Author: LFN

නිවාස සාදා දෙන බවට පවසා මුදල් ලබාගෙන රුපියල් කෝටි තුනකට අධික මූල්‍ය වංචා කිරීමේ සිද්ධියකට සම්බන්ධ පුද්ගලයෙකු පොලීසිය විසින් අත්අඩංගුවට ගෙන තිබේ. සැකකරු සම්බන්ධයෙන් නුගේගොඩ විශේෂ විමර්ශන අංශය සහ මාලබේ පොලිස් ස්ථානය වෙත ලද පැමිණිලි 26ක් සම්බන්ධයෙන් මිරිහාන අපරාධ කොට්ඨාශය සිදුකළ විමර්ශනයදී ඔහු අත්අඩංගුවට ගෙන ඇති බව සඳහන්ය. සැකකරු විසින් මාලබේ ප්‍රදේශයේ සමාගමක් පවත්වාගෙන යමින් නිවාස සාදා දෙන බවට පවසමින් පුද්ගලයින්ගේ රුපියල් 34,375,000ක මුදලක් වංචා කර තිබේ. අත්අඩංගුවට ගත් සැකකරු 41 හැවිරිදි කඩුවෙල ප්‍රදේශයේ පදිංචිකරුවෙකු වන අතර ඔහු අද (24) කඩුවෙල මහෙස්ත්‍රාත් අධිකරණය වෙත ඉදිරිපත් කිරීමට නියමිතය.

ආනයනික බිත්තර මුද්‍රා මකා වෙළෙඳපොළට නිකුත්කිරීමට සුදානම් කර තිබූ ස්ථානයක් සමස්ත ලංකා බිත්තර නිෂ්පාදකයින්ගේ සංගමය ඊයේ (23) වටලනු ලැබීය. අදාළ ගබඩාව පවත්වා ගෙන ගොස් තිබුණේ දුම්මලසූරිය ඇතුංගහකොටුව ප්‍රදේශයේය. ඉන්දියාවෙන් ආනයනික බිත්තර තොගයක මුද්‍රා මකා අලෙවියට සුදානම්කර ඇති බවට සමස්ත ලංකා බිත්තර නිෂ්පාදකයින්ගේ සංගමයට තොරතුරක් ලැබී ඇත. ඒ අනුව අදාළ ගබඩාව පිහිටි දුම්මලසූරිය ඇතුංගහකොටුව ප්‍රදේශයට ඔවුන් ඊයේ රාත්‍රියේ පැමිණි තිබේ. පරිභෝජනයට නුසුදුසු බිත්තර පෙට්ටි 100කට ආසන්න සංඛ්‍යාවක් එහිදී සොයාගෙන ඇත. බිත්තර අලෙවිකරුගෙන් කළ විමසීමේදී ඔහු ප්‍රකාශ කර තිබුණේ මුහුණුපොත හරහා ලබාගත් දුරකථන අංකයකින් සම්බන්ධවී ඉන්දියන් බිත්තර ලබාගෙන එහි මුද්‍රා මකා දමා වෙළෙඳපොළට නිකුත් කිරීමට තමන් සුදානම් වූ බවය. බිත්තරයක මුද්‍රා මැකීමට…

මේ වසරේ ජනවාරි සිට ජූලි 20 දක්වා ගතවූ කාලය තුළදී දිවයිනට පැමිණ ඇති සමස්ත සංචාරකයන් ප්‍රමාණය හත් ලක්ෂය ඉක්මවා ඇති බව ශ්‍රී ලංකා සංචාරක සංවර්ධන අධිකාරිය පවසයි. මේ අතර, කවුඩුල්ල ජාතික වන උද්‍යානය නැරඹීම සඳහා මේ දිනවල පැමිණෙන දෙස් විදෙස් සංචාරයන්ගේ ප්‍රමාණය විශාල ලෙස ඉහළ ගොස් ඇති අතර, අවශ්‍ය පහසුකම් නොමැතිවීමෙන් ඔවුන් දැඩි අපහසුතාවට පත්ව ඇති බව වාර්තා වෙයි. 2023 ජනවාරි සිට ජුලි මස 20 වනදා දක්වා දිවයිනට පැමිණ ඇති සමස්ත සංචාරකයන් සංඛ්‍යාව 714,598කි. ජූලි මාසයේ ගතවූ දින 20 තුළ පමණක් සංචාරකයන් 89,724 දෙනෙකු පැමිණ ඇති බව ශ්‍රී ලංකා සංචාරක සංවර්ධන අධිකාරිය පවසයි. 2022 වසරේ ජුලි මාසය පුරා මෙරටට පැමිණ…

සෞඛ්‍ය සේවකයන්ට ජනමාධ්‍ය වෙත ප්‍රකාශ නිකුත් කිරීමට වාරණයක් පනවමින් සෞඛ්‍ය අමාත්‍යංශයේ ලේකම්වරයා නිකුත් කළ චක්‍රලේඛයට එරෙහිව කටයුතු කිරීමට සෞඛ්‍ය වෘත්තීය සමිති සන්ධානයක් පිහිටුවීමට තීරණය කළ බව සෞඛ්‍ය වෘත්තිය සමිති පවසයි. එම සංධානය පිහිටුවීමට සෞඛ්‍ය වෘත්තිය සමිති කොළඹදී (24) පෙරවරුවේ රැස්වන බව ද එම සමිති වැඩි දුරටත් සඳහන් කරයි.

රජයේ ප්‍රමුඛ වැඩසටහනක් වන අස්වැසුම සහනාධාර වැඩපිළිවෙළ තාවකාලිකව අත්හිටුවා,අසාධාරණයට ලක්වූවන්ට සාධාරණය ඉටුකරන්නැයි ඉල්ලා මන්ත්‍රීවරුන්ගේ අත්සනින් යුත් ලිපියක් ජනාධිපති රනිල් වික්‍රමසිංහ මහතාට බාර දීමට ආණ්ඩුවේම මන්ත්‍රීවරුන් පිරිසක් තීරණය කර ඇත. මෙම ලිපිය බාර දීම සඳහා මූලිකත්වය ගෙන ඇත්තේ,සමෘද්ධි සංවර්ධන හා කෘෂිකර්ම පර්යේෂණ නිෂ්පාදන සහකාර නිලධාරීන්ගේ සංගමයේ ප්‍රධාන ලේකම්වරයා මෙන්ම,ආණ්ඩුව නියෝජනය කරන ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී එස් ඒ ඩී ජගත් කුමාර මහතා ය. මෙම ලිපියට අත්සන් ගැනීමේ කටයුතු පාර්ලිමේන්තුවේ දී ගිය සතියේ ආරම්භ වූ අතර,පසුගිය (21)වන විට මන්ත්‍රීවරුන් පනස් දෙදෙනකු ඊට අස්සන් තබා ඇතැයි පාර්ලිමේන්තු මන්ත්‍රී ජගත් කුමාර මහතා සඳහන් කළේ ය. ආණ්ඩුවේ මැති ඇමතිවරුන් මෙන්ම, විපක්ෂය නියෝජනය කරන මන්ත්‍රීවරුන්…

ගම්පහ ප්‍රදේශයේ පිහිටි ළමා නිවාසයක රැකවරණය ලබමින් සිටි අවුරුදු 16 වයසේ පසු වන බාල වයස්කාර ගැහැනු ළමයින් තිදෙනකු එම ළමා නිවාසයෙන් හොර රහසේ පලා ගොස් ඇතැයි ගම්පහ මුලස්ථාන පොලිසිය පවසයි. ළමා නිවාස නිවාස පාලිකා මේ බව ගම්පහ මුලස්ථාන පොලිසියට පැමිණිලි කර ඇත. ළමා නිවාසයෙන් හොර රහසේ පලා ගිය ගැහැනු ළමයින්තිදෙනා ගැන තොරතුරු අවට පොලිස් ස්ථානවලට ද දැනුම්දුන් බව පොලීසිය සඳහන් කරයි. ගම්පහ මූලස්ථාන පොලිසියේ නිලධාරින් කණ්ඩායමක් මෙම දැරියන් සොයා ගැනීමට පුළුල් පරීක්ෂණ පවත්වාගෙන යයි.

චීනයේ සයිනොපෙක් සමාගම සමඟ ඇති කරගත් ගිවිසුමට අනුව පළමු ඉන්ධන තොග ඇනවුම ලබන මස මුල් සතිය වන විට මෙරටට ළඟාවනු ඇති බව විදුලිබල හා බලශක්ති රාජ්‍ය අමාත්‍ය ඩී.වී. චානක මහතා පැවසීය. සියලුම සමාගම් වලට බලපාන පරිදි මිල සූත්‍රය භාවිතා කරමින් ඉන්ධන සඳහා උපරිම සිල්ලර මිලක් නියම කිරීමට ඉදිරියේදී පියවර ගන්නා බවත්, රටට ප්‍රතිලාභ අත්කර දෙමින් ඉන්ධන සැපයීමේ තරඟකාරීත්වයක් ඇති කිරීම එහි ප්‍රධාන අරමුණ බවත් රාජ්‍ය අමාත්‍යවරයා සඳහන් කළේය. ඉදිරියේ දී සියලු පාර්ශ්වයන් සමඟ සාකච්ඡා කර ඊට සාපේක්ෂව QR කේතය පිළිබඳ තීරණය ගැනීමට අපේක්ෂා කරන බව ද රාජ්‍ය අමාත්‍යවරයා පැවසීය. විදුලිබල හා බලශක්ති රාජ්‍ය අමාත්‍ය ඩී.වී. චානක මහතා මේ බව සඳහන්…

කළුතර උතුර වස්කඩුව මුහුදේ ඊයේ (23) දහවල් දියනාමින් සිටියදී මුහුදේ ගසාගෙන ගිය රුසියානු ජාතික යුවළක් බේරාගැනීමට යෑමේදී ජීවිතාරක්ෂක නිලධාරියෙක් මුහුදේ ගිලී මියගොස් තිබේ. මුහුදේ ගසාගෙන ගිය රුසියානු ජාතික යුවළ ඇතුළු සිව්දෙනෙක් ප්‍රදේශයේ තරුණ පිරිසක් විසින් බේරාගැනීමට සමත්ව ඇත. මුහුදේ ගිලී මියගොස් ඇත්තේ කළුතර උතුර සුමංගල පාරේ පදිංචිව සිටී ජී. ධනුෂ්ක ප්‍රියදර්ශන පෙරේරා නැමති 36 හැවිරිදි දෙදරු පියෙකි. මියගොස් ඇති තැනැත්තා වස්කඩුව ප්‍රදේශයේ සංචාරක හෝටලයක ජීවිතාරක්ෂක නිලධාරීයෙක් ලෙස සේවය කරන අයෙකි. රුසියානු කාන්තාව විසින් “හෙල්ප්, හෙල්ප්” යනුවෙන් කෑ ගසමින් උදව් ඉල්ලූ බව සිද්ධිය ඇසින් දුටුවන් පැවසීය. එහිදී ජීවිතාරක්ෂක නිලධාරියා එක්වරම මුහුදට පැන පිහිනා යමින් සිටිය දී ඔහුව සැඩ රළ පහරට හසුව…

රුපියල් 35ක මිලක් යටතේ සතොස හරහා ආනයනික බිත්තර අලෙවි කිරීමට සැලසුම් කර ඇති බව වෙළෙඳ අමාත්‍ය නලීන් ප්‍රනාන්දු මහතා පවසයි. අමාත්‍යවරයා පෙන්වා දෙන්නේ ඉදිරි සතිය තුළ අදාළ බිත්තර සතොස හරහා අලෙවි කිරීමට බලාපොරොත්තු වන බවය. ආනයනික බිත්තර මෙතෙක් වෙළෙඳපොළේ අලෙවි කිරීමක් සිදුනොවූ අතර බිත්තර මිලෙහි ඉහළ යාම සැලකිල්ලට ගනිමින් ඒවා පාරිභෝගිකයින්ට ලබාදීමට තීරණය කර තිබේ. ඒ අනුව සතොස සහ සුපිරි වෙළෙඳසැල් සඳහා ආනයනික බිත්තර නිකුත් කිරීමට මේ වන විට තීරණය කර ඇති බව වාර්තා වේ. දෛනිකව බිත්තර ලක්ෂයක පමණ ප්‍රමාණයක් එලෙස වෙළෙඳපොළට නිකුත් කිරීමට බලාපොරොත්තු වන බව වෙළෙඳ අමාත්‍ය නලීන් ප්‍රනාන්දු මහතා සඳහන් කළේය.

ඝාතනයට ලක් වූ අඟුරුවාතොට මව සහ කුඩා දියණිය ගේ අවසන් කටයුතු සිදු කරමින් සිටියදී දෙපිරිසක් අතර ඇතිවූ ගුටි බැට හුවමාරුවක් දැඩි පරිශ්‍රමයක් දරා පාලනය කිරීමට අඟුරුවාතොට පොලීසියේ නිලධාරීන් සමත් විය. ඉකුත් 18 වෙනිදා වනදා පස්වරුවේ සිට අතුරුදන්ව සිටි මව සහ කුඩා දියණියගේ සිරුර දින තුනකට පසු රත්මල්ගොඩ කැලෑබද ප්‍රදේශයක තිබියදී හමුවිය. එම ඝාතන සම්බන්ධයෙන් ඝාතනයට ලක්වූ කාන්තාවගේ සැමියා ගේ මස්සිනා පොලිස් අත්අඩංගුවට පත්විය. ඔවුන්ගේ සිරුරු මිහිදන් කිරීමට සූදානම් වෙද්දී එම ගැටුම ඇරඹුණු බව . එම ස්ථානයට පැමිණ සිටි ඝාතනය ට ලක්වූ කාන්තාවගේ පාර්ශවයේ පුද්ගලයකු කාන්තාව ගේ සැමියාට යමක් පවසමින් තර්ජනය කිරීමත් සමගම එහි සිටි පිරිස අතර ගුටිබැට හුවමාරු වී ඇතැයි…