Author: LFN
සුනඛ සපාකෑම් ලක්ෂ 3කට ආසන්න සංඛ්යාවක් වර්ෂිකව සිදුවන බව මහජන සෞඛ්ය පශු වෛද්ය සේවාව පවසයි. මේ හේතුවෙන් පසුගිය වසරේ පමණක් මානව ජලභීතිකා එන්නත් ලක්ෂ දෙකට ආසන්න ප්රමාණයක් භාවිතා කර තිබේ. මහජන සෞඛ්ය පශු වෛද්ය සේවාවේ වෛද්ය නිළධාරී වෛද්ය යේෂාන් ගුරුගේ මහතා පවසා සිටියේ, පසුගිය වසරේ ජලභීතිකා රෝගය හේතුවෙන් පුද්ගලයින් 20 දෙනෙකු මියගොස් ඇති බවයි. එම මියගිය පිරිසෙන් 11ක් සුනඛ සපාකෑම් නිසාය. කෙසේ නමුත් තවත් අයෙකු මියගොස් ඇත්තේ කලවැද්දෙක් සපාකෑමෙන් බවද හඳුනාගෙන ඇත. එමෙන්ම ඉතිරි මරණ 8හි පැහැදිළිවම සතා හඳුනගෙන නොමැත. මෙලෙස සත්ත්ව සපාකෑම්වලට වැඩි වශයෙන් ගොදුරුවන්නේ මැදි වයස් පුද්ගලයන්වන අතර, ඔවුන්ගෙන් 2ට 1ක් පිරිමි පුද්ගලයන්ය. සුනඛ සපාකෑම් වැඩි වශයෙන් වාර්තා…
මෙතෙක් කල් මුද්රණය ප්රමාද වීම හේතුවෙන් ආයතනය තුළ එක් රැස්වී ඇති රියදුරු බලපත්ර මසක් ඇතුළත මුද්රණය කර නිකුත් කිරීමට පියවර ගන්නා බව ප්රවාහන, මහාමාර්ග නියෝජ්ය අමාත්ය ප්රසන්න කුමාර ගුණසේන මහතා පවසයි. ඔහු පැවසුවේ ඒ අනුව මුද්රණය ප්රමාද වී ඇති රියදුරු බලපත්ර 130,000ක් පමණ ජනවාරි මස ඇතුළත නිකුත් කිරීමට පියවර ගන්නා බවය. අමාත්යවරයා මේ බව පැවසුවේ පසුගියදා මෝටර් රථ ප්රවාහන දෙපාර්තමේන්තුවේ වේරහැර පරිශ්රයේ හදිසි නිරීක්ෂණ චාරිකාවකට එක් වෙමිනි. මෙම අවස්ථාව සඳහා වරාය සහ ගුවන්සේවා නියෝජ්ය අමාත්ය ජනිත රුවන් කොඩිතුවක්කු මහතා ද සහභාගී විය. එහිදී ආයතනය තුළ සේවාවන් මාර්ගගත ක්රමවේදය ඔස්සේ පවත්වාගෙන යාමට අවශ්ය පියවර ගන්නා ලෙසද අමාත්යවරයා නිලධාරීන්ට උපදෙස් දෙනු ලැබීය.…
මෙවර මාස් කන්නයේ වී අස්වැන්න සතොස හා වී අලෙවි මණ්ඩලය හරහා මිලදී ගැනීමට හා සහල් නිෂ්පාදනය කර බෙදා හැරීම රජයේ අරමුණ බව වෙළෙඳ හා වාණිජ අමාත්ය වසන්ත සමරසිංහ මහතා පවසයි. ඔහු පැවසුවේ වරින්වර රට තුළ සිදුවන සහල් හිඟය අවසන් කිරීමට සහ මිල පාලනය කිරීම සඳහා රජය මැදිහත් වී ගොවියාට සහතික මිලක් ලබා දීමට කටයුතු කරන බවය. අනුරාධපුර ඔයා මඩුව ප්රදේශයේ ඉදිකර ඇති රජයේ වී ගබඩා පිළිබඳව සොයා ලැබීම සඳහා සිදුකළ නිරීක්ෂණ චාරිකාවෙන් අනතුරුව මාධ්ය වෙත අදහස් දක්වමින් අමාත්යවරයා මේ බව පැවසීය. අමාත්යවරයා එහිදී පැවසුවේ වෙළෙඳපොළ තුළ පවතින බරපතළ විශමතාවයන් ප්රයෝජනයට ගනිමින් ඇතැම් සහල් මෝල් හිමියන් අසාමාන්ය ලෙස ලාභ ලබමින් සිටින…
කර්මාන්ත සහ ව්යවසායකත්ව සංවර්ධන අමාත්ය සුනිල් හඳුන්නෙත්ති මහතා ඊයේ (03) ලංකා සීනි සමාගමට අයත් පැල්වත්ත හා සෙවනගල සීනි කර්මාන්ත ශාලා නිරීක්ෂණයට එක් විය. එහිදී මෙම කර්මාන්තශාලාවල මේ වනවිටත් ඇති සංචාරක බංගලා යොදා ගනිමින් Eco Tourism ප්රවර්ධනය කිරීමටත් දැනට ලංකාව තුළ සිදුවන නීති විරෝධී මත්පැන් භාවිතය අවම කිරීමට විසඳුමක් ලෙස ලංකා සීනි සමාගමේ නිෂ්පාදනය වන සීනිවල ප්රධාන අතුරුඑලය වන එතනෝල් යොදාගනිමින් නිශ්පාදනය කළ හැකි මිල අඩු සහ ප්රමිතියෙන් ඉහළ මත්පැන් වෙළෙඳපොළට හඳුන්වාදීම පිළිබඳවත් අමාත්යවරයා විසින් මෙහිදී සොයා බලන ලදි. එමෙන්ම කාබනික පොහොර හා අපනයන වෙළෙඳපොළ ඉලක්ක කරගනිමින් කාබනික සීනි නිෂ්පාදනය හා අපනයන වෙළෙඳපොළ ඉලක්ක කරගනිමින් කාබනික සීනි නිෂ්පාදනය කිරීම පිළිබඳවත් මෙහිදී…
අද (4) දිනයේ ඌව පළාතේ වැසි ස්වල්පයක් ඇතිවිය හැකි බව කාලගුණ විද්යා දෙපාර්තමේන්තුව පවසයි. ඊට අමතරව බස්නාහිර, සබරගමුව සහ මධ්යම පළාත්වලත් ගාල්ල සහ මාතර දිස්ත්රික්කවලත් සවස් කාලයේදී හෝ රාත්රී කාලයේදී තැනින් තැන වැසි හෝ ගිගුරුම් සහිත වැසි ඇතිවිය හැකිය. එමෙන්ම ඇතැම් ස්ථානවලට මි.මී. 100ක පමණ තද වැසි ඇතිවීමේ හැකියාවක් ඇති බව ද එම දෙපාර්තමේන්තුව පවසයි. උතුරු, නැගෙනහිර, උතුරු-මැද සහ වයඹ පළාත්වලත් හම්බන්තොට දිස්ත්රික්කයේත් විටින් විට පැ.කි.මී. 30-40ත් අතර තරමක තද සුළං ඇතිවිය හැක. බස්නාහිර, සබරගමුව සහ මධ්යම පළාත්වලත් ගාල්ල සහ මාතර දිස්ත්රික්කවලත් ඇතැම් ස්ථානවල උදෑසන කාලයේදී මීදුම් සහිත තත්ත්වයක් පැවතිය හැකි බවද කාලගුණ විද්යා දෙපාර්තමේන්තුව පවසයි. ගිගුරුම් සහිත වැසි සමග…
වැලිගම පොලිස් වසමේ කප්පරතොට වල්ලිවෙල මාර්ගයේ පා ගමනින් ගමන්කරමින් සිටි පුද්ගලයන් පස් දෙනෙකුට වෙඩිතබා ඇති බව පොලීසිය පවසයි. යතුරුපැදි තුනකින් පැමිණි නාඳුනන පිරිසක් විසින් අද (4) අළුයම 1ට පමණ මෙම වෙඩි තැබීම සිදුකර පලාගොස් ඇත. කෙසේ නමුත් මින් වෙඩි වැදී ඇත්තේ පුද්ගලයන් දෙදෙනෙකුට පමණක් වන අතර, ඉන් එක් පුද්ගලයෙකු මියගොස් ඇති බව පොලීසිය පවසයි. තුවාල ලැබූ පුද්ගලයා වැලිගම වලාන රෝහල වෙත රැගෙන ගොස්, පසුව මාතර මහ රෝහල වෙත මාරුකර යවා තිබේ. වෙඩි වැදීමෙන් මියගොස් ඇත්තේ කප්පරතොට ප්රදේශයේ පදිංචිව සිටි 26 හැවිරිදි පුද්ගලයෙකු වන අතර, තුවාල ලැබූ පුද්ගලයා ද එම ප්රදේශයේම පදිංචි 29 හැවිරිදි පුද්ගලයෙක් බව පොලීසිය පවසයි. මෙම වෙඩිතැබීමට හේතුව…
චීනය තුළ පැතිර යමින් පවතින බව කියන වෛරස් තත්ත්වයක් සම්බන්ධයෙන් අවධානයෙන් පසුවන බව වසංගත රෝග විද්යා අංශය පවසයි. අද (03) දිනයේදී මේ සම්බන්ධයෙන් තොරතුරු දැන ගැනීමට ලැබුණු බවත් නිසි අධ්යයනයකින් පසු මාධ්ය වෙත තොරතුරු ලබා දීමට කටයුතු කරන බවත් වසංගත රෝග විද්යා ඒකකය පෙන්වා දෙයි. කොවිඩ් -19 වසංගතයෙන් වසර 5කට පසු චීනය තුළ තවත් වෛරස කිහිපයක් පැතිර යමින් පවතින බව විදෙස් මාධ්ය පවසයි. Human metapneumovirus (HMPV) ලෙස පැවසෙන වෛරස තත්ත්වයක් ප්රධාන වශයෙන් පැතිර යමින් පවතින අතර, කොවිඩ් -19 රෝගීන්ද ඒ අතර සිටින බව විදෙස් වාර්තා පෙනවා දෙයි. එමෙන්ම ඉන්ෆුවෙන්සා වෛරසයද චීනයේ පැතිර යමින් පවතින බවද වාර්තා වේ. වෛරස තත්ත්වය චීනය…
ජාත්යන්තර මුල්ය අරමුදල සමග පැවැත්වෙන සාකච්ඡා හේතුවෙන් අමෙරිකාවේ ශ්රී ලංකා තානාපති මහින්ද සමරසිංහ මහතා තවදුරටත් එම තනතුරේ කටයුතු කරන බව විදේශ කටයුතු අමාත්යාංශය පවසයි. පසුගිය කාලසීමාවේ දී දේශපාලන පත්වීම් ලැබු තානාපතිවරු සහ මහ කොමසාරිස්වරු 16 දෙනෙකු යළි කැඳවීමට රජය තීරණය කළේය. කෙසේවෙතත් මහින්ද සමරසිංහ මහතාව එම තනතුරේ තවදුරටත් රැඳවා තැබීමට රජය තීරණය කළ බව මාධ්ය කළ විමසීමක දී විදේශ කටයුතු අමාත්යාංශය පැවසීය. කෙසේ වෙතත් විදෙස් ධුත සේවය සක්රීය සේවයක් කිරීමේ අරමුණින් ඇතැමුන් නැවත ශ්රී ලංකාවට ගෙන්වා ගැනීමට කටයුතු කළ බව ද විදේශ කටයුතු අමාත්යාංශය වැඩිදුරටත් සඳහන් කළේය.
පාර්ලිමේන්තු මන්ත්රී නිලන්ති කොට්ටහච්චි මහත්මියට අපහාසවන ආකාරයෙන් සමාජ මාධ්ය ඔස්සේ පෝස්ටුවක් පලකිරීමේ චෝදනාවක් සම්බන්ධයෙන් මිල්ලනිය ප්රදේශීය සභාවේ හිටපු මන්ත්රීවරයෙකු වන රවීන්ද්ර නවමුණි අත්අඩංගුවට ගෙන තිබේ. අපරාධ පරීක්ෂණ දෙපාර්තමේන්තුව විසින් අද (3) පෙරවරුවේ බටගොඩ පිහිටි ඒ මහතාගේ නිවසේ දී මෙම අත්අඩංගුවට ගැනීම සිදුකර ඇත.
එක්සත් ජාතික පක්ෂයේ මහලේකම් ලෙස හිටපු පාර්ලිමේන්තු මන්ත්රී තලතා අතුකෝරල මහත්මිය පත් කර තිබෙනවා. පක්ෂ නායක රනිල් වික්රමසිංහ මහතා විසින් අදාළ පත් කිරීම සිදු කර ඇති බව සඳහන්.