පියාගෙන් සිදුවන කරදර සම්බන්ධයෙන් පොලිසියට පැමිණිලි කිරීමට ගිය තරුණියක් ගැබ් කල පොලිස් කොස්තාපල්වරයකු ගේ වැඩ තහනම් කිරීමට පොලිස් මූලස්ථානය පියවර ගෙන ඇත.
පෙබරවාරි මාසයේ දිනක ගැබ් ගත් බව කියන තරුණිය සිය මව සමග පොලීසියට පැමිණ ඇත්තේ සිය පියාගෙන් සිදුවන හිරිහැර සම්බන්ධව පැමිණිල්ලක් සිදු කිරීමට ය.එහෙත් කාන්තා නිලධාරිනියක් නොමැති බව පවසා එදින රැය පහන් වන තුරු ඔවුන් පොලිස් ස්ථානයේ රඳවා තබා ගැනීමට පොලිස් කොස්තාපල්වරයා කටයුතු කර ඇත.තරුණියගේ ජංගම දුරකථන අංකය ලබා ලබා ගත් පොලිස් කොස්තාපල්වරයා ඇයට ඇමතුමක් ලබාදී මුදල් හා පරිගණක ලබා දෙන බව පවසමින් කල්ලඩි ප්රදේශයේ නිවසකට රැගෙන ගොස් අඹු සැමියන් ලෙස හැසිරී ඇති බව පොලිසිය පවසයි.
දැනට සති කිහිපයකට ඉහත දී ඇය ගැබ් ගත් බව පොලිස් කොස්තාපල්වරයා දැනුවත් කිරීමෙන් අනතුරුව ඔහු ඇයව මඟ හැරීමට කටයුතු කර ඇත.පසුව තරුණිය පොලිස් පොලිස්ථානයට පැමිණ පැමිණිල්ලක් ඉදිරිපත් කිරීමෙන් අනතුරුව විමර්ශන සිදුකර තිබේ.විමර්ශනවලට අදාළව පොලිස් කොස්තාපල්වරයාගේ වැඩ තහනම් කර ඇති බව පොලිසිය පවසයි.