Author: LFN

බස්නාහිර, සබරගමුව සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇති විය හැකි බව කාලගුණවිද්‍යා දෙපාර්තමේන්තුව නිවේදනය කරයි. සබරගමුව පළාතේත් ගාල්ල, මාතර සහ කළුතර දිස්ත්‍රික්කවල ඇතැම් ස්ථානවලට මි.මි. 100ක පමණ තරමක තද වැසි ද ඇතිවිය හැක. වයඹ පළාතේ වැසි වාර කිහිපයක් ඇතිවේ. ඌව පළාතෙත් අම්පාර සහ මඩකළපුව දිස්ත්‍රික්කවලත් සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇති විය හැකිය. උතුරු සහ උතුරු-මැද පළාත්වලත් හම්බන්තොට, පුත්තලම සහ ත්‍රිකුණාමලය දිස්ත්‍රික්කවලත් විටින් විට හමන පැ.කි.මී. 40-45ක පමණ තද සුළං ඇති වේ. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින්…

ලොව ප්‍රකට බෞද්ධ හිමිනමක් වන අජාන් බ්‍රහ්මවංස හිමියන්ට කටුනායක ගුවන්තොටුපොළේදී මුහුණ දුන් සිදුවීම ගැන එම හිමිගෙන් සමාව ඉල්ලන බව වරාය නාවික හා ගුවන් සේවා අමාත්‍ය නිමල් සිරිපාල ද සිල්වා මහතා පාර්ලිමේන්තුවේදී කීය. ඉදිරියේදී එවැනි සිදුවීම් ඇති නොවීමට වගබලා ගන්නා බවද අමාත්‍යවරයා පාර්ලිමේන්තුවේදී ඒ සම්බන්ධයෙන් අද (06) විශේෂ ප්‍රකාශයක් කරමින් පැවසීය. අමාත්‍යවරයා පාර්ලිමේන්තුවේදී සිදුකළ ප්‍රකාශය ඉහළින් දැක්වෙයි.

රාජ්‍ය ඇමතිනී ඩයනා ගමගේ මහත්මියගේ පාර්ලිමේන්තු මන්ත්‍රී ධූරය බලරහිත කිරීමේ රිට් ආඥාවක් නිකුත් කරන ලෙස ඉල්ලා ගොනුකළ පෙත්සමේ තීන්දුව ප්‍රකාශ කිරීම ජූලි මස 25 වනදා දක්වා කල්තැබීමට අභියාචනාධිකරණය නියම කළේය. එම තීන්දුව අද (06) දින ප්‍රකාශයට පත්කිරීමට නියමිතව තිබුණි. එහෙත් අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ ඒ. මරික්කාර් යන මහත්වරුන්ගෙන් සමන්විත විනිසුරු මඩුල්ල විසින් නිවේදනය කළේ, අදාළ තීන්දුව ප්‍රකාශ කිරීම ජූලි මස 25 වනදා දක්වා කල්තබන බවය. සමාජ ක්‍රියාකාරිකයෙකු වන ඔෂල හේරත් මහතා විසින් එම පෙත්සම ඉදිරිපත් කර තිබුණි. රාජ්‍ය ඇමතිනී ඩයනා ගමගේ බ්‍රිතාන්‍ය පුරවැසිභාවය හිමි තැනැත්තියක් බැවින් ඇයට මෙරට පාර්ලිමේන්තුවේ අසුන් ගැනීමට සුදුසු කමක් නොමැති බවට තීන්දු කරන…

නිව් ඩයමන්ඩ් සහ එක්ස්ප්‍රස් පර්ල් නෞකා අනතුරු පිළිබඳව කරුණු සොයාබලා අවශ්‍ය නිර්දේශ ඉදිරිපත් කිරීම සඳහා පාර්ලිමේන්තු විශේෂ කාරක සභාවක් පත් කර තිබේ. අද (06) පාර්ලිමේන්තු කටයුතු අරඹමින් කථානායකවරයා විසින් සඳහන් කර සිටියේ, එම කාරක සභාවේ සභාපතීත්වයට වෛද්‍ය රමේෂ් පතිරණ මහතා නම් කර ඇති බවය. ඒ අනුව සෙසු සාමාජිකයින් පහතින් දැක්වේ. ආචාර්ය සුරේන් රාගවන් ඩයනා ගමගේ මහාචාර්ය ජී.එල් පීරිස් නීතිඥ රවුෆ් හකීම් විජිත හේරත් ආචාර්ය සරත් වීරසේකර නිරෝෂන් පෙරේරා අජිත් මාන්නප්පෙරුම නිමල් ලාන්සා තුෂාර ඉඳුනිල් වෛද්‍ය කාවින්ද හේෂාන් ජයවර්ධන අකිල එල්ලාවල නාලක බණ්ඩාර කෝට්ටේගොඩ නීතිඥ මධුර විතානගේ

නවීනත්වයට සරිලන ලෙස වැඩි දියුණුකළ හෙඩ්සෙට් එකක් නිපදවීමට ඇපල් සමාගම කටයුතු කර තිබේ. “Apple Vision Pro” ලෙස නම්කර ඇති එම උපාංගය ඇපල් සමාගම වසර 10කින් පමණ නිපදවූ පළමු ප්‍රධාන උපාංගය ලෙස සැලකෙයි. ඒ සම්බන්ධයෙන් අදහස් දැක්වූ ඇපල් සමාගමේ ප්‍රධාන විධායක ටීම් කුක් පැවසුවේ නව උපාංගය මගින් යතාර්ථ ලෝකය සහ අථත්ය (virtual) ලෝකය අතර හොඳින් මිශ්‍ර කෙරෙන බවය. පැය දෙකක් පමණ කාලයක් එහි බැටරිය ක්‍රියාත්මකව පවතින අතර එහි මිල ඩොලර් 3,499කි. ලබන වසර වනවිට එය අමෙරිකාවේ වෙළෙඳපොළට නිකුත් කිරීමට අදහස් කෙරේ.

බෞද්ධ ඉගැන්වීම් විනාශ කිරීමට නොහැකි තත්ත්වයක් තුළ බුදු දහම විනාශ කර මෙරට බෞද්ධ සංස්කෘතිය හා එහි පදනම විනාශ කිරීමට බලා සිටින බටහිර බලවේගවල මීළඟ සැලසුම බවට පත්ව ඇත්තේ බෞද්ධ අනුගාමිකයන් විනාශ කිරීමට බවත්, ඒ සඳහා ඔවුන් බෙදා වෙන්කිරීමේ න්‍යාය භාවිතයට ගන්නා බවට පෙන්වා දිය හැකිය. මෙම ව්‍යාපෘතිය ඉතා සූක්‍ෂම ලෙස සකස් කෙරෙන්නේ සංඝයා වහන්සේට බැන වැදීමට බෞද්ධයන් දිරිමත් කිරීමටත්, බෞද්ධයා පන්සල් යාමෙන්, දන් දීමෙන්, හාමුදුරුවරුන් ළඟට ගොස් උන්වහන්සේලාගේ නැණවත් උපදෙස් ලබා ගැනීම ප්‍රතික්ෂේප කිරීමටත්, ඔවුන්ගේ ගෘහ කටයුතුවලට බෞද්ධ සංඝයා ඇසුරු කිරීමට ඔවුන්ව අධෛර්යමත් කිරීමට කටයුතු කරමින් බවද, මෙම තත්වය මෙරට ජනතාව වටහාගත යුතුව ඇත. දැනට ඇති නවතම නැඹුරුව වන්නේ සමාජ…

රාජ්‍ය අමාත්‍ය ඩයනා ගමගේ මහත්මියගේ පාර්ලිමේන්තු ධුරය අභියෝගයට ලක්කරමින් අභියාචනාධිකරණය හමුවේ ගොනුකර තිබූ පෙත්සමට අදාළ තීන්දුව අද (06) ප්‍රකාශයට පත්කිරීමට නියමිතව තිබේ. අදාළ මන්ත්‍රීවරිය බ්‍රිතාන්‍යයේ පුරවැසියෙකු බවට පෙත්සම මඟින් කරුණු ඉදිරිපත් කර තිබුණි. එමඟින් දක්වා ඇත්තේ බ්‍රිතාන්‍ය පුරවැසිභාවය හිමි ඩයනා ගමගේ මන්ත්‍රීවරියට මෙරට ආණ්ඩුක්‍රම ව්‍යවස්ථාව අනුව පාර්ලිමේන්තු මන්ත්‍රීධුරයක් දැරීම සුදුසු නොවන බවය. එබැවින් ඇයගේ මන්ත්‍රී ධුරය බලරහිත කරන රීට් ආඥාවක් නිකුත් කරන ලෙස සමාජ ක්‍රියාකාරිකයෙකු වන ඖෂල හේරත් මහතා පෙත්සම ගොනුකර තිබුණි. ආගමන විගමන පාලකවරයා සහ නීතිපතිවරයා වගඋත්තරකරුවන් ලෙස නම්කර තිබූ පෙත්සම ද්විපුද්ගල විනිසුරු මඩුල්ලක් හමුවේ විභාගයට ගැණුනි. ඒ අනුව අද තීන්දුව ප්‍රකාශයට පත්කිරීමට නියමිතය.

අමෙරිකාවේ ආරක්ෂක ලේකම් ඉන්දියාවට පැමිණ ඇති බව විදෙස් මාධ්‍ය වාර්තා කරයි. ඒ නිල සංචාරයක් සඳහාය. අමෙරිකානු ආරක්ෂක ලේකම්වරයා ඊයේ ඉන්දියාවට පැමිණ ඇති අතර ඉන්දියාවේ ආරක්ෂක අමාත්‍යවරයාව ද එහිදී හමුවී තිබේ. ඉන්දියාවට පැමිණීමෙන් අනතුරුව ට්විටර් පණිවුඩයක් නිකුත් කරමින් අමෙරිකානු ආරක්ෂක ලේකම්වරයා පවසා ඇත්තේ දෙරටේ ප්‍රධාන ආරක්ෂක හවුල්කාරීත්වය ශක්තිමත් කිරීම පිළිබඳ සාකච්ඡා කිරීම සඳහා ඉන්දියාවට පැමිණි බවය. දෙරට එක්වී නිදහස් හා විවෘත ඉන්දු පැසිෆික් කලාපයක් සඳහා හවුල් දැක්මක් ඉදිරියට ගෙන යන බවද ඔහු පවසා තිබේ.

ඩොලරයට සාපේක්ෂව රුපියලේ අගය ඉහළයෑමට ප්‍රතිචාර දක්වමින් ඖෂධ මිල අඩුකරන බව සෞඛ්‍ය අමාත්‍ය කෙහෙලිය රඹුක්වැල්ල මහතා පවසයි. ඒ අනුව ඔහු පෙන්වා දෙන්නේ ජාතික ඖෂධ නියාමන අධිකාරියේ ලියාපදිංචි ඖෂධවල මිල ජුනි 15 වනදා සිට පහළ දැමීමට අවශ්‍ය පියවර ගන්නා බවය. එහිදී ඖෂධවල මිල 16%කින් අඩු කිරීමට නියමිතය.

නිධානයක් ගොඩගැනීමට දැරියක් බිලිදී ඇතැයි ඇතිවූ සැකයක් මත පුත්තලම මදුරංකුලිය ප්‍රදේශයේ ඊයේ (05) පස්වරුවේ උණුසුම් තත්ත්වයක් හටගෙන තිබුණි. එහිදී ප්‍රදේශවාසින් අදාළ ඉඩම පරීක්ෂාවට ලක්කර ඇති අතර එහිදී එම ඉඩමේ කපා තිබු වළක තිබී ගැහැණු දරුවෙකුගේ යැයි සිතිය හැකි ඇඳුම් කිහිපයක් ද හමුවී තිබේ. මෙට සිදුව ඇත්තේ පුත්තලම මදුරංකුලියේ ගින්නවත්ත ප්‍රදේශයේ පෞද්ගලික ඉඩමකය. පසුව අද පෙරවරුවේ මදුරංකුලිය පොලීසිය විසින් එම ස්ථානයේ සිටි පුද්ගලයෙකුව ද අත්අඩංගුවට ගෙන ඇත. ප්‍රදේශවාසින් චෝදනා කරන්නේ පසුගිය දිනවල මෙම ඉඩම අසල දකින්නට සිටි වැඩිහිටි කාන්තාවක් සහ කුඩා ගැහැණු දරුවෙකු මෙම සිදුවීමත් සමඟ අතුරුදහන් වී ඇති බවය. මේ අතර නිධන් කැණීම සිදුකළ බවට සැකකෙරෙන වළ තුළ පිරී තිබූ…