Author: LFN

නාරහෙන්පිට යුද හමුදා රෝහලේ සේවය කරන වෛද්‍යවරයකුට පිහියක් පෙන්වා මරණ තර්ජනය කර ඔහුගේ ගිනුමෙන් රුපියල් 7,50,000 ක මුදලක් සහ පසුම්බියේ තිබූ රුපියල් 25,000ක මුදලක් පැහැරගත්තේ යැයි කියන අවුරුදු පාසල් සිසුන් දෙදෙනකු සහ 1 තරුණයකු අත්අඩංගුවට ගත් බව ගල්කිස්ස මූලස්ථාන පොලීසියේ අපරාධ විමර්ශන අංශය කියයි වෛද්‍යවරයාගේ මුදල් බලහත්කාරයෙන් ලබා ගැනීමට සම්බන්ධ වූ බව කියන තවත් තරුණයන් දෙදෙනෙකු අත්අඩංගුවට ගැනීමට ගල්කිස්ස මූලස්ථාන පොලීසියේ අපරාධ විමර්ශන අංශය පරීක්ෂණ ආරම්භ කර ඇත. නාරහෙන්පිට යුද හමුදා රෝහලේ සේවය කරන එම වෛද්‍යවරයාගේ ජංගම දුරකථනයට කථා කළ අයකු මොරටුව සොයිසා පුර මහල් නිවසේ හදිසි රෝගියකු සිටින බවට දැනුම්දී ගෙන්වා ගෙන ඇතැයි පොලිසිය පවසයි. දුරකතන ඇමතුම ලැබුණු සැනින්වෛද්‍යවරයා…

යතුරුපැදියකින් පැමිණි පුද්ගලයන් දෙදෙනකු අද උදේ බොරැල්ල ලෙස්ලි රනගල මාවතේ දී සිදු කළ වෙඩි තැබීමකින් පුද්ගලයකු එම ස්ථානයේදීම මිය ගොස් ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව මහතා පැවසීය. සිද්ධියෙන් මියගොස් ඇත්තේ වයස අවුරුදු පනස් එකක් වන කැලණියේ පදිංචිකරුවෙකි. මෙම පුද්ගලයා පිරිසුදු කිරීමේ සේවකයන්ට වැටුප් ගෙවීම සඳහා පැමිණ සිටියදී මෙම වෙඩි තැබීම සිදු වී ඇත. යතුරු පැදියෙන් පැමිණි වෙඩික්කරුවන් ටී-56 ගිනි අවියකින් මෙම වෙඩි තැබීම සිදුකර ඇති බව මාධ්‍ය ප්‍රකාශකවරයා කීය. වෙඩි තැබීමට හේතුව මෙතෙක් අනාවරණය වී නැත.

මෙරට තිබෙන කිතුල් ගස් පන් ලක්‍ෂ 74,254න් සියයට 84 ක් කිසිදු ප්‍රයෝජනයකට නොගන්නා බවට සිදුකළ සංගණනයකදි අනාවරණ වී තිබෙනවා. එම සංගණනය සිදුකර ඇත්තේ ජන හා සංඛ්‍යා ලේඛණ දෙපාර්තමේන්තුවයි. කිතුල් ගස් ප්‍රමාණයෙන් ආර්ථිකමය කටයුතු සදහා යොදාගෙන ඇති කිතුල් ගස් සංඛ්‍යාව 89,865 ක් බවයි කෘෂිකර්ම අමාත්‍යාංශය පැවසුවේ. එය මුළු කිතුල් ගස් ප්‍රමාණයෙන් සියයට 15 යි දශම 6 යි 4 ක්. අපතේ යන කිතුල් ගස් ප්‍රමාණයෙන් වැඩි කොටසක් ඇත්තේ වන සංරක්‍ෂිත තුළයි. කිතුල් කර්මාන්තයෙන් දෛනිකව රුපියල් මිලියන 500ක ආදායම් ඉපයිය හැකි වුවත් මේ වනවිට එම කර්මාන්තය සංවර්ධනය නොවී පැවතිම හේතුවෙන් රටට ලැබිය හැකි විශාල විදේශ විනිමය ප්‍රමාණයක් අහිමි වන බවයි කිතුල් ව්‍යවසායකයන් පෙන්වා…

මේ වසරේ මැයි මාසය වන විට දකුණු කොරියානු රැකියා සඳහා ලාංකික ශ්‍රමිකයින් 2,726 දෙනෙකු මෙරටින් පිටත්ව ගොස් තිබෙනවා. ඒ අතරට තරුණීයන් 32 දෙදෙනෙකු ද අයත්. ඔවුන් මෙලෙස පිටත්ව ගොස් ඇත්තේ නිෂ්පාදන, ධීවර සහ ඉදිකිරීම් යන රැකියා ක්ෂේත්‍රවලටයි. 2023 වසරේ ශ්‍රමිකයින් 8,000 ක් පමණ කොරියානු රැකියාවලට බඳවා ගැනීමට කොරියානු මානව සම්පත් දෙපාර්තමේන්තුව එකඟතාවය පළ කර තිබෙනවා. ඒ සම්බන්ධයෙන් කොරියානු මානව සම්පත් දෙපාර්තමේන්තු වෙබ් අඩවියට දත්ත අතුළත් කර තිබෙනවා. මෙරට රැකියා අපේකෂිත තරුණ තරුණියන්ගෙන් කොරියානු සේවා යෝජකයින් විසින් රැකියා ගිවිසුම් ලබාදීමට තෝරාගෙන ඇති ශ්‍රමිකයින්ව, කඩිනමින් රැකියා සඳහා පිටත්කර හැරීමටයි ශ්‍රී ලංකා විදේශ සේවා නියුක්ති කාර්යාංශය අවශ්‍ය පියවර ගෙන ඇත්තේ. මේ අතර 2023…

මෙවර G7 සමුළුව ජපානයේදී පැවැත්වෙයි. ජපානය සභාපතිත්වය දරණ එම සමුළුව හිරෝෂිමා නගරයේදී දින 03 ක් පුරා පැවැත්වීමට නියමිතය. G7 හි සාමාජිකත්වය දරණ අමෙරිකාව නියෝජනය කරමින් ජනාධිපති ජෝ බයිඩන් සමුළුව සඳහා සහභාගී වනු ඇති. මෙවර G7 සමුළුවට සහභාගී වන ලෙස ජපානය, ඉන්දියාවට විශේෂ ආරාධනයක් සිදු කර තිබේ. මෙවර G20 සමුළුවේ සභාපතිත්වය දරණ ඉන්දියාව නියෝජනය කරමින් අග්‍රාමාත්‍ය නරේන්ද්‍ර මෝදි ජපානයේ පැවැත්වෙන G7 සමුළුව සඳහා සහභාගීවීමට නියමිතය. සිය ජපාන සංචාරය අවසන් කර ඉන්දීය අග්‍රාමාත්‍යවරයා පැපුවා නිව්ගිනියාවටත් ඉන් අනතුරුව ඔස්ට්‍රේලියාවටත් පැමිණීමට නියමිතව තිබේ.

රට ඩිජිටල් ආර්ථිකයක් කරා ගෙනයාමේ වැඩපිළිවෙල වේගවත් කිරීම පිළිබඳ මසක් තුළ වර්තාවක් ලබාදෙන ලෙස විෂයභාර රාජ්‍ය අමාත්‍යවරයා ඇතුළු නිලධාරීන්ට තමා උපදෙස් ලබාදුන් බව ජනාධිපති රනිල් වික්‍රමසිංහ මහතා පැවසීය. දේශීය ආදායම් දෙපාර්තමේන්තුවේ බදු ආදායම් අය කරගැනීම සඳහා ස්ථාපිත කර ඇති ආදායම් පරිපාලන කළමනාකරණ තොරතුරු පද්ධතිය හෙවත් රැමිස් (RAMIS) පද්ධතිය පිළිබඳව ද මෙහිදී අදහස් දැක්වූ ජනාධිපතිවරයා කියා සිටියේ 1993 වසරේ අග්‍රාමාත්‍යවරයා ලෙසද තමා ඒ පිළිබඳ සාකච්ඡා කළ බවය. නමුත් 2023 තවමත් ඒ පිළිබඳ සාකච්ඡා කරමින් සිටීම කනගාටුවට කරුණක් බව පෙන්වා දුන් ජනාධිපතිවරයා රට ඩිජිටල් ආරථිකයක් කරා ගෙන යාමේ වැඩපිළිවෙල කිසිසේත් ප්‍රමාද කළ යුතු නැති බවත් එය වේගවත් කරන තරමට ප්‍රතිඵල අත්කරගත හැකි…

අන්තර්ජාලය ඔස්සේ භාණ්ඩ අලෙවි කිරීම නියාමනය කරමින් පාරිභෝගික කටයුතු පිළිබඳ අධිකාරිය මගින් ගැසට් නිවේදනයක් නිකුත් කර තිබේ. පාරිභෝගිකයින්ගේ ආරක්ෂාව වෙනුවෙන් මෙම පියවර ගන්නා බව පාරිභෝගික අධිකාරියේ සභාපති ශාන්ත නිරිඇල්ල මහතා විසින් නිකුත් කළ ගැසට් නිවේදනයේ දැක්වෙයි. ඒ අනුව අන්තර්ජාල හරහා යම් භාණ්ඩයක් සම්බන්ධයෙන් වෙළෙඳ ප්‍රචාරණය සිදුකරන විට නොමඟ යවනසුළු කටයුතුවල නිරත නොවිය යුතු අතර භාණ්ඩයේ සත්‍ය ගැණුම් මිල අන්තර්ජාලය ඔස්සේ ප්‍රදර්ශනය කර ඇති මිල බවට සහතික වියයුතු බව ගැසට් නිවේදනයේ සඳහන් ය. පාරිභෝගිකයින්ගේ ඇගයීම් හා සමාලෝචන සම්බන්ධයෙන් අසත්‍ය ඇගයීම් ප්‍රකාශයට පත් නොකළ යුතු අතර සමාලෝචන යොමු කිරීමට කුලී පදනම මත තෙවන පාර්ශ්වයක් යොදා නොගත යුතු බවද එහි දැක්වෙයි. අන්තර්ජාලය හරහා…

කුරුණෑගල ප්‍රදේශයේ දී මහ මඟ අතරමං වී පාර ඇසූ දරුවෙක්ට මූල්‍යායතනයක පිරිසක් ලිංගික අතවර කළ බවට ප්‍රචාරය වූ පුවත සම්පූර්ණයෙන්ම අසත්‍යක් බව හෙළිවී තිබේ. පොලීසිය පවසන්නේ ලිංගික අතවර චෝදනා එල්ල කළ දරුවා මානසික ආබාධයකින් පෙළෙන අයෙක් යැයි හෙළිවී ඇති බවය. දරුවා කිසිඳු ලෙසකින් ලිංගික අපයෝජනයකට ලක්වී නොමැති බවත් අධිකරණ වෛද්‍ය වාර්තාවෙන් තහවුරු වී ඇති බව පොලීසිය පවසයි. කාත්තන්කුඩිය ප්‍රදේශයේ පදිංචි 14 හැවිරිදි දරුවෙක් පෙරේදා, එනම් 17 වනදා නිවසින් පිටත්ව කුරුණෑගල ප්‍රදේශයට පැමිණ තිබුණි. පසුව එම දරුවා යළි බස් රථයකට ගොඩවී ඇත්තේ නිවසට යාමේ අපේක්ෂාවෙනි. දරුවා වැරදි බස් රථයකට ගොඩවී ඇති අතර ඒ බව අවබෝධකරගත් කොන්දොස්තර මහතා දරුවාට උපදෙස් දී ඇත්තේ…

සිංගප්පූරුවේ මහල් නිවාස සංකීර්ණයකින් වැටී මියගිය ශ්‍රී ලාංකික කාන්තාවගේ දේහය අද (20) මෙරටට රැගෙන ඒමට නියමිතව තිබේ. මෙලෙස මියගොස් තිබුණේ එරට ගෘහ සේවයේ යෙදී සිටි නදීකා දිල්ෂානි නම් 42 හැවිදිරි කාන්තාවකි. ඇයගේ ඥාතීන් පවසන්නේ ඇය සේවය කළ නිවෙස්හිමියාගෙන් එල්ලවූ දැඩි මානසික පීඩනය දරාගත නොහැකි තත්ත්වයකින් ඇය පසුවූ බවය. දංකොටුව, මොටැමුල්ල ප්‍රදේශයේ පදිංචි නදීකා දිල්ෂානි ප්‍රනාන්දු සයිප්‍රස් සහ තුර්කියේ වසර 10ක් සේවය කළ ගෘහ සේවිකාවකි. ඇය ඉන් උපයාගත් මුදලින් දෙමහල් නිවසක් ඉදිකිරීම අරඹන අතර ඇඟලුම් ව්‍යාපාරයක් සඳහා ද ඇය මුදල් ආයෝජනය කර තිබුණි. නමුත්, නිවසේ ඉහළ මහළයේ වැඩ නිමකිරීමට තරම් ආරම්භ කළ ව්‍යාපාරයෙන් මුදල් නොලැබීම මත නදීකා පසුගිය දෙසැම්බර් 03 වනදා…

විරෝධතාවයක් අතරතුර අත්අඩංගුවට ගත් වසන්ත මුදලිගේ ඇතුළු ශිෂ්‍ය ක්‍රියාකාරීන් 08 දෙනා මහර මහෙස්ත්‍රාත් අධිකරණයට ඊයේ (19) ඉදිරිපත් කිරීමෙන් පසු ඇප මත මුදාහැරුණි. අන්තර් විශ්වවිද්‍යාලයීය ශිෂ්‍ය බලමණ්ඩලය කැලණිය විශ්වවිද්‍යාලය ඉදිරිපිට (18) රාත්‍රියේ පැවැත්වූ විරෝධතාවක් අතරතුර එහි කැඳවුම්කරු වසන්ත මුදලිගේ ඇතුළු ශිෂ්‍ය ක්‍රියාකාරීන් 8දෙනෙකු මෙලෙස කිරිබත්ගොඩ පොලීසිය විසින් අත්අඩංගුවට ගෙන තිබුණි. රක්ෂිත බන්ධනාගාරගත කර සිටින කැලණිය විශ්වවිද්‍යාලයේ ශිෂ්‍ය ක්‍රියාකාරින් නිදහස් කරන ලෙස ඉල්ලමින් අන්තර් විශ්වවිද්‍යාලයීය ශිෂ්‍ය බලමණ්ඩලය කැලණිය විශ්වවිද්‍යාලය ඉදිරිපිට ඊයේ රාත්‍රියේ විරෝධතාවක් සංවිධානය කර තිබුණි. සරසවි සිසුන් පන්දම් රැගෙන කොළඹ – නුවර මාර්ගය දෙසට ගමන් ආරම්භ කළ අතර එහිදී පොලීසිය දැඩි රැකවල් යොදා තිබුණි. විශ්වවිද්‍යාල සිසුන් නුවර – කොළඹ ප්‍රධාන මාර්ගයට…