Author: LFN

2023 වර්ෂයේ පළමු මාස 6 තුළදී දේශීය ආදායම් දෙපාර්තමේන්තුව රුපියල් මිලියන 696,946ක් බදු ආදායම ලෙස රැස්කර ඇති බව එම දෙපාර්තමේන්තුව නිවේදනයක් නිකුත් කරමින් පවසයි. එහෙත් 2022 වසරේ මුල් මාස 6 තුළදී එම දෙපාර්තමේන්තුව රැස්කර තිබූ බදු ආදායම සඳහන් වූයේ රුපියල් මිලියන 361,832කි. ඒ අනුව මෙම වසරේ මුල් මාස 6දී බදු ආදායම පසුගිය වසරේ එම කාලසීමාවට සාපේක්ෂව 93%කින් වර්ධනය වී ඇති බව දේශීය ආදායම් දෙපාර්තමේන්තුව පැවසීය. රට තුළ ක්‍රියාත්මක බදු ප්‍රතිපත්තියේ වෙනස සහ ආර්ථිකය ක්‍රමයෙන් යථා තත්ත්වයට පත්වීම මෙම ආදායම් වර්ධනයට ප්‍රධාන හේතු බව සඳහන් ය.

ශ්‍රී ලංකා උපනායක ධනංජය ද සිල්වා සිය 10 වැනි ටෙස්ට් ශතකය ලබාගැනීමට අද (17) සමත්විය. ඒ පාකිස්තානය සමග පැවැත්වෙන පළමු ටෙස්ට් තරගයේ දෙවැනි දිනයේදීය. තරගය ගාල්ල ජාත්‍යන්තර ක්‍රිකට් පිටියේ පැවැත්වෙයි. සිය ශතකය සඳහා ධනංජය පන්දු 175කට මුහුණදුන් අතර ඊට 4 පහර 10ක් සහ 6 පහර 3ක් ඇතුළත් වුණි.

සාමාන්‍ය පෙළ විභාගය අවසන් වී උසස් පෙළ හැදෑරීම සඳහා ප්‍රතිඵල අපේක්ෂාවෙන් සිටින මාස තුනක පමණ කාලයේ සිසුන්ට පාසල තුළදීම වෘත්තීය පාඨමාලාවක් හැදෑරීමේ අවස්ථාව හිමිකර දීමට ඉදිරියේ දී කටයුතු කරන බව අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පවසයි. එමගින් උසස් පෙළ හැදෑරිමක් සිදුනොකළ ද සිය ඉදිරි වෘත්තීය ජීවිතය පිළිබඳ යම් සාක්ෂරතාවක් සිසුන්ට ලබාගත හැකි බව අමාත්‍යවරයා පැවසීය. අමාත්‍යරයා මේ බව පැවසුවේ ලංකා ජර්මන් කාර්මික අභ්‍යාස ආයතනයේ ඩිප්ලෝමා හා සහතිකපත් ප්‍රදානය කිරීමේ අවස්ථාවට සහභාගී වෙමිනි. එම උත්සවය කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේ පැවැත්වුණි.

ශ්‍රී ලංකාවේ ණය ප්‍රතිව්‍යුහගතකරණය කඩිනමින් අවසන් කිරීමට හැකිවෙතැයි අමෙරිකානු භාණ්ඩාගාර ලේකම් ජැනට් යෙලන් පවසයි. එවිට ජාත්‍යන්තර මූල්‍ය අරමුදලේ ණය වැඩසටහන ට සම්බන්ධ සමාලෝචනය නිසි පරිදි ඔවුන්ට කළ හැකි වෙතැයි ඇය පැවසුවාය. ඇය ඒ බව පවසා ඇත්තේ ඉන්දියාවේ ඇරඹෙන G 20 සමුළුවට පෙර පැවති මාධ්‍ය හමුවකදී ය.

තැපැල් දෙපාර්තමේන්තුව නව්‍යකරණය සඳහා නව පනත මේ වසර අවසානයට පෙර පාර්ලිමේන්තුවට ඉදිරිපත් කරන බව ජනමාධ්‍ය රාජ්‍ය අමාත්‍ය ශාන්ත බණ්ඩාර මහතා පැවසීය. පෞද්ගලික හා රාජ්‍ය අංශයේ ඒකාබද්ධ ව්‍යාපෘතියක් ලෙස රුපියල් බිලියන 10ක වියදමින් මෙම නව්‍යකරණ කටයුතු සිදු කිරීමට සැලසුම් කර ඇති බවත් කිසිවිටක තැපෑල ඈවර කිරීමට ඉඩ නොතබන බවත් රාජ්‍ය අමාත්‍යවරයා සඳහන් කළේය. ජනමාධ්‍ය රාජ්‍ය අමාත්‍ය ශාන්ත බණ්ඩාර මහතා මෙම අදහස් පළ කළේ, ජනාධිපති මාධ්‍ය කේන්ද්‍රයේ ඊයේ (16) පැවැති “ස්ථාවර රටකට සැවොම එක මඟකට” ප්‍රවෘත්ති සාකච්ඡාවට එක්වෙමිනි. ඉදිරි වසර දෙක ඇතුලත තැපෑල ඩිජිටල් කර ලාභ ලබන තත්ත්වයක් නිර්මාණය කිරීමට සැලසුම් කර ඇති බව කී අමාත්‍යවරයා මේ වසර අවසන් වන විට අලාභය…

දුනුවායන් 128 දෙනකුගේ සහභාගිත්වයෙන් පැයයි විනාඩි හතලිහකදී ඊතල 30,000 විදිමින් දුනු විදීමේ නව ලෝක වාර්තාවක් තැබීමට ශ්‍රි ලාංකාවට ඊයේ (16) සමත් විය. හෝමාගම දියගම මහින්ද රාජපක්ෂ ක්‍රීඩාංගණයේ දී මෙම වාර්තාව තැබීය. ඉන්දියාව මෙයට පෙර මෙම ලෝක වාර්තාවට හිමිකම් කියූ අතර ඔවුන් දුනුවායන් සිය දෙනකුගේ සහභාගිත්වයෙන් පැයයි විනාඩි තිහක් ඇතුලත ඊතල 17,000 විදිමින් එම වාර්තාව තබා තිබුණි. මෙම ලෝක වාර්තාව තැබීමේ අවස්ථාවට ආරක්ෂක ලේකම් ජෙනරාල් කමල් ගුණරත්න මහතා සහභාගී විය. සැජිටේරියන් දුනු විදීමේ ක්‍රීඩා සමාජය සහ රේස් කෝස් දුනු විදීමේ සමාගම මගින් මෙය සංවිධානය කර තිබුණි. ඉන්දියාවේ වොලන් බුක් ඔෆ් වෝර්ඩ් රෙකෝඩ් ආයතනය විසින් නිකුත් කරන ලද ලෝක වාර්තාව බිහි කළ…

මුදල් ආරවුලක් මත කාන්තාවකට අත් විලංගු දමා දෙනෝදාහක් බලා සිටියදී පහර දෙමින් වත්තල පොලිසියට ඇද ගෙන ආ බව කියන ජාඇල පොලිසියේ රාජකාරි කරන පොලිස් සැරයන්වරයෙක් වත්තල පොලීසිය විසින් සැකපිට අත්අඩංගුවට ගනු ලැබීය. පහරකෑමට ලක්වූ කාන්තාවගේ නළලෙන් ලේ වහනය වෙමින් තිබූ නිසා ඇය වෛද්‍ය ප්‍රතිකාර ලබාදීම සඳහා රෝහල් ගත කළ බව පොලිසිය සඳහන් කරයි. මෙසේ රෝහල් ගත කර ඇත්තේ වත්තල මීගමුව පාරේ පදිංචි හතළිස් හැවිරිදි කාන්තාවකි. මෙම කාන්තාව සහ සැකකාර පොලිස් සැරයන්වරයා අතර මුදල් ගනුදෙනුවක් සම්බන්ධයෙන් ආරවුලක් තිබී ඇතැයි පොලීසිය පවසයි. සැකකාර පොලිස් සැරයන්වරයා පොලියට මුදල් ලබාදීමේ දීමේ නිරතව සිටින තැනැත්තෙක් යයිද පොලිසියට දැනගැනීමට ලැබී ඇතැයි පැවසේ. වත්තල ප්‍රදේශයේ පිහිටි මූල්‍ය…

යාපනය දූපත් කලාප අධ්‍යාපන කාර්යාලය යටතේ ක්‍රියාත්මක වන පාසලක වයස අවුරුදු නමයක දැරියකට පහරදීමේ සිද්ධියක් සම්බන්ධයෙන් අදාළ පාසලේ විදුහල්පතිවරයා ඊයේ සැකපිට අත්අඩංගුවට ගෙන තිබෙනවා. යාපනය,කයිට්ස් පොලිසිය විසින් ඊයේ එම විදුහල්පතිවරයා අත්අඩංගුවට ගත් බවයි වාර්තාවන්නේ . පහරදීම සම්බන්ධයෙන් ලද පැමිණිල්ලක් මත සිදුකළ විමර්ශනයකදීයි පොලීසිය විසින් එම විදුහල්පතිවරයා අත්අඩංගුවට ගෙන ඇත්තේ. පසුගිය 13 වැනිදා එම පහරදීම සිදුව ඇති බවත්, පහරකෑමට ලක්වූ දැරිය ඇගේ මව්පියන් විසින් යාපනය රෝහලට ඇතුළත් කර ඇතැයි ද . දැරියගේ මව්පියන් සිද්ධිය සම්බන්ධයෙන් යාපනය මානව හිමිකම් කාර්යාලය වෙත ද පැමිණිළි කර ඇති බවයි වාර්තා වන්නේ. සැකකාර විදුහල්පතිවරයා යාපනය කයිට්ස් මහේස්ත්රාත් අධිකරණයට ඉදිරිපත් කිරීමට නියමිත අතර, සිද්ධිය සම්බන්ධයෙන් කයිට්ස් පොලිසිය…

යුක්‍රේනයට එරෙහිව පොකුරු බෝම්බ භාවිත කිරීමට තම හමුදා කිසිදු අවස්ථාවක පසුබට නොවන බව රුසියානු ජනාධිපති ව්ලැද්මීර් පුටින් ප්‍රකාශ කර තිබේ. අමෙරිකාව විසින් යුද ආධාරයක් ලෙස පොකුරු බෝම්බ තොගයක් යුක්‍රේනය වෙත ලබාදීමට ප්‍රතිචාර දක්වමින් රුසියානු ජනාධිපතිවරයා එම ප්‍රකාශය සිදුකර ඇති බව විදෙස් මාධ්‍ය වාර්තා කළේය. රුසියාව සතුව පොකුරු බෝම්බ ප්‍රමාණවත් තොග පවතින අතර ඒවා භාවිත කිරීමේ අයිතිය තම හමුදාවට ද පවතින බව රුසියානු ජනාධිපතිවරයා සඳහන් කර තිබේ. යම් හෙයකින් අමෙරිකාව විසින් ලබාදුන් පොකුරු බෝම්බ තොග යුක්‍රේනය භාවිත කළහොත් රුසියානු හමුදා ද එම අවස්ථාවේ දීම පොකුර බෝම්බ ප්‍රහාර එල්ල කිරීමට පියවර ගන්නා බව ඔහු වැඩිදුරටත් ප්‍රකාශ කර ඇත.

අකුරැස්ස තලහගම ප්‍රදේශයේ දී මූඩියක් උගුරේ සිරවීමෙන් කුඩා දැරියක් මියගොස් තිබේ. වයස අවුරුදු එකයි දින15ක පමණ වන කුඩා දැරිය විසින් යම් ආලේපනයක මුඩියක් මුව තුළ තබාගෙන සිටියදි එය උගුරේ සිරවී මෙම අනතුර සිදුව ඇති බව පොලීසිය පැවසුවේය. ඇයගේ සොහොයුරා විසින් එම මුඩිය ඉවතට ගැනීමට උත්සහ කළ ද එය අසාර්ථක වී තිබේ. දැරිය කඹුරුපිටිය මූලික රෝහල වෙත ප්‍රතිකාර සඳහා ඇතුළත් කළ ද ඒ වන විටත් ඇය මියගොස් සිට ඇති බව පොලීසිය සඳහන් කළේය.