Author: LFN

ගුවන් හමුදා බුද්ධී තොරතුරක් මත ගලේවෙල ප්‍රාදේශයෙදී  වනජීවි නිළධාරීන් හා පොලිස් විශේෂ කාර්ය බලකාය ඒකාබද්ධව සිදුකල වැටලීමකදී දැඩි ආරක්ෂීත බෙල්ලන් විශාල සංඛ්‍යාවක් හා තවත් සත්ව කොටස් සමග සැකකරුවන් සිව් දෙනෙකු අත් අඩංගුවට ගැනිමට සමත්ව තිබුණි. මෙලෙස අත් අඩංගුවට ගෙන තිබුනේ අවුරුදු 53,42,19 සිමාවල පත්කොලගොල්ල ගලේවෙල  හා අලුත් බඹරගස්වැව පදිංචි සැකකරුවන් පිරිසකී. ගුවන් හමුදා බුද්ධි නිළධාරීන් කලක සිට සිදුකල බුද්ධි මෙහෙයුමකදී මෙලෙස දැඩි ආරක්ෂීත සුමට මකුළු බෙල්ලන් හා මුව අං තට්ටු තොගයක් අත් අඩංගුවට ගෙන ඇත. ගුවන් හමුදා බුද්ධී නිළධාරීන් හා වනජීවි නිළධාරීන් විසින් උපාය දූතයින් යොදවමින් අදාල මෙම ජාවාරම්කරුවන් සුක්ෂම ලෙස රවටා අදාල  දෑ මිළදි ගැනිමේ අරමුනීන් පැමින වැටලීම සිදුකර…

විෂ මත්ද්‍රව්‍ය සමඟ කටුනායක ගුවන් තොටුපොළේදී භික්ෂුන් පිරිසක් අත්අඩංගුවට පත්වීම සහ ඊට අදාළ විමර්ශන මෙන්ම, ඒ හමුවේ මතු වී ඇති තත්ත්වය පිළිබඳ සාකච්ඡාවක් ත්‍රෛනිකායික මහා සංඝරත්නයේ ප්‍රධානත්වයෙන් ජනාධිපති අනුර කුමාර දිසානායක මහතාගේ සහභාගිත්වයෙන් අද (28) පස්වරුවේ ජනාධිපති කාර්යාලයේදී පැවැත්විණි. මේ වන විට විෂ මත්ද්‍රව්‍ය උවදුර ජාතික ව්‍යසනයක් බවට පත්ව තිබීම මෙම සිදුවීම සමඟ මනාව තහවුරු වන බව මෙහිදී පෙන්වා දුන් ජනාධිපතිවරයා, එබැවින් විෂ මත්ද්‍රව්‍යවලට එරෙහිව රජය ආරම්භ කර තිබෙන වැඩපිළිවෙළ සමඟ සියලු දෙනා වඩා ශක්තිමත්ව අත්වැල් බැඳ ගැනීමේ අවශ්‍යතාව අවධාරණය කළේය. රට ආර්ථික සහ සමාජයීය වශයෙන් නව පරිවර්තනයක් කරා ගෙන යාමේ වැඩපිළිවෙළෙහිදී සම්බුද්ධ සසුන සහ ඒ සමඟ ගොඩනැඟී ඇති හර…

අමෙරිකානු ඩොලර් මිලියන 2.5ක මුදලක් සයිබර් ප්‍රහාරයක් මගින් සොරකම් කිරීමේ සිද්ධිය සම්බන්ධයෙන් කරුණු විමසීම සඳහා මහා භාණ්ඩාගාර ලේකම් හර්ෂණ සූරියප්පෙරුම මහතා ඇතුළු මුදල් අමාත්‍යාංශයේ උසස් නිලධාරීන් පිරිසක් රජයේ මුදල් පිළිබඳ කාරක සභාව (COPF) හමුවට කැඳවීමට තීරණය කර ඇත. පාර්ලිමේන්තු මන්ත්‍රී ආචාර්ය හර්ෂ ද සිල්වා මහතාගේ සභාපතිත්වයෙන් යුත් එම කාරක සභාව හමුවේ ලබන බ්‍රහස්පතින්දා ( 30 ) පෙනී සිටින ලෙස මෙම නිලධාරීන්ට දැනුම් දී තිබේ.

ඉන්දියාවේ ඔඩීෂා ප්‍රාන්තයේ ජීටූ මුන්ඩා නමැති පුද්ගලයෙක්, මියගිය තම සහෝදරියගේ බැංකු ගිණුමේ ඇති මුදල් ලබාගැනීමට ඇයගේ ඇටසැකිල්ල බැංකුව වෙත රැගෙන සිද්ධියක් ඉන්දීය මාධ්‍ය වාර්තා කර තිබේ. අදාළ පුද්ගලයාගේ සහෝදරිය පසුගිය ජනවාරි මාසයේදී මියගොස් ඇත. ඇයගේ බැංකු ගිණුමේ තිබූ ඉන්දීය රුපියල් 20,000ක මුදලක් ලබාගැනීමට ඔහු කිහිප වතාවක්ම බැංකුව වෙත ගොස් තිබේ. එම අවස්ථාවේදී බැංකු නිලධාරීන් ඔහුට පවසා ඇත්තේ මුදල් ලබාගැනීමට නම් ගිණුම් හිමියා එනම් මියගිය සහෝදරිය අනිවාර්යයෙන්ම බැංකුවට පැමිණිය යුතු බවය. මෙහිදී ඇය මියගිය බව බැංකු නිළධාරීන්ට පැවසුවද ඔවුන් එය පිළිගෙන නොමැති බව සඳහන් වෙයි. ඉන් දැඩි ලෙස කලකිරීමට පත් වූ ඔහු, සහෝදරියගේ මිනිය වළලා තිබූ ස්ථානය හාරා ඇටසැකිල්ල බැංකුවට රැගෙන…

මහා භාණ්ඩාගාරය විදෙස් ණය වාරිකයක් ලෙස ඕස්ටේලියානු රජයට අයත් ආයතනයකට ගෙවූ අමෙරිකානු ඩොලර් මිලියන 2.5ක මුදල වංචනික පාර්ශවයක් අතට බැරවීම සම්බන්ධයෙන් අද (28) අපරාධ පරීක්ෂණ දෙපාර්තමේන්තුව මුල්වරට අධිකරණයට කරුණු වාර්තා කළේය. අපරාධ පරීක්ෂණ දෙපාර්තමේන්තුව අධිකරණය හමුවේ කියා සිටියේ ප්‍රශ්නගත ගෙවීම සම්බන්ධයෙන් විදේශ සම්පත් දෙපාර්තමේන්තුවේ, රාජ්‍ය ණය කළමනාකරණ කාර්යාලයේ e-mail පද්ධතිය භාර සමාගම පෙර අනතුරු ඇඟවීමක් සිදුකර තිබියදීත්, පසු විපරමකින් තොරව මෙම මුදල් බැහැරකිරීම සිදුකර ඇති බවය. ඒ අනුව රාජ්‍ය ණය කළමනාකරණ කාර්යාලයේ නිලධාරීන් 05 දෙනෙකුට කොටුව මහේස්ත්‍රාත් අධිකරණය අද විදෙස් ගමන් තහනමක් පනවනු ලැබීය. මෙරට මහා භාණ්ඩාගාරය විදෙස් ණය වාරිකයක් ලෙස ගෙවූ අමෙරිකානු ඩොලර් මිලියන 2.5ක මුදලක් වෙනත් පාර්ශ්වයක් අතට…

රුපියල් කෝටි 110කට අධික වටිනාකමින් යුත් මත්ද්‍රව්‍ය තොගයක් සමඟ කටුනායක ගුවන්තොටුපොළේදී අත්අඩංගුවට ගැනුණු චීවරධාරීන් විසි දෙදෙනා අතරින් 19 දෙනෙකු මත්ද්‍රව්‍ය භාවිත කර ඇති බව අධිකරණ වෛද්‍ය නිලධාරීවරයා සිදුකළ පරීක්ෂණයකදී හෙළිවී තිබේ. තායිලන්තයේ සංචාරයක නිරත වූ චීවරධාරීන් විසි දෙදෙනෙකු අප්‍රෙල් 25 වැනිදා  මෙරටට පැමිණි අවස්ථාවේ කටුනායක ගුවන් තොටුපොළේදී අත්අඩංගුවට ගැනුණේ “කුෂ්” සහ “හෑෂ්” මත්ද්‍රව්‍ය කිලෝග්‍රෑම් 112ක් සමගින්ය. ඒ අනුව සැකකාර චීවරධාරීන් පිරිස මේවන විට පොලිස් මත්ද්‍රව්‍ය නාශක කාර්යංශයේ රඳවාගෙන ප්‍රශ්න කර අතර ඊයේ දිනයේදී ඔවුන්ව අධිකරණ වෛද්‍ය නිලධාරීවරයා වෙත යොමුකළේය. එහිදී අනාවරණය වී ඇත්තේ, ඉන් 19 දෙනෙකු ගංජා මත්ද්‍රව්‍ය භාවිත කර ඇති බවය. මෙහිදී අත්අඩංගුවට පත් වූ ජඹුරලිය ප්‍රදේශයේ විහාරස්ථානයක වැඩවිසූ…

ලෝක සාමය අරමුණු කරගත් ” ඒහිපස්සිකෝ ” සාම පාගමන අද (28) පස්වරුවේ අවසන් විය. ඒ කොළඹ නිදහස් චතුරස්‍රය පරිශ්‍රයේදි ජනාධිපතිවරයා අතින් ජය ශ්‍රී මහා බෝධීන් වහන්සේගේ බෝධි අංකුරය වියට්නාම ජාතික පූජ්‍ය පඤ්ඤාකර හිමි වෙත පූජා කිරීමේ රාජ්‍ය උත්සවයෙන් අනතුරුවය. ලෝක සාමය පිළිබඳ ලෝකවාසීන්ගේ අවධානය යොමු කිරීමේ අරමුණින් සිදු කෙරෙන ” ඒහිපස්සිකෝ ” සාම පාගමන මෙරට ගමන් ඇරඹුවේ අප්‍රේල් 22 වැනිදා දඹුල්ල රජමහා විහාරයෙනි. වියට්නාම ජාතික පූජ්‍ය පඤ්ඤාකර හිමි ප්‍රමුඛ භික්ෂූන් වහන්සේ දහතුන් නම හා ලෝකයේම අවධානය දිනාගත් අලෝකා සුනඛයා ගතවූ දින 6 පුරා මාතලේ, මහනුවර, බෙලිගම්මන, තෝලංගමුව, යක්කල පසුකරමින් කැලණිය රාජමහා විහාරය දක්වා පැමිණියේය. අද උදෑසන වියට්නාම ජාතික පූජ්‍ය පඤ්ඤාකර…

ලෝක බලශක්ති වෙළෙඳපොළේ ප්‍රධාන පාර්ශවකරුවෙකු වන එක්සත් අරාබි එමීර් රාජ්‍යය , ඛනිජ තෙල් අපනයනය කරන රටවල සංවිධානය වන OPEC සහ OPEC+ සන්ධානයෙන් ඉවත් වීමට තීරණය කර ඇති බව අද (28) නිල වශයෙන් ප්‍රකාශ කර තිබේ. මෙම තීරණය එළැඹෙන මැයි පළමුවනදා සිට ක්‍රියාත්මක වීමට නියමිත බව සඳහන් වේ. තම රටේ දිගුකාලීන උපායමාර්ගික සහ ආර්ථික දැක්ම මෙන්ම, දේශීය බලශක්ති නිෂ්පාදනය ඉහළ නැංවීමේ අරමුණින් මෙම පියවර ගත් බව එමීර් රාජ්‍යය පවසයි. රටේ වර්තමාන සහ අනාගත නිෂ්පාදන ධාරිතාව පිළිබඳ පුළුල් සමාලෝචනයකින් පසු මෙම තීරණය ගෙන ඇති බව විදෙස් මාධ්‍ය පවසයි. එක්සත් අරාබි එමීර් රාජ්‍යය 1967 වසරේදී ඔපෙක් සංවිධානය සමඟ එක් වූ අතර, දශක පහකට…

මෙවර මැයි දිනය සැමරීම සඳහා සමගි ජන බලවේගය විසින් සිය පක්ෂය සමඟ එකතු වන ලෙසට එක්සත් ජාතික පක්ෂයට කළ ආරාධනයකට පිලිතුරු දෙමින් එම පක්ෂයේ මහලේකම් තලතා අතුකෝරල මහත්මිය ලිපියක් නිකුත් කර ඇත. ඇය එම ලිපියෙන් දැනුම් දී ඇත්තේ,  මෙවර මැයි දිනය යෙදී ඇති පළමු වැනිදා පසළොස්වක පොහෝ දිනයක් බැවින්, එදින දේශපාලන කටයුතුවල නොයෙදී ආගමික උත්සව සඳහා වෙන් කිරීමට එක්සත් ජාතික පක්ෂය කලින්ම තීරණය කළ බවය. මැයි පළමු වෙනිදා පොහෝ දිනයක් වුවහොත් දේශපාලන කටයුතුවල යෙදීම සුදුසු නොවන බවට රණසිංහ ප්‍රේමදාස මහතා අගමැතිවරයා ලෙස සිටි සමයේ පෙන්වා දී ඇති බව ඇය සිහිපත් කරයි. එබැවින් සමගි ජන බලවේගයේ හෝ වෙනත් පක්ෂයක හෝ මැයි දින රැලිවලට…

රාජ්‍ය ආයතන සඳහා තාවකාලික, අනියම්, ආදේශක, කොන්ත්‍රාත් හෝ සහන පදනම මත සේවයට බඳවාගෙන ඇති සේවකයන්ට ස්ථීර පත්වීම් ලබා දීමට කැබිනට් මණ්ඩලයේ අනුමැතිය හිමිව තබේ. ඒ අනුව සේවකයන් 9,800කට ආසන්න පිරිසකට එලෙස ස්ථීර පත්වීම් ලබා දීමට අනුමැතිය හිමි වූ බව අද පැවති කැබිනට් තීරණ දැනුම් දීමේ මාධ්‍ය හමුවේදී කැබිනට් ප්‍රකාශක අමාත්‍ය වෛද්‍ය නලින්ද ජයතිස්ස මහතා සඳහන් කළේය. එහිදී ඊට අදාළ විධිවිධාන ඇතුලත් චක්‍රලේඛය නිකුත් කිරීමට ද අනුමැතිය හිමි වූ බව කැබිනට් ප්‍රකාශකවරයා සඳහන් කළේය. 2026 අයවැය යෝජනාවක් සැලකිල්ලට ගනිමින් ජනාධිපති අනුර කුමාර දිසානායක මහතා සහ රාජ්‍ය පරිපාලන අමාත්‍ය චන්දන අබේරත්න මහතා ඒකාබද්ධව කැබිනට් මණ්ඩලයට මෙම යෝජනාව ඉදිරිපත් කර තිබේ.