Author: LFN
නීති විරෝධි ලෙස ඊශ්‍රායලයේ රැඳී සිටින ශ්‍රී ලාංකිකයන්ට වීසා ලබාදීම අනුමත නොකරන බව කම්කරු හා විදේශ රැකියා අමාත්‍ය මනූෂ නානායක්කාර මහතා පවසයි. ඔහු පැවසුවේ, නීති විරෝධී ක්‍රියාවන් සඳහා ශ්‍රී ලංකා රජය සහාය නොදක්වන බවය. මැදපෙරදිග ගැටුම්වලට මැදි වී සිටින ශ්‍රී ලාංකිකයන් සම්බන්ධයෙන් ගනු ලබන ඉදිරි ක්‍රියාමාර්ග පිළිබඳ පැහැදිලි කරමින් මනූෂ නානායක්කාර අමාත්‍යවරයා මේ බව පැවසීය.
ඉන්දියාවේ කේරළ ප්‍රන්තයේ කෝචි නගරයේ ක්‍රිස්තියානි ආගමික සිද්ධස්ථානයක බෝම්බ පිපිරීමක් සිදු ව තිබේ. ඊයේ (29) උදෑසන සිදු වූ එම පිපිරීමෙන් එක් අයෙකු මිය ගොස් 40 දෙනෙකු පමණ තුවාල ලබා ඇති බව ඉන්දීය මාධ්‍යය වාර්තා කරයි. එරට ආරක්ෂක අංශ පවසා ඇත්තේ, එම ස්ථානයේ පිපිරීම් 03ක් පමණ සිදු ව ඇති බවයි. පිපිරීම් සිදු වන විට දේවස්ථානයේ බැතිමතුන් 2,000ක පමණ පිරිසක් යාඥා කරමින් සිටි බව සඳහන් වේ. මෙම ස්ථානයට බෝම්බ රැගෙනවිත් ඇත්තේ, කෑම පෙට්ටියක සඟවාගෙන බවත් එය සැලසුම් සහගත ව සිදු කර ඇති ප්‍රහාරයක් බවට තොරතුරු අනාවරණය වී ඇති බවත් ඉන්දීය මාධ්‍යය වැඩිදුරටත් සඳහන් කර තිබේ. කෙසේ වෙතත් මේ වනවිට එරට ආරක්ෂක අංශ…
පුත්තලම නගරයේ උත්සව ශාලාවක පැවති මංගල සාදයකට සහභාගී වී සිටි තරුණියක් හදිසියේ ඇති වූ රෝගී තත්ත්වයකින් පසු මියගොස් තිබේ. පොලීසිය පැවසුවේ, තරුණිය පුත්තලම රෝහලට ඇතුළත් කිරීමේ දී මියගොස් ඇති බවයි. මෙසේ මියගොස් ඇත්තේ, ආණමඩුව නගරයේ පදිංචි සිටි 20 හැවිරිදි එච්.එම්.අයෝධ්‍යා දේශානි විජේවර්ධන නැමති තරුණියකි. මෙම තරුණියට මංගල සාදයේ දී ආහාර සඳහා තිබූ මස් වර්ගයක් ආහාරයට ගත් පසු ආසාත්මිකතාවක් ඇති ව තිබේ. තරුණිය ගේ පශ්චාත් මරණ පරික්ෂණයේ දී මරණය සම්බන්ධව විවෘත තින්දුවක් ලබා දුන් පුත්තලම මූලික රෝහලේ සහකාර අධිකරණ වෛද්‍ය නිළධාරී කුලෙන්ද්‍ර ප්‍රේමදාස මහතා, මරණය සම්බන්ධ වැඩිදුර පරික්ෂණ සඳහා සිරුරේ කොටස් රජයෙ රස පරික්ෂක වෙත යොමු කිරීමටත් කටයුතු කර ඇති බව…
බූස්ස බන්ධනාගාරයේ සිදු කළ හදිසි සෝදිසි කිරීමක දී ජංගම දුරකථන ඇතුළු උපාංග කිහිපයක් පොලිස් විශේෂ කාර්ය බළකාය විසින් සොයාගෙන තිබේ. ඊයේ (28) පස්වරුවේ පැරණි බූස්ස බන්ධනාගාරයේ ‘ඒ’ හා ‘ඩී’ වාට්ටු තුළ එම සෝදිසි කිරීම සිදු කර ඇති බව වාර්තා වේ. එහි දී ඉතා සූක්ෂ්ම ලෙස සඟවා තිබු ජංගම දුරකථන දෙකක්, සිම් කාඩ් පත් දෙකක්, පිටත ආවරණය ඉවත් කරන ලද දුරකථන චාර්ජර් 02ක් පොලිස් විශේෂ කාර්ය බළකාය මඟින් සොයාගෙන ඇත. එම දුරකථන සහ උපාංග ඉදිරි විමර්ශන කටයුතු සඳහා පොලිස් විශේෂ කාර්ය බළකායේ අණ දෙන නිලධාරීවරයා ගේ කාර්යාලය වෙත භාර දී ඇති බව සඳහන්ය.
මනුෂ්‍ය ඝාතනයකට අවශ්‍යව සිටි තරුණියක් ඇතුළු පුද්ගලයින් තිදෙනෙකු රාමනාදපුරම් මායානූර් ප්‍රදේශයේදී අත්අඩංගුවට ගෙන තිබේ. රාමනාදපුරම් පොලීසිය සිදුකළ විමර්ශනයකදී සැකකරුවන් අත්අඩංගුවට ගෙන ඇති බව පොලිස් මූලස්ථානය සඳහන් කළේය. පසුගිය 25 වනදා එම ප්‍රදේශයේ පදිංචිව සිටි පුද්ගලයෙකු මුගුරකින් පහරදී ඝාතනය කිරීමේ සිද්ධියක් සම්බන්ධයෙන් සිදුකළ විමර්ශනවලදී සැකකරුවන්ව අත්අඩංගුවට ගෙන ඇත. සැකකරුවන් 16 හැවිරිදි සහ 17 හැවිරිදි වියේ පසුවන අතර සැකකාරිය 18 හැවිරිදි වියේ පසුවන අතර ඔවුන් මායානූර් ප්‍රදේශයේ පදිංචිකරුවන් බව පොලීසිය සඳහන් කළේය. අනියම් ප්‍රේම සම්බන්ධතාවක් හේතුවෙන් එම ඝාතනය සිදුකර ඇති බවට පොලීසිය සිදුකළ මූලීක විමර්ශනවලදී අනාවරණය වී තිබේ.
සමගි ජනබලවේගයෙන් තමන්ව ඉවත් කිරීමට ගත් තීරණය පෞද්ගලික වෛරයක් මත සිදුකර ඇති බව අමාත්‍ය හරීන් ප්‍රනාන්දු මහතා පවසයි. අමාත්‍යවරයා පෙන්වා දෙන්නේ, අදාළ තීරණය සම්බන්ධයෙන් ශ්‍රේෂ්ඨාධිකරණය විසින් නිවැරදි තීන්දුවක් ලබාදෙනු ඇති බවය. නඩු තීන්දුවෙන් අනතුරුව සමගි ජනබලවේගයේ බොහෝ පිරිසක් එක්සත් ජාතික පක්ෂය සමග එකතු වනු ඇති බව ද හරීන් ප්‍රනාන්දු අමාත්‍යවරයා මෙහිදී වැඩිදුරටත් සඳහන් කළේය.
මෙවර අයවැයෙන් රුපියල් 20,000ක දීමනාවක් හෝ වැටුප් වැඩිවීමක් ඉල්ලා දිවයින පුරා උද්ඝෝෂණ ව්‍යාපාරයක නිරත වීමට රාජ්‍ය හා පළාත් රාජ්‍ය සේවා වෘත්තීය සමිති එකතුව තීරණය කර තිබේ. එම වෘත්තීය සමිති එකතුවේ සම්බන්ධීකාරක චන්දන සූරියආරච්චි මහතා සඳහන් කළේ හෙට (30) දහවල් 12ට එම උද්ඝෝෂණ ව්‍යාපාරය පැවැත්වීමට නියමිත බවය. සංවර්ධන නිලධාරී, කළමනාකරණ සේවා නිලධාරී, ග්‍රාම නිලධාරී, සමෘද්ධි, කාර්යාල සේවා, පළාත් රාජ්‍ය සේවා ඇතුළු සේවා ගණනාවක් ඒකාබද්ධව මෙම උද්ඝෝෂණය පවත්වන බව චන්දන සූරියආරච්චි මහතා සඳහන් කළේය. මේ අතර රජයේ වෛද්‍ය නිලධාරීන්ගේ සංගමය ද ලබන සතිය තුළ වෘත්තීය සමිති ක්‍රියාමාර්ගවල නිරත වීමට තීරණය කර ඇති බව එම සංගමයේ මාධ්‍ය ප්‍රකාශක වෛද්‍ය චමිල් විජේසිංහ මහතා සඳහන්…
පුදුකුඩිඉරිප්පු පොලිස් වසමේදී දෙපිරිසක් අතර ඇතිවූ ආරවුලක් හේතුවෙන් පොරවකින් පහරදී පුද්ගලයෙකු ඝාතනය කර තිබේ. ඊයේ (28) රාත්‍රී කාලයේදී එම ඝාතනය සිදුකර ඇති බව පොලීසිය පවසයි. එසේ මියගොස් ඇත්තේ, මයිල්කුන්ජම්, පුදුකුඩිඉරිප්පු ප්‍රදේශයේ පදිංචි 68 හැවිරිදි පුද්ගලයෙකි. දෙපිරිසක් අතර ඇතිවූ ආරවුලක් හේතුවෙන් පුද්ගලයෙකු විසින් මරණකරුගේ හිසට පොරවකින් පහරදී ඇති බවට සිදුකළ විමර්ශනයේදී අනාවරණය වී ඇත. පහරදීම සිදුකළ පුද්ගලයාද තුවාල ලබා පුදුකුඩිඉරිප්පු රෝහලට ඇතුළත් කර වැඩිදුර ප්‍රතිකාර සඳහා මාංචෝල රෝහලට මාරුකර යවා ඇති බව පොලීසිය පවසයි. සැකකරු අත්අඩංගුවට ගෙන ඇති අතර ඔහු පොලිස් ආරක්ෂාව යටතේ මාංචෝල රෝහලේ ප්‍රතිකාර ලබයි. සිද්ධිය සම්බන්ධයෙන් පුදුකුඩිඉරිප්පු පොලීසිය වැඩිදුර විමර්ශන සිදුකරයි.
නව දේශපාලන ගමනක් ආරම්භ කිරීමට සුදානම් බව පාර්ලිමේන්තු මන්ත්‍රී දයාසිරි ජයසේකර මහතා පවසයි. එහිදී මන්ත්‍රීවරයා සඳහන් කළේ, රටට නව දේශපාලන ව්‍යාපාරයක අවශ්‍යතාව මතුවී ඇති බවය. කොළඹ පැවති උත්සවයකින් අනතුරුව මාධ්‍යවේදීන් යොමුකළ ප්‍රශ්න කිහිපයකට පිළිතුරු ලබා දෙමින් දයාසිරි ජයසේකර මන්ත්‍රීවරයා ඒ බව කියා සිටියේය. එහිදී වැඩිදුරටත් අදහස් දැක්වූ පාර්ලිමේන්තු මන්ත්‍රී දයාසිරි ජයසේකර මහතා, “දේශපාලනය ගැන කලකිරීමක් නැහැ. ප්‍රශ්නවලට මුහුණ දෙන්න වුණානේ. ඉතින් ඒක නිසා භාවනා කරා ගියා. භාවනා කරන්න කියලා පොඩි ඉල්ලීමකුත් තිබුණා.” “මේ දේශපාලනයත් එක්ක තවදුරටත් ගමන් කරන්න බැහැ කියලා මම හිතන්නේ.” සටන අතහැරලා නැහැ. මම තාමත් ශ්‍රී ලංකා නිදහස් පන්ෂයේ. හැම පක්ෂයක්ම කථා කළා.. අපිත් එක්ක එකතුවෙමු කියලා කිව්වා.…
බඳින තුවක්කුවක් පත්තුවීමෙන් පාදයේ තුවාල ලබා ප්‍රතිකාර ලබමින් සිටි අග්බෝ හස්තියාට පුද්ගලයෙකු වෙඩිතබා තිබේ. තිරප්පනේ වන්නම් මඩුව වැව් ඉස්මත්තේදී කිසියම් පුද්ගලයෙකු විසින් හස්තියාට වෙඩි තබා ඇත. පශු වෛද්‍යවරුන් සඳහන් කළේ, හස්තියාගේ තත්ත්වය බරපතළ බවය.