Subscribe to Updates
Get the latest creative news from FooBar about art, design and business.
Author: LFN
යෝජිත ප්රතිත්රස්ත පනතට එරෙහිව උතුරු නැගෙනහිර පළාත්වල කැඳවා ඇති හර්තාල් ව්යාපාරය මේ වන විට ක්රියාත්මක වේ. දෙමළ ජාතික සන්ධානය ඇතුළු උතුරේ දෙමළ දේශපාලන පක්ෂ විසින් මෙම හර්තාල් ව්යාපාරය කැඳවනු ලැබීය. ඒ අනුව අද (25) උදෑසන උතුරු නැගෙනහිර ප්රදේශවල ව්යාපාර ස්ථාන වසා දමා ඇති අතර ප්රවාහන කටයුතුවලට ද බාධා එල්ල වී ඇති බව ද වාර්තා විය. පාසල්වලට සිසුන් පැමිණීම ඉතා අවම මට්ටමක පවතින අතර ඇතැම් පාසල් සම්පූර්ණයෙන්ම වසා දමා ඇති බව ද වාර්තා වේ. නැගෙනහිර පළාතේ ඇතැම් ප්රදේශවල ව්යාපාරික ස්ථාන විවෘත කර ඇතත් භාණ්ඩ මිලදී ගැනීම සඳහා හෝ වෙනත් සේවා අවශ්යතා සඳහා ජනතාව පැමිණීමේ අඩුවක් දක්නට ලැබෙන බව සඳහන් වේ. එහෙත්…
උත්සව සමය වෙනුවෙන් වැඩිකළ ඉන්ධන කෝටාව නැවත දැනුම්දෙන තුරු ඒ අයුරින්ම ක්රියාත්මක කිරීමට රජය තීරණය කර තිබේ. විදුලිබල හා බලශක්ති අමාත්යාංශය නිවේදනයක් නිකුත් කරමින් සඳහන් කර ඇත්තේ ඊයේ (24) ඛනිජ තෙල් සංස්ථා ප්රගති සමාලෝචන රැස්වීමේ දී එම තීරණය ගත් බවය. එම ඉන්ධන කෝටාව ඉහළ නැංවීම හේතුවෙන් මාසික ඉන්ධන ඇනවුම් සැලසුමේ වෙනසක් නොවන බව නිරීක්ෂණය වූ බව ද එම නිවේදනයේ වැඩිදුරටත් දැක්වේ. පසුගිය සති තුනේ දෛනික ඉන්ධන භාවිතය සහ ඉන්ධන නිකුතුව පිළිබඳව දත්ත නිරීක්ෂණය කිරීමේ දී ඉන්ධන කෝටාව වැඩිකිරීමට පෙර පැවති දෛනික ඉන්ධන නිකුතුව හා සමාන බව අමාත්යාංශය සඳහන් කරයි. එමෙන්ම ඉන්ධන කෝටාව ඉහළ නැංවීමෙන් පසුව QR කේතය අවභාවිතා කිරීම සැලකිය…
සාමාන්ය පෙළ විභාගය මැයි මස 29 වනදා ආරම්භ කිරීමට මේ වනවිට සියලු කටයුතු සුදානම් කර අවසන් බව අධ්යාපන අමාත්ය සුසිල් ප්රේම්ජයන්ත් මහතා පවසයි. අද (25) පාර්ලිමේන්තුවේ දී අසන ලද පැනයකට පිළිතුරු දෙමින් අමාත්යවරයා පවසා සිටියේ, උසස් පෙළ පිළිතුරු පත්ර ඇගයීම් කටයුතු සිදුකරන ප්රශ්න පත්ර 10ක ආචාර්යවරු ඊයේ (24) දිනයේ එම කටයුතු ආරම්භ කළ බවය. මෙවර උසස් පෙළ විභාගය පැවැත්වෙන දිනය පිළිබඳ කල්වේලා ඇතිව දැනුම්දෙන බව ද අමාත්යවරයා මෙහිදී පැවසීය. “ඇත්ත වශයෙන්ම මම එක පැත්තකින් ස්තූතිවන්ත වෙනවා FUTA එකට. ඒ අය මාත් එක්ක නිරන්තර සංවාදයෙන් හිටියේ. පෙරේදා එවපු ලිපියට පිළිතුරු මම ඊයේ යැව්වා. ඒ අය සාධනීය ලෙස ඒක ගැන බලාවි. අද…
පාස්කු ප්රහාරය සම්බන්ධයෙන් සොයාබැලීම සඳහා පත්කළ ජනාධිපති කොමිසමේ සම්පූර්ණ වාර්තාව කතෝලික රදගුරු සමුළුවයට භාර දී තිබේ. ජනාධිපතිවරයාගේ අනුමැතිය සහිතව අමාත්ය ටිරාන් අලස් මහතා විසින් එම වාර්තාවේ පිටපතක් කතෝලික රදගුරු සමුළුවේ සභාපති, ගරු හැරල්ඩ් ඇන්තනී පෙරේරා පියතුමන් ට භාර දී ඇත.
ඉදිරි වසර 25 සඳහා වු ජාතික අධ්යාපන ප්රතිපත්තියක් සහ අදාළ ප්රතිසංස්කරණ යෝජනා සකස් කිරීමට අමාත්ය මණ්ඩල අනුකමිටුවක් පත්කිරීමට කැබිනට් අනුමැතිය හිමිව තිබේ. ජනාධිපතිවරයා, අගමැතිවරයා සහ අධ්යාපන අමාත්යවරයාගේ සහභාගීත්වයෙන් සාමාජිකයින් 10දෙනෙකුගෙන් සමන්විතව එම අනුකමිටුව පත්කිරීමට නියමිතය. ජනාධිපතිවරයා විසින් ඉදිරිපත් කළ යෝජනාවක් අනුව කැබිනට් මණ්ඩලය විසින් එය අනුමත කර තිබේ. රටේ ආර්ථික ස්ථාවරත්වය ළඟා කර ගැනීමේ ක්රියාවලිය අතරතුර කඩිනමින් ප්රතිසංස්කරණ හඳුන්වා දිය යුතු ප්රධාන අංශයක් ලෙස රජය විසින් අධ්යාපන ක්ෂේත්රය හඳුනාගෙන ඇත. ඒ අනුව අදාළ සියලු පාර්ශවයන්ගේ දායකත්වයෙන් නව අධ්යාපන ප්රතිපත්ති රාමුවක් ක්රියාවට නැංවීමට අපේක්ෂා කෙරේ.
මැයි මස 1 වන දින සිට ක්රියාත්මක වන පරිදි නුවරඑළිය දිස්ත්රික්කයේ මහල් 4කට වැඩි නව ගොඩනැගිලි ඉදිකිරීම සීමා කර තිබේ. නාගරික සංවර්ධන අධිකාරි පනතේ විධිවිධාන අනුව රෙගුලාසි පැනවීමට ජනාධිපතිවරයා විසින් ඉදිරිපත් කළ යෝජනා සඳහා අමාත්ය මණ්ඩල අනුමැතිය ලබාදෙමින් එම තීරණය ගෙන ඇත. නුවරඑළිය ප්රදේශයේ සිදුකෙරෙමින් පවතින අවිධිමත් සංවර්ධනය හේතුවෙන් නුවරඑළිය නගරයේ සුන්දරත්වය ක්රමයෙන් අඩුවෙමින් පවනිත අතර එමගින් සංචාරක කර්මාන්තයට විශාල බලපෑමක් සිදුව ඇති බව ජනාධිපතිවරයා පසුගිය දා පැවසීය. එම නිසා එම ප්රදේශයේ සංචාරක ව්යාපාරයේ වර්ධනයට අවශ්ය පරිසරයක් නිර්මාණය කෙරෙන පරිදි සවිස්තරාත්මක සංචාරක සංවර්ධන ප්රධාන සැලැස්මක් සකස් කිරීමේ අවශ්යතාව පැන නැගී ඇති බැවින් මෙම තීරණය ගෙන ඇත.
ආරක්ෂක හේතූන් මත කොළඹ කොටුව ජනාධිපති මන්දිරය සහ ජනාධිපති ලේකම් කාර්යාලය කෝට්ටේ ශ්රී ජයවර්ධනපුර පාර්ලිමේන්තුව ආසන්නයට රැගෙන යාමේ සැලසුමක් සම්බන්ධයෙන් රජයේ අවධානය මේ වන විට යොමු වී ඇතැයි අභ්යන්තර ආරංචි මාර්ග සඳහන් කරයි. මාදිවෙල ජාතික සඳුන් උයන පිහිටි අක්කර 9 ක භූමි භාගය ජනාධිපති කාර්යාලය ඉදිකිරීමටත් මාදිවෙල කුරුලු උයන සංකීර්ණය ඉදිකිරීමට යෝජිත අක්කර 38 ක භූමිය ජනාධිපති මන්දිරය ඉදිකිරීමට අවධානය යොමු වී ඇත. තලංගම පොලිස් වසමේ පිහිටි ජාතික සඳුන් උයන පිහිටි ඉඩම පහළවෙළ ග්රාම සේවා වසම ට අයත් වන අතර මිරිහාන පොලිස් බල ප්රදේශයට අයත් කුරුලු උයන ඉදිකිරීමට යෝජිත භූමිය මිරිහාන උතුර, මාදිවෙල, ප්රගතිපුර, හා උඩහමුල්ල ග්රාම සේවා වසම් වලට…
දෙමළ ජාතික සන්ධානය ඇතුළු උතුරු නැගෙනහිර දේශපාලන පක්ෂ එක්ව අද (25) උතුරු නැගෙනහිර පළාත් දෙක තුළ හර්තාල් ව්යාපාරයක් ක්රියාත්මක කිරීමට සැලසුම් කර තිබේ. පාර්ලිමේන්තු මන්ත්රී ශානක්කියන් රාසමානික්කම් මහතා සඳහන් කළේ, ත්රස්ත විරෝධී පනත ඇතුළු දෙමළ ජනතාව මුහුණදෙන ගැටලු කිහිපයක් මුල් කරගනිමින් එම හර්තාල් ව්යාපාරය පැවැත්වීමට සැලසුම් කර ඇති බවය. උතුරු – නැගෙනහිර හර්තාල් ව්යාපාරය හේතුවෙන් එම ප්රදේශවල පෞද්ගලික බස්රථ ධාවනයට ද බාධා එල්ල වන බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා සඳහන් කළේය.
උසස් පෙළ විභාගයේ උත්තර පත්ර පරීක්ෂා කිරීම සම්බන්ධයෙන් ගනු ලබන ඉදිරි ක්රියාමාර්ග පිළිබඳ තීරණයක් ගැනීම සඳහා විශේෂ සාකච්ඡාවක් අද (25) පස්වරුවේ පැවැත්වෙන බව විශ්වවිද්යාල ආචාර්ය සමිති සම්මේලනය පවසයි. එහි මාධ්ය ප්රකාශක ජ්යෙෂ්ඨ කථිකාචාර්ය චාරුදත්ත ඉලංගසිංහ මහතා සඳහන් කළේ, සිය ගැටලුව සම්බන්ධයෙන් කඩිනම් විසඳුමක් ලබාදීමට ආණ්ඩුව මැදිහත් විය යුතු බවය. මේ අතර විශ්වවිද්යාල අචාර්යවරුන් නොමැතිව ඇතැම් විෂයන්වල උත්තර පත්ර පරීක්ෂා කිරීමට ආණ්ඩුව කටයුතු කිරීම ගැටලු සහගත බව ලංකා ගුරු සංගමයේ ප්රධාන ලේකම් ජෝසප් ස්ටාලින් මහතා සඳහන් කළේය. මේ සම්බන්ධයෙන් ඊයේ (24) පස්වරුවේ පැවති ආණ්ඩු පක්ෂ රැස්වීමේදී විශේෂ අවධානයක් යොමුකළ බව පාර්ලිමේන්තු මන්ත්රී ජගත් කුමාර මහතා ප්රකාශ කළේය.
අලුත් අවුරුද්දෙන් පසුව පළමුවරට පාර්ලිමේන්තුව අද (25) පෙරවරු 09.30ට රැස්වීමට නියමිතය. අපරාධ නඩු විධාන සංග්රහය පනත යටතේ 2023 ජනවාරි මස 30 දිනැති අංක 2217/28 ගැසට් පත්රයේ පළකළ නියමය අද විවාදයට ගැනීමට නියමිතය. මේ අතර ජාත්යන්තර මූල්ය අරමුදලේ විස්තීර්ණ අරමුදල් පහසුකම යටතේ වූ සැකසුම ක්රියාත්මක කිරීම සඳහා වන යෝජනාව පිළිබඳ පාර්ලිමේන්තු විවාදය හෙට (26) සිට ආරම්භ වේ. ඒ අනුව හෙට සිට ලබන 28 වන දින දක්වා දින තුනක් තුළ විවාදය පැවැත්වීමට නියමිත බව මුදල් රාජ්ය අමාත්ය රංජිත් සියඹලාපිටිය මහතා සඳහන් කළේය. මේ අතර මේ සතියේ පාර්ලිමේන්තුවට ඉදිරිපත් කිරීමට නියමිතව තිබූ ප්රතිත්රස්ත පනත ඉදිරිපත් කිරීම තවත් සති කිහිපයක් ප්රමාද කිරීමට කටයුතු කළ…