Author: LFN

දූෂණ චෝදනාවක් සම්බන්ධයෙන් හිටපු නියෝජ්‍ය අමාත්‍ය සරණ ගුණවර්ධන මහතාට එරෙහිව අල්ලස් කොමිසම විසින් ගොනු කර තිබූ නඩු හතරක තීන්දු අද (26)  ප්‍රකාශයට පත් කිරීමට නියමිතව ඇත. පසුගිය අප්‍රේල් 30වනදා මෙම නඩුවල තීන්දු කොළඹ මහාධිකරණ විනිසුරු මොහොමඩ් මිහායිල් මහතා විසින් ප්‍රකාශයට පත් කිරීමට නියමිතව තිබුණි. කෙසේවෙතත් විනිසුරුවරයා එදින නිවේදනය කළේ මෙම නඩු වල තීන්දු ප්‍රකාශයට පත් කිරීම මැයි මස 26 වනදා සිදු කරන බවය. 2006 වසරේ ජාතික ලොතරැයි මණ්ඩලයේ සභාපතිවරයා වශයෙන් කටයුතු කරමින් සිටියදී එම මණ්ඩලයට කුලී පදනම යටතේ වාහන ලබා ගැනීමේදී රජයට පාඩුවක් සිදු කළේ යැයි චෝදනා කරමින් සරණ ගුණවර්ධන මහතාට එරෙහිව අල්ලස් කොමිසම විසින් මෙම නඩු හතර ගොනු කර…

නිරිත දිග මෝසම දිවයින හරහා ක්‍රමයෙන් ස්ථාපිත වෙමින් පවතින බැවින්, දිවයිනේ නිරිත දිග ප්‍රදේශවල වැසි තත්වයේ වැඩිවීමක් ඉදිරි දින කිහිපය තුළ බලාපොරොත්තු විය හැකි බව කාලගුණවිද්‍යා දෙපාර්තමේන්තුව නිවේදනය කරයි. බස්නාහිර, සබරගමුව සහ වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇතිවන අතර, මෙම ප්‍රදේශවල ඇතැම් ස්ථානවලට මි.මී 100ක පමණ තද වැසි ඇති විය හැකිය. ඌව පළාතේත් අම්පාර සහ මඩකලපුව දිස්ත්‍රික්කවලත් ස්ථාන ස්වල්පයක පස්වරු 1.00න් පසුව වැසි හෝ ගිගුරුම් සහිත වැසි ඇති වේ. මධ්‍යම කඳුකරයේ බටහිර බෑවුම් ප්‍රදේශවලත්, උතුරු, උතුරු-මැද, වයඹ සහ දකුණු පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. 30-40ක පමණ තරමක තද…

දූෂණ චෝදනාවක් සම්බන්ධයෙන් අධිකරණයට ඉදිරිපත් කර ඇපමත මුදාහැර සිටින හිටපු ධීවර අමාත්‍ය රාජිත සේනාරත්න මහතාට පනවා තිබූ විදේශ ගමන් තහනම තාවකාලිකව ලිහිල් කරන ලෙස කොළඹ මහෙස්ත්‍රාත් අධිකරණය නියම කළේය. රාජිත සේනරත්න මහතාගේ නීතිඥවරු විසින් ඉදිරිපත් කළ ඉල්ලීමක් අද (26) කොළඹ ප්‍රධාන මහෙස්ත්‍රාත් අසංග එස් බෝදරගම මහතා ඉදිරියේ කැඳවනු ලැබීය. එහිදී සැකකරුගේ නීතිඥවරයා සඳහන් කළේ, තම සේවාදායකයාට වෛද්‍ය ප්‍රතිකාර ලබා ගැනීම සඳහා විදේශගත වීමට අවශ්‍යව තිබෙන බවය. ඒ සඳහා දැනට පනවා තිබෙන විදේශ ගමන් තහනම තාවකාලිකව ලිහිල් කරන ලෙසත් නීතිඥයරටා අධිකරණයෙන් ඉල්ලා සිටියේය. ඉදිරිපත් වූ කරුණු සලකා බැලූ ප්‍රධාන මහෙස්ත්‍රාත්වරයා සැකකරුට පනවා තිබූ විදේශ ගමන් තහනම ලබන මස 02 වෙනිදා දක්වා…

හෝමුස් සමුද්‍රසන්ධිය ඔස්සේ ගමන්කරන නෞකාවලින් ගාස්තු අය නොකරන නමුත්, ඒ ඔස්සේ යාත්‍රා කිරීමේදී ලබාදෙන සේවාවට අදාළ මුදල ලබාගන්නා බව ඉරාන විදෙස් කටයුතු අමාත්‍යංශ ප්‍රකාශක එස්මයිල් බගේයි පවසා තිබේ. මේ අතර, අමෙරිකාව සමඟ ඇතිකරගන්නා කිසිදු ගිවිසුමක් සම්බන්ධව විශ්වාසයක් තැබිය නොහැකි බවත් ගිවිසුමක් ඇතිකරගැනීමට බාධා පැමිණවීම සඳහා ඊශ්‍රායලය ගත හැකි සෑම පියවරක්ම ගනු ඇති බවත් ඔහුගේ ප්‍රකාශයේ වැඩිදුරටත් සඳහන් වෙයි. තවද න්‍යෂ්ටික වැඩසටහන ඇතුළු මාතෘකා රැසක් පිළිබඳ දෙපාර්ශ්වය අතර අවබෝධතා ගිවිසුමක් ඇතිකරගැනීම පිළිබඳව ද මෙහිදී සාකච්ඡා වී තිබුණි. විදෙස් මාධ්‍ය වාර්තාවලට අනුව මෙහිදී අවධානය යොමුවන කරුණු අතරට සටන්විරාමය දින 60කින් දීර්ඝ කිරීම, හෝමුස් සමුද්‍රසන්ධිය විවෘත කිරීම, මෙන්ම ඉරාන න්‍යෂ්ටික වැඩසටහන සම්බන්ධව තවදුරටත්…

බටහිර ඉන්දීය කොදෙව් දූපත්හි පැවැත්වෙන ටෙස්ට්, එක්දින හා විස්සයි20 තරගවලින් සමන්විත පූර්ණ තරග සංචාරයක් සඳහා එක්වන ශ්‍රී ලංකා සංචිත අද (25) ප්‍රකාශයට පත්කළේය. ශ්‍රී ලංකා ක්‍රිකට් තේරුම් කමිටුව විසින් නම්කළ මෙම සංචිතයන්හි එක්දින හා විස්සයි20 නායකත්වයට කුසලක් මෙන්ඩිස් නම් කර ඇත. එමෙන්ම නායක ධනංජය ද සිල්වා සුපුරුදු පරිදි මෙම තරගාවලියේද ටෙස්ට් නායකයා ලෙස කටයුතු කරනු ලබයි. මෙම තරගවලියේ පළමුව එක්දින තරගාවලියත්, අනතුරුව විස්සයි-20 තරගාවලියත්, අවසාන වශයෙන් ටෙස්ට් තරගාවලියත් පැවැත්වීමට නියමිතය. ශ්‍රී ලංකා ක්‍රිකට් කණ්ඩායම මෙම තරග සංචාරය සඳහා හෙට (26) බටහිර ඉන්දීය කොදෙව් බලා දිවයිනෙන් පිටත්ව යනු ඇත. ප්‍රකාශයට පත් කරන ලද නිල සංචිත පහත පරිදි වේ, ටෙස්ට් සංචිතය ටෙස්ට්…

දිස්ත්‍රික්ක හයක ප්‍රාදේශීය ලේකම් කොට්ඨාස 24කට අදියර එක සහ දෙක යටතේ නායයෑමේ අනතුරු ඇඟවීම් ජාතික ගොඩනැගිලි පර්යේෂණ සංවිධානය විසින් නිකුත් කර තිබේ. එම අනතුරු ඇඟවීම හෙට (26) පස්වරු 04.00 දක්වා වලංගු වන බව එම සංවිධානය සඳහන් කළේය. ඒ අනුව කෑගල්ල දිස්ත්‍රිකයේ දෙහිඕවිට, දැරණියගල, රුවන්වැල්ල සහ යටින්තොට යන ප්‍රාදේශීය ලේකම් කොට්ඨාස සඳහා අදියර දෙක යටතේ අනතුරු ඇඟවීම් නිකුත් කර තිබේ. රත්නපුර දිස්ත්‍රික්කයේ කුරුවිට, රත්නපුර, අයගම සහ ඇහැළියගොඩ ප්‍රාදේශීය ලේකම් කොට්ඨාස සඳහා ද එම අනතුරු ඇඟවීම් බලාත්මකය. කොළඹ දිස්ත්‍රික්කයේ සීතාවක සහ පාදුක්ක ප්‍රාදේශීය ලේකම් කොට්ඨාසවලටත්, ගම්පහ දිස්ත්‍රික්කයේ අත්තනගල්ල ප්‍රාදේශීය ලේකම් කොට්ඨාසයටත් අදියර එක යටතේ අනතුරු ඇඟවීම් නිකුත් කර ඇත. එමෙන්ම කළුතර දිස්ත්‍රික්කයේ පාලින්දනුවර,…

ඉන්දීය ප්‍රිමියර් ලීග් ක්‍රිකට් තරගාවලියේ (IPL) අවසන් වටයේ තරග හෙට (26) ආරම්භ වීමට නියමිතව ඇත. ඒ අනුව, අවසන් මහා තරගයට සුදුසුකම් ලබා ගැනීමේ පළමු තරගය, ප්‍රසාද ලකුණු සටහනේ පළමු හා දෙවන ස්ථානනයට පත්වු රෝයල් චැලෙන්ජර්ස් බැංගලූර් සහ ගුජරාට් ටයිටන්ස් කණ්ඩායම් අතර හෙට පැවැත්වීමට නියමිතයි. එම තරගයෙන් ජය ගන්නා කණ්ඩායම තරගාවලියේ අවසන් මහා තරගයට සෘජුවම සුදුසුකම් ලබා ගනු ලබයි. පරාජයට පත්වු කණ්ඩායම, ලකුණු සටහනේ 03 වන සහ 04 වන ස්ථානවලට පත්වු රාජස්ථාන් රෝයල්ස් සහ සන්රයිසස් හයිඩ්‍රාබාද් කණ්ඩායම් අතර පැවැත්වෙන තරගයෙන් ජයගන්නා කණ්ඩායම සමඟ යළි තරග වැදීමට නියමිතයි. එම තරගයෙන් ජය ගන්නා කණ්ඩායම අවසන් මහා තරගයට සුදුසුකම් ලබා ගන්නා දෙවන කණ්ඩායම බවට…

චීනය වසර 2030 වන විට සිදු කිරීමට අපේක්ෂා කරන මිනිසුන් සහිත සඳ ගමනේ මූලික පියවරක් ලෙස, වසරක කාලයක් අභ්‍යවකාශයේ රැඳී සිටින විශේෂ ගගනගාමියෙකු ද ඇතුළත්ව ගගනගාමීන් තිදෙනෙකු රැගත් “Shenzhou-23” යානය ඊයේ (24) රාත්‍රියේ සාර්ථකව ගුවන්ගත කර තිබේ. චීන අභ්‍යවකාශ ඉතිහාසයේ ගගනගාමියෙකු තනි මෙහෙයුමක් සඳහා වසරක් වැනි දීර්ඝ කාලයක් රැඳී සිටින පළමු අවස්ථාව මෙය වේ. වයඹදිග චීනයේ  Jiuquan චන්ද්‍රිකා දියත් කිරීමේ මධ්‍යස්ථානයෙන් ඊයේ රාත්‍රී 11:08 ට “Long March-2F Y23” රොකට්ටුව ආධාරයෙන් මෙම යානය ගුවන්ගත කර ඇත. මෙම මෙහෙයුම සඳහා එක්ව සිටින කණ්ඩායමට අණදෙන නිලධාරී ෂු යැන්ග්ෂු , ගුවන් නියමු ෂැන්ග් යුවාන්ජි සහ පේලෝඩ් විශේෂඥ ලී ජියායින්ග් ඇතුළත් වෙති. මෙහි විශේෂත්වය වන්නේ…

ඉරානය සමඟ සම්බන්ධතා පැවැත්වූ පුද්ගලයින් 9 දෙනෙකුට ජීවිතාන්තය දක්වා සිරදඩුවම් නියම කිරීමට බහරේනය පියවර ගෙන තිබේ. විදෙස් මාධ්‍ය වාර්තා පවසා ඇත්තේ, ඉරාන ඉස්ලාමීය විප්ලවීය හමුදාව සමඟ එක්ව බහරේනය තුළ ත්‍රස්ත ප්‍රහාර දියත් කිරීමට සැළසුම් කිරීම සම්බන්ධයෙන් අදාළ පුද්ලයින් 9 දෙනාට චෝදනා එල්ලවී ඇති බවයි. අමෙරිකා එක්සත් ජනපදය සහ ඉරානය අතර යුදමය වාතාවරණය ආරම්භ වීමෙන් අනතුරු පසුගිය මාර්තු මාසයේදී අදාළ පුද්ගලයින් බහරේන පොලිස් අත්අඩංගුවට පත්ව තිබුණි. ඔවුන් බහරේනය තුළ පිහිටා ඇති අමෙරිකානු හමුදා කදවුරු සහ බහරේනයේ ආර්ථික මර්මස්ථාන සම්බන්ධයෙන් ඡායාරූප ඇතුළු අධි සංවේදී තොරතුරු ඉරානය වෙත සපයා ඇති බව ද විදෙස් මාධ්‍ය වාර්තා කර තිබුණි.

තුර්කියේ පැවැති ‘Miss Aura International 2026’ ලෝක රූ රැජින තරගාවලියේදී “Best in National Costume” හිමි කිරුළ දිනාගත් ශ්‍රී ලංකා වේ වෛද්‍ය දෙවීනා නවීක්ෂි මෙනවිය අද (25) උදෑසන කටුනායක ගුවන් තොටුපොළෙන් දිවයිනට පැමිණියාය. ලෝකයේ රටවල් 40 ක රූ රැජිනියන්ගේ සහභාගීත්වයෙන් මෙවර තරගාවලිය මැයි 10 වන දින සිට මැයි 22 වන දින දක්වා තුර්කියේ අන්තාලියා නුවරදී අතිඋත්කර්ෂවත් අන්දමින් පැවැත්විණි. එහිදී ශ්‍රී ලංකාව නියෝජනය කළ දෙවීනා නවීක්ෂි මෙනවිය ප්‍රථමයෙන් තරගාවලියේ අවසන් 20 දෙනාගේ වටය දක්වා සුදුසුකම් ලැබූ අතර, අනතුරුව ශ්‍රී ලාංකීය අනන්‍යතාව විහිදුවමින් ඉදිරිපත් කළ ජාතික ඇඳුම වෙනුවෙන් මෙලෙස විශිෂ්ට ජයග්‍රහණයක් අත්කර ගැනීමට සමත් වූවාය. ඇය වෘත්තියෙන් වෛද්‍යවරියක වන අතර දැනට ගාල්ල කරාපිටිය…