Author: LFN

කරන්දෙණිය ප්‍රධාන පාසලක සිසුවකුට එම පාසලේම සිසුවකු පිහියකින් ඇන තුවාල ලබා රෝහල් ගත කළ බව කරන්දෙණිය පොලීසිය කියයි. මේ පිහි ඇණුමෙන් තුවාල ලබා රෝහල් ගත කොට ඇත්තේ එම පාසලේ එකොළොස් වැනි වසරේ ශිෂයකු බව ද පොලීසිය කියයි. පිහි ඇනුම සිදු කොට ඇත්තේ එම විදුහලේම දොළොස් වැනි වසරේ ශිෂයයකු බවද පොලීසිය කියයි. මේ පිහි ඇනුමෙන් තුවාල ලැබූ සිසුවා ඇල්පිටිය රෝහලේ ප්‍රතිකාර ලබන බවද පොලීසිය කියයි. පිහි ඇනුම සිදු කළ සිසුවා සැකපිට පශ්න කිරීම සදහා අත් අඩංගුවට ගත් බවද පොලීසිය කියයි.

පවතින වියළි කාලගුණ තත්ත්වය හේතුවෙන් දිවයින පුරා පීඩාවට පත්ව සිටින පුද්ගලයන් සංඛ්‍යාව 190,000ට ආසන්න වී ඇති බව ආපදා කළමනාකරණ මධ්‍යස්ථානය නිවේදනය කරයි. එම මධ්‍යස්ථානය පෙන්වා දෙන්නේ, විශේෂයෙන් වියළි කාලගුණයෙන් ඇතිවූ පානීය ජල හිඟයට දිස්ත්‍රික් 15ක, ප්‍රාදේශීය ලේකම් කොට්ඨාස 52ක ජනතාවට මුහුණ දීමට සිදු ව ඇති බවයි. ඒ අනුව එම ප්‍රදේශවල පවුල් 54,979කට අයත් පුද්ගලයන් 183,038 දෙනෙකු පීඩාවට පත් ව තිබේ. උතුර පළාතේ පමණක් පුද්ගලයන් 75,287 දෙනෙකු පීඩාවට පත් ව ඇති අතර, ඉන් 70,238 දෙනෙකුම යාපනය දිස්ත්‍රික්කයේ පදිංචිකරුවන් බව ආපදා කළමනාකරණ මධ්‍යස්ථානය පවසයි. මේ අතර, පානීය ජල හිඟයෙන් බලපෑම් එල්ල වූ පවුල් 52,400ක පිරිසක් සඳහා පානීය ජලය සැපයීමේ කටයුතු සිදුකර ඇති…

අවුරුදු 35ත් 45ත් අතර සියලුම කාන්තාවන් ගැබ්ගෙල සහ පියයුරු පිළිකාවන් හඳුනාගැනීම සඳහා තම සෞඛ්‍ය බලප්‍රදේශයේ පැවැත්වෙන සුවනාරී සායනවලට යොමුවන ලෙස සෞඛ්‍ය අංශ ඉල්ලීමක් කරයි. කාන්තාවන්ට වැළඳෙන පිළිකා සම්බන්ධයෙන් සෞඛ්‍ය ප්‍රවර්ධන කාර්යාංශයේ ඊයේ (16) පැවති මාධ්‍ය හමුවේදී ඒ පිළිබඳ කරුණු පැහැදිලි කෙරුණි. පවුල් සෞඛ්‍ය කාර්යාංශයේ ප්‍රජා වෛද්‍ය විශේෂඥ පත්මක ද සිල්වා මහතා, “කාන්තාවන් අතර බහුලවම දැකිය හැකි පිළිකා තමයි ගැබ්ගෙල සහ පියයුරු පිළිකා, ආහාර මාර්ගයේ පිළිකා. කාන්තාවක් ලිංගිකව සක්‍රීය නම් වයස අවුරුදු 35ත් 45ත් අතර වෙනවා නම් සුවනාරී සායනවලට සහභාගී වෙන්න.” සෞඛ්‍ය වෛද්‍ය නිලධාරී වෛද්‍ය ඉන්දික ද සිල්වා මහතා, “ඔසප්වීම අවසන්වී 07 වන හෝ 10 වන දවසේ වගේ සියලුම කාන්තාවන්ට පියයුරු…

කොළඹ දෙහිවල, ගල්කිස්ස, කඩුවෙල සහ මහරගම ඇතුලු ප්‍රදේශ රැසකට එළඹෙන 19 වනදා පෙරවරු 8 සිට පැය 18ක කාලයක් ජල සැපයුම අත්හිටුවන බව ජාතික ජලසම්පාදන සහ ජලාපවහන මණ්ඩලය පවසයි. අත්‍යවශ්‍ය නඩත්තු කටයුත්තක් හේතුවෙන් මෙම පියවර ගැනීමට සිදුවී ඇති බව එම මණ්ඩලය පැවසීය. ඒ අනුව ලබන 19වන සෙනසුරාදා පෙරවරු 8 සිට 20වන ඉරිදා අලුයම 02 දක්වා කොළඹ, දෙහිවල, ගල්කිස්ස, කොට්ටේ සහ කඩුවෙල නගර සභා බලප්‍රදේශ, මහරගම, බොරලැස්ගමුව හා කොළොන්නාව, කොටිකාවත්ත හා මුල්ලේරියාව යන ප්‍රාදේශීය බලප්‍රදේශවලට මෙන්ම රත්මලාන සහ කටුබැද්ද යන ප්‍රදේශවලට ද ජල සැපයුම අත්හිටුවීමට නියමිතය.

ක්‍රීඩකයින්ට තහනම් උත්තේජක අලෙවි කළ පුද්ගලයෙක් පානදුර වලාන දුෂණ මර්දන ප්‍රහාරක ඒකකයේ නිලධාරීන් විසින් අත්අඩංගුවට ගෙන තිබේ. පොලීසිය සඳහන් කළේ ඊයේ (16) දහවල් වත්තල පොලිස් වසමේ දී ලද තොරතුරකට අනුව වැටලීමක් සිදුකළ බවය. එහිදී අවේක්ෂණ රාජකාරියකින් පසුව උපාය දූතයෙක් හට එන්නත් සහ පෙති වශයෙන් උත්තේජක ද්‍රව්‍ය රුපියල් 38,000ක මුදලකට විකිණීමට යෑමේදී සැකකාර පුද්ගලයා මෙලෙස අත්අඩංගුවට ගෙන වත්තල පොලිස් ස්ථානයට ඉදිරිපත් කර ඇත. සැකකරුගෙන් සිදුකරන ලද වැඩිදුර ප්‍රශ්න කිරීමේ දී එම තහනම් උත්තේජක නීතිවිරෝධී ලෙසට මෙරටට ආනයනය කළ ආයතනය පිළිබඳව අනාවරණය වී තිබේ. එම තොරතුරු මත ජාතික ඖෂධ නියාමන අධිකාරියේ නිලධාරීන් සහ ශ්‍රී ලංකා උත්තේජක මර්දන නියෝජ්‍ය ආයතනයේ නිලධාරීන් විසින් බොරැල්ල…

වැඩකරන ජනතාව තවත් පීඩාවට පත් කරෙන කම්කරු නීතිවලට එරෙහිව සියලු දෙනා විරෝධය පල කළ යුතු බව ජනතා විමුක්ති පෙරමුණේ වසන්ත සමරසිංහ මහතා අවධාරණය කරයි. යෝජිත කම්කරු නීතිවලට එරෙහිව කොටුව දුම්රියපොළ ඉදිරිපිට දී අත් පත්‍රිකා බෙදීමේ අවස්ථාවට එක්වෙමින් ඔහු මේ බව කියා සිටියේය එහි දී වැඩිදුරටත් අදහස් දැක්වූ වසන්ත සමරසිංහ මහතා, ”ජාත්‍යන්තර මූල්‍ය අරමුදලේ වුවමනාවට අද රටේ කම්කරු නීති 13ක් එක පොකුරට ගෙනල්ලා, සංශෝධනය කරලා රටේ කොහෙවත් නැති පැය 08 වැඩ දිනය අහෝසි කරලා ලංකාවෙ නෙවෙයි ලෝක ඉතිහාසයේ මිනිස්සු සටන් කරලා දිනාගත්ත, තහනම් කරලා තිබුණ නීති සංශෝධනය කරලා, කාන්තාවන්ගෙන් රාත්‍රී සේවය ගන්න, දරුවන්ගෙන් වැඩ ගන්න, අතිකාල නැතුව වැඩගන්න අලුත් නීති ගේන්න…

සියදිවි නසා ගැනීම (Suicide) පිළිබඳ සාකච්ඡා කළ හැකි සංදර්භයන් කිහිපයක්ම හඳුනාගත හැක. මූලික වශයෙන් ගතහොත් ලොව ඇති සෑම ආගමික භාවිතාවකම පාහේ, සියදිවි නසා ගැනීම පාප කර්මයක් නොඑසේ නම්, නොකළ යුත්තක් සේ හඳුන්වා ඇත. බහුතරයක් බෞද්ධයන් වෙසෙන ලාංකේය සමාජ සංදර්භය තුළ මෙම මාතෘකාව බරපතළව සංවාදයට ලක්වන අතර, බුදු දහමේ ඉගැන්වීම් තුළ දිවි නසා ගැනීම පැහැදිලිවම නොකළ යුත්තක් සේ හඳුන්වා ඇත. සත්ත්වයාගේ ජීවිතය, ආත්මය හෝ භවය තුළ ඇති උපයෝගිතාව නොඑසේ නම් ළගා විය හැකි උපරිම ස්ථානයට ළඟා නොවී අකාලයේ ජීවිතය හැර යාම නොකළ යුත්තක් බව එහි සඳහන්ය. සනාතන විමුක්තිය ලැබීම සත්ත්වයාගේ ඉහළම ජයග්‍රහණය බව බුදුදහම අවධාරණය කරයි. එබැවින් කිසිවකුට හිතාමතා ජීවිතයෙන් පළා…

යුක්‍රේනයේ සිට රුසියානු දේශසීමාවට ඇතුළුවීමට උත්සාහ කළ යුක්‍රේන සටන්කාමීන් සිව්දෙනෙකු රුසියානු හමුදා එල්ල කළ ප්‍රහාර හමුවේ ජීවිතක්ෂයට පත්ව තිබේ. රුසියානු ආරක්ෂක අංශ පැවසුවේ යුක්‍රේන ඔත්තුකරුවන් විසින් හය දෙනෙකුගෙන් යුත් කණ්ඩායමක් සිය දේශසීමාවට ඇතුළු වීමට උත්සාහ කළ අවස්ථාවේ ප්‍රහාරය එල්ල කළ බවය. මීට පෙර අවස්ථාවකදී ද යුක්‍රේන සටන්කාමීන් රුසියානු දේශසීමාවට ඇතුළු වීමට උත්සාහ කළ අවස්ථාවේ දී එය වැළැක්වීමට රුසියානු ආරක්ෂක අංශ පියවර ගෙන තිබුණි. මේ අතර රුසියාව අත්පත් කරගෙන සිටි යුක්‍රේනයේ ඩොනෙට්ස්ක් ප්‍රදේශයට අයත් ගම්මානයක් ඉන් මුදා ගැනීමට කටයුතු කළ බව යුක්‍රේනය පවසයි. යුක්‍රේන සන්නද්ධ හමුදා ප්‍රධානියා විසින් ඊයේ (16) දිනයේ මේ පිළිබඳ තහවුරු කර ඇති බව විදෙස් මාධ්‍ය වාර්තා කළේය.

ජන පීඩිත රාජ්‍ය ත්‍රස්තවාදය ක්‍රියාත්මක කරන වත්මන් ජනාධිපතිවරයා ප්‍රමුඛ රජයත් සමඟ කිසිදු ගිවිසුමක් හෝ එකමුතුභාවයක් ඇති කර නොගන්නා බව විපක්ෂනායක සජිත් ප්‍රේමදාස මහතා පැවසීය. රජය 13 වැනි සංශෝධන ගැන සාකච්ඡා කළත් හරිහැටි භාෂා ප්‍රතිපත්තියක් අනුගමනය කිරීමට අපොහොසත් වී ඇති බවත් මෙවැනි බොරු වංචාකාරී දේශපාලන සූදුවක නියැලෙන ආණ්ඩුවක් සමඟ එක්වීමට සූදානම් නොමැති බවත් විපක්ෂනායකවරයා සඳහන් කළේය. තනතුරු තාන්නමාන්න වරදාන ප්‍රතික්ෂේප කර රට වෙනුවෙන් ධනාත්මක නිවැරදි තීන්දු තීරණ ගන්නා නිවැරදි තැන හිටගන්නා බවත් විපක්ෂයේ පක්ෂ විධායක සභාව රැස්වූ අවස්ථාවේ දී ඔහු පැවසීය.

චීනයේ තරුණ ප්‍රජාව අතර රැකියා වියුක්තිය ඉහළ යමින් ඇති බව ඉකුත් මාස කිහිපයේදී වාර්තා විය. කෙසේවෙතත් මේ වනවිට විදෙස් මාධ්‍ය වාර්තා කරන්නේ ඉහළ යන විරැකියාව සැඟවීමට චීනය සංඛ්‍යාලේඛන නිකුත් කිරීම නතරකර ඇති බවය. චීනයේ ජාතික සංඛ්‍යාලේඛන කාර්යාංශය ඊයේ නිවේදනය කර ඇත්තේ වයස් කාණ්ඩය අනුව විරැකියාව පිළිබඳ මෙම මාසයට අයත් දත්ත නිකුත් කිරීම නතර කරන බවය. ඒ අනුව චීනයේ තරුණ ප්‍රජාව අතර විරැකියාව තවදුරටත් වාර්තා ගත ලෙස ඉහළ ගොස් ඇතැයි අනුමාන කළ හැකි බව විදෙස් මාධ්‍ය පවසයි. චීනය අවසන් වරට විරැකියා දත්ත ඉකුත් ජුනි මාසයේදී නිකුත් කර තිබූ අතර එම දත්තවලට අනුව චීනයේ වයස අවුරුදු 16 සිට 24 දක්වා වූ තරුණ…