Author: LFN

මගී ප්‍රවාහන බස් රථ දෙකක් එකිනෙක ගැටී ඊයේ (05) පස්වරුවේ අනතුරක් සිදුවී තිබේ. අනතුරෙන් තුවාල ලැබූ මගීන් 10 දෙනෙකු පමණ රෝහල්ගත කළ බව අප වාර්තාකරු පැවසීය. වැලිගම අකුරැස්ස ප්‍රධාන මාර්ගයේ උඩුකාව හතරේ කණුව ප්‍රදේශයේ දී බස් රථ දෙක එකිනෙක ගැටී තිබේ. මෙලෙස අනතුරට ලක්වී තිබුණේ පෞද්ගලික බස් රථයක් සහ ලංගම බස් රථයකි. ලංගම බස් රථය කොළඹ සිට අකුරැස්ස දෙසටත්, පෞද්ගලික බස් රථය මාතර සිට වැලිපිටිය දෙසටත් ධාවනය වෙමින් තිබියදී මෙම අනතුර සිදුවී ඇති අතර අධික වේගය අනතුරට හේතුව බවට සැකකරයි.

බත්තරමුල්ල ප්‍රදේශයේ රක්ෂණ ආයතනයක අභිනව සභාපතිවරයා අද (05) උදෑසන වෙඩි ප්‍රහාරයකට ලක්වී තිබුණි. මීගොඩ ප්‍රදේශයේදී තුවක්කුකරුවෙක් ඔහුට වෙඩි තබා තිබුණේ ඔහු නව ධුරයේ වැඩ භාරගැනීම සඳහා යමින් සිටියදීය. වෙඩි ප්‍රහාරයට ලක්වූ සභාපතිවරයාගේ පවුලේ ඥාතීන් පවසන්නේ ආයතනයේ හිටපු ප්‍රධානියෙකු මෙම වෙඩිතැබීම පසුපස සිටින බවට සැකයක් ඇති බවය. අද උදෑසන 6.45ට පමණ මෙම වෙඩිතැබීම සිදුවී තිබුණේ මීගොඩ වල්පිට ගැමුණු මාවත ප්‍රදේශයේදීය. සිය නිවසේ සිට මෝටර් රථයෙන් එම පුද්ගලයා පිටව යන අවස්ථාවේදී ගැමුණු මාවත අසල රැඳී සිටි පුද්ගලයෙකු මෝටර් රථයට එක් වෙඩි ප්‍රහාරයක් එල්ල කර තිබුණි. පොලීසිය පැවසුවේ ඉන් නොනැවතුණු වෙඩික්කරු මෝටර් රථය ලුහුබඳිමින් තවත් වෙඩි ප්‍රහාර කිහිපයක් එල්ලකර ඇති බවය. ඒ අනුව…

අග්‍රාමාත්‍යවරයාගේ නිල සංචාරයක් හේතුවෙන් පූජ්‍ය අජාන් බ්‍රහ්ම හිමියන්ගේ විදෙස් ගමනට කටුනායක ගුවන්තොටුපොලේදී අවහිරතා සිදුවූ බවට පළවන වාර්තා ප්‍රතික්ෂේප කරන බව ගුවන්තොටුපොල හා ගුවන් සේවා සමාගම පවසයි. එහි සභාපති විශ්‍රාමික මේජර් ජනරාල් ජී.ඒ. චන්ද්‍රසිරි මහතා ඊයේ (05) මාධ්‍ය හමුවක් කැඳවමින් මේ බව සඳහන් කළේය. මෙරටට වැඩම කර සිටි ලෝක ප්‍රකට විචිත්‍ර ධර්ම දේශකයාණන් වහන්සේ නමක් වන බ්‍රිතාන්‍ය ජාතික අජාන් බ්‍රහ්ම හිමියන් මැයි 31 වනදා යළි මෙරටින් වැඩම කරන අවස්ථාවේ කටුනායක ගුවන් තොටුපොළේදී පැය කිහිපයක ප්‍රමාදයකට ලක්වී අපහසුතාවට පත්වූ බවට මාධ්‍ය වාර්තා පළ වුණි. ගුවන්තොටුපොල බලධාරීන් ඊයේ ප්‍රකාශ කළේ, අග්‍රාමාත්‍යවරයා සහ මෙරට නායක ස්වාමීන් වහන්සේ කිහිපනමක් ඇතුළු පිරිසක් විදෙස්ගතවීමට පැමිණි එම අවස්ථාවේ…

යාපනය වඩමරච්චි ප්‍රදේශයේදී ඇතිවූ ආරවුල සම්බන්ධයෙන් පාර්ලිමේන්තු මන්ත්‍රී ගජේන්ද්‍රකුමාර් පොන්නම්බලම් මහතාගේ පාර්ශ්වයෙන් ද වරදක් සිදුවී ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව මහතා පවසයි. ඔහු පවසන්නේ පොලිස් බුද්ධි නිලධාරීන් තමාට හැඳුනුම්පත නොපෙන්වූ බවට මන්ත්‍රිවරයා කරන චෝදනාව ද අසත්‍ය බවය. සමස්ත ලංකා දෙමළ කොංග්‍රසයේ පාර්ලිමේන්තු මන්ත්‍රී ගජේන්ද්‍රකුමාර් පොන්නම්බලම් මහතා පොලිස් නිලධාරීන් පිරිසක් සමග ඇතිකරගත් ආරවුල මේ වනවිට ආන්දෝලනයක් මතුකර තිබේ. මෙම ආරවුල ඇතිවන අවස්ථාවේ එම ස්ථානයේ සිටි කාන්තාවක් මරදන්කේනි පොලීසිය විසින් අත්අඩංගුවට ගැනුණු අතර කිලිනොච්චිය අධිකරණයට අද ඉදිරිපත් කිරීමෙන් පසු ඇයව ලබන 07 වනදා දක්වා රක්ෂිත බන්ධනාගාරගත කෙරුණි. ඒ පොලීසියේ රාජකාරියට බාධා කිරීමේ චෝදනා යටතේය. මේ අතර…

බස්නාහිර සහ සබරගමුව පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇතිවන බව කාලගුණවිද්‍යා දෙපාර්තමේන්තුව පවසයි. සබරගමුව පළාතේත් ගාල්ල, මාතර සහ කළුතර දිස්ත්‍රික්කවල ඇතැම් ස්ථානවලට මි.මී 75ට වැඩි තරමක තද වැසි ද ඇතිවිය හැකිය. වයඹ පළාතේ වැසි වාර කිහිපයක් ඇතිවේ. ඌව සහ මධ්‍යම පළාත්වලත් අම්පාර සහ මඩකලපුව දිස්ත්‍රික්කවලත් ස්ථාන ස්වල්පයක සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇතිවන බව දැනුම් දී තිබේ. උතුරු සහ උතුරු-මැද පළාත්වලත් හම්බන්තොට, පුත්තලම සහ ත්‍රිකුණාමලය දිස්ත්‍රික්කවලත් විටින් විට හමන පැ.කි.මී. 40-45ක පමණ තද සුළං ඇතිවිය හැකිය. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මගින්…

දීර්ඝ කාලයක් තිස්සේ යතුරුපැදියෙන් ගොස් හෙරොයින් ජාවාරම් කළ පුද්ගලයකු කුරුණෑගල යන්තම්පලාව ප්‍රදේශයේදී පොලිස් විශේෂ කාර්ය බළකාය විසින් අත්අඩංගුවට ගෙන තිබේ. එම බළකාය සඳහන් කළේ සැකකරු සතුව තිබී ජාවාරම් කිරීම සඳහා රැගෙන ආ හෙරොයින් ග්‍රෑම් 26කට ආසන්න ප්‍රමාණයක් සහ මත්ද්‍රව්‍ය ජාවාරමින් උපයාගන්නා ලද රුපියල් 50,000කට අධික මුදලක් සොයා ගත් බවය. එමෙන්ම ඉලෙක්ට්‍රොනික් තරාදියක්, වීසා කාඩ් 02ක්, සිමි පත් 05ක් හා ජංගම දුරකථන 02ක් ද සැකකරු සතුව තිබී සොයාගෙන ඇත. අත්අඩංගුවට ගෙන ඇත්තේ කුඩාගල්ගමුව ප්‍රදේශයේ පදිංචි 26 හැවිරිදි පුද්ගලයෙකු වන අතර වැඩිදුර විමර්ශන කටයුතු සඳහා සැකකරුව කුරුණෑගල පොලිස් ස්ථානය වෙත භාරදී තිබේ.

තල්දූව ප්‍රදේශයේදී පුද්ගලයෙකුට වෙඩිතබා පළායෑමේ සිද්ධියට අදාළ සැකකරුවන් දෙදෙනෙකු අත්අඩංගුවට ගෙන තිබේ. අවිස්සාවේල්ල පොලීසිය විසින් සැකකරුවන් අත්අඩංගුවට ගනු ලැබීය. එමෙන්ම සැකකරුවන් පැමිණි බව පැවසෙන යතුරුපැදිය, හිස් ආවරණ සහ කඩුවක්ද පොලිස් භාරයට ගෙන තිබේ. පසුගිය 26 වනදා සවස 6.30 ට පමණ අවිස්සාවේල්ල තල්දූව මංසන්ධියේදී මෙම වෙඩිතැබීම සිදුවී තිබුණි. අත්අඩංගුවට ගත් සැකකරුවන් දෙදෙනාගෙන් එක් අයෙකු අවිස්සාවේල්ල මහෙස්ත්‍රාත් අධිකරණයට අද (05) ඉදිරිපත් කිරීමට නියමිතය. දෙපිරිසක් අතර කලක පටන් පවතින ආරවුලක් මත මෙම වෙඩිතැබීම සිදුවන්නට ඇතැයි පොලීසිය සැකකරයි. වෙඩි වැදීමෙන් තුවාල ලබා ඇත්තේ තල්දූව ප්‍රදේශයේම පදිංචි 42 හැවිරිදි අවිවාහක පුද්ගලයෙකි.

තමන්වත් අඩංගුවට ගැනීම වැළැක්වීමේ නියෝගයක් නිකුත් කරන ලෙස ඉල්ලා දේවගැති ජෙරම් ප්‍රනාන්දු විසින් ඉදිරිපත් කළ පෙත්සම සලකා බැලීම ජූලි මස 28 වනදා දක්වා කල්තැබීමට ශ්‍රේෂ්ඨාධිකරණය නියම කළේය. එම පෙත්සමට මැදිහත් වී කරුණු දැක්වීමට පූජ්‍ය ඇල්ලේ ගුණවංශ හිමියන් ඇතුළු පිරිසක් ගොනුකළ ඉල්ලීම සඳහා ද අධිකරණය අවසර ලබා දුන්නේය.

ලොවම කම්පා කරවූ ඔඩිෂා දුම්රිය අනතුරට හේතුව මේ වනවිට විමර්ශකයින් විසින් අනාවරණය කරගෙන ඇති බව විදෙස් මාධ්‍ය වාර්තා කර තිබේ. ඉන්දීය දුම්රිය ඇමති අශ්වින් වෙයිශ්නව් මහතා උපුටා දක්වමින් අදාළ වාර්තා පෙන්වා දෙන්නේ දුම්රිය ආරක්ෂක කොමසාරිස්වරයා විසින් අනතුර සම්බන්ධයෙන් සිදුකළ පරීක්ෂණ වාර්තාව ලබා දී ඇති බවය. එසේම අදාළ අනතුර සම්බන්ධයෙන් වගකිවයුතු පාර්ශ්ව මේ වනවිට හඳුනාගෙන ඇති බවද ඉන්දීය දුම්රිය ඇමති අශ්වින් වෙයිශ්නව් මහතා විදෙස් මාධ්‍ය වෙත වැඩිදුරටත් ප්‍රකාශ කර තිබේ. එම වාර්තා වැඩිදුරටත් සඳහන් කර ඇත්තේ මෙම අවාසනාවන්ත දුම්රිය අනතුර සිදුවීමට “දුම්රිය ධාවනය සඳහා සංඥා නිකුත් කෙරෙන විද්‍යුත් අගුළු දැමීමේ පද්ධතියේ සිදුවූ දෝෂයක්” හේතුවී ඇති බවට හඳුනාගෙන ඇති බවය. පසුගිය සිකුරාදා…

ඇෆ්ගනිස්තානයට එරෙහි දෙවන එක්දින තරගය ලකුණු 132ක විශිෂ්ට ජයක් ලබාගැනීමට ශ්‍රී ලංකා කණ්ඩායම සමත්විය. එහිදී අගනා පන්දු යැවීමක නිරත වූ ශ්‍රී ලංකා කණ්ඩායම පන්දුවාර 42 යි එක් පන්දුවකදී ඇෆ්ගනිස්තාන කණ්ඩායමේ සියලු පිතිකරුවන් දවාගැනීමට සමත්විය. ඒ අනුව ඇෆ්ගනිස්තාන සියලු ක්‍රීඩකයින් දැවී රැස්කළේ ලකුණු 191ක් පමණි. අගනා පන්දු යැවීමක නිරත වූ වනිඳු හසරංග සහ ධනංජය ද සිල්වා කඩුලු 3 බැගින් දවාගැනීමට සමත්විය. දුෂ්මන්ත චමීර පන්දුවාර 7ක් යොමුකර ලකුණු 18ක් පමණක් ලබාදෙමින් කඩුලු 2ක් දවාගැනීමට සමත්විය. මහීෂ් තීක්ෂණ සහ නායක දසුන් ශානක එක් කඩුල්ල බැගින් දවාගත්තේය. තරගයේ ප්‍රථමයෙන් පන්දුවට පහරදුන් ශ්‍රී ලංකා කණ්ඩායම කඩුලු 6ක් දැවී ලකුණු 323ක් රැස්කරගැනීමට සමත්විය.