට පත්වීමට අමෙරිකාවේ ෂකාරී රිචඩ්සන් පසුගිය (21) සමත්වුණි. ඒ අනුව මේ වසරේ ලොව වේගවත්ම කාන්තාව බවට පත්වූයේ ඇයයි. හංගේරියාවේ පැවැත්වෙන ලෝක ශූරතා මලල ක්රීඩා උළලේ කාන්තා මීටර 100 ඉසව්වේ අවසන් මහා තරගය සඳහ ජැමෙයිකාවේ ෂෙලි ඈන් ෆ්රේසර් ප්රයිස්, ෂෙරීකා ජැක්සන්, බ්රිතාන්යයේ ඩීනා ඈෂර් ස්මිත් සහ අමෙරිකාවේ ෂකාරි රිචඩ්සන් ඇතුළු සුපිරි ක්රීඩිකාවන් 08 දෙනෙක් සුදුසුකම් ලබා සිටියාය. අතිශය තියුණු තරගයකින් පසු අමෙරිකාවේ ෂකාරී රිචඩ්සන් කාන්තා මීටර 100 ඉසව්වේ රන් පදක්කම හිමිකරගත්තේ නව තරගාවලි වාර්තාවක්ද පිහිටුවමිනි. ඇය එම ඉසව්ව නිම කිරීමට ගත කළ කාලය තත්පර 10යි දශම 6 යි 5කි. රිදී පදක්කම තත්පර 10යි දශම 7යි…