Author: LFN

බස්නාහිර, සබරගමුව, මධ්‍යම, නැගෙනහිර සහ ඌව පළාත්වලත් ගාල්ල, මාතර සහ පොළොන්නරුව දිස්ත්‍රික්කවලත් සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇති වේ. කාලගුණවිද්‍යා දෙපාර්තමේන්තුව නිවේදනය කළේ, බස්නාහිර වෙරළබඩ ප්‍රදේශවලත් ගාල්ල සහ මාතර දිස්ත්‍රික්කවලත් උදෑසන කාලයේදී ද වැසි ඇති විය හැකි බවය. උතුරු පළාතෙත් අනුරාධපුර සහ පුත්තලම දිස්ත්‍රික්කවලත් විටින් විට හමන පැ.කි.මී. 40ක පමණ තද සුළං ඇතිවිය හැකිය. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටී.

බස්නාහිර පළාතෙත් රත්නපුර, ගාල්ල සහ මාතර දිස්ත්‍රික්ක සඳහා තද වැසි පිළිබඳ අවවාදාත්මක නිවේදනයක් කාලගුණවිද්‍යා දෙපාර්තමේන්තුව විසින් නිකුත් කර තිබේ. අද (21) පස්වරු 2.30 සිට හෙට (22) උදෑසන 8.30 තෙක් වලංගු වන පරිදි එම නිවේදනය නිකුත් කර ඇත. දිවයිනේ නිරිත දිග කොටසේ පවතින වැසිබර තත්ත්වය තවදුරටත් බලාපොරොත්තු වන බව කාලගුණවිද්‍යා දෙපාර්තමේන්තුව සඳහන් කරයි. ඒ හේතුවෙන් බස්නාහිර පළාතේත් රත්නපුර, ගාල්ල සහ මාතර දිස්ත්‍රික්කවල ඇතැම් ස්ථානවල මි.මී 100ට වැඩි තද වැසි ඇතිවේ. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටී.

ජීව උණ්ඩ 05 ක්, යුද හමුදා නිල ඇඳුම් කට්ටලයක් සහ කඩුවක් සමග සැකකරුවෙකු පොලිස් විශේෂ කාර්යය බලකා නිලධාරීන් විසින් අත්අඩංගුවට ගෙන තිබෙනවා. ඒ, අම්බලන්තොට කඳවුරේ නිලධාරීන්ට ලද තොරතුරකට අනුව වීරකැටිය, කුඩාබැඳිගම ප්‍රදේශයේ සිදුකළ වැටලීමකදීයි. යම් අපරාධයක් සිදුකිරීමේ අරමුණින් මෙම භාණ්ඩ සැකකරු සන්තකයේ තබා ගන්නට ඇති බවටයි පොලීසිය සැක පළ කරන්නේ. එලෙස අත්අඩංගුවට ගෙන ඇත්තේ 38 හැවිරිදි විතාරණදෙණිය ප්‍රදේශයේ පදිංචි පුද්ගලයෙක්. වැඩිදුර විමර්ශන සිදුකිරීම සඳහා සැකකරු වීරකැටිය පොලිස් ස්ථානය වෙත භාර දී තිබෙනවා.

බුදුන් වහන්සේට සහ අනෙකුත් ආගම්වලට නිගරු වන ප්‍රකාශ සිදුකිරීමේ චෝදනාවට ලක්ව සිටින ක්‍රිස්තියානි දේවගැති ජෙරම් ප්‍රනාන්දුට අයත් කටුනායක මිරකල් ඩෝම් ශාලාව ඉදිරිපිට පොලිස් ආරක්ෂාව යොදවා තිබේ. ඔහු අද (21) දිවයිනට පැමිණෙන බව සමාජ මාධ්‍ය ඔස්සේ සඳහන් කර තිබුණත් මේ දක්වා ඔහු දිවයිනට පැමිණ නොමැත. ක්‍රිස්තියානි දේවගැති ජෙරම් ප්‍රනාන්දු සිදුකළ මතභේදාත්මක දේශනයක් හේතුවෙන් බුදුන් වහන්සේට සහ අනෙකුත් ආගම්වලට නිගරුවන බැවින් ඔහු අත්අඩංගුවට ගන්නා ලෙස පාර්ශව කිහිපයක් අපරාධ පරීක්ෂණ දෙපාර්තමේන්තුවට පැමිණිලි කළේය. ජනාධිපති රනිල් වික්‍රමසිංහ මහතාගේ නියමයෙන් ඒ සම්බන්ධව විමර්ශනයක් ද ක්‍රියාත්මකය. දේවගැති ජෙරම්ට එරෙහිව අපරාධ පරීක්ෂණ දෙපාර්තමේන්තුව දැනටමත් විදේශ ගමන් තහනම් කරමින් කොටුව මහෙස්ත්‍රාත් අධිකරණයෙන් තහනම් නියෝගයක් ලබාගෙන ඇත. එවැනි වටපිටාවක…

බුදුන් වහන්සේට සහ අනෙකුත් ආගම්වලට නිගරු වන ප්‍රකාශ සිදුකිරීමේ චෝදනාවට ලක්ව සිටින ක්‍රිස්තියානි දේවගැති ජෙරම් ප්‍රනාන්දුට අයත් කටුනායක මිරකල් ඩෝම් ශාලාව ඉදිරිපිට පොලිස් ආරක්ෂාව යොදවා තිබේ. ඔහු අද (21) දිවයිනට පැමිණෙන බව සමාජ මාධ්‍ය ඔස්සේ සඳහන් කර තිබුණත් මේ දක්වා ඔහු දිවයිනට පැමිණ නොමැත. ක්‍රිස්තියානි දේවගැති ජෙරම් ප්‍රනාන්දු සිදුකළ මතභේදාත්මක දේශනයක් හේතුවෙන් බුදුන් වහන්සේට සහ අනෙකුත් ආගම්වලට නිගරුවන බැවින් ඔහු අත්අඩංගුවට ගන්නා ලෙස පාර්ශව කිහිපයක් අපරාධ පරීක්ෂණ දෙපාර්තමේන්තුවට පැමිණිලි කළේය. ජනාධිපති රනිල් වික්‍රමසිංහ මහතාගේ නියමයෙන් ඒ සම්බන්ධව විමර්ශනයක් ද ක්‍රියාත්මකය. දේවගැති ජෙරම්ට එරෙහිව අපරාධ පරීක්ෂණ දෙපාර්තමේන්තුව දැනටමත් විදේශ ගමන් තහනම් කරමින් කොටුව මහෙස්ත්‍රාත් අධිකරණයෙන් තහනම් නියෝගයක් ලබාගෙන ඇත. එවැනි වටපිටාවක…

මියගිය දිනේෂ් ෂාෆ්ටර් මහතාගේ මෘත දේහය ගොඩගැනීමට අවශ්‍ය කටයුතු මනුෂ්‍ය ඝාතන සහ සංවිධානාත්මක අපරාධ විමර්ශන කොට්ඨාසය මඟින් සිදුකරන බව පොලීසිය පවසයි. මේ සම්බන්ධයෙන් අදහස් දක්වමින් පොලිස් මාධ්‍ය ප්‍රකාශයක, ජ්‍යෙෂ්ඨ පොලිස් අධිකාරී, නීතිඥ නිහාල් තල්දූව මහතා පවසා සිටියේ, මැයි මස 25 වනදින දේහය ගොඩගැනීමට නියමිත බවය. ඒ අනුව මියගිය දිනේෂ් ෂාෆ්ටර් මහතාගේ මෘත දේහය මිහිදන් කරන තිබෙන ස්ථානයට බොරැල්ල පොලීසිය විසින් විශේෂ ආරක්ෂාවක් යොදවා ඇතැයි පොලිස් මාධ්‍ය ප්‍රකාශකවරයා පැවසීය. මහෙස්ත්‍රාත්වරයාගේ සහ වෙනත් විශේෂඥයින්ගේ මෙන්ම විමර්ශන නිලධාරීන්ගේ සහභාගීත්වයෙන් සිරුර ගොඩගැනීමට නියමිත බව ද නිහාල් තල්දුව මහතා කියා සිටියේය.

ගම්පොළ, පන්විලතැන්න ප්‍රදේශයේ අද (21) උදෑසන පොලීසිය සිදුකළ වෙඩිතැබීමකින් 18 හැවිරිදි තරුණයෙක් තුවාල ලබා තිබේ. අප වාර්තාකරු පැවසුවේ, මත්පැන් ජාවාරම් සිදුකෙරෙන බවට පොලීසියට ලද තොරතුරක් මත පොලිස් කණ්ඩායමක් නිවසක් වටලා මෙහෙයුමක් සිදුකරන අවස්ථාවේ දී සිදුවු වෙඩිතැබීමකින් අදාළ තරුණයා තුවාල ලබා ඇති බවය. අදාළ තරුණයාගේ නිවසේ සිටි සුනඛයා ද වෙඩිවැදී මරණයට පත්ව ඇති බව අප වාර්තාකරු පැවසීය.

රාජ්‍ය යාන්ත්‍රණය තවදුරටත් නිසි පරිදි ක්‍රියාත්මක නොවන බව පාර්ලිමේන්තු මන්ත්‍රී එස්. බී.දිසානායක මහතා පවසයි. මන්ත්‍රීවරයා පෙන්වා දෙන්නේ ජනාධිපතිවරයා කෙතරම් උත්සාහ ගත්ත ද රාජ්‍ය යාන්ත්‍රණයේ පවතින අඩුපාඩු හේතුවෙන් ඇතැම් කටයුතු ක්‍රියාත්මක කිරීමට නොහැකි වී ඇති බවය. කොළඹ පැවති මාධ්‍ය හමුවකට එක්වෙමින් පාර්ලිමේන්තු මන්ත්‍රී එස්.බී දිසානායක මහතා එම අදහස් පළ කළේය.

මෝටර් රථයකින් ගොස් යතුරුපැදියක සිටි යුවලක් ව හප්පා ඝාතනය කිරීමට තැත්කළ පුද්ගලයන් තිදෙනෙක් අතුරුගිරිය මයිලන්ගම ක්‍රීඩාංගණය අසලදී අත්අඩංගුවට ගත් බව අතුරුගිරිය පොලීසිය කියයි. ගණිකා වෘතියේ යෙදෙන බවට වෙනත් කාන්තාවකගේ ඡායාරූපයක් යොදා අන්තර්ජාලයේ දැන්වීමක් පළකිරීමේ සිද්ධියක් සම්බන්ධයෙන් මෝටර් රථයේ සිටි පිරිස එම යුවලව හප්පා ඇති බව හෙළිවෙයි. 26 හැවිරිදි යතුරුපැදියේ පසු පැදිකාරිය බරපතළ තුවාල සහිතව ප්‍රතිකාර සඳහා කොළඹ ජාතික රෝහල වෙත ඇතුළත් කර ඇත. තුවාලකාරිය ගණිකා වෘත්තියේ යෙදෙන බවට දුරකථන අංකයක් සහ වෙනත් කාන්තාවකගේ ඡායාරූපයක් සහිතව අන්තර්ජාලයේ දැන්වීමක් පළකර තිබී ඇති බව පොලිස් විමර්ශනවලදී අනාවරණය වී තිබුණි. පසුව ඡායාරූපේ සිටින කාන්තාවගේ පෙම්වතා විසින් එම දුරකථන අංකයට ඇමතුමක් ලබාදී තුවාල ලැබූ කාන්තාවට…

ආණ්ඩුවේ කැබිනට් සහ රාජ්‍ය ඇමති ධූර දරන , ශ්‍රී ලංකා පොදුජන පෙරමුණේ මැති ඇමතිවරුන් වැඩිදෙනකු බත්තරමුල්ලේ පිහිටි එම පක්ෂ මූලස්ථානයට යාම කර අරිමින් සිටින බව දේශපාලන ආරංචි මාර්ග සඳහන් කරයි. ඇතැමුන් ආණ්ඩුවේ තනතුරු ලබා ගැනීමෙන් පසුව,මුල් කාලයේ දවස් දෙක තුනක් පක්ෂ මුලස්ථානයට ගිය ද පසුව ගොස් නැති බවත්,තවත් පිරිසක් තනතුරු ලබා ගැනීමෙන් පසුව කිසිම දවසක පක්ෂ මූලස්ථානයට ගොස් නැති බවත් පැවසේ. මින් වැඩි දෙනෙකු පොහොට්ටුවේ දේශපාලන කටයුතුවලින් ඈත්ව සිටින අතර ,ඔවුන් ජනාධිපති රනිල් වික්‍රමසිංහ මහතා සමඟ වැඩි සම්බන්ධතාවක් පවත්වමින් සිටින බවද දැනගන්නට ඇත.