Author: LFN

මත්ද්‍රව්‍ය තොගයක් සමග කටුනායක ගුවන්තොටුපොළේදී අත්අඩංගුවට ගැනුණු වීවරධාරීන් විසිදෙදෙනාව මෙහෙය වූ ප්‍රධාන චීවරධාරී සැකකරු මැයි 2වනදා දක්වා, දින 7ක් රඳවාගෙන ප්‍රශ්න කිරීමට නියෝග කර තිබේ. සැකකරු අද (27) මීගමුව අධිකරණයට ඉදිරිපත් කළ අවස්ථාවේදී මීගමුව අතිරේක මහේස්ත්‍රාත් සුභානි අබේසේකර මහත්මිය විසින් මෙම නියෝගය ලබා දී තිබුණි. කඩවත රම්මුතුගල ශ්‍රී පුන්‍යා ලංකාරාම විහාරයේ, අගුණුකොලේ අමිතානන්ද නම් මෙම චීවරධාරියා තායිලන්තයේ සිට ගෙන ආ මත්ද්‍රව්‍ය තොගය කටුනායක ගුවන්තොටුපොළේදී භාරගැනීමට සුදානම්ව සිට ඇති බවද සඳහන් වේ. මත්ද්‍රව්‍ය සමඟ චීවරධාරීන් විසිදෙදෙනා කටුනායක ගුවන්තොටුපොළේදී අත්අඩංගුවට ගැනීමත් සමඟ මෙම ප්‍රධාන චීවරධාරියා එම ස්ථානයෙන් පලාගොස් මිරිස්වත්ත ප්‍රදේශයේ සැඟව සිට ඇත. එහිදී ඊයේ (26) පෙලීසිය විසින් සැකකරුව අත්අඩංගුවට ගෙන තිබුණි.…

ගණේමුල්ල සංජීව ඝාතන සිද්ධියේ සැකකාරියක වශයෙන් නම්කර ත්‍රස්තවාදය වැළැක්වීමේ පනත යටතේ රඳවාගෙන සිටි නීතීඥවරියක් රක්ෂිත බන්ධනාගාර ගත කරන ලෙස නියෝග කර තිබේ. මෙලෙස රිමාන්ඩ් භාරයට පත් කරන ලද්දේ නීතිඥ තමරා කුමාරි අබේරත්න නම් වූ නමැත්තියක් වන අතර සැකකාරිය ලබන මස 07 වනදා දක්වා රක්ෂිත බන්ධනාගාර ගත කරන ලෙස කොළඹ මහේස්ත්‍රත් අධිකරණය අද (27) නියම කළේය. අදාළ රැඳවුම් නියෝග අවසන් වීමෙන් පසුව අපරාධ පරීක්ෂණ දෙපාර්තමේන්තුව විසින් සැකකාරිය අද අධිකරණයට ඉදිරිපත් කර තිබුණි.

හෝමූස් සමුද්‍ර සන්ධිය නැවත විවෘත කිරීම සහ යුද්ධය අවසන් කිරීම සම්බන්ධයෙන් ඉරානය විසින් පකිස්ථාන මැදිහත්කරුවන් හරහා අමෙරිකා එක්සත් ජනපදයට නව යෝජනාවක් ඉදිරිපත් කර ඇති බව විදෙස් මාධ්‍ය වාර්තා කර තිබේ. කෙසේවෙතත් මේ සම්බන්ධයෙන් අමෙරිකාව විසින් මෙතෙක් කිසිදු ප්‍රතිචාරයක් දක්වා නොමැති බවද සඳහන්. මේ වන විට ඉරාන – අමෙරිකානු යුද ගැටුමද වඩාත් තීරණාත්මක අවස්ථාවට එලඹ තිබේ. ඒ පාකිස්තානයේ පැවති සාම සාකච්ඡා අවලංගු වීම හේතුවෙනි.

මහා භාණ්ඩාගාරයේ මංකොල්ලය හෙළිදරව් කර අද (27) වන විට දින පහක් ගතවී ඇති නමුත් මේ සම්බන්ධයෙන් අවම වශයෙන් මහෙස්ත්‍රාත් අධිකරණයකට කරුණු වාර්තා කිරීමවත් සිදු කර නොමැති බව ෆ්‍රී ලෝයර්ස් සංවිධානය පවසයි. එමෙන්ම ඔවුන් සඳහන් කර සිටින්නේ වැඩ තහනමට ලක්වී ඇති නිලධාරීන්ගේ සාක්ෂි සටහන් කිරීමක් හෝ විමර්ශකයින් විසින් මේ වන තෙක් සිදු කර නොමැති බවය. ඒ හේතුවෙන් ෆ්‍රී ලෝයර්ස් සංවිධානය විසින් මෙම සිද්ධිය සම්බන්ධයෙන් ජනාධිපති අනුර කුමාර දිසානායක මහතා ඇතුළු කැබිනට් මණ්ඩලයට විවෘත ප්‍රශ්න 22ක් යොමු කර තිබේ. එම සංවිධානය වැඩිදුරටත් අවධාරණය කර ඇත්තේ ජනාධිපතිතුමන් සහ කැබිනට් මණ්ඩලය විසින් මෙම ප්‍රශ්න 22ට විවෘත පිළිතුරු ලබාදිය යුතු බවය. – උපුටා ගැනීම -…

ලංකා ඛනිජ තෙල් නීතිගත සංස්ථාව විසින් කරන ලද ඩීසල් ආනයනය පිළිබඳව සිදුව ඇතැයි පැවසෙන දූෂණ හා අක්‍රමිකතාවයන් පිළිබඳව පරීක්ෂනයක් ඉල්ලා  අල්ලස් හෝ දූෂණ කොමිෂන් සභාව වෙත පැමිණිල්ලක් ගොනු කර තිබේ. ඒකාබද්ධ විපක්ෂය විසින් මෙම පැමිණිල්ල ගොනු කර ඇති අතර අදාළ පැමිණිල්ල මගින් ඔවුන් ඉල්ලා ඇත්තේ මෙම සිදුවීම හේතුවෙන් රජයට දැවැන්ත මුදලක පාඩුවක් සිදුව ඇති බවය. ඒ අනුව මේ පිළිබඳව අදාළ බලධාරීන්ගෙන් කරුණු විමසා අදාළ ලිපිගොනු පරීක්ෂා කර දැවැන්ත අලාභයක් මෙන්ම වංචාවක් සිදුව ඇත්දැයි විමර්ශනය කර එයට වගකිව යුතු පුද්ගලයින්ට එරෙහිව නීතිමය පියවර ගන්නා ලෙසද ඒකාබද්ධ විපක්ෂ නියෝජිතයින් අල්ලස් කොමිසම වෙත යොමු කර ඇති පැමිණිල්ල මගින් ඉල්ලා තිබේ. අදාළ පැමිණිල්ල පහතින්,

පාර්ලිමේන්තු මන්ත්‍රී රාමනාදන් අර්ච්චුනාව ඉලවාලෙයි පොලිසිය මගින් අද (27) උදෑසන අත්අඩංගුවට ගෙන තිබේ. ඒ, ගිනිඅවියක් පෙන්වා සාපරාදී බලහත්කාරය පෑම සහ අයුතු ඇතුළුවීම සම්බන්ධයෙන් වූ චෝදනාවක් සම්බන්ධයෙනි.

බ්‍රිතාන්‍යයේ තුන්වන චාල්ස් රජු සහ කැමිලා රැජින නිල සංචාරයක් සඳහා අද (27) අමෙරිකාවට පැමිණීමට නියමිත විදෙස් වාර්තා පවසයි. දෙරට අතර පවතින දීර්ඝකාලීන මිතුදම අලුත් කිරීම සහ ශක්තිමත් කිරීම මෙහි ප්‍රධාන අරමුණ බව අමෙරිකාවේ බ්‍රිතාන්‍ය තානාපති ශ්‍රීමත් ක්‍රිස්ටියන් ටර්නර් මාධ්‍ය වෙත පවසා තිබේ. දින හතරක කාලයක් පුරා පැවැත්වෙන මෙම රාජ්‍ය සංචාරය වොෂින්ටන් නුවරින් ආරම්භ වේ. එහිදී ධවල මන්දිරයේදී අමෙරිකාවනු ජනාධිපති ඩොනල්ඩ් ට්‍රම්ප් විසින් චාල්ස් රජු සහ කැමිලා රැජින පිළිගනු ලබන බව සඳහන් වෙයි.

ඉන්දියාවේ කර්ණාටක ප්‍රාන්ත රජය මධ්‍යසාර පාන වර්ග සඳහා සුරාබදු ක්‍රමයේ දැඩි වෙනස්කම් සිදු කිරීමට තීරණය කර ඇති අතර, එම අනුව මැයි 1 වන දින සිට මත්පැන් මිල ගණන් සියයට 20 දක්වා ඉහළ යාමට නියමිත බව වාර්තා වේ. නව බදු ක්‍රමය යටතේ මෙතෙක් මත්පැන් මිල මත පදනම්ව අය කළ බදු වෙනුවට, දැන් මධ්‍යසාරයේ ඇති ඇල්කොහොල් ප්‍රමාණය (ABV) මත බදු අය කිරීම ක්‍රියාත්මක කිරීමට නියමිතය. එම වෙනස හේතුවෙන් අධික මධ්‍යසාර අන්තර්ගතයක් ඇති පාන වර්ගවල මිල සැලකිය යුතු ලෙස ඉහළ යනු ඇත. අඩු මධ්‍යසාර අන්තර්ගතයක් ඇති පාන වර්ගවල මිලවල විශාල වෙනසක් නොවනු ඇති අතර, සමහර අවස්ථාවල මිල අඩුවීමටද හැකි බව වාර්තා සඳහන් කරයි.…

ක්‍රිකට් ක්‍රීඩකයන්ගේ දක්ෂතා පදනම් කරගමින් ශ්‍රී ලංකා ක්‍රිකට් ආයතනය, ඉදිරි ජාත්‍යන්තර තරගාවලියන්හි සිට ක්‍රියාත්මක කිරීමට අපේක්ෂිත ක්‍රීඩක ගෙවීම් ක්‍රමවේදය මේ වනවිට තීරණය කර ඇති බව වාර්තාවේ. ක්‍රීඩකයන්ගේ දක්ෂතා ඉහළ නැංවීම සහ ජයග්‍රහණ දිරිගැන්වීම අරමුණු කරගනිමින්, නව බෝනස් ගෙවීම් මෙන්ම වැටුප් කප්පාදු කිරීම්ද ඇතුළත් කර මෙම ගෙවීම් ක්‍රමවේදය සකසා ඇති බව සඳහන්ය. ඒ අනුව ඉදිරියට තරගාවලි ජයග්‍රහණ සඳහා බෝනස් හිමිවන්නේ ශ්‍රේණිගත කිරීම්වල ඉදිරියෙන්ම සිටින කණ්ඩායම් 4 (Top 4)ට එරෙහිව ලබන ජයග්‍රහණ සඳහා පමණක් බව වාර්තා වේ. මීට පෙර ශ්‍රේණිගත කිරීම්හි පළමු කණ්ඩායම් 9 අතර සිට ඕනෑම කණ්ඩායමකට එරෙහිව තරගාවලි ජයග්‍රහණයකට බෝනස් හිමිව ඇත. එමෙන්ම ටෙස්ට්, එක්දින හෝ විස්සයි20 යන ඕනෑම ආකෘතියක…

වැඩිමිලට සහල් සහ පානීය ජල බෝතල් අලෙවි කළ වෙළෙඳසැල් කිහිපයක් වැටලීමට පාරිභෝගික කටයුතු පිළිබඳ අධිකාරිය පියවර ගෙන තිබේ. ඒ අනුව මහනුවර, ත්‍රිකුණාමලය, ගාල්ල, තංගල්ල, ගිරාඳුරුකෝට්ටේ, හපුතලේ ආදී ස්ථාවල පිහිටි වෙළෙඳසැල් කිහිපයක් එම අධිකාරිය විසින් පසුගිය 24 වැනිදා හදිසි වැටලීමක් සිදු කර තිබේ. එහිදී කීරි සම්බා සහ අනෙකුත් සහල් අලෙවි කළ යුතු පාලන මිල ඉක්මවා අලෙවි කරන බවට කරුණු අනාවරණය වී ඇති අතර ඒ අනුව අදාළ වෙළෙඳසැල් වෙත නීතිමය පියවර ගැනීමටද පාරිභෝගික කටයුතු පිළිබඳ අධිකාරිය පියවර ගෙන ඇත. සිදුකරන ලද නීතිමය පියවරයන් මගින් ත්‍රිකුණාමලය ප්‍රදේශයේ ව්‍යාපාරිකයෙකුට, ගාල්ල ප්‍රදේශයේ ව්‍යාපාරිකයින් දෙදෙනෙකුට, තංගල්ල ප්‍රදේශයේ ව්‍යාපාරිකයින් දෙදෙනෙකුට, ගිරාඳුරුකෝට්ටේ ප්‍රදේශයේ ව්‍යාපාරිකයෙකුට  ප්‍රදේශයේ ව්‍යාපාරිකයෙකුට රුපියල් ලක්ෂයක,…