Author: LFN

ඉරානය සමඟ පවතින යුදමය වාතාවරණය සම්බන්ධයෙන් තම ඉවසීම ඉක්මවා යමින් පවතින බව අමෙරිකානු ජනාධිපති ඩොනල්ඩ් ට්‍රම්ප් ප්‍රකාශ කර තිබේ. චීන ජනාධිපති ෂී ජින්පින් සමඟ පැවැත්වූ දෙදින නිල සංචාරය නිමා කරමින් බීජිං නුවරින් නික්ම යාමට පෙර මාධ්‍ය වෙත අදහස් දක්වමින් අමෙරිකානු ජනාධිපතිවරයා මේ බව කියා සිටියේය. පවතින අර්බුදකාරී තත්ත්වය සමනය කර ගැනීම සඳහා ඉරානය වහාම එකඟතාවකට පැමිණිය යුතු බව අමෙරිකානු ජනාධිපති ඩොනල්ඩ් ට්‍රම්ප් පවසා ඇත. දෙරටේ නායකයන් අතර පැවැති සාකච්ඡාවලදී මැදපෙරදිග ආරක්ෂාව සහ බලශක්ති සැපයුමට එල්ල වී ඇති බාධා පිළිබඳව දීර්ඝ වශයෙන් අවධානය යොමු වී ඇත. විශේෂයෙන්ම හෝමුස් සමුද්‍ර සන්ධිය විවෘතව තැබීම සහ කලාපීය ස්ථාවරත්වය සම්බන්ධයෙන් චීනයේ සහයෝගය අපේක්ෂා කරන බවද…

ඩිජිටල් ආර්ථිකයේ සුවිශේෂී සන්ධිස්ථානයක් සනිටුහන් කරමින් ශ්‍රී ලංකාවට PayPal මගින් සපයන සේවා පහසුකම පුළුල් කිරීම නිල වශයෙන් ප්‍රකාශයට පත් කිරීම අග්‍රාමාත්‍ය ආචාර්ය හරිනි අමරසූරියගේ ප්‍රධානත්වයෙන් අද (16) පෙරවරුවේ කොළඹ ගෝල්ෆේස් හෝටලයේදී සිදු කෙරිණි. මෙතෙක් කාලයක් ශ්‍රී ලාංකික PayPal ගිණුම් “මුදල් යැවීමට පමණක්” (Send Only) සීමා වී තිබූ අතර, එමඟින් පරිශීලකයින්ට විදේශයන්ට ගෙවීම් කිරීමට හැකි වුවද ජාත්‍යන්තර සේවාදායකයින්ගෙන් මුදල් මෙරටට ලබා ගැනීමට නොහැකි විය. මෙම සීමාව ශ්‍රී ලාංකික නිදහස් වෘත්තිකයන්ට සහ ව්‍යාපාරවලට විශාල බාධාවක්ව පැවතුණි. මෙම සේවාව පුළුල් කිරීමත් සමඟ අන්තර්ජාලය ඔස්සේ සේවා සපයන සුළු සහ මධ්‍ය පරිමාණ ව්‍යාපාරිකයින්ට තම ඉපයීම් සෘජුවම මෙරට බැංකු ගිණුම් වෙත ලබා ගැනීමට හැකි වන අතර,…

තායිලන්තයේ සිට මෙරටට මත්ද්‍රව්‍ය රැගෙන ඒමේ සිද්ධියක් සම්බන්ධයෙන් රක්ෂිත බන්ධනාගාරගතව සිටින චීවරධාරීන් 23දෙනාට උපැවිදිවන ත්‍රෛයිනිකායික ලේඛකාධිකාරී හිමිවරු විසින් එම චීවරධාරීන්ගෙන් ඉල්ලීමක් කර තිබේ. වෙල්ලස්ස, බින්තැන්න, නැගෙනහිර තෙපලාතේ ප්‍රධාන සංඝනායක පදවියෙන් පිදුම් ලැබූ සංඝකීර්ති ශ්‍රී සරණංකර දේවරක්ඛිත පූජ්‍ය මහඔය ජිනරතන ස්වාමීන් වහන්සේ පිළිගැනීම සඳහා ඊයේ (15) පැවති පිංකමට වැඩමකළ අස්ගිරි පාර්ශ්වයේ ලේඛකාධිකාරී, ආචාර්ය පූජ්‍ය මැදගම ධම්මානන්ද හිමියෝ මේ බව පැවසූහ. එහිදී වැඩිදුරටත් අදහස් දක්වමින් උන් වහන්සේ පවසා සිටියේ, එම චීවරධාරීන්ට කැමැත්තෙන් සිවුරු අත්හරින ලෙස යෝජනා කළ බවත්, නිර්දෝෂී වුණොත් යළි පැවිදි කිරීමට අවසර ලබාදෙන බවත් පැවසූ බවය. ඒ සම්බන්ධයෙන් වැඩිදුරටත් කරුණු දැක්වූ ආචාර්ය පූජ්‍ය මැදගම ධම්මානන්ද හිමි, “අපේ සංඝ සමාජය හැටියට අපිට…

මුදල් ඔට්ටුවට කැට ගැසීමේ නිරත වූ කාන්තාවන් ඇතුලත් සූදුපොලක් පාදුක්ක පොලිසිය වටලා තිබෙනවා. එම වැටලීමෙන් කාන්තාවන් 08 දෙනෙක් සහ පිරිමින් 07 දෙනෙක් අත්අඩංගුවට ගෙන ඇති බවයි පොලිසිය සඳහන් කරන්නේ. කලක සිට මෙම සූදුපොල පාදුක්ක උඩුමුල්ල ප්‍රදේශයේ ලදු කැලෑවක තිබී ඇති බව සඳහන්. එසේම පොලිසිය කිහිපවරක් වැටලීමට ගිය ද පාර දෙපස සිටි තැරව්කාරුවන් නිසා සූදුපොල අත්අඩංගුවට ගැනීමට නොහැකි වූ බවයි වැඩ බලන පොලිස් ස්ථානාධිපතිවරයා සඳහන් කර ඇත්තේ. මෙම සූදුපොලේ සූදු සෙල්ලම් කිරීම සඳහා අතුරුගිරිය, හෝමාගම, ඉංගිරිය, ගෝනපල සහ කපුගල යන ප්‍රදේශවලින් පිරිස් පැමිණ ඇති බව පොලිසිය පවසනවා. මෙම සූදුපොලේ රුපියල් ලක්ෂයේ ඔට්ටු අල්ලන බවත්, වටලන අවස්ථාවේදීත් විශාල මුදලක් ඔවුන් සන්තකව තිබූ…

දිවයිනේ පවතින අයහපත් කාලගුණික තත්ත්වය හේතුවෙන් ගංගා කිහිපයක් ආශ්‍රිතව සුළු ගංවතුර තත්ත්වයක් ඇති විය හැකි බවට වාරිමාර්ග දෙපාර්තමේන්තුව අනතුරු ඇඟවීම් නිකුත් කර තිබේ. ​වාරිමාර්ග දෙපාර්තමේන්තුව නිකුත් කළ නවතම වාර්තාවලට අනුව, අත්තනගලු ඔය දූනමලේ ප්‍රදේශයෙන් සහ කළු ගඟ මිල්ලකන්ද ප්‍රදේශයෙන් මේ වන විට සුළු ගංවතුර මට්ටමක් දක්වා ඉහළ ගොස් ඇත. මීට අමතරව කළු ගගේ අතු ගංගාවක් වන මගුර ගඟ ද මගුර ප්‍රදේශයෙන් ගංවතුර අවදානම් මට්ටම දක්වා ඉහළ ගොස් ඇති බව එම වාර්තාවල සඳහන් වේ. මෙම තත්ත්වය හේතුවෙන් අදාළ ප්‍රදේශවල පහත්බිම් හරහා වැටී ඇති මාර්ග ස්ථාන කිහිපයකින් ජලයෙන් යටවීමේ අවදානමක් පවතින බැවින්, එම ප්‍රදේශවල පදිංචි ජනතාව සහ මාර්ග භාවිතා කරන රියදුරන් මේ…

පවතින අයහපත් කාලගුණික තත්ත්වය හමුවේ දිවයින පුරා නිවාස 88ක් අර්ධ හානියට ලක්ව ඇතැයි ආපදා කළමනාකරණ මධ්‍යස්ථානය පවසයි. එම මධ්‍යස්ථානය පැවසුවේ දිස්ත්‍රික්ක 7කින් මෙම අර්ධ හානි වූ නිවාස වාර්තා වී ඇති බවය. මින් වැඩිම අර්ධ නිවාස හානි ප්‍රමාණයක් වාර්තා වී ඇත්තේ  කළුතර දිස්ත්‍රික්කයෙන් වන අතර එම දිස්ත්‍රික්කයේ නිවාස 40ක් අර්ධ හානී වී තිබේ. මීට අමතරව මඩකලපුව දිස්ත්‍රික්කයෙන් නිවාස 25ක්, රත්නපුර දිස්ත්‍රික්කයෙන් නිවාස 9ක්, ගාල්ල දිස්ත්‍රික්කයෙන් නිවාස 5ක්, කොළඹ දිස්ත්‍රික්කයෙන් නිවාස 5ක්, ගාල්ල දිස්ත්‍රික්කයෙන් නිවාස 5ක්, මොනරාගල දිස්ත්‍රික්කයෙන් නිවාස 4ක්, මෙලෙස අර්ධ හානියට ලක්ව තිබේ. මේ අතර අයහපත් කාලගුණික තත්ත්වය හේතුවෙන් පවුල් 29ක පුද්ගලයින් 104ක් සුරක්ෂිත මධ්‍යස්ථාන 02ක රඳවා සිටින බවද ආපදා කළමනාකරණ…

රජය නියම කර ඇති උපරිම සිල්ලර මිල ඉක්මවා සම්බා සහල් අලෙවි කළ මාරවිල ප්‍රදේශයේ වෙළෙඳුන් පිරිසකට එරෙහිව නීතිමය පියවර ගෙන ඇති බව පාරිභෝගික කටයුතු පිළිබඳ අධිකාරිය පවසයි. එම ප්‍රදේශයේ ඊයේ (14) සිදුකළ විශේෂ වැටලීමකදී අදාළ වෙළෙඳුන් සොයාගෙන තිබේ. පාරිභෝගික කටයුතු පිළිබඳ අධිකාරියේ නිලධාරීන් විසින් සිදුකළ මෙම වැටලීම්වලදී, පාරිභෝගිකයන්ගෙන් අසාධාරණ ලෙස වැඩි මුදලක් අය කරමින් සම්බා සහල් අලෙවි කළ වෙළෙඳුන් කිහිපදෙනෙකු අනාවරණය කරගෙන ඇත. අදාළ වෙළෙඳුන්ට එරෙහිව පාරිභෝගික අයිතිවාසිකම් උල්ලංඝනය කිරීම සම්බන්ධයෙන් අධිකරණ ක්‍රියාමාර්ග ආරම්භ කිරීමට කටයුතු කර ඇති බවද එම අධිකාරිය සඳහන් කරයි. එමෙන්ම, සහල් ඇතුළු අත්‍යවශ්‍ය භාණ්ඩ මිලදී ගැනීමේදී උපරිම සිල්ලර මිල පිළිබඳ අවධානයෙන් කටයුතු කරන ලෙස පාරිභෝගිකයන්ගෙන් ඉල්ලීමක්ද…

රුපියල් පනස් ලක්ෂ හතලිස් දහසක් වටිනා , විදේශීය  නිෂ්පාදිත දුම්වැටි තොගයක් , නීතිවිරෝධී ලෙස මෙරටට රැගෙන විත් , ඒවා කටුනායක ගුවන් තොටුපොළ පැමිණීමේ පර්යන්තයේ කිසිවක් ප්‍රකාශ කිරීමට නොමැති ” හරිත මාවත” ඔස්සේ පිට කර ගෙන යාමට තැත් කළ විදේශීය ගුවන් මගී කාන්තාවක් අද(15) ගුවන් තොටුපොළ රේගු නිලධාරීන් පිරිසක් විසින් අත් අඩංගුවට ගෙන තිබේ . ඇය 26 වියේ පසුවන චීන ජාතික ව්‍යාපාරික කාන්තාවකි . ඇය මෙම දුම්වැටි තොගය චීනයෙන් මිළදී ගෙන , කටුනායක ගුවන් තොටුපොළ රේගු නිලධාරීන්ගේ අවධානය වෙනතකට යොමු කිරීම සදහා , තායිලන්තයේ බැංකොක් නුවර වෙත පැමිණ , එතැන් සිට තායි ගුවන් සේවයේ ටී.ජී.- 307 දරන ගුවන් යානයෙන් අද  අලුයම…

එක්සත් අරාබි එමීර් රාජ්‍යයේ  තානාපති කලීඩ් නසාර් අල්අමෙරි මහතා සහ වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්‍ය වසන්ත සමරසිංහ මහතා අතර හමුවක් වෙළෙඳ අමාත්‍යාංශයේදී සිදු විය. ශ්‍රී ලංකාව සහ එක්සත් අරාබි එමීර් රාජ්‍යය අතර ශක්තිමත් සහ වර්ධනය වන වෙළෙඳ හා ආර්ථික සබඳතා පිළිබඳව මෙහිදී සමාලෝචනය කෙරිණි. එක්සත් අරාබි එමීර් රාජ්‍යය දැනට ශ්‍රී ලංකාවේ 7 වන විශාලතම අපනයන ගමනාන්තය සහ 3 වන විශාලතම ආනයන හවුල්කරු වන අතර වත්මන් ද්විපාර්ශ්වික වෙළෙඳ පිරිවැටුම ආසන්න වශයෙන් ඇමරිකා ඩොලර් බිලියන 1.5 කි. කොළඹ වරායේ අයෝජන අවස්ථා සඳහා අබුඩාබි වරාය සමාගම උනන්දුවක් දක්වන බව තානාපති අල්අමෙරි මහතා මෙහිදී  පැවසීය. ඊට ප්‍රතිචාර වශයෙන්, කොළඹ වරායේ සහ…

කවුරුන් හෝ වැරදි කර ඇත්නම් තරාතිරම නොබලා  ඔවුන් සිවුරෙන් ඉවත්  කළ යුතු බව රාමාඤ්ඤ  නිකායේ දක්ෂිණ ලංකාවේ ප්‍රධාන සංඝනායක ඕමල්පේ සෝභිත නාහිමියෝ පැවසූහ. ශාසන සංශෝධන සඳහා සංගායනාවක් අවශ්‍ය බවද උන්වහන්සේ ප්‍රකාශ කළහ. සෝභිත හිමියන්  මෙසේ පැවසුවේ  ඊයේ  පැවති ප්‍රවෘත්ති  සාකච්ඡාවකදීය සංඝාධිකරණයට  රාජ්‍ය බලය ලබා ගැනීම සඳහා මහනාහිමිවරුන් ඉක්මනින් ක්‍රියාත්මක විය යුතු බවද උන්වහන්සේ පැවසූහ. ශ්‍රී ලංකා භික්‍ෂු සමාජයේ ඛේදජනක සිද්ධීන් කිහිපයක් පසුගිය දිනවල අත්දුටු බවත් මේවා මුල් කරගෙන සමස්ත භික්‍ෂු සමාජයටම අපහාස කරන තත්ත්වයක් ඇතිවී තිබෙන බවත් සෝභිත හිමියෝ කීහ. එය වැරදි බව කී  උන්වහන්සේ එක්කෙනෙකු දෙන්නෙකු කරන වැරදි වලට සමස්ත භික්ෂු සමාජයම වගකිවයුතු නැතැයිද  ප්‍රකාශ කළහ. සෝභිත හිමියෝ මෙසේද…