Author: LFN

තායිවානය ගින්දර සමග සෙල්ලම් කරන බව චීනය පවසා ඇතැයි විදෙස් මාධ්‍ය වාර්තා කරයි. තායිවාන උප ජනාධිපතිවරයා අමෙරිකාවට පැමිණීම සම්බන්ධයෙන අදහස් පළ කරමින් චීන ආරක්ෂක අමාත්‍යවරයා මාධ්‍ය හමුවකට එක්වෙමින් මේ බව පවසා ඇත. පවතින තත්ත්වය සම්බන්ධයෙන් චීන ආරක්ෂක අමාත්‍යවරයා තායිවානයට අවවාද කර ඇතැයි ද විදෙස් මාධ්‍ය වාර්තා කරයි. චීනය පාලනය කිරීමට තායිවානය ගන්නා ඕනෑම උත්සාහයක් පරාජයෙන් අවසන් වනු ඇති බවද චීන ආරක්ෂක අමාත්‍යවරයා සඳහන් කර ඇත. තායිවාන ගැටලුව චීනයේ අභ්‍යන්තර කටයුත්තක් වන බැවින් ඒ සඳහා කිසිදු බාහිර මැදිහත්වීමක් අවශ්‍ය නොවන බවද ඔහු පවසා ඇත.

ජලය පිරුණු අනාරක්ෂිත වළකට වැටීමෙන් පාසල් සිසුන් දෙදෙනෙකු ජීවිතක්ෂයට පත්ව තිබේ. මෙලෙස ජීවිතක්ෂයට පත්ව ඇත්තේ වව්නියාව මුස්ලිම් මහා විද්‍යාලයේ ඉගෙනුම ලබමින් සිටි සිසුන් දෙදෙනෙකි. ඊයේ (17) මෙම සිසුන් එල්ලේ තරගයක් සඳහා වව්නියාව විශ්වවිද්‍යාල ක්‍රීඩාංගණය වෙත ගොස් ඇති අතර එම තරගයෙන් අනතුරුව මෙම අවාසනාවන්ත අනතුර සිදුව ඇති බවට මේ වනවිට තොරතුරු වාර්තාවෙයි. එම ක්‍රීඩාංගණය ආසන්නයේ පිහිටි අනාරක්ෂිත ජලය පිරුණු වළකට වැටී 14 සහ 15 හැවිරිදි වියේ පසුවූ පාසල් සිසුන් දෙදෙනා මියගොස් ඇත. මියගිය පාසල් සිසුන් දෙදෙනාගේ සිරුරු ගොඩගෙන ඇති අතර මෘත ශරීර වවිනියාව රෝහලේ තැන්පත් කර තිබේ. පූවරසන්කුලම් පොලීසිය සිද්ධිය සම්බන්ධයෙන් වැඩිදුර විමර්ශන ආරම්භ කර ඇත.

පාර්ලිමේන්තු කමිටු කාමරයකින් කොට්ට දෙකක් සහ මෙට්ටයක් හමුවී ඇති බවට පළවන මාධ්‍ය වාර්තා සම්පූර්ණයෙන්ම අසත්‍ය බව පාර්ලිමේන්තුවේ මහලේකම් කුෂානි රෝහණදීර මහත්මිය පවසයි. පාර්ලිමේන්තුවේ ගෘහපාලන අංශය පිළිබඳ 2023 ජුලි 30 වනදා සහ ඒ ආසන්න දිනවල මාධ්‍යවල පළ කරන ලද වාර්තා සම්බන්ධයෙන් මූලික විමර්ශනයක් සිදුකිරීම සඳහා ජ්‍යෙෂ්ඨ නිලධාරිනියන් තිදෙනෙකුගෙන් සමන්විත කමිටුවක් පත්කොට ඇති බවත් මේ වනවිටත් විමර්ශන සිදුකෙරෙමින් පවතී. නිවේදනයක් නිකුත් කරමින් පාර්ලිමේන්තුවේ මහලේකම් කුෂානි රෝහණදීර මහත්මිය මේ බව දැනුම් දී තිබේ. මේ වනවිට අදාළ කරුණු සම්බන්ධයෙන් චෝදනා එල්ල වී ඇති එක් නිලධාරියෙකුගේ වැඩ තහනම් කොට ඇත. එමෙන්ම පාර්ලිමේන්තු කාර්ය මණ්ඩලයේ සේවිකාවන්ට, අදාළ කමිටු සාමාජිකාවන් පෞද්ගලිකව හමුවී හෝ දුරකථන හෝ ඊ-මේල් මාර්ගයෙන්…

ආර්ථික අර්බුදයෙන් ගොඩඒම සඳහා රාජ්‍ය බදු ආදායම තීරණාත්මක සාධකයක් බව මුදල් රාජ්‍ය අමාත්‍ය ශෙහාන් සේමසිංහ මහතා පවසයි. ඔහු මේ බව සඳහන් කළේ කොළඹදී පැවැති උත්සවයකදීය. මුදල් රාජ්‍ය අමාත්‍ය ශෙහාන් සේමසිංහ මහතා, “මෙම ප්‍රතිසංස්කරණ ක්‍රියාවලියේ බදු ප්‍රතිසංස්කරණය ප්‍රධාන අංගයක්. බදු ආදායම බදු ප්‍රතිශත ඉහළ නැංවීම මගින් පමණක් ඉහළ නැංවිය හැකිවන්නේ නැහැ. බදු සංචිතය පුළුල් කිරීම රජයේ බදු ආදායම් ඉහළ නැංවීමේ ප්‍රධානතම ක්‍රියාමාර්ගයක්. නව බදු නීති ක්‍රියාවට නැංවීමත් සමග පසුගිය මාස 6ක මාස 8ක කාලසීමාව තුළ බදු සංචිතයේ වර්ධනය ගැන රජයක් වශයෙන් අපට සතුටු වෙන්න බැහැ. මේ නිසා බදු පරිපාලනය ශක්තිමත් කරලීමට අප පියවර ගන්නවා.” ලංකා වාණිජ මණ්ඩලයේ උප සභාපති ආචාර්ය දුමින්ද…

දකුණු ආසියානු කලාපය තුළ අධ්‍යාපනය සඳහා දළ දේශීය නිෂ්පාදනයෙන් අඩුම ප්‍රතිපාදන වෙන්කරන රට බවට ශ්‍රී ලංකාව පත්වී ඇතැයි යුනිසෙෆ් සංවිධානය පවසයි. යුනිසෙෆ් ශ්‍රී ලංකා සංවිධානයේ ප්‍රධානී ක්‍රිස්ටියන් ස්කූග්, “අතිශය ප්‍රගතිශීලි අධ්‍යාපන ප්‍රතිසංස්කරණ ක්‍රියාත්මක කරලීමට මෙරට ජාතික අධ්‍යාපන අයවැයෙන් විශේෂයෙන් ප්‍රාථමික අධ්‍යාපනයට වෙන්කරන මුදල ඉහළ නැංවීම කඩිනම් අවශ්‍යතාවක් වී තිබෙනවා. වර්තමානයේ ශ්‍රී ලංකාව අධ්‍යාපනය සඳහා වෙන්කරන්නේ දළ දේශීය නිෂ්පාදනයෙන් 2%කට අඩු ප්‍රතිශතයක්. එය 4%ත් 6%ත් අතර වන ජාත්‍යන්තර සලකුණු දර්ශකයට බෙහෙවින් අඩු අගයක්. මේ නිසා මම අධ්‍යාපන අමාත්‍යවරයා දිරිගන්වමින් ඉල්ලා සිටිනවා.. අධ්‍යාපනය සඳහා අයවැයෙන් වෙන්කරන ප්‍රතිපාදන ඉහළ නැංවීමට කටයුතු කරන ලෙස.”

හෝමාගම අවට පදිංචිකරුවන් වෙත මුව ආවරණ පළඳින ලෙසට විශේෂ දැනුම්දීමක් සිදුකර තිබේ. කොළඹ ආපදා කළමනාකරණ ඒකකය සහකාර අධ්‍යක්ෂවරයා විසින් මෙම දැනුම්දීම සිදුකර ඇත. හෝමාගම කර්මාන්තපුරයේ රසායනික ගබඩාවක ඇතිවූ ගින්න හේතුවෙන් මතුවිය හැකි ශ්වසන ආබාධ අවම කරගැනීම සඳහා එම ඒකකය මෙම විශේෂ ඉල්ලීම සිදුකර ඇත. හෝමාගම කර්මාන්තපුරයේ රසායනික ගබඩාවක ඇතිවූ ගින්න පාලනය කිරීම සඳහා ගිනි නිවීමේ රථ 7ක් මේ වනවිට යොදවා ඇත. ඊ රාත්‍රී 8.30ට පමණ හටගත් ගින්න මේ වනවිටත් පවතින බවට තොරතුරු වාර්තාවෙයි. කෝට්ටේ මහ නගර සභාවේ ගිනි නිවිම් ඒකකය සහ හොරණ නගර සභාවේ ගිනි නිවීම් ඒකකය එක්ව ගින්න මැඩපැවැත්වීම සඳහා දැඩි පරීශ්‍රමයක් දරමින් සිටියි.

මෙවර LPL තරගාවලියේ තීරණාත්මක තරගයකින් ජයගත් කැන්ඩි කණ්ඩායම දෙවන අවසන් පූර්ව තරගයට සුදුසුකම් ලැබීමට සමත්විය. ඒ අනුව කැන්ඩි කණ්ඩායම සහ ගාල්ල කණ්ඩායම අතර දෙවන අවසන් පූර්ව තරගය හෙට පැවැත්වෙනු ඇති. ඉන් ජයගන්නා කණ්ඩායම LPL අවසන් තරගයේදී දඹුල්ල කණ්ඩායම සමග තරග වැදීමට නියමිතය. ජැෆ්නා කණ්ඩායමට එරෙහිව පැවති අද තරගය කැන්ඩි කණ්ඩායම ලකුණු 61කින් ජයගැනීමට සමත්විය. ලකුණු 189ක ජයග්‍රාහී ඉලක්කය හඹා යාමට පිටියට පිවිසි ජැෆ්නා කණ්ඩායම පන්දුවාර 17යි පන්දු 2කදී සියලුදෙනා දැවී රැස්කරගත්තේ ලකුණු 127ක් පමණි. එහිදී අගනා පන්දුයැවීමක නිරත වූ වනිඳු හසරංග ලකුණු 9කට කඩුලු 6ක් බිඳ හෙළමින් තරගයේ ජය කැන්ඩි කණ්ඩායම වෙත ගෙන ආවේය. ඒ අනුව මෙවර LPL තරගාවලියෙන් ඉවත්වීමට…

අද (18) දිනයේ ගාල්ල සහ මාතර දිස්ත්‍රික්කවල වැසි වාර කිහිපයක් ඇති විය හැකි බව කාලගුණ විද්‍යා දෙපාර්තමේන්තුව පවසයි. එම දෙපාර්තමේන්තුව වැඩිදුරටත් පවසන්නේ බස්නාහිර සහ සබරගමුව පළාත්වල ද වැසි ස්වල්පයක් ඇතිවිය හැකි බවය. දිවයිනේ සෙසු ප්‍රදේශවල ප්‍රධාන වශයෙන් වැසි රහිත කාලගුණ තත්ත්වයක් පවතී. උතුරු, උතුරු-මැද සහ වයඹ පළාත්වලත් ත්‍රිකුණාමලය සහ හම්බන්තොට දිස්ත්‍රික්කවලත් විටින්විට හමන පැ.කි.මී. 40ත් 45ක පමණ තරමක තද සුළං ද ඇතිවිය හැකිය.

මාස 6ක කාලයක් සඳහා මෙගාවොට් 100ක විදුලියක් මිලදී ගැනීමට ශ්‍රී ලංකා මහජන උපයෝගිතා කොමිෂන් සභාව ලංකා විදුලිබල මණ්ඩලයට ඊයේ (17) අනුමැතිය ලබාදී තිබේ. 2009 අංක 20 දරන ශ්‍රී ලංකා විදුලිබල පනතේ 43 වන වගන්තිය යටතේ මෙම අනුමැතිය ලබාදී ඇත. ඒ අනුව ප්‍රධාන කොන්දේසි 3ක් යටතේ 2023 අගෝස්තු මස 18 වනදා සිට මාස 6ක කාලයක් සඳහා පමණක් විදුලිය මිලදී ගැනීම සඳහා අනුමැතිය ලබාදී තිබේ. එම කොන්දේසි 3 පහත දැක්වේ, 1. කුසලතා පදනම මත අදාළ විදුලි මිලදී ගැනීම සිදුකළ යුතු අතර විදුලිය මිලදී ගැනීමේ ගිවිසුම් කාලය අවසානයේදී එම මිලදී ගැනීම පිළිබඳ ස්වාධීන විගණනයක් සිදුකළ යුතුය. 2. කොත්මලේ පොල්පිටිය 220 kv රැහැන 2024…

ජාත්‍යන්තර මුල්‍ය අරමුදලේ විස්තීරණ ණය පහසුකමේ දෙවන වාරිකය ලැබීම තුළින් දේශීය හා විදේශීය ආයෝජකයන්ට ශ්‍රී ලංකාවේ ඉදිරි ආර්ථිකය පිළිබඳ සුබවාදී පණිවිඩයක් ලබා දෙනු ඇති බව මුදල් රාජ්‍ය අමාත්‍ය ශෙහාන් සේමසිංහ මහතා අවධාරණය කරයි. දුෂණ මර්දනය, මූල්‍ය විනය පවත්වාගෙන යාම, විනිවිදභාවය ඇති කිරීම ඇතුළු මූල්‍ය අරමුදල ඉදිරිපත් කළ යෝජනා ක්‍රියාත්මක කිරීම සඳහා පියවර ගෙන තිබීම ඊට හේතුව බව රාජ්‍ය අමාත්‍යවරයා පෙන්වා දෙයි. කොළඹ පැවති උත්සවයකට එක්වෙමින් මුදල් රාජ්‍ය අමාත්‍ය ශෙහාන් සේමසිංහ මහතා මේ බව කියා සිටියේය. ජාත්‍යන්තර මුල්‍ය අරමුදලේ විස්තීරණ ණය පහසුකමේ දෙවන වාරිකය ලෙස අමෙරිකානු ඩොලර් මිලියන 333ක මුදලක් ඉදිරියේ දී ලැබීමට නියමිත බව රාජ්‍ය අමාත්‍යවරයා මෙහි දී සඳහන් කළේය.…