Author: LFN

මෙරට ලොකු ලූනු වගාව සම්බන්ධයෙන් වහාම වාර්තාවක් ලබා දෙන ලෙස කෘෂිකර්ම අමාත්‍ය මහින්ද අමරවීර මහතා කෘෂිකර්ම දෙපාර්තමේන්තුවට උපදෙස් ලබා දී තිබේ. සාර්ථකව සිදුකෙරුණු ලොකු ලූනු වගාව දැනට වසර හත අටක සිට අසාර්ථක වී ඇති අතර, මේ වනවිට ගොවීන් ලොකු ලූනු වගාව අතහැර දමන තත්ත්වයට පත්ව ඇති බවට වාර්තා වන බව අමාත්‍යවරයා පෙන්වා දෙයි. ඒ අනුව මේ පිළිබඳ සොයා බැලීම සඳහා ලොකු ලූනු වගාව සම්බන්ධයෙන් තමන්ට වහාම වාර්තාවක් ලබා දෙන ලෙස අමාත්‍යවරයා කෘෂිකර්ම දෙපාර්තමේන්තුවට උපදෙස් ලබා දී ඇත. ශ්‍රී ලංකාවේ වාර්ෂික ලොකු ලූනු අවශ්‍යතාව මෙට්‍රික් ටොන් ලක්ෂ තුනක් වන අතර, මෙම වසර තුළ ජාතික නිෂ්පාදනය මෙට්‍රික් ටොන් 4716ක් වීම හේතුවෙන් ගතවූ…

අධිකරණ නිලධාරීන් විසින් ඉදිරිපත් කරනු ලබන වැටුප් රහිත විදේශ නිවාඩු ඉල්ලීම් සලකා නොබැලීමට අධිකරණ සේවා කොමිෂන් සභාව තීරණය කර තිබේ. අධිකරණ සේවයේ දැනට පවතින පුරප්පාඩු සහ සේවා අවශ්‍යතා හේතුවෙන් එම තීරණය ගෙන ඇති බව වාර්තා වෙයි. විදේශ රැකියාවල නිරත වීම සඳහා රාජ්‍ය නිලධාරීන්ට වැටුප් රහිත වසර 05ක නිවාඩුවක් ලබාදීමට රජය විශේෂ චක්‍රලේඛයක් නිකුත් කරනු ලැබීය. කෙසේවෙතත් අදාළ චක්‍රලේඛයට අනුව මේ වසරේ දෙසැම්බර් 31 වනදා දක්වා වැටුප් රහිත විදේශ නිවාඩු ඉල්ලීම් සිදුකරන අධිකරණ නිලධාරීන්ගේ ඉල්ලුම්පත් සලකා බැලිය නොහැකි බව අධිකරණ සේවා කොමිෂන් සභාව තීරණය කර ඇත. ඒ, පිළිබඳ අධිකරණ සේවා කොමිෂන් සභාව විසින් චක්‍රලේඛයක් මඟින් සියලුම විනිසුරුවරුන්ට සහ මහෙස්ත්‍රාත්වරුන්ට දැනුම් දී…

තියුණු ආයුධයකින් පහර දීමෙන් පුද්ගලයකු මියගොස් ඇති බව පොලීසිය වාර්තා කරයි. ණය මුදලක් ලබාගැනීමට පැමිණි පුද්ගලයන් දෙදෙනෙකුට මෙසේ තියුණු ආයුධයකින් පහර දී ඇති අතර, ඔවුන් හෝමාගම රෝහලට ඇතුළත් ක‍රන අතරවාරයේ එක් පුද්ගලයකු මියගොස් තිබේ. මහරගම, නාවින්න ප්‍රදේශයේ දී ඊයේ (19) උදෑසන කාලයේ දී පහරදීම සිදුකර ඇති බව පොලීසිය පවසයි. මියගොස් ඇත්තේ, 58 වැවිරිදි තලගල, කිරිවන්තුඩුව ප්‍රදේශයේ පදිංචිකරුවකු වන අතර, මරණකරු විසින් නාවින්න ප්‍රදේශයේ පදිංචි පුද්ගලයකුට ණය මුදලක් ලබා දී තිබුණු බව සඳහන්ය. මරණකරු, එම ණය මුදල ලබාගැනීම සඳහා තවත් පුද්ගලයකු සමඟ ත්‍රිරෝද රථයකින් ණය හිමියාගේ නිවසට ගොස් ඇත. දෙදෙනා පැමිණ ණය හිමියාගේ නිවසේ වසා තිබූ ගේට්ටුවට ගසමින් එය විවෘත කිරීමට…

තායිවානය වටා මුහුදු කලාපය මෙන්ම ගුවන් කලාපය තුළ චීනය හමුදා අභ්‍යාසයක් ආරම්භ කර තිබේ. ඒ, එවැන්නක් සිදුකරන බවට චීනය විසින් මීට පෙර අවවාදාත්මක ස්වරූපයකින් තායිවානය වෙත දන්වා තිබූ පසුබිමකය. තායිවාන උප ජනාධිපතිවරයාගේ නිව්යෝර්ක් සංචාරයට ප්‍රතිචාර දක්වමින් චීනය මෙම හමුදා අභ්‍යාසය ආරම්භ කර ඇති බව විදෙස් මාධ්‍ය වාර්තා කරයි.

කුරුණෑගල ඇතුගල කන්ද නැරඹීමට ගිය යුවළක් දැල්වූ ගිනිකූරකින් ඇතුගල රක්ෂිතයේ අක්කර තුනක පමණ ප්‍රදේශයක් ගිනිගෙන විනාශ වී තිබේ. පොලිස් අත්අඩංගුවට පත්වූ පෙම්වතුන් දෙදෙනා එළඹෙන 21ක් වනදා දක්වා රක්ෂිත බන්ධනාගාරගත කිරීමට කුරුණෑගල මහෙස්ත්‍රාත් අධිකරණය ඊයේ (19) නියම කළේය. මෙම යුවළ ඊයේ උදෑසන කුරුණෑගල පොලිස් වසමේ ඇතුගල කඳු මුදුනේ පිහිටි බුදුපිළිමය නැරඹීමට පැමිණ තිබුණි. පොලිසිය පැවසුවේ, දෙදෙනාගේ පළමු හමුව වූ ඊයේ තරුණයාගේ සාක්කුවෙන් ගිනිපෙට්ටියක් හමුවීමත් සමග තරුණිය ඒ පිළිබඳ ප්‍රශ්න කර ඇති බවය. පසුව තරුණිය ගිනිපෙට්ටියේ තිබූ ගිනිකූරු දෙක දල්වා රක්ෂිතයට විසිකිරීම හේතුවෙන් එහි ගින්නක් හටගෙන තිබුණි. මෙය දුටු ප්‍රදේශවාසීන් ඒ පිළිබඳ පොලීසියට දන්වා ඇති අතර කුරුණෑගල නගරසභා සේවකයින්ගේ සහායෙන් ගින්න මැඩපවත්වනු…

වැඩ තහනමට ලක්වී සිටින කොළඹ අධිකරණ වෛද්‍ය නිලධාරී රුහුල් හක් මහතා අනිවාර්ය නිවාඩු යැවීමට සෞඛ්‍ය අමාත්‍යාංශය තීරණය කර තිබේ. පසුගිය 17 වනදා සිට ක්‍රියාත්මක වන පරිදි ඔහු අනිවාර්ය නිවාඩු යැවීමට පියවර ගෙන ඇත්තේ රාජ්‍ය සේවා කොමිසමේ නිර්දේශ මතය. වෛද්‍ය රුහුල් හක් විසින් ප්‍රකට ව්‍යාපාරික දිනේෂ් ශාෆ්ටර් මහතාගේ සහ රිජ්වේ ආර්යා ළමා රෝහලේ වකුගඩු සැත්කමකින් පසු මිය ගිය දරුවාගේ පශ්චාත් මරණ පරීක්ෂණ සිදුකර තිබුණි. ඔහු එම පරීක්ෂණ සිදුකර තිබුණේ වැඩ තහනමට ලක්කර සිටි පසුබිමකය.

LPL තරගාවලියේ අවසන් මහා තරගය සඳහා සුදුසුකම් ලබාගැනීමට ‘බී ලව් කැන්ඩි’ කණ්ඩායම සමත් විය. ඒ ඊයේ (19) පැවැති ‘බී ලව් කැන්ඩි’ කණ්ඩායම සහ ‘ගෝල් ටයිටන්ස්’ කණ්ඩායම අතර තරගයෙන් ‘ගෝල් ටයිටන්ස්’ කණ්ඩායම ලකුණු 34 කින් පරාජයට පත්කරමිනි. තරගයේ කාසියේ වාසිය දිනා ප්‍රථමයෙන් පන්දුවට පහරදුන් ‘බී ලව් කැන්ඩි’ කණ්ඩායම නියමිත පන්දුවාර 20 අවසානයේ කඩුලු 7ක් දැවී ලකුණු 157ක් රැස්කරගැනීමට සමත්විය. එහිදී විශිෂ්ට පිතිහරඹයක නියැලුණු නායක වනිඳු හසරංග පන්දු 30කදී හයේ පහර 4ක් සහ හතරේ පහර 3ක් සමඟ ලකුණු 48ක් රැස්කළේය. දිනේෂ් චන්දිමාල් හයේ පහරක් සහ හතරේ පහර 3ක් සමංග ලකුණු 38ක් රැස්කරගත්තේය. ගෝල් ටයිටන්ස් කණ්ඩායම වෙනුවෙන් ළහිරු කුමාර සහ සොනාල් දිනූෂ කඩුලු…

දිවයිනේ බොහෝ ප්‍රදේශවල ප්‍රධාන වශයෙන් වැසි රහිත කාලගුණ තත්ත්වයක් පවතිනු ඇති බව කාලගුණවිද්‍යා දෙපාර්තමේන්තුව නිවේදනය කරයි. එම දෙපාර්තමේන්තුව පවසා සිටියේ, බස්නාහිර සහ සබරගමුව පළාත්වලත් ගාල්ල සහ මාතර දිස්ත්‍රික්කවලත් ඇතිවිය හැකි වැසි ස්වල්පයක් ඇතිවිය හැකි බවය. මේ අතර, මධ්‍යම කඳුකරයේ බටහිර බෑවුම් ප්‍රදේශවලත්, උතුරු, උතුරු-මැද සහ වයඹ පළාත්වලත් ත්‍රිකුණාමලය, හම්බන්තොට සහ මොණරාගල දිස්ත්‍රික්වලත් විටින් විට හමන පැයට කිලෝමීටර් 40-45ක පමණ තරමක තද සුළං ඇතිවිය හැකි බව කාලගුණවිද්‍යා දෙපාර්තමේන්තුව වැඩිදුරටත් සඳහන් කරයි.

දෙහිවල, ඕබර්න් ප්‍රදේශයේ දී ඊයේ (19) රාත්‍රියේ වෙඩි තැබීමක් සිදු ව තිබේ. යතුරුපැදියකින් පැමිණි නාඳුනන පුද්ගලයන් දෙදෙනෙකු විසින් මෙම වෙඩි තැබීම සිදුකර ඇති අතර, ඉන් 30 හැවිරිදි පුද්ගලයකු තුවාල ලබා ඇති බව පොලීසිය වාර්තා කරයි.

කුමන ආණ්ඩුවක් ශ්‍රී ලංකාවේ පත්වුවද චීනය සහ ශ්‍රී ලංකාව අතර ඇති විශ්වාසනීය මිත්‍රත්වය තහවුරු කිරීමට කටයුතු කළයුතු බව අග්‍රාමාත්‍ය දිනේෂ් ගුණවර්ධන මහතා පවසයි. චීන සංචාරය අතරතුර සම්මුඛ සාකච්ඡාවකට එක්වෙමින් අග්‍රාමාත්‍යවරයා වැඩිදුරටත් සඳහන් කරන්නේ චීන ජනාධිපති ෂී ජින් පින් මහතා ගෝලීය ආර්ථීක, දේශපාලන හා ආරක්ෂක අර්බුදයන් හමුවේ දැවැන්ත නායකත්වයක් ලබාදී ඇති බවය. චීනයේ සංචාරයක නිරත අග්‍රමාත්‍ය දිනේෂ් ගුණවර්ධන මහතා චීන මාධ්‍ය සමුහයේ සිංහල අංශය සමග විශේෂ සම්මුඛ සාකච්ඡාවකට (18) එක්වී තිබුණි.