Author: LFN

ජනශක්ති සමූහ ව්‍යාපාරයේ අධ්‍යක්ෂ දිනේෂ් ෂාෆ්ටර් මහතාගේ මෘත දේහය ගොඩගෙන යළි පශ්චාත් මරණ පරීක්ෂණයක් සිදු කිරීමට අවසර ඉල්ලා තිබේ. පංච පුද්ගල විශේෂඥ වෛද්‍ය මණ්ඩලය කොළඹ අතිරේක මහෙස්ත්‍රාත්වරියගෙන් එලෙස ලිඛිත ඉල්ලීමක් සිදුකර ඇත. ඒ අනුව අධිකරණය එම ඉල්ලීම සම්බන්ධයෙන් අපරාධ පරීක්ෂණ දෙපාර්තමේන්තුව කැඳවා නියෝගයක් නිකුත් කිරීම සඳහා නඩුව ලබන 25වනදා කැඳවීමට දින නියම කර තිබුණි.

ශ්‍රී ලංකා ක්‍රිකට් ආයතනයේ නිලවරණය (20) පැවැත්වීමට නියමිතය. ඒ අනුව ශ්‍රී ලංකා ක්‍රිකට් ආයතනයේ 62 වැනි වාර්ෂික මහා සභා රැස්වීම ද හෙට කොළඹ JAIC Hilton හිදී පැවැත්වෙයි. එහිදී තෝරා පත්කර ගැනෙන ශ්‍රී ලංකා ක්‍රිකට් ආයතනයේ නව නිලධාරී මඩුල්ල 2023-2025 කාලසීමාව සඳහා කටයුතු කරනු ඇති.

බස්නාහිර, සබරගමුව, මධ්‍යම, නැගෙනහිර සහ ඌව පළාත්වලත් ගාල්ල, මාතර සහ පොලොන්නරුව දිස්ත්‍රික්කවලත් සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇතිවන බව කාලගුණවිද්‍යා දෙපාර්තමේන්තුව පවසයි. බස්නාහිර සහ දකුණු පළාත්වල උදෑසන කාලයේදී ද වාර කිහිපයක් ඇති වේ. ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මගින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් ඉල්ලා සිටී.

ශ්‍රී ලංකාවේ යුද ගැටුම් පැවති සමයේ සිදුවූ ජන සංහාරය පිළිබඳ කැනේඩියානු අග්‍රාමාත්‍ය ජස්ටින් ටෘෘඩෝ මහතා සිදු කළ සාවද්‍ය ප්‍රකාශය විදේශ කටයුතු අමාත්‍යාංශය තරයේ ප්‍රතික්ෂේප කර තිබේ. කැනේඩියානු අගමැතිවරයා සඳහන් කර තිබුණේ මැයි 18 වනදා දෙමළ ජන සංහාර දිනයක් ලෙසය. මීට ප්‍රතිචාර දක්වමින් විදේශ කටයුතු අමාත්‍යංශය පවසන්නේ රටක ප්‍රමුඛ පෙළේ නායකයකු මෙවැනි වගකීම් විරහිත සහ පක්ෂග්‍රාහී ප්‍රකාශ සිදුකිරීම නිසා සාමය සහ සංහිඳියාව ප්‍රවර්ධනය කිරීම වෙනුවට කැනඩාව සහ ශ්‍රී ලංකාව තුළ අසමගිය සහ වෛරය ව්‍යාප්ත වන බවය. මෙරට විජයග්‍රහණයේ සැමරුම සම්බන්ධයෙන් කැනේඩියානු අග්‍රාමාත්‍ය ජස්ටින් ටෲඩෝ මහතා ඊයේ ප්‍රකාශයක් නිකුත් කර තිබුණි. වසර 14 කට පෙර මුල්ලිවයික්කාල් හි සිදුවූ සමූල ඝාතනය ඇතුළු පැවති…

එක්ස්ප්‍රස් පර්ල් නෞකාවේ ගින්නෙන් ඇතිවූ හානියට වන්දියක් ඉල්ලා කොළඹ වාණිජ මහාධිකරණය හමුවේ තවත් නඩුවක් ගොනු කර තිබේ. ඉන් පෙන්වා දී ඇත්තේ එක්ස්ප්‍රස් පර්ල් නෞකාව ගිනිගැනීමෙන් ඇතිවූ පාරිසරික හා විවිධ ක්ෂේත්‍රයන්ට සිදුවූ හානිය වෙනුවෙන් අමෙරිකානු ඩොලර් බිලියන 06කට අධික වන්දියක් අදාළ නෞකා සමාගම්වලින් අයකර දෙන නියෝගයක් නිකුත් කරන ලෙසය. වන අරණ පදනම ඇතුළු පාර්ශ්ව 04ක් විසින් පෙත්සම ඉදිරිපත් කර ඇත. එහි වගඋත්තරකරුවන් ලෙස ගිනිගැනීමට ලක්වූ එක්ස්ප්‍රස් පර්ල් නෞකාවේ දේශීය නියෝජිත සමාගම වන සී කොන්සෝටියම් ලංකා සමාගම ඇතුළු එම නෞකාවේ හිමිකරු, රක්ෂණකරු, ක්‍රියාකරු වශයෙන් කටයුතු කරන සමාගම් 08ක් නම් කර තිබේ.

ලොව ප්‍රමුඛතම මෝටර් රථ අපනයනකරු ලෙස වැජඹුණු ජපානය අභිබවා යාමට චීනය සමත්ව තිබේ. චීන බලධාරීන් පවසන්නේ 2023 වසරේ පළමු කාර්තුවේ ඔවුන් මෝටර් රථ මිලියන 1.07ක් අපනයනය කර ඇති බවය. එම කාලය තුළදී ජපානය අපනයනය කර ඇත්තේ මෝටර් රථ 954,185ක් පමණි. මේ අතර විචාරකයින් පවසන්නේ ඉන්ධන භාවිතයෙන් ධාවනය කෙරෙන මෝටර් රථ වෙනුවට විද්‍යුත් මෝටර් රථ නිෂ්පාදනයට චීනය ප්‍රමුඛත්වය ලබා දීම ඔවුන්ගේ වාසියට හේතුවී ඇති බවය. මේ වනවිට ලොවපුරා බොහෝ රටවල් සිය රථවාහන අවශ්‍යතාව සපුරාගැනීමේදී විද්‍යුත් රථවාහන ආනයනය සඳහා ප්‍රමුඛතාවක් ලබාදීමද මෙම තත්ත්වයට හේතුවී තිබේ. 2022 වසරේදී ඊට පෙර වසරවලට වඩා චීන විද්‍යුත් මෝටර් රථ අපනයනය සියයට 90කින් වර්ධනය වී ඇති බවද…

අමාත්‍යාංශ ලේකම්වරු දෙදෙනෙක් සහ රාජ්‍ය ආයතන සභාපතිවරු හයදෙනෙක් සඳහා උසස් නිලතල පිළිබඳ පාර්ලිමේන්තු කාරක සභාවේ අනුමැතිය ලැබී තිබේ. ඒ අනුව, කාන්තා, ළමා කටයුතු හා සමාජ සවිබලගැන්වීම් අමාත්‍යාංශයේ නව ලේකම්වරිය ලෙස යමුනා පෙරේරා මහත්මිය, සහ ජල සම්පාදන සහ වතු යටිතල පහසුකම් සංවර්ධන අමාත්‍යාංශයේ නව ලේකම්වරයා ලෙස ආර්. එම්. ඩබ්ලිව්. එස්. සමරදිවාකර මහතාගේ පත්වීමද උසස් නිලතල පිළිබඳ කාරක සභාව අනුමත කර ඇති බව පාර්ලිමේන්තුවේ සහකාර මහලේකම් ටිකිරි කේ. ජයතිලක මහතා පැවසීය. . එයට අමතරව, මහජන බැංකුවේ සභාපතිවරයා ලෙස සුජීව රාජපක්ෂ මහතාගේ පත්වීමටද උසස් නිලතල පිළිබඳ කාරක සභාව අනුමැතිය ලබාදුන් බව සහකාර මහලේකම්වරයා සඳහන් කළේය. තවද ශ්‍රී ලංකා පරමාණුක බලශක්ති මණ්ඩලයේ සභාපතිවරයා වශයෙන්…

අද (19) රාත්‍රියේ සිට පැය 10 කාලයක් ජල කප්පාදුවක් සිදුකිරීමට නියමිත බව ජාතික ජල සම්පාදන සහ ජලාපවහන මණ්ඩලය පවසයි. ඒ අනුව අද රාත්‍රී 10 සිට හෙට (20) උදෑසන 08.00 දක්වා කොළඹ ප්‍රදේශ කිහිපයකට මෙලෙස ජල සැපයුම අත්හිටුවනු ලබයි. මෙලෙස ජල සැපයුම අත්හිටුවනු ලබන්නේ කෝට්ටේ සහ කඩුවෙල මහ නගර සභා බලප්‍රදේශවලට සහ මහරගම සහ බොරලැස්ගමුව නගර සභා බලප්‍රදේශවලටය. එසේම කොළඹ 04,05,07 සහ 08 යන ප්‍රදේශවලටද එම කාලය තුළ ජල සැපයුම අත්තිටුවනු ඇත. ජාතික ජල සම්පාදන සහ ජලාපවහන මණ්ඩලය නිවේදනයක් නිකුත් කරමින් පවසන්නේ අඹතලේ ජල පවිත්‍රාගාරයේ හදිසි නඩත්තු කටයුත්තක් හේතුවෙන් මෙලෙස ජල සැපයුම අත්හිටුවීමට සිදුවන බවය.

කිළිනොච්චිය කොකාවිල්හි ස්ථාපිත 4 වන (ස්වෙච්ඡා) යුද්ධ හමුදා කාන්තා බළඇණියේ රාජකාරි නියුතු සෙබළියන්ගේ ලගම ඥාතීන් පිරිසක් රාජකාරි ස්ථාන මාරුවක් අදාල කර ගනිමින් පසුගිය 15 දින එම කඳවුර ඉදිරිපිට විරෝධතාවක නිරත වූ බවට මාධ්‍ය ඔස්සේ පළකර ඇති පුවත නිවැරදි නොවන බවට ශ්‍රීලංකා යුද්ධ හමුදාව විසින් නිවේදනයක් නිකුත්කර ඇත. එම නිවේදනය පහතින් දැක්වේ. කිළිනොච්චිය කොකාවිල්හි ස්ථාපිත 4 වන (ස්වෙච්ඡා) යුද්ධ හමුදා කාන්තා බළඇණියේ රාජකාරි නියුතු සෙබළියන්ගේ ලගම ඥාතීන් පිරිසක් රාජකාරි ස්ථාන මාරුවක් අදාල කර ගනිමින් පසුගිය 2023 මැයි මස 15 දින එම කඳවුර ඉදිරිපිට විරෝධතාවක නිරත වූ බවට මාධ්‍ය ඔස්සේ පළකර ඇති පුවත නිවැරදි නොවන අතර මෙම උද්ඝෝෂණය අනවබෝධය හා සාවද්‍ය කරුණු…

මැයි 18 සැමරුම් දිනයට සමගාමීව සියළු ජාතීන් එකමුතුව සිය මියගිය ඥාතීන් සිහිකිරීම සඳහා වූ සැමරුම් උළෙලක් උතුරු පළාත් දමිළ ජනතාවගේ සංවිධානත්වයෙන් කිලිනොච්චිය මහජන ක්‍රීඩාංගනයේදී ඊයේ 18 වන දින පවත්වා ඇත. මේ සඳහා කිලිනොච්චිය මුලතිව් හා යාපනය දිස්ත්‍රික්කයන්හි පදිංචි සිංහල, දෙමළ හා මුස්ලිම් ආදී ජාතීන්ට අයත් බෞද්ධ හින්දු, ක්‍රිස්තියානි ජනතාව සහභාගීවී ඇති බවට වාර්තාවේ . මෙහිදී පැමිණ සිටින සියලු දෙනා පහන් දල්වා සර්වආගමික වතාවත් සිදුකර ජාති ආගම් භේදයකින් තොරව සිය මියගිය ඤාතීන් සිහි කරන ලදී. එහිදී පැමිණි සිටි අයවලුන් මෙවැනි සැමරුම් උත්සවයක් ජාති භේදයකින් තොරව සංවිධානය කිරීම පිළිබඳව ඔවුන්ගේ ප්‍රසාදය පළකර ඇති අතර, ඒ තුළින් ජාතීන් අතර සංහිඳියාවට විශාල පිටුවහලක් වනු…