Author: LFN

මැදපෙරදිග යුද ගැටුම් හේතුවෙන් ලෝක වෙළෙඳපොළේ ඉන්ධන මිල ඉහළ යාමත් සමග අමෙරිකානු කොටස් වෙළෙඳපොළ අඛණ්ඩව පහත වැටී ඇති බව විදෙස් වාර්තා පවසයි. අමෙරිකානු වේලාවෙන් ඊයේ එරට කොටස් වෙළෙදපොළ වසා දමන විට ප්‍රධාන දර්ශක තුනම පහත වැටී තිබේ. ඒ අනුව Dow Jones කාර්මික දර්ශකය 1% කින්ද, S&P 500 දර්ශකය 1.5%කින්ද, Nasdaq දර්ශකය 2%කින්ද මෙලෙස පහත වැටී ඇත. මෙම සතිය තුළ එරට කොටස් වෙළෙඳපොළ මෙලෙස පහත වැටී ඇත්තේ අඛණ්ඩව සිව්වන වරටත් වීම සුවිශේෂීය.

විදේශගතව සිටින සංවිධානාත්ම අපරාධ කල්ලි සාමාජිකයන් දෙදෙනෙකු සමග සමීප සබඳතා පැවැත්වූ සැකකරුවන් 15දෙනෙකු තියුණු ආයුධ සහ අයිස් මත්ද්‍රව්‍යය සමග අත්අඩංගුවට ගෙන තිබේ. ඔවුන් සන්තකයේ තිබී කඩු පහක්, ලක්ෂ අටක් පමණ වටිනා අයිස් ග්‍රෑම් 40ක් පොලීසිය සිය භාරයට ගෙන ඇත. ගල්කිස්ස කොට්ඨාස අපරාධ විමර්ශන කාර්යාංශය විසින් අද (21) පෙරවරුවේ රත්මලාන විශේෂ ආර්ථික මධ්‍යස්ථානය අසල නිවාස සංකීර්ණයක සිදු කළ විශේෂ මෙහෙයුමක දී මෙම සැකකරුවන් අත්අඩංගුවට ගෙන තිබේ. අත්අඩංගුවට ගත් සැකකරුවන් පිරිස විදේශගතව සිටින සංවිධානාත්මක අපරාධ කල්ලි සාමාජිකයින් වන එල්ලාවල ධර්මසිරි පෙරේරා නොහොත් ඇල්ටෝ ධර්මය සහ කුරුවිට ආරච්චිලාගේ කවිදු ධනංජය යන අය සමග සමීප සබඳතා පවත්වා ඇති බව මූලික විමර්ශනවලදී අනාවරණය වී ඇත.…

එළැඹෙන උත්සව සමයේ දී භාණ්ඩ වර්ග 100ක් සඳහා සතොසින් වට්ටම් ලබාදී ඇති බව වෙළෙඳ අමාත්‍ය වසන්ත සමරසිංහ මහතා පවසයි. අද (20) පෙරවරුවේ කොළඹදී ප්‍රවෘත්ති සාකච්ඡාවක් පවත්වමින් අමාත්‍යවරයා පැවසුවේ, වෙළෙඳපොළේ පවතින පාලන මිලටත් වඩා අඩුවෙන් ලංකා සතොසින් සහල් මිලදීගැනීමට හැකි බවය. සතොසින් වට්ටම් ලැබෙන ආහාර ද්‍රව්‍ය කිහිපයක කිලෝවක මිල ගණන් සුදු නාඩු – රු. 217 සුදු කැකුළු – රු. 203 පාන් පිටි – රු. 254 හාල්මැස්සෝ – රු. 1,050 පරිප්පු – රු. 264 බී ලූනු – රු. 150 – 160 අතර මෙහිදී අමාත්‍යවරයා පවසා සිටියේ, සෑම භාණ්ඩයකටම සීමාවක් තිබෙන බවය. ඒ අනුව මෙම සහනය පාරිභෝගිකයන්ට මිස ව්‍යාපාරිකයින්ට නොලැබෙන බවයි. මේ අතර…

හෙට සහ අනිද්දා දිනවලත් බෙදුම්කරුවන්ට ඉන්ධන බෙදාහැරීම සිදුකරන බව ලංකා ඛනිජතෙල් නීතිගත සංස්ථාව පවසයි. එම සංස්ථාව කළමනාකාර අධ්‍යක්ෂ මයුර නෙත්තිකුමාරගේ මහතා පැවසුවේ හෙට සහ අනිද්දා දිනවල පිරවුම්හල් වසා තැබීමේ කිසිදු තීරණයක් ගෙන නොමැති බවය. සෙනසුරාදා දිනයේ ඛනිජතෙල් නීතිගත සංස්ථාව වසා තැබෙන බවට මේ වන විට පුවතක් සංසරණය වන අතර එයට පාදක වී ඇත්තේ සාමාන්‍ය ක්‍රමවේදයට අනුව සෑම මසකම එක් සෙනසුරාදා දිනයක් ඛනිජතෙල් නීතිගත සංස්ථාව වසා තැබීම වන බව ද ඒ මහතා සඳහන් කළේය. කෙසේ වෙතත් පවතින මෙම තත්ත්වය විශේෂ අවශ්‍යතාවයක් වීම සහ මෙම සෙනසුරාදා රාත්‍රියේ දී QR කේතය නැවත සැකසීම සිදුවන බැවින් ඛනිජතෙල් නීතිගත සංස්ථාව විවෘතව පවතින බවද ඔහු වැඩිදුරටත්…

ප්‍රහාර නතර කරන ලෙස ජාත්‍යන්තරයෙන් ඉල්ලීම් ලැබුණද, කුවේට් රජයට අයත් මිනා අල්-අහමදී තෙල් පිරිපහදුවට ඩ්‍රෝන ප්‍රහාර කිහිපයක් එල්ල වී ඇති බව එරට තෙල් සංස්ථාව තහවුරු කර තිබේ. ප්‍රහාරය නිසා පිරිපහදුවේ ඒකක කිහිපයක ගින්නක් හටගෙන ඇති අතර, ආරක්ෂක පියවරක් ලෙස ඒවායේ වැඩකටයුතු නතර කර ඇත. මේ අතර, ඊශ්‍රායලය විසින් ඉරානයේ ගෑස් මධ්‍යස්ථාන වලට පහර දීම නිසා, ඉරානය දැන් ගල්ෆ් කලාපයේ අනෙකුත් රටවල් වෙත තම ප්‍රහාර එල්ල කරමින් සිටී.

ඉරාන නෞකාවලට මෙරට මුහුදු සීමාවට පැමිණීමට අවසර නොදුන් හේතුව ජනාධිපතිවරයා අද (20) පාර්ලිමේන්තුවේදී හෙළිදරව් කිරීමක් සිදු කළේය. ජනාධිපතිවරයා එහිදී අදහස් දක්වමින් පැවසුවේ පසුගිය පෙබරවාරි 26 වැනි දින මාර්තු 9-13 දිනවල මෙරට සහයෝගීතා වර්ධනය කිරීම සඳහා පැමිණීමට අවසර ඉල්ලූ බවත් ඒ සම්බන්ධව මෙරට විසින් අධ්‍යනයක නිරත වෙමින් සිටි බවය. එමෙන්ම එදිනම සවස එක්සත් ජනපදය විසින්ද නාවික හමුදාවට අයත් ප්‍රහාරක ගුවන් යානා දෙකක් මත්තල ගුවන් තොටුපළට පැමීණීමටද අවසර ඉල්ලා සිටි සිටියද ශ්‍රී ලංකාව මධ්‍යස්ථභාවයෙන් යුතුව කටයුතු කරමින් සිටින රටක් බැවින් එම රටවල් දෙකටම අවසර ලබා නොදීමටද පියවර ගත් බවය. ජනාධිපතිවරයා සඳහන් කළේය. ජනාධිපතිවරයා සිදුකරන සම්පූර්ණ ප්‍රකාශය පහතින්, “විශේෂයෙන්ම මැදපෙරදිග යුදමය තත්ත්වයත්, ඒ…

ගණේමුල්ල සංජීවගේ සමීපතමයෙකු වූ ‘ආමි උපුල්’ රාගම බටුවත්ත ප්‍රදේශයේ දී වෙඩිතබා ඝාතනය කිරීමේ සිද්ධිය සම්බන්ධයෙන් කරුණු රැසක් හෙළිකරගැනීමට පොලීසියට හැකිව තිබේ. ත්‍රිරෝද රථයකින් පැමිණි දෙදෙනෙකු විසින් පිස්තෝල වර්ගයේ ගිනිඅවියකින් ඉකුත් වසරේ ජූලි 3වනදා මෙම වෙඩිතැබීම සිදුකර පලාගොස් තිබුණි. ඒ අනුව අදාළ සිද්ධිය සම්බන්ධයෙන් පෑලියගොඩ කොට්ඨාස අපරාධ විර්මශන කාර්යංශය සිදුකළ විර්මශනයේදී ඉකුත් 17වනදා මෙම වෙඩිතැබීමට සම්බන්ධ වෙඩික්කරුවෙකු අත්අඩංගුවට ගෙන ඇත. එම අපරාධය සම්බන්ධව වැඩිදුරටත් සිදුකල විමර්ශනයේදී ඉහත වෙඩික්කරුට ප්‍රවාහන පහසුකම් ලබා දෙමින් ආධාර අනුබල දුන් සැකකරුවෙකු මාදම්පේ ප්‍රදේශයේදී පෙරේදා (18) අත්අඩංගුවට ගෙන තිබේ. ඔහු වයස අවුරුදු 29ක් වන මාදම්පේ ප්‍රදේශයේ පදිංචිකරුවෙක්ය. එම සැකකරුගෙන් සිදුකළ වැඩිදුර ප්‍රශ්නකිරීමේදී ඉකුත් මාර්තු 7වනදා ජාඇල ප්‍රදේශයේ…

හම්බන්තොට, කටුවැව සල්මල්යාය ප්‍රදේශයේ ඉන්ධන ලීටර් 500කට ආසන්න තොගයක් රැස්කර තබාගෙන සිටි අයෙකු පොලීසිය විසින් අත්අඩංගුවට ගෙන තිබේ. යුද හමුදා බුද්ධි අංශයට ලද තොරතුරක් මත මෙම වැටලීම සිදු කළ බව පොලීසිය සඳහන් කරයි. එහිදී නිවසෙහි සඟවා තිබී ඩීසල් ලීටර් 480කට වැඩි ප්‍රමාණයක් සහ පෙට්‍රල් ලීටර් 20කට ආසන්න ප්‍රමාණයක් සොයාගෙන ඇති බවට සඳහන් වේ. සැකකරු සහ නඩු භාණ්ඩ හම්බන්තොට මහේස්ත්‍රාත් අධිකරණයට ඉදිරිපත් කිරීමට නියමිතය.

මැදපෙරදිග යුදමය තත්ත්වය හේතුවෙන් බලශක්ති මිලදිගින් දිගටම ඉහළ යෑම හේතුවෙන්, විදුලිය සඳහා පනවා තිබූ බදු අඩු කරන්නැයි යුරෝපා කොමිසම විසින් යුරෝපා සංගමයේ රටවලට යෝජනාවක් ඉදිරිපත්කර තිබේ. “සමහර අවස්ථාවලදී විදුලිය සඳහා ගෑස්වලට වඩා බදු අය කරනවා. එය 15 ගුණයකින් වැඩියි. එය එසේ විය නොහැක. විදුලිය සඳහා බදු අනුපාත අඩු කිරීමට සහ පොසිල ඉන්ධනවලට වඩා අඩුවෙන් විදුලියට බදු අය කරන බව සහතික කරන්නැයි යෝජනා කරනවා” යැයි කොමිසමේ සභාපති උර්සුලා වොන් ඩර් ලේන් පවසයි. සමාගම්වලට පොසිල ඉන්ධනවලින් ඉවත්වීමට උපකාරී වන ආයෝජන හරහා මූල්‍යමය ආධාරයක් ලබාදීමේ යෝජනා ද ඇය යුරෝපීය නායකයින්ට ඉදිරිපත් කර තිබේ. ඉරානයේ ගැටුම ආරම්භ වීමට පෙර පැවති මට්ටමට වඩා යුරෝපයේ ගෑස්…

මධ්‍යම, සබරගමුව සහ ඌව පළාත්වලත් ගාල්ල, මාතර, මන්නාරම, අනුරාධපුර සහ වව්නියාව දිස්ත්‍රික්කවලත් අද (20) පස්වරු 2.00න් පමණ පසුව තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි. එම දෙපාර්තමේන්තුව තවදුරටත් සඳහන් කරන්නේ, මධ්‍යම, සබරගමුව සහ ඌව පළාත්වලත් ගාල්ල, මාතර, කළුතර, ගම්පහ, කුරුණෑගල සහ අනුරාධපුර දිස්ත්‍රික්කවල ඇතැම් ස්ථානවල අලුයම් කාලයේදී මීදුම් සහිත තත්ත්වයක් පැවතිය හැකි බවය. ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු හේතුවෙන් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටී.