Author: LFN

හෙට දිනයේ (30) රාජ්‍ය මුදල් කාරක සභාව හමුවේ පෙනි සිටීමට නොහැකි බව දන්වමින් භාණ්ඩාගාර ලේකම් එම කාරකසභාව වෙත ලිපියක් යොමු කර තිබේ. මුදල් කාරක සභාවේ සභාපති ආචාර්ය හර්ෂ ද සිල්වා මහතා සඳහන් කළේ අද එම ලිපිය මුදල් කරක සභාව වෙත ලැබි ඇති බවය. අමෙරිකානු ඩොලර් මිලියන 2.5ක මුදලක් සයිබර් ප්‍රහාරයක් මගින් සොරකම් කිරීමේ සිද්ධිය සම්බන්ධයෙන් කරුණු විමසීම සඳහා මහා භාණ්ඩාගාර ලේකම් හර්ෂණ සූරියප්පෙරුම මහතා ඇතුළු මුදල් අමාත්‍යාංශයේ උසස් නිලධාරීන් පිරිසක් රජයේ මුදල් පිළිබඳ කාරක සභාව (COPF) හමුවට කැඳවීමට ඊයේ (28) තීරණය කර තිබුණි. එමෙන්ම පාර්ලිමේන්තු මන්ත්‍රී ආචාර්ය හර්ෂ ද සිල්වා මහතාගේ සභාපතිත්වයෙන් යුත් එම කාරක සභාව හමුවේ හෙට පෙනී සිටින…

ශ්‍රී ලංකා ක්‍රිකට් අතුරු පාලක කමිටුවේ සභාපති ලෙස සමගි ජන බලවේගය හිටපු පාර්ලිමේන්තු මන්ත්‍රී ඉරාන් වික්‍රමරත්න මහතා පත්කර තිබේ. මෙහි සෙසු සාමාජිකයන් ලෙස රොෂාන් මහානාම, කුමාර් සංගක්කාර, තුෂිර රදැල්ල, සිදත් වෙත්තමුනි, අවන්ති කොළඹගේ, ප්‍රකාශ් ෂාෆ්ටර්, උපුල් කුමාරප්පෙරුම හා ඩිනාල් පිලිප්ස් යන මහත්වරු පත්කර ඇත. ක්‍රිකට් සභාපති ෂම්මි සිල්වා මහතා ඇතුළු විධායක කමිටුව සිය ධුරවලින් ඉල්ලා අස්වීමෙන් අනතුරුව, එහි කටයුතු මේ වනවිට ක්‍රීඩා අමාත්‍යාංශය යටතට පවරාගෙන තිබේ. ඒ අනුව නිලවරණයකින් නිලධාරී මණ්ඩලයක් පත්කරන තෙක්, ක්‍රිකට් ආයතනයේ සියලු තීන්දු තීරණ මින් ඉදිරියට ඉරාන් වික්‍රමරත්න ප්‍රමුඛ අතුරු පාලක කමිටුව විසින් සිදුකරනු ඇත.

8 වැනි පාර්ලිමේන්තුවේ සහ 9වෙනි පාර්ලිමේන්තුවේ මුදල් භාවිතය සම්බන්ධයෙක් සියලුම අංශ නියෝජනය වන පරිදි සම්පූර්ණ විගණනයක් සිදුකර එම වාර්තා පාර්ලිමේන්තුවට ඉදිරිපත් කිරීමට බලාපොරොත්තු වන බව කථානායක වෛද්‍ය ජගත් වික්‍රමනායක මහතා පවසයි. අද (29) පෙරවරුවේ මහනුවරදී මාධ්‍යයට අදහස් දක්වමින් කථානායකවරයා මේ බව පැවසීය. එහිදී ඔහු පැවසුවේ,  තවත් මාසයක් පමණ කාලයක් අතුලදී එම විගණන වාර්තා පාර්ලිමේන්තුවට ලබා දීමට විගණකාධිපතිවරිය පොරොන්දු වූ බවය. “රටේ තියෙන මුදල් සියලූම දේවල් විගණනයට භාජනය විය යුතුයි. පාර්ලිමේන්තුවේ අපි දැක්ක දෙයක් තමයි යම් යම් අංශයන් විගණකාධිපති තුමාගේ විගණනයට මීට පෙර ලක්වෙලා නෑ. ඒ නිසා අපි කල්පනා කළා, මුදල් භාවිතය පිළිබඳ පාරදුෂ්‍යභාවය මේ රටේ ජනතාව දැනගන්න අවශ්‍යයි. ඒ සඳහා…

මිල්ලනිය ප්‍රාදේශීය සභාවේ වැඩ අංගනයට හියුම් පයිප්ප බාමින් සිටි බූම් ට්‍රක් රථයකක් අධි බලැති විදුලි රැහැනක ගැටී දෙදෙනෙකු තුවාල ලබා රෝහල් ගතකර තිබේ. මිල්ලනිය ප්‍රාදේශීය සභාවට අඹතලේ ප්‍රදේශයෙන් හියුම් පයිප්ප රැගෙන ඒමෙන් පසු, ගොඩබාමින් සිටියදී අද (29) මෙම අනතුර සිදුව ඇත. බූම් ට්‍රක් රථයේ ඉහළ කොටස වෝල්ට් 33,000ක අධි බලැති විදුලි රැහැනක ගැටී ඇති අතර, එහිදී එහි ක්‍රියාකරු සහ ප්‍රාදේශීය සභා සේවකයෙකු පිළිසුම් තුවාල ලබා හොරණ මූලික රෝහලට ඇතුළත් කර තිබේ. මෙහිදී රථය විදුලි රැහැන්වල ගැටීමත් සමග එහි ක්‍රියාකරුට මෙන්ම එම රථය අසල සිටි ප්‍රාදේශීය සභාවේ සේවකයාට විදුලි සැර වැදී ඇති බව පොලිස් විමර්ශනවලදී අනාවරණය වී ඇත. මෙම අවස්ථාවේ බූම්…

හෙට (30) ප්‍රදේශ රැසකට දිවා කාලයේදී උණුසුම් දර්ශකය, එනම් මිනිස් සිරුරට දැනෙන උණුසුම ” අවධානය යොමු කල යුතු ” මට්ටමක පැවතිය හැකි බව දැනුම් දී තිබේ. උතුරු -මැද, නැගෙනහිර සහ සබරගමුව පළාත් සහ කුරුණෑගල, මොණරාගල, වව්නියාව, මුලතිව්, සහ කිලිනොච්චි දිස්ත්‍රික්කවල ඇතැම් ප්‍රදේශ සඳහා මෙම උණුසුම් කාලගුණය පවතින බව සඳහන් වේ. කාලගුණ විද්‍යා දෙපාර්තමේන්තුවේ, ස්වභාවික විපත් පිළිබඳ පුර්ව අනතුරු ඇඟවීමේ මධ්‍යස්ථානය විසින් හෙට(30) දිනය සඳහා වලංගු වන පරිදි මෙම නිවේදනය නිකුත් කර ඇත.

ශ්‍රී ලංකා ක්‍රිකට් සභාපති ශම්මි සිල්වා මහතා සිය ඉල්ලා අස්වීමේ ලිපිය භාර දී තිබේ. ඒ අනුව, අද (29) සිට ක්‍රියාත්මක වන ඔහු පරිදි එම ධුරයෙන් ඉවත්වනු ඇත. ඔහු සමඟ ශ්‍රී ලංකා ක්‍රිකට් ආයතනයේ නිලධාරී මණ්ඩලය සහ විධායක කමිටු සාමාජිකයින් ද සිය ඉල්ලා අස්වීම් භාර දී ඇති බව ක්‍රිකට් ආයතනය නිවේදනය කරයි. මෙම තීරණය ජනාධිපති අනුර කුමාර දිසානායක මහතාට සහ යෞවන කටයුතු හා ක්‍රීඩා අමාත්‍ය සුනිල් කුමාර ගමගේ මහතාටද නිල වශයෙන් දැනුම් දී ඇති බව වාර්තා වෙයි.

රන්මාල කොල්ලකෑමේ සිද්ධීන් රැසකට අවශ්‍යකර සිටි පුද්ගලයෙකු හෙරොයින් සමඟ අත්අඩංගුවට ගෙන තිබේ. බස්නාහිර දකුණ දිසා අපරාධ කොට්ඨාසයේ නිළධාරීන්ට ලද තොරතුරක් මත සිදුකළ වැටලීමකදි සැකකරු අත්අඩංගුවට ගත් බව පොලීසිය පවසයි. එහිදි සැකකරු සතුව තිබි හෙරෝයින් ග්‍රෑම් 5යි මිලිග්‍රෑම් 200ක් සොයාගත් බවද සඳහන් වෙයි. 44 හැවිරිදි වියේ පසුවන සැකකරු පන්නිපිටිය ප්‍රදේශයේ පදිංචිකරුවෙකු බව සඳහන් වෙයි. අත්අඩංගුවට ගත් සැකකරු දෙහිවල‍, මිරිහාන, කඩුවෙල, හෝමාගම, කහතුඩුව, මොරටුව, වැල්ලම්පිටිය, නාරාහෙන්පිට, කිරුලපන,කුරුදුවත්ත සහ මෝදර යන ප්‍රදේශවලදි කාන්තාවන්ගේ ගෙලබැදි රන්මාල කොල්ලකෑමේ සිද්ධීන් රැසකට සම්බන්ධව අවශ්‍යකර සිටි පුද්ගලයෙකු බව පොලීසිය වැඩිදුරටත් සඳහන් කර තිබේ. මේ අතර, සොරකම්කරන ලද යතුරුපැදියක් සහ කොල්ලකන ලද රන්මාල 5ක්ද සැකකරු සන්තකයේ තිබී පොලිස් භාරයට…

යුක්‍රේනයට එරෙහි යුද්ධය සඳහා රුසියාවට සහය පළ කරමින් සහභාගී වූ උතුරු කොරියානු හමුදා භටයන් 6,000ක් පමණ මියගොස් ඇති බවට ඇස්තමේන්තු ගත කර ඇති බව විදෙස් වාර්තා පවසයි. එම යුධ ගැටුම් සඳහා උතුරු කොරියානු හමුදා භටයන් 15,000ක් පමණ යොමු කර ඇති බව විදෙස් මාධ්‍ය වාර්තා කර සඳහන් කර තිබේ. මේ අතර, යුධ ගැටුම් අතරතුර යුක්‍රේන හමුදා ග්‍රහණයට ලක් වූ අවස්ථාවේදී කොරියානු යුද හමුදා භටයෙක් අත් බෝම්බයක් පුපුරවා ගනිමින් දිවි හානි කරගෙන තිබේ. එම ක්‍රියාව උතුරු කොරියානු නායක කිම් ජොන් උන් ප්‍රශංසාවට ලක් කර ඇති බව විදෙස් මාධ්‍ය වැඩිදුරටත් වාර්තා කර වඩිදුරටත් පවසා තිබේ.

මහාපරිමාණ කේරළ ගංජා ජාවාරමේ නිරත කාන්තාවක් කේරළ ගංජා තොගයක් සමඟ පොලිස් විශේෂ කාර්ය බලකායේ නිලධාරීන් පිරිසක් විසින් අත්අඩංගුවට ගෙන තිබේ. විශේෂ කාර්ය බලකාය හොරණ කඳවුරේ ස්ථාපිත මූලස්ථාන විශේෂ මෙහෙයුම් ඒකකයෙහි නිලධාරීන් කණ්ඩායමක් විසින් කළුතර උතුර පොලිස් වස‌මේ රතන‌‌ජෝති මාවත කුඩා වස්කඩුව,යන ලිපිනයේ පිහිටි නිවසේ දී වැටලීමක් සිදුකර ඇත. එහි දී බොම්බුවල නවින් නැමැත්තාගේ ජාලයේ සාමාජිකයෙකු වන කදනආරච්චිගේ නුවන් ඉරේෂ් ප්‍රනාන්දු යන මත්ද්‍රව්‍ය ජාවරම්කරුගේ මත්ද්‍රව්‍ය බෙදාහරින වස්කඩුව ප්‍රදේශයේ පදිංචි වයස අවුරුදු 44ක් වන බට්ටි අක්කා යන අනුවර්ථ නාමයෙන් හදුන්වන කාන්තාවක් මෙලෙස අත්අඩංගුවට ගෙන තිබේ. සැකකාරිය සතුව තිබී කේරළ ගංජා කිලෝ 02, ග්‍රෑම් 750ක්, මුදල් රුපියල් 110,000 ක් හා විද්‍යුත් තරාදියක් පොලිස් භාරයට ගෙන…

ඉදිරියේදී වර්තමාන දුම්රිය සේවාවට සමාන්තරව විද්‍යුත් දුම්රිය සේවා ක්‍රියාත්මක කිරීම, දුම්රිය මාර්ගයන්හි දැනට පවතින පුළුල් පළල (Broad Gauge) වෙනුවට සම්මත පළල (Standerd Gauge) යොදා ගනිමින් දුම්රිය මාර්ග ප්‍රතිසංස්කරණය කිරීම යන ව්‍යාපෘතිය ලබන වසර මුලදී ආරම්භ කිරීමට තීරණය කර තිබේ. කොළඹ තදාසන්න ප්‍රදේශය තුළ දුම්රිය සේවාව නව මුහුණුවරකින් ක්‍රියාත්මක කිරීම සහ ඊට අදාළ සැලසුම් පිළිබඳ ජනාධිපති අනුර කුමාර දිසානායක මහතා සහ ප්‍රවාහන හා මහාමාර්ග අමාත්‍යාංශයේ නිලධාරීන් අතර සාකච්ඡාවක් අද (29) පෙරවරුවේ ජනාධිපති කාර්යාලයේදී පැවැත්විණි. එම අවස්ථාවේ දී මේ සම්බන්ධයෙන් ඇති සැලසුම් පිළිබඳව සාකච්ඡා කළ බව ජනාධිපති මාධ්‍ය අංශය කළ නිවේදනයේ සඳහන් වේ. කොළඹ තදාසන්න දුම්රිය ව්‍යාපෘතිය (Colombo Suburban Railway Project) පිළිබඳව…