Author: LFN

රුපියල් කෝටියකට අධික වටිනා අයිස් මත්ද්‍රව්‍ය තොගයක් ත්‍රිරෝද රථයකින් ප්‍රවාහනය කරමින් සිටි තැපැල් සේවකයෙකු ඇතුළු තිදෙනකු අද (27) අත්අඩංගුවට ගත් බව පොලිස් විශේෂ කාර්ය බළකාය සඳහන් කරයි. එම සැකකරුවන් සමඟ අයිස් මත්ද්‍රව්‍ය කිලෝ 01 ගෑම් 05 ක් ප්‍රවාහනයට යොදා ගත් තීරෝද රථයද පොලිස් භාරයට ගෙන ඇත. පොලිස් විශේෂ කාර්ය බළකා විශේෂ මෙහෙයුම් අංශ( 01) ඒකකයේ නිලධාරීන් කණ්ඩායමකට ලද තොරතුරකට අනුව කළුතර දකුණ පොලිස් වසමේ දුම්රිය පොල පාර ඉදිරිපිට දී සිදුකළ වැටලීමකදී සැකකරුවන් තිදෙනා ප්‍රවාහනය කරමින් තිබූ මෙම අයිස් මත්ද්‍රව‍ය තොගය අත්අඩංගුවට ගෙන ඇත. අත්අඩංගුවට ගත් තැපැල් සේවකයා කළුතර කලමුල්ල පිට්ටනිය පාර පදිංචි 29 හැවිරිදි පුද්ගලයෙකුවන අතර සෙසු සැකකරුවන් කළුතර නාගොඩ…

පවතින උණුසුම් කාලගුණික තත්ත්වය එළැඹෙන මැයි මාසය දක්වා පවතිනු ඇතැයි අපේක්ෂා කරන බව කාලගුණ විද්‍යා දෙපාර්තමේන්තුව පවසයි. එම දෙපාර්තමේන්තුවේ අතිරේක කාලගුණ විද්‍යා අධ්‍යක්ෂ ජෙනරාල් අජිත් විජේමාන්න මහතා පැවසුවේ නිරිත දිග මෝසම මැයි මාසයේ අග ක්‍රියාත්මක වීමට නියමිත බැවින් එම කාලය තුළ පවතින උණුසුම් කාලගුණය තරමක් පහව යනු ඇතැයි අපේක්ෂා කරන බවය. පවතින තත්ත්වය තුළ අප්‍රේල් සහ මැයි මාසය දක්වා උණුසුම් කාලගුණික තත්ත්වයක් දක්නට ලැබෙන බවත් පැවසූ ඒ මහතා පැවසුවේ ඒ අනුව අප්‍රේල් මාසයේත් දැඩි උණුසුම් තත්ත්වයක් දිවයිනේ බොහෝ ප්‍රදේශවලට බලපානු ඇති බවය. මේ වන විට ආරම්භ වී ඇත්තේ පළමු අන්තර් මෝසම් කාලගුණික තත්ත්වය බව පෙන්වා දුන් ඒ මහතා මේ වන…

ධීවර යාත්‍රා සඳහා මෙන්ම, මුහුදු ආහාර සැකසීම සහ ජලජීවී වගාව ඇතුළු කර්මාන්ත සඳහා අවශ්‍ය ඉන්ධන සැපයීමේදී ඇතිවන ගැටලු ඉදිරිපත් කිරීමට පැය 24 පුරා ක්‍රියාත්මක වන සහය දුරකථන සේවාවක් ආරම්භ කර දී ඇත. ඒ අනුව ධීවර, ජලජ හා සාගර සම්පත් අමාත්‍යාංශය දැනුම් දී ඇත්තේ කර්මාන්තයට අදාළ ඉන්ධන ගැටලු කඩිනමින් යොමු කිරීමට පහත අංකය අමතන ලෙසයි. අඳාළ අංකය – 0114323389

අමෙරිකාව හා ඊශ්‍රායලය එක්ව ඉරානයට එරෙහිව ක්‍රියාත්මක කර ඇති යුද්ධය මධ්‍යයේ රුසියාවේ තෙල් සඳහා ඇති ඉල්ලුම සීඝ්‍රයෙන් ඉහළ ගොස් ඇති බව විදෙස් වාර්තා පවසයි. එම වාර්තා පෙන්වා දුන්නේ, රුසියාව අවම වශයෙන් දිනකට අමෙරිකානු ඩොලර් මිලියන 760කට (ආසන්න වශයෙන් ශ්‍රී.රු. කෝටි 23,800ක්) අධික ආදායමක් උපයන බවය. ඒ අනුව රුසියාව මාර්තු මාසය අවසන් වනවිට ඩොලර් බිලියන 3.3 සිට 4.9 දක්වා අගයකින් අතිරික්ත ලාබයක් උපයනු ඇතැයි සඳහන්. ඉරානයට එරෙහි යුද්ධය අතරතුර ගෝලීය බලශක්ති වෙළෙඳපොළ ස්ථාවරව පවත්වාගෙන යාමේ අරමුණින් රුසියානු ඛනිජ තෙල් මිලදීගැනීම සඳහා අමෙරිකාව විසින් පනවා තිබූ සම්බාධක තාවකාලිකව ඉවත්කිරීමේ ප්‍රතිඵලයක් ලෙස රුසියාවේ ආදායම් මෙලෙස ඉහළගොස් ඇත. මුහුදේ යාත්‍රා කරන නෞකාවල පවතින රුසියානු…

රාජ්‍ය සේවය විධිමත් ලෙස පවත්වාගෙන යාම සඳහා පත් කරන ලද අමාත්‍ය මණ්ඩල අනු කමිටුවේ දෙවැනි රැස්වීම අග්‍රාමාත්‍ය ආචාර්ය හරිනි අමරසූරියගේ ප්‍රධානත්වයෙන් ජනාධිපති කාර්යාලයේදී පැවැත්විණි. මහජනතාවට රජයේ සේවා බාධාවකින් තොරව ලබා දීම සහ රාජ්‍ය සේවකයන් මුහුණ දෙන ගැටලු මඟහරවා ගැනීමට ගත යුතු කඩිනම් ක්‍රියාමාර්ග පිළිබඳව මෙහිදී දීර්ඝ ලෙස සාකච්ඡා කෙරිණි. එසේම රාජ්‍ය පරිපාලන, පළාත් සභා සහ පළාත් පාලන, සෞඛ්‍ය, අධ්‍යාපන, අධිකරණ යන අමාත්‍යාංශවල සේවාවන් අඛණ්ඩව පවත්වාගෙන යාම සම්බන්ධව මෙහිදී සාකච්ඡා කෙරණු අතර, ඒ අනුව නියමිත පරිදි විභාග පැවැත්වීම සහ රෝහල් සඳහා අවශ්‍ය ඖෂධ බාධවකින් තොරව සැපයීම සහතික කිරීමට තීරණය කෙරිණි. මගී ප්‍රවාහන සේවා සහ දුම්රිය ප්‍රවාහන පද්ධතියේ අභියෝග සහ ඉදිරි ක්‍රියාමාර්ග…

ඉරාන බලශක්ති මධ්‍යස්ථාන වෙත එල්ල කිරීමට සැලසුම් කර තිබූ ප්‍රහාර අප්‍රේල් 6 දක්වා තවත් දින 10කින් දීර්ඝ කිරීමට අමෙරිකානු ජනාධිපති ඩොනල්ඩ් ට්‍රම්ප් තීරණය කර තිබේ. සිය ‘truth’ සමාජ මාධ්‍ය ගිණුමේ සටහනක් තබමින් ට්‍රම්ප් පවසා ඇත්තේ, ඉරානය සමග සාකච්ජා අඛණ්ඩව පවත්වන බැවින් මෙම තීරණය ගෙන ඇති බවය. පැය 48ක් ඇතුළත හෝමූස් සමුද්‍ර සන්ධිය විවෘත නොකළහොත් ඉරානයේ බලාගාරවලට ප්‍රහාර එල්ලකරන බවට ජනපති ට්‍රම්ප් පසුගිය සෙනසුරාදා ඉරානයට තර්ජනය කර තිබුණි. එවන් පසුබිමක එම කාලසීමාව ඔහු දෙවරක් මෙලෙස දීර්ඝ කර ඇත.

හිටපු පාර්ලිමේන්තු මන්ත්‍රී නඩරාජා රවිරාජ් ඝාතන නඩුවේ විත්තිකරුවන් නිදහස් කිරීමට මහාධිකරණය දුන් තීන්දුව අභියාචනාධිකරණය විසින් අවලංගු කර තිබෙනවා. 2006 වසරේ නාරාහේන්පිට ප්‍රදේශයේදී හිටපු පාර්ලිමේන්තු මන්ත්‍රී නඩරාජා රවිරාජ් සහ ඔහුගේ රියදුරා වෙඩි තබා ඝාතනය කෙරුණු අතර එම ඝාතනයට අදාළ නඩුව කොළඹ මහාධිකරණයේ ජූරි සභාවක් ඉදිරියේ විභාගයට ගැණුනා. නඩු විභාගයෙන් අනතුරුව සැකකරුවන්ට එරෙහි චෝදනා ඔප්පු කිරීමට නොහැකි වී ඇති බවට 2016 වසරේදී කොළඹ මහාධිකරණය විසින් තීන්දු කර සියලුම සැකකරුවන් නිදොස් කොට නිදහස් කරන ලදී. පසුව එම තීන්දුව අභියෝගයට ලක්කරමින් මන්ත්‍රිවරයාගේ බිරිඳ වන ශෂීකලා රවිරාජ් විසින් අභියාචනාධිකරණය ඉදිරියේ ප්‍රතිශෝධන පෙත්සමක් ගොනු කරනු ලැබුවා. එම අභියාචනයට අදාළ තීන්දුව මෙලෙස ප්‍රකාශයට පත් කරනු ලැබිණි.

සබරගමුව පළාතේත් ගාල්ල, මාතර, කළුතර සහ නුවරඑළිය දිස්ත්‍රික්කවලත් අද (27) සවස් කාලයේ හෝ රාත්‍රී කාලයේ ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි. එම දෙපාර්තමේන්තුව සඳහන් කරන්නේ, දිවයිනේ සෙසු ප්‍රදේශවල ප්‍රධාන වශයෙන් වියළි කාලගුණික තත්ත්වයක් පවතින බවය. මධ්‍යම, සබරගමුව, උතුරුමැද සහ ඌව පළාත්වලත් කුරුණෑගල, වව්නියාව, ගාල්ල සහ මාතර දිස්ත්‍රික්කවලත් ඇතැම් ස්ථානවල අලුයම් කාලයේදී මීදුම් සහිත තත්ත්වයක් පැවතිය හැකියි. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටී.

එක්සත් ලංකා ඉන්ධන ප්‍රවාහන බව්සර් හිමියන්ගේ සංගමයේ උප සභාපකි විශ්‍රාමික මේජර් සුසන්ත ජයවර්ධන මහතා අද නිවේදනය කළේ ඉල්ලීම් කීපයක් මුල් කරගනිමින් ඉන්ධන බෙදා හැරීමේ කටයුතුවලින් ඉවත්වන බවයි. ඉන්ධන බෙදා හැරීමේදී ලබා දෙන ගෙවීම් ඇතුළු ඉල්ලීම් කිහිපයක් මුල් කර ගනිමින් ඉන්දන බෙදා හැරීමෙන් ඉවත්ව සිටින බව තොරතුරු වාර්තා වේ. ඒ් අනුව අත්‍යවශ්‍ය සේවාවලට ඉන්ධන බෙදා හැරීමේ කටයුතු සිදුවන අතර, ඒ් සඳහා සීමිත බව්සර් රථ සංඛ්‍යාවක් යොදවන බවද ඔහු වැඩිදුරටත් සඳහන් කළා.

වර්තමානයේ පවතින වියළි කාලගුණ තත්ත්වය හමුවේ ජලය අරපිරිමැස්මෙන් භාවිත කරන ලෙස ජාතික ජල සම්පාදන හා ජලාපවාහන මණ්ඩලය ජනතාවගෙන් ඉල්ලීමක් කර තිබේ. එම මණ්ඩලයේ සභාපති චන්දන බණ්ඩාර මහතා සඳහන් කළේ, වියළි කාලගුණය හේතුවෙන් ජලාශවල ජල මට්ටම් සීඝ්‍රයෙන් පහළ යමින් පවතින බවය. ජලය අපතේ යාම අවම කරමින්, අවශ්‍ය ප්‍රමාණයට පමණක් පරිභෝජනය කිරීම වැදගත් බවද ඔහු අවධාරණය කළේය. එසේ නොවුවහොත්, විශේෂයෙන් උස් ප්‍රදේශවල ජල පීඩනය අඩුවීමේ අවදානමක් ඇතිවිය හැකි බව සඳහන් කළේය. ඒ අනුව, සාමාන්‍ය ජල සැපයුම බාධාවකින් තොරව පවත්වාගෙන යාම සඳහා ජනතාවගේ සහය අත්‍යවශ්‍ය බවද, ජලය අරපිරිමැස්මෙන් භාවිත කිරීම මෙහි ප්‍රධාන විසඳුම බවද මණ්ඩලය අවධාරණය කරයි. එහිදී වැඩිදුරටත් අදහස් දැක්වූ ජාතික ජල…