Author: LFN

අන්තර් විශ්ව විද්‍යාල ශිෂ්‍ය බළ මණ්ඩලයේ නව කැදවුම්කරු ලෙස පේරාදෙණිය විශ්වවිද්‍යාලයේ සම සෞඛ්‍ය විද්‍යාපීඨයේ මධුෂාන් චන්ද්‍රජිත් තේරී පත්ව ඇති බව එම බළමණ්ඩලය නිවේදනයක් නිකුත් කරමින් කියා සිටී. එම බළමණ්ඩලයේ කැදවුම්කරු වසන්ත මුදලිගේ මහතා අත්සනින් යුතුව නිවේදනය නිකුත් කර ඇත. රජරට විශ්ව විද්‍යාලයේ ඊයේ පැවතී සැසිවාරයේදී එම තීරණය ගෙන ඇතැයි නිවේදනයේ වැඩි දුරටත් සදහන් වේ.

හිටපු ජනාධිපතිවරුන්ගේ සහ හිටපු මැති ඇමතිවරුන්ගේ විශ්‍රාම වැටුප් අහෝසි කිරීමේ යෝජනාවක් 2021 වසරේ අයවැයෙන් සම්මත කර ඇතත්,එම යෝජනාව ක්‍රියාත්මක කිරීමට අදාළ රෙගුලාසි හා අණපනත් මෙතෙක් සම්මත කර නොගැනීම හේතුවෙන්, එය හුදු අයවැය යෝජනාවක් පමණක් බවට පත්ව ඇත බැසිල් රාජපක්ෂ මහතා මුදල් ඇමැතිවරයා වශයෙන් 2020 වසරේ නොවැම්බර් මාසයේදී ඉදිරිපත් කළ 2021 අයවැය යෝජනාවලියට මෙම යෝජනාව ද ඇතුළත් ව ඇත. යෝජනාව සම්මත කර වසර තුනකට ආසන්න කාලයක් ගතවී ඇතත්,එම යෝජනාව ක්‍රියාත්මක කිරීමට අදාළ රෙගුලාසි හා අණපනත් සකස් කර පාර්ලිමේන්තුවේ සම්මත කර නොගැනීමෙන්, එය තවත් සුදු අයවැය යෝජනාවක් පමණක් වී ඇතැයි දේශපාලන විශ්ලේෂකයෝ පෙන්වා දෙති. ජනාධිපතිවරයකු මාස දෙක තුනක් හෝ වසර දෙක තුනක්…

බදු අය කිරීමේ ක්‍රමවේදය වඩාත් කාර්යක්ෂම කිරීම පිළිබඳව රජයේ අවධානය යොමව තිබේ. ඒ අනුව, මීට අදාළ වාර්තාවක් මේ වනවිට සකස්කරමින් පවතින බව මුදල් රාජ්‍ය අමාත්‍ය රංජිත් සියඹලාපිටිය මහතා සඳහන් කළේය. බදු අය කිරීමේ ක්‍රමවේදවල පවතින අඩුපාඩු හේතුවෙන් රජය එම පියවර ගෙන තිබේ. අවිස්සාවේල්ල ප්‍රදේශයේ දී මාධ්‍ය වෙත අදහස් දක්වමින් මුදල් රාජ්‍ය අමාත්‍ය රංජිත් සියඹලාපිටිය මහතා එම අදහස් පළකළේය.

ඉන්දියාවේ සභාපතීත්වයෙන් එරටදී පැවැත්වෙන G20 සමුළුවට චීනය බාධාවක් එල්ල කර ඇතැයි විදෙස් මාධ්‍ය පවසයි. ඒ අනුව ලබන සතියේ පැවැත්වෙන G20 සමුළුවේ සංචාරක ක්‍රියාකාරී කණ්ඩායම් රැස්වීමට සිය රටේ නියෝජිතයන් සහභාගී නොවන බව චීනය පවසා ඇතැයි වාර්තා වෙයි. ඉන්දියාවේ සභාපතීත්වය යටතේ, G20 සමුළුවේ සංචාරක ක්‍රියාකාරී කණ්ඩායම් රැස්වීම මැයි 22 සිට 24 දක්වා ජම්මු – කාෂ්මීරයේ ශ්‍රීනගර් හිදී පැවැත්වීමට නියමිතය. චීනයේ මතය වී ඇත්තේ ආරවුල් ඇති ප්‍රදේශයක එවැනි රැස්වීම් පැවැත්වීමට තමන් දැඩි ලෙස විරුද්ධ බවට ය. ඒ අනුව විචාරකයින් පවසන්නේ චීනය යනු පාකිස්තානයේ සමීප මිතුරෙකු වන බැවින් ඉන්දියාවට එල්ල කරන විරෝධය චීන – පාකිස්තාන සබඳතාවල ප්‍රතිඵලයක් වියහැකි බවය.

බොරැල්ල, ලෙස්ලි රණගල මාවතේදී නාඳුනන තුවක්කරුවකු විසින් ඊයේ (20) උදෑසන සිදුකර වෙඩිතැබීමෙන් ඝාතනය වූ පුද්ගලයා මේජර් තුවාන් මුතාලිෆ් ඝාතනයේ සැකකරුවකුව සිට නිදහස් වූ පුද්ගලයෙකු බව පොලීසිය පවසයි. කෙසේ වෙතත් ඝාතනයට හේතුව මෙතෙක් අනාවරණ වී නොමැත. අද පෙරවරු 6ට පමණ මෙම වෙඩිතැබීම සිදුවී තිබුණේ බොරැල්ල ලෙස්ලි රණගල මාවතේ පිහිටි දුම්රිය හරස් මාර්ගය ආසන්නයේදීය. සිය දියණිය සමග යතුරුපැදියකින් පැමිණි පුද්ගලයෙකු වෙඩික්කරුවන්ගේ ඉලක්කය වී තිබුණි. කැලණියේ සිට එම පුද්ගලයා පැමිණ ඇති අතර වෙඩිතැබීම සිදුවූ ස්ථානයෙන් ඔහුගේ දියණිය බැස ඥාතී නිවසකට යමින් සිටියදී යතුරුපැදියකින් පැමිණි පුද්ගලයින් දෙදෙනෙකු විසින් T56 ගිනි අවියකින් ඔහුට වෙඩිතබා ඇති බව පොලීසිය පැවසීය. අනතුරුව වෙඩි වැදී බිම වැටුණු පුද්ගලයා ආසන්නයට…

වැලිකඩ පොලීසියේදී ප්‍රකාශ සටහන් කරගන්නා අතරතුර රෝගාතුරවූ කාන්තාවක් රෝහල්ගත කිරීමෙන් පසුව මියයෑමේ සිද්ධිය සම්බන්ධයෙන් පොලිස් නිලධාරීන් 4කගේ වැඩතහනම් කර තිබේ. ඒ අනුව පොලිස් පරික්ෂවරයෙක්, සැරයන්වරුන් දෙදෙනෙක් සහ පොලිස් කොස්තාපල්වරයෙකුගේ වැඩතහනම් කර ඇති බව වාර්තා වෙයි. අදාළ සිද්ධිය සම්බන්ධයෙන් තවත් පොලිස් කොස්තාපල්වරියන් දෙදෙනෙකු සහ පොලිස් කොස්තාපල්වරයෙක්ට මාරුවීම් ලබාදීමට ද පියවර ගෙන ඇත. මියගිය කාන්තාවගේ ඥාතීන් චෝදනා කරන්නේ පහරදීමක් හේතුවෙන් අදාළ කාන්තාව මියගොස් ඇති බවය. සිද්ධිය සම්බන්ධයෙන් පොලීසිය අභ්‍යන්තර පරීක්ෂණයක් ද ආරම්භ කර තිබේ.

ජපාන රැඳවුම් මධ්‍යස්ථානයකදී මියගිය විශ්මා සඳමාලි සම්බන්ධයෙන් සිදුකළ ප්‍රකාශයක් හේතුවෙන් ජපාන විපක්ෂය නියෝජනය කරන මන්ත්‍රීවරියක් ඉහළ මන්ත්‍රී මණ්ඩලයේ අධිකරණ කටයුතු පිළිබඳ කමිටුවෙන් ඉවත් කර තිබේ. ජපාන මාධ්‍ය වාර්තා කළේ, ජපාන ඉහළ මන්ත්‍රී මණ්ඩල පූර්ණ සැසිවාරයක් අමතමින් මිසුහෝ උමේයිමුරා නම් මන්ත්‍රීවරිය 2021දී නගෝයා ආගමන කාර්යාංශ ගොඩනැගිල්ලකදී සඳමාලි මියගිය ආකාරය සම්බන්ධයෙන් ආන්දෝලනාත්මක ප්‍රකාශයක් සිදුකර ඇති බවය. 2017දී ශිෂ්‍ය වීසා යටතේ ජපානයට යන විශ්මා සඳමාලි වීසා නීති උල්ලංඝනය කිරීම යටතේ 2020දී අත්අඩංගුවට ගෙන තිබුණි. ජපානයේ නගෝයා රැඳවුම් මධ්‍යස්ථානයේ මාස ගණනාවක් රඳවා සිටින ඇය 2020 මාර්තු 06 වනදා නිසි වෛද්‍ය ප්‍රතිකාර නොලැබීම හේතුවෙන් සිය ජීවිතයෙන් සමුගෙන තිබුණි. එම සිද්ධියත් සමග සංක්‍රමණික නීති සංශෝධනය විය…

බස්නාහිර පළාතේත් ගාල්ල සහ මාතර දිස්ත්‍රික්කවලත් අද (21) දිනයේ විටින් විට වැසි හෝ ගිගුරුම් සහිත වැසි ඇතිවිය හැකි බව කාලගුණවිද්‍යා දෙපාර්තමේන්තුව පවසයි. එම දෙපාර්තමේන්තුව සඳහන් කරන්නේ, සබරගමුව, මධ්‍යම, නැගෙනහිර සහ ඌව පළාත්වල සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇති විය හැකි බවය. උතුරු සහ උතුරුමැද පළාත්වලත් පුත්තලම දිස්ත්‍රික්කයෙත් විටින් විට හමන පැ.කි.මී. 40ක පමණ තද සළං ඇතිවිය හැකි බව කාලගුණවිද්‍යා දෙපාර්තමේන්තුව නිවේදනය කරයි. ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.

ජනාධිපති රනිල් වික්‍රමසිංහ මහතා මල්වතු සහ අස්ගිරි මහානායක ස්වාමීන්වහන්සේලා බැහැදැක තිබේ. අද (20) පෙරවරුවේ මහනුවරට ගිය ජනාධිපතිවරයා එහිදී මහානායක හිමිවරුන් බැහැ දැක ආශීර්වාද ලබා ගත් බව ජනාධිපති මාධ්‍ය අංශය සඳහන් කළේය. මෙහිදී ජනාධිපති රනිල් වික්‍රමසිංහ මහතා පවසා ඇත්තේ, එළඹෙන ජපාන සංචාරයේදී ථෙරවාදී බුදුදහම අධ්‍යයනය කිරීමට මහා විහාර විශ්වවිද්‍යාලය පිහිටුවීම සඳහා ජපානයේ ආධාර ලබාගැනීමට තමන් බලා⁣පොරොත්තු වන බවය.

කැනේඩියානු මහකොමසාරිස් එරික් වොල්ෂ් ව විදේශ කටයුතු අමාත්‍ය අලි සබ්රි මහතා විසින් විදේශ කටයුතු අමාත්‍යංශයට කැඳවා තිබේ. ඒ, කැනේඩියානු අග්‍රාමාත්‍යවරයා ජන සංහාරයක් පිළිබඳව ශ්‍රී ලංකාවට සිදු කළ චෝදනා සම්බන්ධව කරුණු විමසීම සඳහා ය. එහිදී විදේශ කටයුතු අමාත්‍යවරයා විසින් කැනේඩියානු අග්‍රාමාත්‍ය ජස්ටින් ටෘෘඩෝ මැයි 18 වනදා නිකුත් කළ ප්‍රකාශය මුළුමනින්ම හෙළා දැක ප්‍රතික්ෂේප කර තිබේ. දේශපාලන නැඹුරුවක් සහිත මෙම ප්‍රකාශය මතභේදාත්මක ප්‍රකාශයක් බවත්, එය කැනඩාවේ අභ්‍යන්තර දේශපාලන අවශ්‍යතා සඳහා නිකුත් කළ එකක් බවත් අමාත්‍ය සබ්රි මහතා මෙහිදී ප්‍රකාශ කර ඇත. එල්ටීටීඊ සංවිධානය දශක තුනකට ආසන්න කාලයක් මුළුල්ලේ මෙහෙයවූ ත්‍රස්තවාදී යුද ගැටුම මධ්‍යයේ සිදු වූවා යැයි කියන ‘ජන සංහාරය’ පිළිබඳ ඉදිරිපත්ව ඇති…