Author: LFN

කොළඹ රිජ්වේ ආර්යා ළමා රෝහලේ ප්‍රතිකාර ලබමින් සිටි බිළිඳෙකු ඖෂධයක් ලබාදීමෙන් අනතුරුව අසාධ්‍ය තත්ත්වයට පත්ව මියගිය බවට අවිස්සාවේල්ල ප්‍රදේශයේ මව්පිය යුවළක් චෝදනා කරයි. අවිස්සාවේල්ල, ඇපලපිටියේ පදිංචිව සිටි අට මස් වියැති ටෙෂාන් විදුනෙත් රෝගී තත්ත්වයක් හේතුවෙන් අවිස්සාවේල්ල දිස්ත්‍රික් මහ රෝහලට අගෝස්තු 04 වැනිදා ඇතුළත් කර තිබුණි. වැඩිදුර ප්‍රතිකාර සඳහා ටෙෂාන් අගෝස්තු 05 වැනිදා මාරුකර ඒවා තිබුණේ කොළඹ රිජ්වේ ආර්යා ළමා රෝහලටය. බිළිඳාගේ රෝගය නිශ්චිතව තහවුරු කර නොගෙන වෛද්‍යවරු අනුමානකළ කරුණු මත එහිදී ප්‍රතිකාර ලබාදුන් බවට මව්පියන් චෝදනා කරයි. ඒ අතරතුර ලබාදුන් නික්ෂේපණ ඖෂධයක් නිසා පුංචි ටෙෂාන් අසාධ්‍ය තත්ත්වයට පත්වූ බව මව්පියන් පවසයි. අසාධ්‍යව ප්‍රතිකාර ලබමින් සිටි බිළිඳු ටෙෂාන් පසුගිය 19 වැනිදා…

ඉංගිරියේ පෞද්ගලික ඔසුසැලකින් වැරදීමකින් නිකුත්කළ ඖෂධයක් භාවිතයෙන් පසු රෝගීව මියගිය බවට පැවසුණු කාන්තාවගේ දේහය පිළිබඳ පශ්චාත් මරණ පරීක්ෂණය ඊයේ (21) පැවැත්වුණි. ඔසුසැලින් ලබාදුන් ඖෂධය භාවිතයෙන් පසු ඇතිවූ සංකූලතා මරණයට බලපෑ හේතු අතර වන බව ඇයගේ මරණ පරීක්ෂණ චාර්තාවේ සඳහන්ව තිබුණි.

රත්මලාන දුම්රිය ස්ථානය ආසන්නයේ සිදුකළ වෙඩිතැබීමකින් පුද්ගලයෙකු ජීවිතක්ෂයට පත්ව තිබේ. පොලීසිය පවසන්නේ යතුරුපැදියකින් පැමිණි දෙදෙනෙකු විසින් මෙම වෙඩිතැබීම සිදුකර පළාගොස් ඇති බවය. වෙඩිතැබීමෙන් මියගොස් ඇත්තේ 40 හැවිරිදි වියේ පසුවූ පුද්ගලයෙකි. ඔහු රත්මලාන අරලිය නිවාස හි පදිංචිකරුවෙකු බවට අනාවරණය වී තිබේ. මියගොස් ඇති පුද්ගලයා වෙඩිතැබීම සිදුවූ ස්ථානයේ පිහිටි කුකුළු මස් අලෙවිසැලේ සේවයේ නිරතව සිටියදී මෙලෙස වෙඩිප්‍රහාරයට ලක්ව ඇත. මෘත දේහය කළුබෝවිල රෝහලේ තැන්පත් කර ඇත.

කලා අංශයෙන් උපාධි ලබාගන්නා පිරිසෙන් සියයට 70කට මෙරට තුළ රැකියා නොමැති බවත්, සමස්ත විශ්වවිද්‍යාල පද්ධතියම විවේචනයට භාජනයවීමට එකම හේතුව එය බවත්, විශ්වවිද්‍යාල ප්‍රතිපාදන කොමිෂන් සභාවේ සභාපති සම්පත් අමරතුංග මහතා පවසයි. ආර්ථික අර්බුදයේ බලපෑම සමනය කිරීම පිළිබඳ යෝජනා පිළියෙල කරන ආංශික අධීක්ෂණ කාරක සභාවේදී ඔහු ඒ බව සඳහන් කළේය වැඩිදුරටත් අදහස් දක්වමින් විශ්වවිද්‍යාල ප්‍රතිපාදන කොමිෂන් සභාවේ සභාපතිවරයා පවසා සිටියේ, රාජ්‍ය විශ්වවිද්‍යාලවලින් උපාධිය ලබාගෙන විදෙස්ගත වන පුද්ගලයින්ගෙන් උපාධිය සඳහා රජය වැය කළ මුදල කොටස් වශයෙන් හෝ යළි අය කරගැනීමේ වැඩපිළිවෙළක් සකස් කළ යුතු බවය.

බස්නාහිර සහ සබරගමුව පළාත්වලත් ගාල්ල සහ මාතර දිස්ත්‍රික්කවලත් අද (22) දිනයේ වැසි වාර කිහිපයක් ඇති විය හැකි බව කාලගුණවිද්‍යා දෙපාර්තමේන්තුව පවසයි. එම දෙපාර්තමේන්තුව සඳහන් කරන්නේ, මධ්‍යම, ඌව සහ නැගෙනහිර පළාත්වලත් මුලතිවු දිස්ත්‍රික්කයේත් ස්ථාන ස්වල්පයක සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇති විය හැකි බවය. දිවයිනේ සෙසු ප්‍රදේශවල ප්‍රධාන වශයෙන් වැසි රහිත කාලගුණ තත්ත්වයක් පවතී. උතුරු-මැද සහ වයඹ පළාත්වලත් හම්බන්තොට දිස්ත්‍රික්කයේත් විටින් විට හමන පැ.කි.මී. 40-45ක පමණ තරමක තද සුළං ඇතිවිය හැකි බව කාලගුණවිද්‍යා දෙපාර්තමේන්තුව විසින් වැඩිදුරටත් පැවසීය.

අනුරාධපුරයේදී සිදුවූ රිය අනතුරකින් මවක් සහ දියණියක් අවාසනාවන්ත ලෙස ජීවිතක්ෂයට පත්ව තිබේ. මෙලෙස ජීවිතක්ෂයට පත්ව ඇත්තේ රාජාංගනය ප්‍රදේශය විද්‍යාලයක ගුරුවරියක් වන 36 හැවිරිදි වියේ පසුවූ කාන්තාවක් සහ වයස අවුරුදු 8ක දියණියයි. ඔවුන් රාජාංගනය, දාහතර කොලනිය ප්‍රදේශයේ පදිංචිව සිට තිබේ. ස්කූටි වර්ගයේ යතුරුපැදිය බස් රථයකට ඉස්සර කිරීමට උත්සාහ කිරීමේදී පසුපසින් පැමිණි ටිපර් රථයක් එම යතුරුපැදියේ ගැටීමෙන් මෙම අනතුර සිදුව ඇති බව පොලීසිය පවසයි. එම ස්ථානයේ සිටි පිරිස් අනතුරට පත් ස්කූටි යතුරුපැදියේ ගමන්කරමින් සිටි මව සහ දියණිය කඩිනමින් රෝහල්ගතකිරීමට පියවර ගෙන තිබුණ ද ඒ වනවිටත් ඔවුන් ජීවිතක්ෂයට පත්ව සිට ඇත. අනතුර සම්බන්ධයෙන් ටිපර් රථයේ රියදුරු පොලීසිය විසින් අත්අඩංගුවට ගෙන ඇති අතර ටිපර්…

මෙරට මත්ද්‍රව්‍ය උවදුර පාලනය කිරීම සඳහා ගෙන ඇති ක්‍රියාමාර්ග පිළිබඳව, ඒ සම්බන්ධයෙන් පත්කළ පාර්ලිමේන්තු විශේෂ කාරක සභාවේ දී අවධානය යොමුව තිබේ. එහි සභාපති අමාත්‍ය ටිරාන් අලස් මහතාගේ ප්‍රධානත්වයෙන් කාරක සභාව පසුගිය දා රැස්වු බව පාර්ලිමේන්තුවේ සන්නිවේදන දෙපාර්තමේන්තුව සඳහන් කළේය. එහි දී මත්ද්‍රව්‍ය උවදුර පාලනය කිරීම සම්බන්ධයෙන් පොලීසිය, අන්තරායකර ඖෂධ පාලක ජාතික මණ්ඩලය සහ මධ්‍යසාර පිළිබඳ ජාතික අධිකාරිය ගෙන ඇති ක්‍රියාමාර්ග පිළිබඳව සාකච්ඡා කර තිබේ. මත්ද්‍රව්‍ය උවදුර පාලනය කිරීම සඳහා ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාගේ ප්‍රධානත්වයෙන් විශේෂ කමිටුවක් පත් කර ඇති බව ටිරාන් අලස් මහතා සඳහන් කළේය. කාරක සභාවේ දී පාර්ලිමේන්තු මන්ත්‍රීවරුන් සහ අදාළ ආයතන නියෝජනය කරමින් පැමිණි නිලධාරීන් ඉදිරිපත්…

ඉතිහාසයේ පෙර නොවූ විරූ අර්බුදයකට ගිය අපි ඒ වළට වැටුණු හේතු සොයමින් සිටිමු. තවමත් වළෙන් ගොඩට පැමිණ නැතිව ලිස්ස ලිස්සා ගැට්ටේ එල්ලී අප මේ අර්බුදවලට ඇද දැමුවේ කවුදැයි සොයන්නට ගන්නේ පුදුම වෙහෙසකි. මේසා අර්බුදයක් මත මේ වන විට රටේ ජෛව නාලිය වන තරුණ පරපුර ශ්‍රී ලංකාව ජීවත්ව සිටීමට නුසුදුසු රටක් ලෙස නිගමනයකට පැමිණ ඇත. මේ නිසා ඔවුන් දැන් බලන්නේ නිසි කලවයස ආ විට මොන ක්‍රමයකින් හෝ රටින් පිටවීමය. ඔවුන්ට සිය රටේ සංස්කෘතිය විසින් උරුම කර දුන් සමාජ හර පද්ධතීන් තබා මවුපියන් ගැනවත් හිතන්නට අවකාශයක් නැත. වර්තමානයේ වැඩිහිටි භූමිකාව නිරූපණය කරන බොහෝ දෙනකුගේ එකම අරමුණ වී ඇත්තේ තමන්ගේ තියෙන සේසත විකුණා…

කුරුණෑගල දිස්ත්‍රික්කය කේන්ද්‍ර කරගනිමින් පැවැත්වීමට නියමිතව තිබු ශ්‍රී ලංකා නිදහස් පක්ෂයේ 72 වන සංවත්සරය කොළඹ දී පැවැත්වීමට තීරණය කර තිබේ. ඒ අනුව ශ්‍රී ලංකා ජයවර්ධනපුර කොට්ටේ ප්‍රදේශයේ පිහිටි ප්‍රධාන පෙළේ හෝටලයක එම සමුළුව පැවැත්වීමට නියමිත බව දේශපාලන ආරංචි මාර්ග සඳහන් කළේය. ශ්‍රී ලංකා නිදහස් පක්ෂ මහලේකම් පාර්ලිමේන්තු මන්ත්‍රී දයාසිරි ජයසේකර මහතාගේ මුලිකත්වයෙන් කුරුණෑගල හෙට්ටිපොළ ප්‍රදේශයේ දී නිදහස් පක්ෂ සංවත්සරය පැවැත්වීමට කටයුතු සුදානම් කර තිබුණි. කෙසේවෙතත් මේ වන විට සංවත්සරය කොළඹ දී පැවැත්වීමට තීරණය වී ඇති අතර ශ්‍රී ලංකා නිදහස් පක්ෂය නියෝජනය කරමින් ආණ්ඩුවේ අමාත්‍ය ධුර ලබාගෙන සිටින නිමල් සිරිපාල ද සිල්වා, මහින්ද අමරවීර වැනි අමාත්‍යවරුන් ඊට පුර්ණ සහයෝගය ලබාදී ඇති…

මහනුවර ඓතිහාසික ශ්‍රී දළදා මාළිඟයේ ඇසළ පෙරහැර මංගල්‍යයේ පළමු කුඹල් පෙරහර අද (21) ආරම්භ වේ. කුඹල් පෙරහර ලබන 25 වනදා දක්වා විථි සංචාරය කිරීමට නියමිතය. අනතුරුව පළමු රන්දෝලි පෙරහැර ලබන 26 වනදා ආරම්භ කිරීමට සැළසුම් කර ඇති අතර එය 30 වනදා දක්වා විථි සංචාරය කෙරෙනු ඇති. අගෝස්තු මස 31 වනදා මහවැලි ගගේ ගැටඹේ තොටුපොළේ පැවැත්වෙන දියකැපීමේ මංගල්‍යයෙන් පසු පෙරහර අවසන් වේ. පසුව ජනාධිපතිවරයා වෙත පෙරහැර සාර්ථකව නිමාවට පත්වූ බවට දියවඩන නිලමේවරයා සංදේශයක් මඟින් දැනුම්දෙනු ඇත.