Author: LFN
පාර්ලිමේන්තුවේ ගෘහ පාලන දෙපාර්තමේන්තුවේ ඇතැම් රූමත් සේවිකාවන්ට ලිංගික හිංසන කරන ලදැයි කියන සිද්ධිය සම්බන්ධයෙන් වැඩ තහනමට ලක් කෙරුණු එම දෙපාර්තමේන්තුවේ සහකාර ගෘහ පාලක ඇතුළු නිලධාරීන් දෙදෙනාට පාර්ලිමේන්තුවේ වැඩ බලන මහලේකම් නීතිඥ චමින්ද කුලරත්න මහතා චෝදනා පත්‍ර පසුගිය (27) සිකුරාදා බාර දුන්නේය. එම චෝදනා පත්‍ර බාරදෙමින් දින 14 ක් ඇතුළත චෝදනාව සම්බන්ධයෙන් නිදහසට කරුණු ඉදිරිපත් කරන ලෙස වැඩබලන මහලේකම්වරයා දැනුම්දී ඇත. නිදහසට කරුණු ඉදිරිපත් නොකළහොත් ඔවුන් තනතුරුවලින් පහ කෙරෙනු ඇත. එම දෙදෙනාට මෙම චෝදනා පත්‍ර බාරදී ඇත්තේ සිද්ධිය සම්බන්ධයෙන් පැවැත්වූ මූලික විමර්ශනවලදී අනාවරණය කෙරුණු තොරතුරු පදනම් කරගෙනය. මූලික විමර්ශනයේ වාර්තාව අදාල විමර්ශන කණ්ඩායම විසින් පාර්ලිමේන්තු මහ ලේකම් නීතිඥ කුෂානි රෝහණදීර මහත්මියට…
මඩකලපුව, කාත්තන්කුඩි ප්‍රදේශයේ අට හැවිරිදි දරුවෙකුට පහරදුන් බවට සැකපිට මව්ලවීවරයෙක්ව පොලීසිය විසින් අත්අඩංගුවට ගෙන තිබේ. පොලීසිය පැවසුවේ සෙනසුරාදා (28) රාත්‍රී එම දරුවා ඉගෙනීම් කටයුත්තක් සඳහා පල්ලියට ගිය අවස්ථාවේ සැකකරු විසින් පොල්ලකින් පහරදී ඇති බවය. තුවාල ලැබූ දරුවා කාත්තන්කුඩි රෝහලට ඇතුළු කිරීමෙන් අනතුරුව වැඩිදුර ප්‍රතිකාර සඳහා මඩකලපුව රෝහලට මාරුකර යවා තිබේ. පාඩම් කිරීමට පවරන ලද පාඩමක් නිසි පරිදි කට පාඩම් නොමැති වීම හේතුවෙන් අදාළ දරුවාට පහරදී ඇති බව මූලික පොලිස් පරීක්ෂණවලදී හෙළිවී ඇත.
තුර්කි ගුවන් සේවය ශ්‍රී ලංකාව සමග ඍජු ගුවන් ගමන් සේවා ආරම්භ කරමින් මංගල ගුවන් යානය අද (30) උදෑසන කටුනායක ගුවන්තොටුපොළ වෙත ළඟාවුණි. ඒ අනුව TK-730 දරන ගුවන් යානය තුර්කියේ ඉස්තාන්බූල් නුවර සිට අද උදෑසන 05.40ට පමණ කටුනායක ගුවන් තොටුපොළ වෙත ළඟාවුණි. මෙම ගුවන් යානයෙන් මගීන් 261 දෙනෙකු කටුනායක ගුවන් තොටුපොළ වෙත පැමිණ තිබේ. ගුවන් ගමන සඳහා පැය 08ක කාලයක් වැය වන අතර සඳුදා, අඟහරුවාදා, බ්‍රහස්පතින්දා සහ සෙනසුරාදා යන දිනවල උදෑසන 05.40ට තුර්කියේ සිටත් නැවත උදෑසන 07.40ට කටුනායක ගුවන් තොටුපොළෙන් තුර්කිය බලාත් පිටත්වීමට නියමිතය. ලබන වසරේ සිට සතියේ දින 07ම තුර්කි ගුවන් යානා කටුනායක ගුවන් තොටුපොළ වෙත පැමිණීමට නියමිත බව වාර්තා…
මරදාන ශ්‍රී සංඝරාජ මාවතේ බී.බී.සී. පාලම අසල තිබී නාඳුනන පුද්ගල මළ සිරුරක් හමුවී තිබේ. ඊයේ (29) අලුයම පාලම අසල පුද්ගලයෙකු වැටී සිටින බවට ලද තොරතුරක් මත මරදාන පොලීසිය විසින් විමර්ශන ආරම්භ කර තිබුණි. විමර්ශන නිලධාරීන් විසින් වැටී සිටි පුද්ගලයාව කොළඹ ජාතික රෝහලට ඇතුළත් කිරීමට කටයුතු කර ඇති අතර ඒ වන විටත් ඔහු මියගොස් සිට ඇති බව පොලීසිය පවසයි. මරණකරුගේ අනන්‍යතාව මෙතෙක් තහවුරු වී නොමැත. මෙලෙස මියගොස් ඇත්තේ අවුරුදු 30ක් පමණ වන උස අඩි 05 අඟල් 08ක, තළෙලු සිහින් සිරුරක් හිමි කොණ්ඩය කොටට කපා, නිකට යටින් රැවුල වැවී ඇති දම් පැහැ කොට කලිසමකින් සහ නිල් පැහැති කමිසයකින් සැරසුණ අයෙකි. මෘත ශරීරය…
දිවයිනට පැමිණි “Shi Yan 6” චීන පර්යේෂණ නෞකාව, නාරා ආයතනය සමග එක්ව මෙරට බටහිර මුහුදේ සිදුකරන පර්යේෂණ කටයුතු අද (30) ආරම්භ කිරීමට නියමිතව තිබේ. “Shi Yan 6 චීන පර්යේෂණ නෞකාව පසුගිය 25 වන දා කොළඹ වරායට ළඟා වු අතර අදාළ පර්යේෂණ අද සහ හෙට (31) යන දෙදින තුළ සිදුකිරීමට විදේශ කටයුතු අමාත්‍යංශය පසුගිය දා අවසර ලබාදී තිබුණි. මෙම පර්යේෂණයට අදාළව නෞකාවේ තාක්ෂණය යොදා ගනිමින් බටහිර මුහුදේ ජල සාම්පල ලබාගැනීමට නියමිත අතර ඒ සඳහා නාරා ආයතනය මෙන්ම නාවික හමුදා නිලධාරීන් ද සහභාගී වීමට නියමිතය. ඒ අනුව දිවයිනට පැමිණ ඇති “Shi Yan 6” චීන පර්යේෂණ නෞකාව සිදුකරන පරීක්ෂණ කටයුතු සඳහා නාරා ආයතනය…
ඖෂධ නියාමන අධිකාරියේ සිදු වූ අක්‍රමිකතා හෙළි වන ප්‍රධානතම කරුණ වන්නේ, එහි දත්ත ගබඩාව මකා දැමීම බව සෞඛ්‍ය වෘත්තියවේදීන් ගේ විද්වත් සංගමයේ සභාපති රවී කුමුදේශ් මහතා පවසයි. ඔහු පැවසුවේ, දත්ත ගබඩාව මකා දැමීම සම්බන්ධයෙන් වගකිව යුතු පාර්ශ්ව නැවත වතාවක් තනතුරු සඳහා පත් කිරීමට ඇතැම් පාර්ශ්ව කටයුතු කරමින් සිටින බවය. ඊයේ (29) පැවති මාධ්‍ය හමුවක් අමතමින් ඔහු මේ බව සඳහන් කළේය. “ඖෂධ නියාමන අධිකාරියේ ඇත්ත හොරකම හෙළි වෙන පළමු වැනි තැන තමයි මේ දත්ත මකපු තැන. රජයේ අවධානය යොමු වෙලා තියෙනවාලු ඖෂධ නියාමන අධිකාරියේ ප්‍රධාන විධායක නිලධාරිවරයාව අයින් කරන්න. සභාපති ඉවත් කරන්න. ඒ ගොල්ලන් ව අයින් කරලා දත්ත සොරකම සම්බන්ධයෙන් ඒ…
ඉන්දියාවේ පැවැත්වෙන එක්දින ලෝක කුසලාන ක්‍රිකට් තරගාවලිය නැරඹීම සඳහා එරටට ගොස් සිටින ශ්‍රී ලංකා ක්‍රීඩා ලෝලීන්ට එරට ක්‍රීඩාංගණවල දී විවිධ දුෂ්කරතාවලට මුහුණ දීමට සිදු ව ඇතැයි වාර්තා වේ. ශ්‍රී ලංකා ක්‍රීඩා ලෝලීන් රැගෙන ආ ජාතික කොඩි ක්‍රීඩාංගණය තුළට රැගෙන යාමට ක්‍රීඩාංගණයේ පිවිසුම් දොරටු අසල සිටි ආරක්ෂක නිලධාරීන් අවස්ථාව ලබා දී නොතිබුණු බව සඳහන්ය. තව ද ක්‍රීඩා ලෝලින් තරගය නැරඹීමට ශ්‍රී ලංකා ජර්සිවලින් සැරසී පැමිණ සිටි අතර, එම ජර්සිවලින් සැරසී ක්‍රීඩාංගණය තුළට ඇතුළු විය නොහැකි බව ද ආරක්ෂක නිලධාරීන් දන්වා සිටීමත් සමඟ ක්‍රීඩාලෝලීන් සහ නිලධාරීන් අතර උණුසුම් තත්වයක් හටගත් බව ද වාර්තා වේ.
ඉදිරි මාස 06 තුළ ආයුධ සන්නද්ධ කණ්ඩායම් පාලනය කර, පාතාල ක්‍රියාකාරකම් සම්පූර්ණයෙන්ම අවසන් කිරීමට අදාළ සැලසුම් ක්‍රියාත්මක කර ඇති බව බස්නාහිර පළාත භාර ජ්‍යේෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා පවසයි. ඊයේ (29) කොළඹ පැවති උත්සවයක දී ඔහු වැඩිදුරටත් පැවසුවේ, බන්ධනාගාරගත රැඳවියෙක් දැනුම් දී ඇති පරිදි යළිත් වරක් කොළඹට ප්‍රහාරයක් එල්ල කිරීමේ කිසිදු සැලසුමක් නැතැයි විමර්ශන මඟින් මේ වන විටත් අනාවරණ වී ඇති බවය. “පසුගිය දවසක අනුරාධපුරේ බන්ධනාගාරගත වෙලා ඉන්න පාස්කු ප්‍රහාරයට සම්බන්ධ සැකකරුවෙක් උසාවියට අරගෙන එනකොට බස් රථයෙන් එළියට විසි කරලා තිබුණා කුඩා කොළ කැබැල්ලක්. එකේ තිබුණා යළිත් වරක් කොළඹට ප්‍රහාරයක් එල්ල කරන්න අපි සූදානමින් ඉන්නවා කියලා. එය ඔහුට අවධානය…
දිවයින පුරා මහජන සෞඛ්‍ය පරික්ෂකවරුන් අද (30) සහ හෙට යන දිනයන්හි වැඩ වර්ජනයක නිරත වීමට තීරණය කර තිබේ. වෘත්තීය ගැටලු කිහිපයක් මුල්කර ගනිමින් මෙම වෘත්තීය සමිති ක්‍රියාමාර්ගය සිදු කිරීමට සැලසුම් කර ඇති බව එම සංගමයේ සඳහන් කළේය. මේ අතර, දිවයින පුරා උද්ඝෝෂණවල නිරත වීමට තවත් ක්ෂේත්‍ර රැසක වෘත්තීය සමිති සූදානමින් සිටින බව වාර්තා වේ. ඒ, මෙවර අයවැයෙන් වැටුප් වැඩි වීමක් ඉල්ලා බලකරමිනි. මේ අතර, රාජ්‍ය සේවා වෘත්තීය සමිති සන්ධානය ද අද ප්‍රවෘත්ති සාකච්ඡාවක් කැඳවමින් සඳහන් කළේ, පවතින ආර්ථික තත්ත්වය රාජ්‍ය සේවකයන්ට දරාගත නොහැකි බැවින් වැටුප් වැඩි කිරීමක් ඉල්ලා තමන් ද උද්ඝෝෂණවලට සහාය පළ කරන බවයි. රජයේ පවුල් සෞඛ්‍ය සේවා සංගමය…
මරණ තර්ජන එල්ල කර මහජන උපයෝගිතා කොමිසමේ හිටපු සභාපති, ව්‍යාපාරික ජනක රත්නායක මහතා ගෙන් රුපියල් ලක්ෂ 15ක කප්පම් මුදලක් ලබාගත් කල්ලියක සාමාජිකයන් තිදෙනෙකු කොළඹ අපරාධ කොට්ඨාසය විසින් අත්අඩංගුවට ගනු ලැබිණි. පොලීසිය පැවසුවේ, ඩුබායිහි සැඟ ව සිටින බ්ලූමැන්ඩල් සංඛ නමින් පෙනී සිටිමින් මෙම කප්පම් මුදල් ලබාගෙන ඇති බවයි. මහජන උපයෝගිතා කොමිසමේ හිටපු සභාපති, ව්‍යාපාරික ජනක රත්නායක මහතාට පසුගිය මස 16 වැනිදා පෙරවරු 07.10ත් 09ත් අතර කාලයේ දී පුද්ගලයෙකු දුරකථන ඇමතුමක් ලබා දී තිබිණි. දුරකථන ඇමතුම ලබාදුන් පුද්ගලයා තමා ව හඳුන්වා දී තිබුණේ, ඩුබායිහි සැඟ ව සිටින බ්ලූමැන්ඩල් සංඛ නමැති සංවිධානාත්මක අපරාධ කල්ලි සාමාජිකයා ලෙසටයි. ජනක රත්නායක මහතා ව ඝාතනය කිරීම සඳහා…