Author: LFN

දුම්රිය විදුලි කාර්මික සේවකයින් සහ දුම්රිය සාමාන්‍යාධිකාරීවරයා අතර විශේෂ සාකච්ඡාවක් අද (25) පැවැත්වීමට නියමිතව තිබේ. දුම්රිය නියාමකවරයෙකුට පහරදීමේ සිද්ධියකදී දුම්රිය විදුලි කාර්මිකයෙකු අත්අඩංගුවට ගැනීමට විරෝධය පළ කරමින් විදුලි කාර්මිකයින් පිරිසක් පෙරේදා දිනයේ හදිසි වෘත්තීය ක්‍රියාමාර්ගයක් ආරම්භ කර තිබුණි. මේ හේතුවෙන් ගතවු දින දෙක තුළ සියලු දුම්රිය මාර්ගවල දුම්රිය ප්‍රමාදයක් සිදුවු අතර එහිදී මගීන් දැඩි දුෂ්කරතාවට පත්වු බව අද දෙරණ වාර්තාකරුවන් පැවසීය. මේ සම්බන්ධයෙන් අද පෙරවරුවේ දුම්රිය සාමාන්‍යාධිකාරීවරයා හමුවී සාකච්ඡා කිරීමට දුම්රිය විදුලි කාර්මික සේවකයින් තීරණය කර ඇති බව සඳහන් ය.

චන්ද්‍රයාන් 3 සාර්ථකව සඳ මතට ගොඩබෑම සම්බන්ධයෙන් සුභපැතුම් එක් කළ ලෝක නායකයින් සියලුදෙනාටම ඉන්දීය අග්‍රාමාත්‍ය නරේන්ද්‍ර මෝදි ස්තූතිය පළකර තිබේ. එක්සත් අරාබි එමීර් රාජ්‍යයේ නායකයා නිකුත් කර තිබූ සුභපැතුමට පිළිතුරු දෙමින් ඉන්දීය අගමැතිවරයා පවසා ඇත්තේ මෙම ඉන්දියාවේ අභිමානය පමණක් නොව මානව උත්සාහයේ සහ නොපසුබට වීර්යයේ පහනක් බවය. යුරෝපා සංගමයේ සභාපතිවරයාගේ සුබපැතුමට ස්තූති කළ ඉන්දීය අගමැතිවරයා පෙන්වා දී ඇත්තේ ඉන්දියාව සියලු මනුෂ්‍ය වර්ගයාගේ අභිවෘද්ධිය සඳහා ගවේෂණය, ඉගෙනීම සහ බෙදාගැනීම අඛණ්ඩව සිදු කරන බවය. ඉන්දීයාව ලබාගත් ජයග්‍රහණය වෙනුවෙන් ස්පාඤ්ඤයෙන් ද සුබපැතුම් එක්කර තිබුණි. එහි දක්වා ඇත්තේ විද්‍යාවේ බලය තුළින් ඉන්දියාව දීප්තිමත් අනාගතයක් වෙනුවෙන් කැපවී සිටින බවය. මීට අමතරව රුසියානු ජනාධිපති, අමෙරිකාවේ උප…

සිම්බාබ්වේ හිටපු වේගපන්දු යවන ක්‍රීඩක හීත් ස්ට්‍රික් මිය ගිය බවට පැතිර ගිය පුවතකින් ක්‍රීඩා ක්ෂේත්‍රයම ඊයේ උදෑසන කනගාටුවට පත්වුණත් ඔහු තවමත් ජීවතුන් අතර සිටින බව පසුව අනාවරණ වී තිබුණි. සිම්බාබ්වෙන් බිහිවූ විශිෂ්ට ක්‍රිකට් ක්‍රීඩකයෙක් වන හීත් ස්ට්‍රික් පිළිකා රෝගයකින් පීඩාවිඳින අතර ඔහු මියගිය බවට පුවතක් ජාත්‍යන්තර ක්‍රීඩා වෙබ් අඩවි ඇතුළුව ජාත්‍යන්තර මාධ්‍ය රැසක් වාර්තා කර තිබුණි. ඒ, සිම්බාබ්වේ හිටපු වේගපන්දු යවන්නෙක් වන හෙන්රි ඔලොන්ගා හීත් ස්ට්‍රික්ගේ මරණය පිළිබඳ ශෝකය සටහන් කර තිබූ එක්ස් පණිවුඩයක් උපුටා ගනිමිනි. කෙසේවෙතත් එම පුවත වාර්තා කර පැය කිහිපයකට පසු හෙන්රි ඔලොන්ගා සිය එක්ස් ගිණුමේ පළකර තිබූ පළමු පණිවුඩය ඉවත් කරමින් සඳහන් කර තිබුණේ හීත් ස්ට්‍රික්…

නැගෙනහිර සංවර්ධන ව්‍යාපෘතිය කඩිනම් කිරීම හරහා රටේ ආර්ථිකයට නව ජීවයක් ලබාදීමට හැකි පරිසරයක් නිර්මාණය කරන බව ජනාධිපති රනිල් වික්‍රමසිංහ මහතා පවසයි. ජනාධිපති රනිල් වික්‍රමසිංහ මහතා මේ බව සඳහන් කර සිටියේ ත්‍රීකුණාමලය ගුවන් හමුදා කදවුරේ ඊයේ (24)පැවති ත්‍රිකුණාමල දිස්ත්‍රික් සංවර්ධන කමිටු රැස්වීමට එක්වෙමිනි. ඉන්දියාවේ සහාය ඇතිව ත්‍රිකුණාමලය මෙරට බලශක්ති, ප්‍රවාහන, වරාය, නාවුක, ගුවන්, කර්මාන්ත මෙන්ම සංචාරක කේන්ද්‍රස්ථානයක් ලෙස සංවර්ධනය කිරීමේ ඉලක්කගත වැඩපිළිවෙළ කඩිනමින් ක්‍රියාත්මක කළයුතු බව ද ජනාධිපතිවරයා මෙහිදී අවධාරණය කළේය. දිස්ත්‍රික්කයේ පවතින රජයේ ඉඩම් සහ මහවැලි ඉඩම් කළමනාකරණය පිළිබඳ මෙහිදී විශේෂ අවධානයක් යොමු කෙරුණු අතර 2019-2023 කාලසීමාව තුළ එම ඉඩම් ලබාදීම පිළිබඳ වාර්තාවක් සතියක් තුළ තමා වෙත ලබාදෙන ලෙස ද…

පරිපූරක වෛද්‍ය සේවා ඒකාබද්ධ බලමණ්ඩලය, දිවයින පුරා සියලු රජයේ රෝහල්වල ඊයේ (24) උදෑසන 08 සිට පැය 24ක සංකේත වැඩවර්ජනයක් ආරම්භ කළේය. ඒ, බඳවා ගැනීමේ පටිපාටිය සංශෝධනය ප්‍රමාද කිරීම, ශ්‍රේණි උසස්වීම් ගැටලුවලට අදාළ චක්‍රලේඛය නිකුත් කිරීම ප්‍රමාද කිරීම, නව බඳවාගැනීම් නවතා දැමීම සහ අසාධාරණ ලෙස විනය ක්‍රියාමාර්ග ගනිමින් වෘත්තිය සමිති මර්දනය කිරීම ඇතුළු ඉල්ලීම් 07ක් මුල්කරගනිමිනි. වර්ජනය සඳහා විකිරණ, රසායනාගාර සේවා, ඖෂධවේදී, භෞත චිකිත්සක සහ වෘත්තීය චිකිත්සක යන වෘත්තිය සංගම් 5 එක්වී තිබේ. හෙට උදෑසන 08 දක්වා ක්‍රියාත්මක වර්ජනය හේතුවෙන් සියලුම රජයේ රෝහල්වල රෝගී සත්කාරක සේවාවලට එල්ල වූයේ දැඩි බලපෑමක් බව වාර්තා වෙයි. වැඩවර්ජනය හේතුවෙන් පළාත් රෝහල් ඇතුළු සෙසු රෝහල්වල ප්‍රතිකාර…

විදේශ බුද්ධි අංශයකින් හෝ ආයතනයකින් රටේ ජාතික ආරක්ෂාව සම්බන්ධයෙන් කිසිදු තොරතුරක් ලැබී නොමැති බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා පවසයි. ඊයේ (24) පාර්ලිමේන්තුවේදී විපක්ෂනායක සජිත් ප්‍රේමදාස මහතා නැගූ පැනයකට පිළිතුරු දෙමින් රාජ්‍ය අමාත්‍යවරයා මේ බව පැවසීය. එහිදී වැඩිදුරටත් අදහස් දැක්වූ ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා, “කිසිම විදේශ බුද්ධි අංශයකින් හෝ ආයතනයකින් රටේ ජාතික ආරක්ෂාව සම්බන්ධයෙන් සහ ජාතිවාද කෝලහාල සම්බන්ධයෙන් අපිට කිසිම තොරතුරක් මේ වෙනකොට ලැබිලා නෑ. මේක බොහොම වගකීමෙන් මම කියනවා. ඒ වගේම විවිධ කටකතා ෆේස්බුක් ඒ වගේම තොරතුරු මත කියන තොරතුරුවලට හැමතිස්සෙම අපිට උත්තර දිදී ඉන්නත් බෑ. ඒක නිසා මම මේ සම්බන්ධයෙන් ප්‍රථමයෙන්ම පාර්ලිමේන්තුවට කරුණු…

ආණමඩුව ප්‍රදේශයේදී සිදුවූ බිහිසුණු අනතුරකින් දෙදෙනෙකු බරපතළ තුවාල ලබා රෝහල්ගතකර තිබේ. ලොරි රථ දෙකක් මුහුණට මුහුණ ගැටීමෙන් එම රථවල රියදුරන් මෙලෙස බරපතළ තුවාල ලබා ඇති බව අප වාර්තාකරු පැවසීය. අනතුර සිදුව ඇත්තේ ආණමඩුව පරමාකන්ද මංසන්දිය ආසන්නයේදීය. මාර්ගයේ නවතා තිබූ ලොරි රථයක් ඉස්සර කර යාමට උත්සාහ කළ ලොරියක් ප්‍රතිවිරුද්ධ දිශාවෙන් පැමිණි ලොරියක ගැටී මෙම අනතුර සිදුව ඇත. අනතුරින් පසුව ප්‍රදේශවාසීන් විසින් ලොරි රථවල බරපතළ තුවාල ලබා සිරවී සිටි රියදුරන් පිටතට ගෙන පුත්තලම මූලික රෝහලට ඇතුළත් කර තිබේ. ආණමඩුව පොලීසිය අනතුර සම්බන්ධයෙන් වැඩිදුර විමර්ශන සිදුකරයි.

පැහැරගෙන යමින් තිබූ සුඛෝපභෝගී ජිප් රථයක් දක්ෂිණ අධිවේගී මාර්ගයේදී සිය භාරයට ගැනීමට ගැලනිගම රථවාහන පොලීසිය සමත්ව තිබේ. මෙලෙස පොලිස් භාරයට ගෙන ඇත්තේ ගාල්ල බද්දේගම ප්‍රදේශයේ සිට පැහැරගෙන යමින් තිබූ සුඛෝපභෝගී ජිප් රථයකි. කෙසේ වෙතත් දක්ෂිණ අධිවේගී මාර්ගයේ කිලෝමීටර් 9.2 ප්‍රදේශයේදී පොලීසිය විසින් සුඛෝපභෝගී ජිප් රථය නැවත්වීමට සංඥා කිරීමත් සමග එහි සිටි සැකකරුවන් රථය අතහැර දමා පළාගොස් තිබේ. එහිදී සැකකරුවන් සිව්දෙනෙකු පලාගොස් ඇති බව පොලීසිය පවසයි. ගාල්ල බද්දේගම ප්‍රදේශයේ පදිංචි රථයේ හිමිකරු එය විකිණීම සඳහා සූදානම් කර තිබේ. ඒ අනුව රථය පැහැරගත් සැකකරුවන් එය මිලදීගන්නා මුවාවෙන් එහි ගොස් අනතුරුව එහි හිමිකරුට පහරදී රථයෙන් බිමට ඇද දමා මෙලෙස ජිප් රථය පැහැරගැනීමට කටයුතු…

ඌව පළාතේත් අම්පාර, මඩකළපුව සහ පොළොන්නරුව දිස්ත්‍රික්කවලත් ස්ථාන ස්වල්පයක අද (25) සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇතිවිය හැකිය. බස්නාහිර පළාතේත් රත්නපුර, ගාල්ල සහ මාතර දිස්ත්‍රික්කවලත් වැසි ස්වල්පයක් ඇතිවිය හැකි බව කාලගුණ විද්‍යා දෙපාර්තමේන්තුව පවසයි. දිවයිනේ සෙසු ප්‍රදේශවල ප්‍රධාන වශයෙන් වැසි රහිත කාලගුණ තත්ත්වයක් පවතී. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කරගැනීමට අවශ්‍ය පියවරගන්නා ලෙස ජනතාවගෙන් ඉල්ලීමක් ද කරන බව එම දෙපාර්තමේන්තුව පවසයි.

ප්‍රතිපත්ති පොලී අනුපාත සමග බැංකු මගින් ලබාදී ඇති ණය සඳහා අයකෙරෙන සාමාන්‍ය පොලී අනුපාත අඩුකිරීම සඳහා නව චක්‍රලේඛයක් නිකුත් කරන බව මහ බැංකු අධිපති ආචාර්ය නන්දලාල් වීරසිංහ මහතා පවසයි. පෙරේදා රැස්වූ මුදල් මණ්ඩලයේ තීරණ දැනුම්දීම සඳහා ඊයේ පැවති මාධ්‍ය හමුවට එක්වෙමින් මහ බැංකු අධිපතිවරයා මේ බව පැවසීය. එහිදී වැඩිදුරටත් අදහස් දැක්වූ මහ බැංකු අධිපති ආචාර්ය නන්දලාල් වීරසිංහ මහතා, “අපි දැනුම්දීලා තිබුණා ප්‍රතිපත්ති පොලී අනුපාත අඩුකරන ආකාරයට සහ මුදල් පතිපත්ති ද්‍රවශීලතාවය වැඩිවෙන ආකාරයට බලාපොරොත්තු වෙනවා වෙළෙඳපොළ පොලී අනුපාතත් අඩුවෙයි කියලා නමුත් අපි හිතපු තරමටම අඩුවෙලා නැත්නම් අපි ඒ වෙලාවෙත් ප්‍රකාශ කළා යම් ආකාරයක නියාමනය පැත්තෙන් ක්‍රියාමාර්ග ගන්න සිද්දවෙයි කියලා ඒ අනුව…