Author: LFN

සංචාරක අයර්ලන්ත කණ්ඩායම සහ ශ්‍රී ලංකා කණ්ඩායම අතර දෙවන ටෙස්ට් ක්‍රිකට් තරගය අද (24) පැවැත්වීමට නියමිතව තිබේ. ගාල්ල ජාත්‍යන්තර ක්‍රීඩාංගණයේ දී පෙරවරු 10.00ට තරගය පැවැත්වීමට නියමිතය. දෙරට අතර පැවති පළමු ටෙස්ට් ක්‍රිකට් තරගය ඉනිමකින් සහ ලකුණු 280කින් ජය ගැනීමට ශ්‍රී ලංකා කණ්ඩායම සමත්වුණි. පළමු ටෙස්ට් තරගයට ක්‍රීඩා කළ කණ්ඩායමම අද තරගයට ක්‍රීඩා කරනවා ද ? එසේත් නොමැතිනම් එක් වෙනසක් සමගින් දඟ පන්දු යවන්නෙකු අද තරගයට කැඳවනවා ද ? නැද්ද යන්න සම්බන්ධයෙන් තණතීරුව පරීක්ෂා කිරීමෙන් අනතුරුව තීරණය කෙරෙනු ඇත. මේ අතර අයර්ලන්තය සමග අද පැවැත්වෙන සමග ශ්‍රී ලංකා කණ්ඩායම ජයගතහොත් එය ශ්‍රී ලංකා කණ්ඩායම ටෙස්ට් පිටියේ වාර්තා කරන ලද සිය වන…

පාස්කු ප්‍රහාර සිද්ධියේ විමර්ශනයට අදාළව ප්‍රකාශයක් ලබාදීම සඳහා හිටපු නීතිපති දප්පුල ද ලිවේරා මහතා යළිත් අද (24) දිනයේ ත්‍රස්ත විමර්ශන කොට්ඨාශය වෙත කැඳවා තිබේ. පසුගිය 19 වැනිදා සහ 21 වැනිදා ත්‍රස්ත විමර්ශන කොට්ඨාසය හමුවට හිටපු නීතිපතිවරයා කැඳවා තිබුණ ද ඔහු ඒ සඳහා පැමිණියේ නැත. ඒ වෙනුවට නීතීඥවරුන් මාර්ගයෙන් හිටපු නීතිපතිවරයා කරුණු ඉදිරිපත් කර තිබුණි. කෙසේවෙතත් මෙවර යළිත් වරක් නීතිපතිවරයා ත්‍රස්ත විමර්ශන කොට්ඨාශයට කැඳවීමට පියවර ගෙන තිබේ. මෙවර ත්‍රස්ත විමර්ශන කොට්ඨාසය හමුවේ හිටපු නීතිපතිවරයා පෙනී නොසිටියහොත් ඒ සම්බන්ධයෙන් අධිකරණයට කරුණු වාර්තා කිරීමට ද ත්‍රස්ත විමර්ශන කොට්ඨාසය පියවර ගෙන ඇති බව වාර්තා වේ.

පළාත් සභා මැතිවරණ පනත සංශෝධනය කිරීම සඳහා වන පනත් කෙටුම්පත ලබන අඟහරුවාදා පාර්ලිමේන්තුවට ඉදිරිපත් කිරීමට දෙමළ ජාතික සන්ධාන පාර්ලිමේන්තු මන්ත්‍රී එම්.ඒ.සුමන්තිරන් මහතා තීරණය කර තිබේ. පෞද්ගලික මන්ත්‍රී පනත් කෙටුම්පතක් ලෙස අදාළ පනත් කෙටුම්පත පාර්ලිමේන්තුවට ඉදිරිපත් කිරීමට නියමිත බව වාර්තා වේ. 2019 ඔක්තෝබර් මස 11 වන දින පළාත් සභා මැතිවරණ පනත සංශෝධනය කිරීම සඳහා වු පනත් කෙටුම්පත පෞද්ගලික මන්ත්‍රී යෝජනාවක් ලෙස ගැසට් කර තිබේ. ඒ අනුව අදාළ යෝජනාව පළමු වර කියවීම ලබන 25 වැනිදා සිදුකිරීමට නියමිත බව පාර්ලිමේන්තු මන්ත්‍රී එම්.ඒ.සුමන්තිරන් මහතා සඳහන් කළේය. එම පනත් කෙටුම්පත පාර්ලිමේන්තුව විසින් සම්මත කළහොත් පෙර පැවති ඡන්ද ක්‍රමය යටතේ පළාත් සභා මැතිවරණය පැවැත්වීමේ හැකියාව පවතී.

ශ්‍රී පාද වන්දනාවේ පැමිණි පුද්ගලයෙක් ඊයේ (23 ) හදිසියේ මියගොස් ඇතැයි නල්ලතන්නිය පොලීසිය පවසයි. මෙසේ මියගොස් ඇත්තේ, තංගල්ල අඟුණුකොළපැලැස්ස ප්‍රදේශයේ සිට පැමිණි ඩබ්ලිව්. ඒ ගුණපාල නැමති 70 හැවිරිදි අයෙකි. මියගිය අයගේ සිරුර මස්කෙළිය ප්‍රාදේශීය රෝහලේ තැන්පත් කර ඇති බව නල්ලතන්නිය පොලීසිය පවසයි. නල්ලතන්නිය- ශ්‍රීපාද මාර්ගයේ, සීත ගඟුල ප්‍රදේශයට මඳක් ඉහළ දී වන්දනාකරු රෝගී වී ඇති අතර මස්කෙළිය රෝහලට රැගෙන යමින් සිටිය දී මියගොස් ඇතැයි නල්ලතන්නිය පොලීසිය කියා සිටියේය.

ඝාතන සිදුවීමකට අදාළව අධිකරණ නියෝග මත මාකොළ ළමා නිවාසයේ රඳවා සිටි සැකකාර දරුවන් තිදෙනෙකු භාරව සිටි බන්ධනාගාර නිලධාරීන් තිදෙනෙකුගේ වැඩතහනම් කර තිබේ. නිවේදනයක් නිකුත් කරමින් බන්ධනාගාර මාධ්‍ය ප්‍රකාශක, අතිරේක බන්ධනාගාර කොමසාරිස් ජනරාල් චන්දන ඒකනායක මහතා පවසා සිටියේ බන්ධනාගාර බුද්ධි අංශය වෙත ලද වීඩියෝවකට අදාළව එම නිලධාරීන් තිදෙනාගෙන් ප්‍රකාශ ලබාගැනීමෙන් අනතුරුව විනය පරීක්ෂණයකට යටත්ව එම තීරණය ගත් බවය. අප්‍රේල් 18 වනදා නඩු කටයුත්තකින් අනතුරුව යළි රැඳවුම් මධ්‍යස්ථානයකට සැකකාර සිසුන් තිදෙනෙක් රැගෙන යමින් තිබූ වෑන් රථයක් මහමඟ නවතා, ඔවුන්ට බඩු භාණ්ඩ ලබාදීමට පිරිසක් කටයුතු කළ බවට බන්ධනාගාර බුද්ධි අංශය වෙත පැමිණිල්ලක් ඉදිරිපත්ව තිබුණි. ඒ සම්බන්ධයෙන් බන්ධනාගාර දෙපාර්තමේන්තුව මේ වන විට පුළුල් විමර්ශනයක්…

ලාභ නොලබන රාජ්‍ය ආයතන ප්‍රතිසංස්කරණය විය යුතු වුවත් ලාභ ලබන ආයතන පවා විකුණා දැමීමට වත්මන් රජය සැලසුම් සකස් කරමින් සිටින බව විපක්ෂ නායක සජිත් ප්‍රේමදාස මහතා පවසයි. ජාත්‍යන්තර මූල්‍ය අරමුදලේ ගිවිසුම සම්බන්ධයෙන් විශේෂ ප්‍රකාශයක් සිදුකරමින් විපක්ෂ නායකවරයා මේ අදහස් පළ කළේය. එහිදී ඔහු පැවසුවේ, වත්මන් රජය රට වෙන්දේසිලන්තයක් බවට පත් කර ඇති බවය. වැඩිදුරටත් අදහස් දැක්වූ විපක්ෂ නායක සජිත් ප්‍රේමදාස මහතා, “අවසාන මොහොතේ IMF වැඩසටහනකට යෑම තුළ රජය අපොහොසත් වුණා රටේ පැත්තෙන් ජනතාවගේ පැත්තෙන් රටට ලබා ගත හැකි හොඳම ගිවිසුම රටට ලබා ගන්න. ඉතා පැහැදිලියි ලාභ නොලබන රාජ්‍ය ආයතන ප්‍රතිසංස්කරණය විය යුතුමයි. බංකොළොත් රටකට අලාභ ලබන ආයතන නඩත්තු කිරීමේ හැකියාවක්…

පෙම්වතියගේ උපන්දින කෙක් ගෙඩිය කැපූ පිහියෙන්ම පෙම්වතා විසින් ඇගේ ගෙල කපා ඝාතනය කළ සංවේදී පුවතක් ඉන්දියාවේ බැංගලෝරයෙන් වාර්තා වේ. පසුගිය (21) එම ඝාතනය සිදුවී ඇති අතර පොලීසිය සිදුකළ පරීක්ෂණවලදී හෙළි වී ඇත්තේ සිය පෙම්වතියට වෙනත් සම්බන්ධතාවයක් තිබෙන බවට මතු වූ සැකය මත ඇති වූ බහින්බස්වීමකින් අනතුරුව පෙම්වතා විසින් මෙලෙස ඇගේ ගෙල කපා ඝාතනය කර ඇති බවය. වසර 6ක පුරා මොවුන් දෙදෙනා පෙම්වතුන් ලෙස සිට ඇති බවත් මොවුන්ගේ පවුල් අතර ඥාතිත්වයක් පවතින බවත් විදෙස් මාධ්‍ය වාර්තා කර තිබේ. ඝාතනය සිදුකළ ප්‍රශාන්ත් පෞද්ගලික ආයතනයක සේවය කරන අතර ඔහුගේ පෙම්වතිය වන නව්‍යා පොලිස් සහායිකාවක් ලෙස සේවය කර ඇත. සිය පෙම්වතියට වෙනත් සබඳතාවයක් තිබෙන…

උතුරු, උතුරු-මැද, නැගෙනහිර, ඌව, මධ්‍යම, සබරගමුව සහ වයඹ පළාත්වල අද (24) සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණවිද්‍යා දෙපාර්තමේන්තුව පවසයි. එම දෙපාර්තමේන්තුව සඳහන් කරන්නේ, ඇතැම් ස්ථානවලට මි. මී. 50ට වැඩි තරමක තද වැසි ද ඇතිවිය හැකි බවය. සෙසු පළාත්වල ස්ථාන ස්වල්පයක සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇතිවේ. බස්නාහිර පළාතේ සහ ගාල්ල, මාතර, යාපනය සහ මන්නාරම දිස්ත්‍රික්කවල උදෑසන කාලයේදී ද වැසි ඇති විය හැකි බව කාලගුණවිද්‍යා දෙපාර්තමේන්තුව නිවේනදය කරයි. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට…

හම්බන්තොට වෙරළට කිලෝමීටර් 25.8ක් ඔබ්බෙන් වූ අද (24) අලුයම 12.45ට පමණ භූකම්පනයක් හටගෙන තිබේ. භූ විද්‍යා හා පතල් කැණීම් කාර්යංශය පැවසුවේ, රික්ටර් මාපකයේ ඒකක 4.4ක ප්‍රබලත්වයක් සටහන් කළ එම භූකම්පනය හේතුවෙන් සුනාමි අවධානමක් නොමැති බවය.

අද (23) අලුයම මිරිහාන පොලිස් වසමේ ගල්වල පාර ප්‍රදේශයේ දී තියුණු ආයුධයකින් ඇන පුද්ගලයෙක් ඝාතනය කර තිබේ. පොලීසිය පැවසුවේ, එම පහරදීමෙන් තවත් පුද්ගලයෙකු තුවාල ලබා ඇති බවය. බරපතළ තුවාල ලැබීමෙන් මියගොස් ඇත්තේ, 34 හැවිරිදි සජිත් මධුසංක නැමති එම ප්‍රදේශයේම පදිංචිකරුවෙකි. තුවාල ලැබූ 53 හැවිරිදි මුරමුදලිගේ රත්නායක බන්දුල නැමති දෙනියාය ප්‍රදේශයේ පදිංචිකරු මියගිය පුද්ගලයාගේ ඥාතියෙක් වන බව පොලීසිය පැවසීය. සැකකරු එම අපරාධයෙන් පසු ප්‍රදේශයෙන් පළා ගොස් ඇති බව අනාවරණය වී තිබේ. කෙසේවෙතත් සැකකරු මරණකරුගේ ඥාතියෙක් බවත් දෙපාර්ශවය අතර ඇති වු බහින්බස් වීමක් හේතුවෙන් පිහි ඇනුම සිදුකර ඇති බවත් විමර්ශනවලදී හෙළිවී ඇත. පානදුර ආරච්චිගේ වාසනා විපුල පෙරේරා නැමති සැකකරුව අත්අඩංගුවට ගැනීමට මේ…