Author: LFN

සංචාරක පාකිස්තාන කණ්ඩායම සහ ශ්‍රී ලංකා කණ්ඩායම අතර පළමු ටෙස්ට් තරගයේ පළමු දිනය නිමාවන විට ශ්‍රී ලංකාව සිය පළමු ඉනිමට කඩුලු 6ක් දැවී ලකුණු 242 ක් ලබා ගත්තේය. සංචාරක පාකිස්තාන කණ්ඩායම සහ ශ්‍රී ලංකා කණ්ඩායම අතර පළමු ටෙස්ට් තරගය ගාල්ල ක්‍රීඩාංගණයේදී ඊ (16) ආරම්භ විය. කාසියේ වාසිය දිනූ ශ්‍රී ලංකා නායකයා පළමුවෙන් පන්දුවට පහරදීමට තීරණය කළේය. ඒ අනුව පිටියට පිවිසි ශ්‍රී ලංකා ඉනිමේ මුල් කඩුලු 4 ලකුණු 54ක් තුළ දවා ගැනීමට පාකිස්තාන පන්දු යවන්නන් සමත්විය. අනතුරුව පිටියට එක්වූ ඇන්ජලෝ මැතිව්ස් සහ ධනංජය ද සිල්වා පස්වන කඩුල්ලට ලකුණු 131ක් සබඳතාවක් ගොඩනැගුවේය. ඇන්ජලෝ මැතිව්ස් ලකුණූ 64ක් රැස්කළ අතර ධනංජය ද සිල්වා නොදැවී…

අන්තර්ජාලය ඔස්සේ විදේශ ගමන් බලපත්‍ර ලබාගැනීම සඳහා මාසයක කාලයක් තුළ පුද්ගලයින් 30,000කට ආසන්න පිරිසක් අයදුම් කර ඇති බව මහජන ආරක්ෂක අමාත්‍ය ටිරාන් අලස් මහතා පවසයි. අමාත්‍යවරයා පෙන්වාදෙන්නේ, පසුගිය ජුනි 15 වන දින සිට ගත වූ දින 30ක කාලය තුළ පුද්ගලයින් 29,578 දෙනෙකු ඒ සඳහා අයදුම් කර ඇති බවය. ඉන් 5,294 දෙනෙකු එක්දින සේවය සඳහා ද 24,285ක් සාමාන්‍ය සේවය සඳහා ද අයදුම්පත් ඉදිරිපත් කර තිබේ. අදාළ ක්‍රමය ක්‍රියාවට නැංවීම හේතුවෙන් බත්තරමුල්ල ආගමන හා විගමන දෙපාර්තමේන්තු කාර්යාලය ඉදිරිපිට තිබූ දීර්ඝ පෝලිම් ද මේ වන විට අවසන් වී ඇති බව මහජන ආරක්ෂක අමාත්‍ය ටිරාන් අලස් මහතා වැඩිදුරටත් සඳහන් කළේය.

අනුරාධපුර ශික්ෂණ රෝහලේ සිදූවූ බව පැවසෙන මරණයක් සම්බන්ධයෙන් සෞඛ්‍ය වෘත්තියවේදීන්ගේ විද්වත් සංගමය ඊයේ (16) අනාවරණ කළේය. පසුගිය 28 වනදා එම මරණය සිදුව ඇති බවත් මියගිය පුද්ගලයාගේ පවුලේ ඥාතීන් විසින් එම මරණය සැක සහිත බවට පැවසුවද ඒ පිළිබඳ පැමිණිලි කිරීමට ඔවුන්ට හැකියාවක් ලැබී නැතැයි ද සෞඛ්‍ය වෘත්තියවේදීන්ගේ විද්වත් සංගමයේ සභාපති රවී කුමුදේෂ් මහතා පැවසීය. “ඥාතීන් චෝදනා කරනවා මේක මැරෙන්න ගිය ගමනක් නෙමෙයි. තිබුණේ කිහිල්ල උඩ ගෙඩියක්. හොඳට හිටියා. අවසානයේ එන්නතක් ලබාදුන්නා සිහිය නැතිවෙන්න එකෙන් පස්සේ නැවත සිහිය ආවේ නෑ. එයා මරණයට පත්වුණා කිව්වා. මේක වාර්තා වෙලා නෑ. මේක වාර්තා කරන්න ඒ මිනිස්සුන්ට තැනක් නෑ. අපි සෞඛ්‍ය අමාත්‍යාංශයට කියන්නේ මෙන්න මේක. මෙහෙම…

ඓතිහාසික මහනුවර ඇසළ පෙරහැර මංගල්‍යය සඳහා පෙර කිසිකලෙක නොකළ අයුරින් දළදා මාළිගාවට විදුලි බිල්පතක් යවමින් ආණ්ඩුව සිය අශිෂ්ඨ පිළිවෙත පෙන්නුම් කර ඇතැයි විපක්ෂ නායක සජිත් ප්‍රේමදාස මහතා පවසයි. කෙසේ වෙතත් ශ්‍රී දළදා මාලිගාවේ දියවඩන නිලමේ ප්‍රදීප් නිලංග දෑල මහතා පවසන්නේ සෑම වසරකම ඇසළ පෙරහැර පැවැත්වීමට පෙර විදුලිබල මණ්ඩලය මෙවැනි ඇස්තමේන්තුවක් ඉදිරිපත් කරන බවය. මෙවර ඓතිහාසික මහනුවර ඇසළ මංගල්‍යයේ පළමු කුඹල් පෙරහැර අගෝස්තු 21 වන දින වීථී සංචාරය කිරීමට නියමිත අතර අවසන් රන්දෝලි පෙරහැර අගෝස්තු 30 වන දින පැවැත්වේ. විපක්ෂනායක සජිත් ප්‍රෙමදාස මහතා ඊයේ (16) දින නිවේදනයක් නිකුත් කරමින් සඳහන් කර තිබුණේ බෞද්ධයින්ගේ මුදුන්මල්කඩ වන ශ්‍රී දළදා මාලිගාවේ ඇසළ පෙරහැරට පෙර…

සෞඛ්‍ය අමාත්‍ය කෙහෙළිය රඹුක්වැල්ල මහතාට එරෙහිව පාර්ලිමේන්තුවට විශ්වාසභංගයක් ඉදිරිපත් කිරීමට තීරණය කර ඇති බව සමගි ජන බලවේගයේ සාමාජික හිටපු පාර්ලිමේන්තු මන්ත්‍රී මුජිබර් රහුමාන් මහතා පවසයි. ඊයේ (16) මාධ්‍ය වෙත අදහස් දක්වමින් ඔහු මේ බව පැවසීය. ඒ සඳහා විපක්ෂයේ සහායෝගය ලබාගැනීමේ කටයුතු (17) සිට ආරම්භ කරන බවද මුජිබර් රහුමාන් මහතා පැවසීය. “අපි මේ යෝජනාව ගෙන්නේ විශේෂයෙන්ම සෞඛ්‍ය ඇමතිවරයාට විතරක්ම නෙමේ. රාජපක්ෂ වික්‍රමසිංහ ආණ්ඩුවට විරුද්ධව. මොකද කැබිනට් එකම මේකට වගකියන්න ඕනේ. හෙට ඉදන් එකේ සහයෝගය ගන්න පාර්ලිමේන්තුවේ ඉන්න සියලුම විපක්ෂය සහ සමහර ආණ්ඩු පක්ෂයේ කණ්ඩායම් ඉන්නවා ඒ සියලුදෙනා එක්ක සාකච්ඡා පටන් ගන්නවා.” එමෙන්ම අද පැවති මාධ්‍ය හමුවක දී ජාතික ජන බලවේගයේ නායක…

බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් වැසි වාර කිහිපයක් ඇති වන බව කාලගුණවිද්‍යා දෙපාර්තමේන්තුව පවසයි. ඌව පළාතෙත් අම්පාර සහ මඩකළපුව දිස්ත්‍රික්කවලත් සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකිය. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටී.

ශ්‍රී ලංකා පොදුජන පෙරමුණේ තෙල්දෙණිය ආසන බල මණ්ඩල රැස්වීම ඊයේ (15) පැවැත්විණි. ඒ, පොදුජන පෙරමුණේ මහලේකම් සාගර කාරියවසම් මහතාගේ සහභාගිත්වයෙනි. ඊට ආයෝජන ප්‍රවර්ධන රාජ්‍ය අමාත්‍ය දිලුම් අමුණුගම සහ පාර්ලිමේන්තු මන්ත්‍රීවරුන් වන සනත් නිශාන්ත සහ ජොන්ස්ටන් ප්‍රනාන්දු යන අය ද සහභාගි විය. එහි දී වැඩිදුරටත් අදහස් දැක්වූ පොදුජන පෙරමුණු මහලේකම් සාගර කාරියවසම්, ”ගෝඨාභය රාජපක්ෂ ජනාධිපති වෙලා සති දෙක තුනකින් අපිට මතකයි නේද තානාපති කාර්‍යාලයක කාන්තාවක් තමංව පැහැරගෙන ගිහිල්ලා, ලිංගික අඩන්තේට්ටම් කරලා, මරන්න උත්සාහ කළා කියලා පැමිණිල්ලක් දැම්මා. දැං ඒ කාන්තාව ගිය සතියේ වරද පිළිගන්නවා මම ඒක ඕනකමින් කරපු බොරුවක් කියලා. ඉතිං අරගල කරලා ගෝඨාභය රාජපක්ෂ ජනාධිපතිතුමාව අයිං කළා. ඊට පස්සෙ අලුත්…

ත්‍රීරෝද රථ සඳහා සුළු වෙනස්කම් සහිතව ධාවනයට අවසර දීමට පියවර ගන්නා බව මෝටර් රථ ප්‍රවාහන දෙපාර්තමේන්තුව පවසයි. එහි සහකාර කොමසාරිස් සුජීව තෙන්නකෝන් මහතා සඳහන් කළේ, කෙසේවෙතත් සෙසු වාහනවලට හෝ පදිකයින්ට අවහිරයක් වන ආකාරයට සකස් කළ කිසිදු ත්‍රීරෝද රථයකට ධාවනයට ඉඩ ලබානොදෙන අතර දැඩි නියාමනයක් සිදුකරන බවය. මිලියන 08ක් පමණ වන සමස්ත ලියාපදිංචි වාහනවලින් මිලියන 02ක් පමණ ත්‍රීරෝද රථ වීම විශේෂත්වයකි. තම තමන්ගේ ආශාවන් මත ත්‍රීරෝද රථය විවිධ වෙනස්කම්වලට ලක්කිරීම් අද සෑම ප්‍රදේශයකම දක්නට ලැබේ. ඒ අනුව ත්‍රීරෝද රථ සුළු වෙනස්කම් සහිතව ධාවනයට අවසර දීමට මෝටර් රථ ප්‍රවාහන දෙපාර්තමේන්තුව තීරණය කර තිබේ. ඒ පිළිබඳව අදහස් දැක්වු එම දෙපාර්තමේන්තුවේ සහකාර කොමසාරිස් (කාර්මික)…

ජනාධිපති ධූරයට පත්වී වසරක් සම්පූර්ණවීම වෙනුවෙන් කිසිදු පදවිප්‍රාප්ත උත්සවයක් සංවිධානය නොකරන ලෙස ජනාධිපති රනිල් වික්‍රමසිංහ මහතා නිලධාරීන්ට උපදෙස් දී තිබේ. ජනාධිපති රනිල් වික්‍රමසිංහ මහතා මෙම උපදෙස් දෙනු ලැබූවේ ජනාධිපති පදවිප්‍රප්තිය වෙනුවෙන් උත්සව සංවිධානය කිරීම ගැන විවිධ පාර්ශව වලින් කෙරුණු ඉල්ලීම් සැලකිල්ලට ගෙනය. රනිල් වික්‍රමසිංහ මහතා ජනාධිපති ධූරයට පත්ව ලබන 20 දාට වර්ෂයක් සම්පූර්ණ වේ. 2022 ජුලි මස 20 දින පාර්ලිමේන්තුවේ ඡන්ද 134 ක් ලබා ගනිමින් රනිල් වික්‍රමසිංහ මහතා අනුප්‍රාප්තික ජනාධිපති ලෙස පත්වූ අතර එදිනට පසු දින එනම් ජුලි 21 වැනිදා රනිල් වික්‍රමසිංහ මහතා පාර්ලිමේන්තුවේදී අට වැනි ජනාධිපති ලෙස දිවුරුම් දුන්නේය. ගෑස් පෝලිම්, ඉන්ධන පෝලිම් ඇතුළුව රට අරාජිකත්වයට පත්ව තිබූ මොහොතක…

රටේ ආර්ථික බංකොලොත්භාවය සොයන පාර්ලිමේන්තු විශේෂ කාරක සභාවේ සභාපතිධූරය තමාට හිමිවීම සම්බන්ධයෙන් විපක්ෂය විරෝධය පළ කිරීම අමු පිස්සුවක් බව ශ්‍රී ලංකා පොදුජන පෙරමුණේ ලේකම් පාර්ලිමේන්තු මන්ත්‍රී නීතිඥ සාගර කාරියවසම් මහතා එසේ විරෝධය පළ කරන දේශපාලන පක්ෂවලට දැනුම්දී ඇත. කමිටුවේ කටයුතු ආරම්භවීමටත් පෙර තමාගේ සභාපතිත්වය සම්බන්ධයෙන් ප්‍රශ්න කිරීම සාධාරණ සහ යුක්ති සහගත නොවන බවත් විපක්ෂය විරෝධය පළ කළ යුත්තේ එම කමිටුවේ කටයුතු නිසියාකාරව නොවන්නේ නම් පමණක් බවත් ඔහු සඳහන් කළේය. කමිටුවේ කටයුතු හරියාකාරව සිදු නොවන්නේ නම් එම කමිටුවේදීම ඒ සම්බන්ධයෙන් ප්‍රශ්න කිරීමට විපක්ෂයට හැකියාව ඇති බව පැවසූ කාරියවසම් මහතා එවැනි කමිටුවක තමාට තනි මතයට කටයුතු කිරීමේ හැකියාවක් නැතැයිද ප්‍රකාශ කළේය. මෙම…