Author: LFN

රටේ උද්ධමනය සියයට 50.3% සිට 35.3% තෙක් අඩු වී තිබෙන නමුත් ආණ්ඩුව දෙන සහන ඒ විදියටම ජනතාව අතරට නොයන්නේ වෙළෙඳ මාෆියාව නිසා බවද නවීන් දිසානායක මහතා කීය. “ආහාර උද්ධමනය සියයට 43 සිට 32% දක්වා අඩුවෙලා තිබෙනවා. ජනතාව අපෙන් අහන්නට පුළුවන් ,මේ ලැබෙන ප්‍රතිලාභ නිසි විදිහට ජනතාවට ලැබෙන්නේ නැත්තේ ඇයි කියලා. පාරිභෝගික සේවා අධිකාරියේ සෑහෙන දුර්වලතාවයක් අපට පෙනෙන්නට තිබෙනවා. පක්ෂයක් විදිහට අපි පාරිභෝගික සේවා අධිකාරිය මීට වඩා මෙහෙයක් මේ මොහොතේ සිදු කළ යුතු යැයි අපේක්ෂා කරනවා. පාරිභෝගික සේවා අධිකාරිය වැටලීම් වල ප්‍රමාණය ඉහළ දැමීම සහ වැටලීම් සිදුකරන ආකාරය සම්බන්ධව එතරම් පැහැදීමක් අප⁣ට වගේම රටේ ජනතාවට නැහැ යනුවෙන් ද දිසානායක මහතා පැවසීය.

පක්ෂයේ තීරණ වලට එරෙහිව කටයුතු කිරීම හේතුවෙන් සමගි ජන බලවේගයේ පාර්ලිමේන්තු මන්ත්‍රී ඒ. එච්. එම්. ෆවුසි මහතාගේ පක්ෂ සාමාජිකත්වය අත්හිටුවීමට එම පක්ෂය තීරණය කර තිබේ. ජාත්‍යන්තර මූල්‍ය අරමුදලේ ණය පහසුකම ලබාදීම පිළිබඳ යෝජනාවට පක්ෂව ඡන්දය පාවිච්චි කිරිම ඇතුළු කරුණු මුල්කර ගනිමින් මන්ත්‍රීවරයාට එරෙහිව ඊයේ(8)පස්වරුවේ රැස්වූ සමගි ජන බලවේගය බලවේගයේ කෘත්‍යාධිකාරි මණ්ඩලය විසින් මෙම තීරණය ගනු ලැබීය. එමෙන්ම මේ සම්බන්ධයෙන් අවශ්‍ය කටයුතු කිරීමට පක්ෂයේ විනය මණ්ඩලයට පැවරීමටත් පක්ෂ කෘත්‍යාධිකාරී මණ්ඩලය තීරණය කෙරිණ. සමගි ජනබලවේගයේ කොළඹ නගරාධිපති අපේක්ෂක ලෙස ඉදිරිපත් වීම හේතුවෙන් මුජුබර් රහුමාන් මහතා සිය පාර්ලිමේන්තු මන්ත්‍රී ධුරයෙන් ඉවත් වීමෙන් පුරප්පාඩු මන්ත්‍රි ධුරය සඳහා ෆවුසි මහතා තේරී පත් විය.

මෙරට විදුලිබල සහ බලශක්ති ක්ෂේත්‍රයේ ප්‍රතිව්‍යුහගත කිරීමේ වැඩපිළිවෙල වෙනුවෙන් අවශ්‍ය තාක්ෂණික සහය ලබාදීමට අමෙරිකාව එකඟතාව පළ කර තිබෙනවා. ඒ සඳහා එක්සත් ජනපද, ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනය එකඟතාව පළ කළ බවයි විදුලිබල හා බලශක්ති අමාත්‍ය කංචන විජේසේකර පැවසුවා. විදුලිබල මණ්ඩලයේ ප්‍රතිව්‍යුහගත කිරීමට අදාලව, නව පනත සම්මත කිරීමෙන් පසු එහි ඉදිරි වැඩපිළිවෙල සඳහා අවශ්‍ය මාර්ග සැලසුම සකස් කිරීමට සහ අවශ්‍ය තාක්ෂණික සහය ලබා දීම සදහා වූ කටයුතු ඉදිරි සති 8 තුල සිදු කරන බවයි එම නියෝජිත ආයතනය පවසා ඇත්තේ. ඒ, මෙරටට පැමිණ සිටින බලශක්ති උපදේශක අරින්දම් ගෝෂ් ඇතුළු එම නියෝජිත ආයතනයේ කණ්ඩායම සමග විදුලි බල හා බලශක්ති අමාත්‍යවරයා ඊයේ…

මෙම වසරේ තමන් සහභාගී වූ පළමු තරඟයේ ප්‍රථම ස්ථානය හිමි කර ගැනීමට ශ්‍රී ලංකා කෙටි දුර ධාවන ශූර යුපුන් අබේකෝන් සමත් වී තිබෙනවා. එම තරඟය පැවැත්වුණේ ඉතාලියේදීයි. එහිදී් ෆිරෙන්ස් ස්ප්‍රින්ට් ෆෙස්ටිවල් ජාත්‍යන්තර මළල ක්‍රීඩා උළෙලේ පිරිමි මීටර් 200 ඉසව්වේ පළමු ස්ථානය යුපුන් දිනාගනු ලැබුවා. එම ඉසව්වේදී ඔහු තරඟ වැදුනේ 5වන මන්තීරුවේයි. ආරම්භයේ සිටම සාර්ථක ධාවනයේ යෙදුණු යුපුන්ට ප්‍රථම ස්ථානය හිමි කර ගැනීමට ගත වූ කාලය තත්පර 20යි දශම 6යි 0ක්.

ජාතික රණවිරු සැමරුම් උත්සවය මෙවර අභිමානවත්ව පැවැත්වීමට සැළසුම් කර තිබේ. ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සහ ජනාධිපති කාර්යමණ්ඩල ප්‍රධානී සාගල රත්නායක මහතාගේ ප්‍රධානත්වයෙන් ඒ පිළිබඳ මූලික සාකච්ඡාවක් ඊයේ පෙරවරුවේ ජනාධිපති කාර්යාලයේදී පැවැත්වුණි. ඒ අනුව අදාළ උත්සවය මේ මස 19වන දා බත්තරමුල්ල රණවිරු ස්මාරකය අභියසදී පැවැත්වීමට නියමිතය. ජනාධිපති මාධ්‍ය අංශය සඳහන් කළේ ජනාධිපති රනිල් වික්‍රමසිංහ මහතාගේ ප්‍රධානත්වයෙන් පැවැත්වෙන ජාතික රණවිරු සැමරුම් උත්සවය සඳහා මැති ඇමතිවරුන්, ආරක්ෂක අංශ ප්‍රධානීන් මෙන්ම යුද්ධයේදී දිවි පිදූ රණවිරු පවුල්වල ඥාතීන් ඇතුළු පිරිසක් සහභාගී වන බවය.

එළැඹෙන ජනාධිපතිවරණය සඳහා සමගි ජන බලවේගය විසින් අපේක්ෂකයෙකු ඉදිරිපත් කිරීමට තීරණය කර තිබේ. එම පක්ෂයේ ඊයේ (08) පැවති කෘත්‍යාධිකාරී මණ්ඩල රැස්වීමේදී මෙම තීරණය ගෙන ඇත. එසේම ඔහුගේ ජයග්‍රහණය තහවුරු කිරීම සඳහා සමගි ජන බලවේගය ප්‍රමුඛ පුළුල් සන්ධානයක් ගොඩනැගීමටත් ඒ සඳහා විපක්ෂනායක සජිත් ප්‍රේමදාස මහතාට බලය පැවරීමටත් එහිදී තීරණය කර තිබේ. මේ අතර පක්ෂ කෘත්‍යාධිකාරී මණ්ඩල තීරණවලට එරෙහිව වන ඕනෑම අයෙකුට එරෙහිව වින ක්‍රියාමාර්ග ගැනීමට විපක්ෂ නායක සජිත් ප්‍රේමදාස මහතාට බලය පැවරීමට ද එහිදී තීරණය කර ඇත.

ශ්‍රීලන්කන් ගුවන් සේවයේ කොටස් විකිණීමට අදාළව ඉදිරි මාස කිහිපය තුළ අයදුම්පත් කැඳවන බව එක්සත් අරාබි එමීරයේ, කලීජ් ටයිම්ස් පුවත්පතට සම්මුඛ සාකච්ඡාවක් ලබාදෙමින් එහි ප්‍රධාන විධායක නිලධාරී රිචඩ් නටෝල් මහතා සඳහන් කර තිබේ. තෝරාගත් රාජ්‍ය ආයතන ප්‍රතිව්‍යුහගතකරණ වැඩපිළිවෙළ යටතේ ශ්‍රීලන්කන් ගුවන් සේවයද ප්‍රතිව්‍යුහගතකරණය කෙරෙන බව රජය පසුගිය වසරේ නොවැම්බර් මසදී අනාවරණ කළේය. මෙහිදී ඉන්දියාවේ ටාටා සමූහය ශ්‍රීලන්කන් ගුවන් සේවයේ බහුතර කොටස් මිලදී ගැනීම පිළිබඳ උනන්දුවක් දක්වන බවට වාර්තා ලැබී ඇති බව කලීජ් ටයිම්ස් වාර්තාවේ සඳහන් වේ. ටාටා සමූහය ශ්‍රීලන්කන් ගුවන්සේවය මිලදී ගැනීමට උනන්දුවක් දක්වන බවට පළවන වාර්තා සම්බන්ධයෙන් අදහස් දැක්වූ රිචඩ් නටෝල් ප්‍රකාශ කළේ ශ්‍රී ලංකාවේ පිහිටීම සහ ගුවන් සේවය ඉන්දියාවට…

මහා පරිමාණ මත්ද්‍රව්‍ය ජාවාරම්කරුවෙකුට අයත් බවට අනාවරණය වූ පෞද්ගලික බැංකු දෙකක පවත්වාගෙන ගිය ගිණුම් නීතිවිරෝධී වත්කම් විමර්ශන කොට්ඨාසය විසින් තහනම් කර තිබේ. මෙලෙස බැංකු ගිණුම් අත්හිටුවා ඇත්තේ ගුණරත්න සුජිත් සිල්වා නොහොත් “හික්කඩුවේ ඉස්සෝ සුජි” නම් අන්වර්ථ නාමයෙන් හඳුන්වන පුද්ගලයෙකුගේ ගිණුම් දෙකකි. එම කොට්ඨාසය වැඩිදුරටත් පැවසුවේ අදාළ ගිණුම්වල රුපියල් කෝටි 05කට අධික මුදලක් තැන්පත් කර තිබූ බවය. විමර්ශනවලදී වැඩිදුරටත් අනාවරණය වී ඇත්තේ 2021 අප්‍රේල් මාසයේ සිට අගෝස්තු මාසය දක්වා මාස 4ක් වැනි ඉතා කෙටි කාලයකදී එම මුදල් බැංකු ගතව ඇති බවය. පොලීසිය පැවසුවේ අදාළ ගිණුම්, මත්ද්‍රව්‍ය චෝදනාවකට මේ වන විට ගාල්ල බන්ධනාගාරයේ රඳවා සිටින පානදුර නල්ලූරුව ප්‍රදේශයේ පදිංචි 50 හැවිරිදි පුද්ගලයෙකුගේ…

බස්නාහිර, සබරගමුව, මධ්‍යම, වයඹ සහ දකුණු පළාත්වල විටින් විට වැසි හෝ ගිගුරුම් සහිත වැසි ඇතිවන බව කාලගුණවිද්‍යා දෙපාර්තමේන්තුව පවසයි. උතුරු පළාතේ වැසි වාර කිහිපයක් ඇතිවේ. දිවයිනේ සෙසු ප්‍රදේශවල විශේෂයෙන් සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇතිවිය හැකි බව දන්වා ඇත. බස්නාහිර සහ දකුණු වෙරළබඩ ප්‍රදේශවලත් මධ්‍යම කඳුකරයේ බටහිර බෑවුම්වලත් විටින් විට හමන පැ.කි.මී. (40-45) ක පමණ තද සුළං ඇතිවිය හැක. ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මගින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටි.

ගෙවුණු මැයි මුල සතියේ ඩෙංගු රෝගීන් 1,896 ක් මෙරටින් වාර්තා වී තිබේ. ඉන් වැඩිම රෝගීන් සංඛ්‍යාවක් වාර්තා වී තිබුණේ බස්නාහිර පළාතෙන් වන අතර එය සමස්ථ රෝගීන්ගෙන් ප්‍රතිශතයක් ලෙස ගත් කළ සියයට 49 කි. ඩෙංගු රෝගීන් වාර්තා වූ දිස්ත්‍රික්ක දෙස අවධානය යොමු කිරිමේදී කොළඹ දිස්ත්‍රික්කයෙන් අප්‍රේල් අවසන් සතියේ රෝගීන් 329 දෙනෙකු වාර්තා වෙද්දී මැයි මස මුල් සතියේ රෝගීන් 405 ක් වාර්තා වී තිබේ. ගම්පහ දිස්ත්‍රික්කයෙන් අප්‍රේල් අවසන් සතියේ රෝගීන් 468 ක් වාර්තා වී ඇති අතර මැයිමුල් සතියේ ඩෙංගු රෝගීන් 394 ක් වාර්තා වී ඇත. කළුතර දිස්ත්‍රික්කයෙන්ද පෙර සතියට වඩා ගෙවුණු සතියේදී වාර්තා වී ඇති ඩෙංගු රෝගීන් සංඛ්‍යාව ඉහළ ගොස් ඇති බව…