Author: LFN
ජාතික බුද්ධි ඒකකය සමග ඒකාබද්ධව නව සමාජ බුද්ධි ඒකකයක් පිහිටුවා එහි කටයුතු මේ වනවිට ආරම්භ කර ඇති බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකොන් මහතා පවසයි. ඔහු ප්‍රකාශ කළේ පාසල් පද්ධතිය තුළ සිදුවන විවිධ විෂමාචාර ක්‍රියා මැඩපැවැත්වීම සඳහා එම නව බුද්ධි කොට්ඨාසය හරහා අවශ්‍ය පියවර ගන්නා බවය. ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකොන් මහතා, “අපි මේ වසර තුළ ජාතික බුද්ධි ඒකකයත්, ජාතික ශිෂ්‍ය භට බළකායත් සමග එකතුව සමාජ බුද්ධි එකකයක් පිහිටුවීමට තීරණය කළා. ඒ වැඩපිළිවෙල අපි මේ වසරේ ආරම්භ කළා. ඒ අනුව පාසල් තුළ සිදුවන අකටයුතුකම්, මත්ද්‍රව්‍ය උවදුර අවම කරන්න සහ නැති කරන්න වගේම මුලින්උපුටා දමන්න මේ බුද්ධි එකකය ඉවහල්…
රෆා දේශසීමාව විවෘත කෙරුණ ද ගාසා තීරයේ තවදුරටත් දරුණු ගැටුම් පවතින බව විදෙස් මාධ්‍ය අද වාර්තා කළා. ඊයේ රාත්‍රිය පුරා තැන තැන පිපුරුම් හඬ සහ වෙඩි හඬ ඇසුණු බවයි විදෙස් මාධ්‍ය පවසන්නේ. කෙසේවෙතත් ඊයේ රාත්‍රියේ ගාසා තීරයේ මෙහෙයුමක් සිදුකළ බවට ඊශ්‍රායල් හමුදා අංශ මෙතෙක් තහවුරු කර නැහැ. මේ අතර ගාසා තීරයේ රෆා දේශසීමාව විවෘත කිරීමට තීරණය කර ඇති අතර ඒ හරහා පුද්ගලයින් 500 කට පමණ ගාසා තීරයෙන් පිටවීමට අවස්ථාව ලැබෙනු ඇතැයි විදෙස් මාධ්‍ය වාර්තා කළා. අමෙරිකානු ජනාධිපති ජෝ බයිඩ්න් පවසන්නේ දැන් ගාසා තීරයට මානුෂීය විරාමයක් අවශ්‍ය බවයි. ගාසා තීරයේ සිරවී සිටින පිරිස් මුදා ගැනීම සඳහා සහ මානුෂීය ආධාර ලබාදීම සඳහා…
ගාසා තීරයේ රැඳී සිටි ශ්‍රී ලාංකිකයින් 13 දෙනෙකු ගාසා – ඊජීප්තු දේශ සීමාවේ පිහිටි රෆා පිවිසුම පසු කර තිබේ. ගැටුම් හේතුවෙන් ගාසා තීරයේ සිරව සිටි ශ්‍රී ලාංකිකයින්ට එම ප්‍රදේශයෙන් ඉවත් වීම සඳහා අවසර හිමිව තිබුණි. කෙසේවෙතත් ගාසා තීරයේ රැඳී සිටින ශ්‍රී ලාංකිකයින් 17 දෙනාගෙන් සිව්දෙනෙකුට ප්‍රමාණවත් ආරක්ෂාවක් නොමැති වීම හේතුවෙන් රැඳී සිටින ස්ථානයෙන් ඉවත්වීම දුෂ්කර වී ඇති බව සඳහන් වේ. .
ඉන්දීය නිවාස වැඩසටහනේ පළමු අදියර යටතේ යටතේ කොටගල, දිඹුල ප්‍රදේශයේ නිවාස 10,000ක් සඳහා ඩිජිටල් ක්‍රමය හරහා මුල්ගල් තැබීම න්දීය මුදල් අමාත්‍ය නිර්මලා සීතාරාමන් මහත්මියගේ ප්‍රධානත්වයෙන් අද සිදුකෙරිණි. වැවිලි ප්‍රජාව සඳහා වසර 200ක් සපිරීම නිමිත්තෙන් ඊයේ (02) කොළඹ පැවති උත්සවයකදී මෙම මුල්ගල් තැබීම සිදුකළේය. ඊට ජනාධිපති රනිල් වික්‍රමසිංහ, අග්‍රාමාත්‍ය දිනේෂ් ගුණවර්ධන, හිටපු ජනාධිපති මහින්ද රාජපක්ෂ ඇතුළු පිරිසක් සහභාගී විය. කඳුකර වතු ජනතාව සඳහා පර්චස් 10 බැගින් ඉඩම් ඔප්පු ලබාදීමට ඉදිරියේදී කටයුතු කරන බව ජනාධිපති රනිල් වික්‍රමසිංහ මහතා එහිදී පැවසීය. එහිදී අදහස් දැක්වූ ඉන්දීය මුදල් අමාත්‍ය නිර්මලා සීතාරාමන්, “ඉන්දියාව ශ්‍රී ලංකා ජනතාව වෙනුවෙන් අසාමාන්‍ය අන්දමේ ඩොලර් බිලියන 04 ඉක්මවූ මූල්‍යාධාර ලබාදුන්නා. ශ්‍රී…
වලාන දූෂණ මර්දන ප්‍රහාරක ඒකකයේ පොලිස් පරීක්ෂකවරයෙකුගේ නම භාවිත කර කාන්තාවන් රවටා මුදල් වංචා කළ පුද්ගලයෙකු පොලීසිය අත්අඩංගුවට ගෙන තිබේ. පොලීසිය සඳහන් කළේ පුවත්පත්වල විවාහ මංගල දැන්වීම් පළකරන කාන්තාවන් ඉලක්ක කර ඔහු එම ජාවාරම සිදුකර ඇති බවය. සැකකරු පුවත්පතෙහි පළකරන දුරකතන අංක ලබාගෙන නිවැසියන්ගෙන් අදාළ කාන්තාවන් පිළිබඳ විස්තර ගෙන ඔවුන්ට විවිධ අසත්‍ය චෝදනා කොට මුදල් ලබාගන්නා බවට වාර්තා වී ඇත. එමෙන්ම ඔහුට ආධාර අනුබලදුන් කාන්තවන් දෙදෙනෙකු ඇතුළු පුද්ගලයන් තිදෙනෙකු අත්අඩංගුවට ගෙන ඇත.
මෙරට සංචාරයක් සඳහා පැමිණ සිටින ඉන්දීය මුදල් අමාත්‍ය නිර්මලා සීතාරාමන් මහත්මිය ජනාධිපති රනිල් වික්‍රමසිංහ මහතා අතර ද්විපාර්ශ්වික හමුවක් පවත්වා තිබේ. ජනාධිපති මාධ්‍ය අංශය පැවසුවේ එම හමුව සඳහා ඉන්දියාවේ මෙරට මහකොමසාරිස් ගෝපාල් බග්ලේ සහ මෙරටට පැමිණ සිටින ඉන්දීය නියෝජිත පිරිස සහභාගී වූ බවය. එම හමුව ජනාධිපති මන්දිරයේදී පවත්වා තිබේ. එහිදී ඉන්දියාව සහ ශ්‍රී ලංකාව අතර බෞද්ධ සබඳතා ප්‍රවර්ධනය කිරීම වෙනුවෙන් ඉන්දියානු රජයේ විසින් ප්‍රදානය කරනු ලබන ඩොලර් මිලියන 15ක ආධාර යටතේ ව්‍යාපෘති ක්‍රියාත්මක කිරීමට අදාළ ද්විපාර්ශ්වික ලේඛන හුවමාරු කරගත් බවද ජනාධිපති මාධ්‍ය අංශය වැඩිදුරටත් පැවසීය.
රාජ්‍ය මුද්‍රණ නීතිගත සංස්ථාව ඊයේ (02) සිට පාසල් දරුවන් සඳහා 30% වට්ටමක් මත පාසල් අභ්‍යාස පොත් ලබාදීමට කටයුතු කර තිබේ. මාධ්‍ය වෙත අදහස් දක්වමින් රාජ්‍ය මුද්‍රණ නීතිගත සංස්ථාවේ සභාපති නිමල් ධර්මරත්න මහතා පැවසුවේ ප්‍රධාන කර්යාලය සහ එම සංස්ථාවේ අළෙවිකුටි හරහා ලබා පොත් ලබා ගත හැකි බවය. “සියලුම විදුහල්වල විදුහල්පතිවරුන්ට, විදුහල්පතිවරුන්ගේ ලිපියක් රැගෙන එන නියෝජිතයින්ට අපි මේ පොත් නිකුත් කරනවා. ඒ නිකුත් කිරීමේදී 30%ක වට්ටමක් දෙන්න අපි බලාපොරොත්තු වෙනවා. ප්‍රධාන කර්යාලය සහ එම සංස්ථාවේ අළෙවිකුටි හරහා ලබා දීමට කටයුතු කරලා තියෙනවා.”
ලෝක කුසලාන තරගාවලියේ ඉන්දියාව හමුවේ ලද පරාජය පිළිබඳව ශ්‍රී ලංකා ක්‍රිකට් ආයතනය පුහුණුකරුවන්ගෙන් සහ තේරීම් කමිටුවෙන් කරුණු විමසීමට තීරණය කර තිබේ. ඊයේ කණ්ඩායම තේරීම සිදුකළේ කුමන පදනමකින්ද යන්න මෙහිදී විමසන බව ශ්‍රී ලංකා ක්‍රිකට් ආයතනයේ ජ්‍යේෂ්ඨ නිලධාරීයෙකු පැවසීය. ධනංජය ද සිල්වා ඊයේ තරගයෙන් ඉවත් කර ඒ වෙනුව දුෂාන් හේමන්ත කැඳවීම ද ගැටලු සහගත බව ඔහු පැවසීය. මෙම කරුණු පිළිබඳව සහ ශ්‍රී ලංකා කණ්ඩායම මෙම තරගයේ දැක්වූ දුර්වල ක්‍රීඩා විලාශය පිළිබඳවද කරුණු විමසීමට ශ්‍රී ලංකා ක්‍රිකට් ආයතනය තීරණය කර ඇත.
විමර්ශනයක් සඳහා අවශ්‍ය පුද්ගලයෙකු සොයාගැනීම සඳහා ශ්‍රී ලංකා රේගුව මහජන සහාය ඉල්ලා තිබේ. ඒ අනුව මෙම ඡායාරූපයේ සිටින පුද්ගලයා පිළිබඳව තොරතුරක් වෙතොත් මධ්‍යම බුද්ධි අංශයට දැනුම් දෙන ලෙස ශ්‍රී ලංකා රේගුව මහජනතාවගෙන් ඉල්ලා සිටී. මොහමඩ් නාසීර් මොහමඩ් ආදිල් යන නමින් හඳුන්වන මොහු අවසන් වරට පදිංචිව සිටි ලිපිනය ලෙස අංක 51, කාමෙල් මාවත, කොල්ලුපිටිය, කොළඹ 03 හඳුනාගන ඇත. මෙම පුද්ගලයා පිළිබඳ යම් තොරතුරක් ඇත්නම් 0112471471, 0112431854 හෝ 0704387112 යන දුරකථන අංක ඔස්සේ මධ්‍යම බුද්ධි අංශයට දැනුම්දිය හැක.
ඖෂධවේදීන්ගේ සංගමයේ සභාපති තුෂාර රණදේව මහතා ඊයේ (02) සුවිශේෂී හෙළිදරව්වක් සිදුකළේය. ඖෂධ නියාමන අධිකාරිය ඉදිරිපිටදී මාධ්‍ය වෙත අදහස් දක්වමින් ඒ මහතා සඳහන් කළේ එම අධිකාරියේ ලිපි ගොනු කිහිපයක් මේ වනවිට විනාශ කරමින් තිබෙන බවය. එහිදී වැඩිදුරටත් අදහස් දැක්වූ ඒ මහතා ඖෂධ නියාමන අධිකාරියේ විධායක අධ්‍යක්ෂවරයා සම්බන්ධයෙන් චෝදනා කිහිපයක් එල්ල කළේය. “විධායක අධ්‍යක්ෂවරයා බලෙන් මෙම ඖෂධ නියාමන අධිකාරිය තුළ රැඳී සිටිනවා. ඔහු ඖෂධ නියාමන අධිකාරියට අයත් විවිධ ලිපි ගොනු විනාශ කරමින් පවතිනවා. ඊයේ රාත්‍රියේ මෙම විධායක අධ්‍යක්ෂවරයා ඖෂධ නියාමන අධිකාරියට පැමිණ ලිපි ගොනු වගයක් පේපර් කටර් එකිකන් විනාශ කරලා තිබෙනවා. ඒවා බෑග්වලට දාලා තියෙනවා.” විධිමත් සෞඛ්‍ය සේවාවක් මෙරට ක්‍රීයාත්මක කිරිම සඳහා,…