Author: LFN

දරුවන් තුල රටෙි අනන්‍යතාව, සභ්‍යත්වය පුනර්ජීවනය කරවීමේ සුවිශේෂී වගකීම රදා පවතින්නේ ගුරුවරයා යන චරිතය තුලයි. ඉකුත් දා නිමාවට පත් අපොස සාමාන්‍ය පෙළ විභාගයේ අවසන් දිනය තුල මෙරට දරුවන් තුලින් දැක්නට ලැබුනේ නොහික්මුණු සිසුන් කොඨටාශයක අප්‍රසන්න දසුන් පෙළකි. පාසලෙන් ලබන අධ්‍යාපනය හා ශික්ෂණය දරුවන් තුල අද නොමැති බව ඉන් මොනවාට සමාජගතව ඇත. ගුරුවරයාට අංගුලිමාලයන් මෙන්ම යහපත් පුරවැසියන් ද බිහිකළ හැක. එහෙත් එවන් සුවිශේෂී චරිත ගැන අද අසන්නට ඉතා කලා තුරෙකිනි. විදුහල්පතිවරුන්, ගුරුවරුන් අල්ලස් ගැනීම්, රාජ්‍ය දේපළ අයථා පරිහරනය මෙන්ම පාදඩයින් මෙන් පෙළපාලි යාම,රටේ නීතියට අවනත නොවීම සුලභ සිද්ධීන්ය. දෙමාපියන්ට කළ නොහැකි, උරුම කළ නොහැකි දෙයක් ගුරුවරයාට දරුවකුගේ චරිතය සම්බන්ධයෙන් කළ හැකි…

‍කිසිදු හිඟයකින් තොරව දිවයින පුරා පිරවුම්හල්වලින් ඉන්ධන ලබාගැනීමේ හැකියාව පවතින බව විදුලිබල හා බලශක්ති අමාත්‍ය කංචන විජේසේකර මහතා පවසයි. අමාත්‍යවරයා සිය ට්විටර් ගිණුමේ සටහනක් තබමින් ප්‍රකාශ කර ඇත්තේ මේ වන විට දිවයින පුරා සියලු පිරවුම්හල්වලට ප්‍රමාණවත් තරම් ඉන්ධන තොග නිකුත් කර ඇති බවය. පසුගිය දින 10 තුළ පිරවුම්හල් සඳහා ඉන්ධන ඇණවුම් බෙදාහරින ලද ආකාරය පිළිබඳව වාර්තාවක් ද කංචන විජේසේකර අමාත්‍යවරයා විසින් ප්‍රකාශයට පත්කර තිබේ. ඒ අනුව දෛනිකව ඉන්ධන බෙදාහැරීමේ කටයුතු මේ වන විට සාමාන්‍ය පරිදි සිදුවන අතර දිවයිනේ සෑම පිරවුම්හලකම හිඟයකින් තොරව ඉන්ධන පවතින බව කංචන විජේසේකර මහතා පෙන්වා දී ඇත.

හිටපු අමාත්‍යවරයෙකු වන නවීන් දිසානායක මහතාට ලබන සතිය තුළ දී ආණ්ඩුකාර ධුරයක් ලබාදීමට නියමිතව තිබේ. එක්සත් ජාතික පක්ෂයේ නියෝජ්‍ය නායක ජනාධිපති උපදේශක රුවන් විජේවර්ධන මහතා සඳහන් කළේ අදාළ පත්වීම බොහෝදුරට ලබන අඟහරුවාදා දිනයේ සිදුවනු ඇති බවය. ගම්පහ ප්‍රදේශයේදී මාධ්‍යවේදීන් නැගූ පැනයකට පිළිතුරු ලබා දෙමින් රුවන් විජේවර්ධන මහතා මේ බව පැවසීය.

අක්මීමන ප්‍රදේශයේදී පොලීසිය සිදුකළ වෙඩිතැබීමකින් සැකකරුවෙකු තුවාල ලබා කරාපිටිය රෝහලට ඇතුළත් කර තිබේ. පොලිස් මාධ්‍ය කොට්ඨාසය සඳහන් කළේ ඊයේ (10) රාත්‍රියේ ජංගම යතුරුපැදි මුර සංචාරයේ නිරත අක්මීමන පොලීසියේ නිලධාරීන් දෙදෙනකු විසින් පුද්ගලයින් දෙදෙනකු පරික්ෂා කිරීමට යාමේදී ඇතිවූ සිද්ධියක් අතරතුර මෙම වෙඩි තැබීම සිදුව ඇති බවය. ජංගම මුර සංචාරයේ නිරත පොලිස් නිලධාරීන් විසින් මාර්ගයේ රැඳී සිටි පුද්ගලයින් දෙදෙනකු පරික්ෂා කිරීමේදී එක් අයෙකු පළාගොස් ඇති අතර අනෙක් පුද්ගලයා විසින් බෝම්බයක් දමා ගැසීමට උත්සාහ කර තිබේ. එහිදී පොලීසිය සිදුකළ වෙඩිතැබීමෙන් අදාළ සැකකරු තුවාල ලබා ඇති අතර ඔහු කරාපිටිය රෝහලට ඇතුළත් කළ බව පොලිස් මාධ්‍ය කොට්ඨාසය සඳහන් කළේය. පසුව පළාගිය සැකකරු ද අත්අඩංගුවට ගෙන…

‍මෙරට පුද්ගලයින්ගෙන් ලක්ෂ 75ක පමණ පිරිසක් උග්‍ර ආහාර අනාරක්ෂිතතාවයකට පත්ව ඇති බව පේරාදෙණිය විශ්වවිද්‍යාලයේ ආර්ථික විද්‍යා සහ සංඛ්‍යායන අධ්‍යයන අංශයේ මහාචාර්ය වසන්ත අතුකෝරළ මහතා පවසයි. ඔහු පෙන්වා දෙන්නේ එක්සත් ජාතීන්ගේ ආහාර සහ කෘෂිකර්ම සංවිධානය එක්ව සිදුකළ නවතම අධ්‍යයනයකදී මෙම තොරතුරු අනාවරණය වී ඇති බවය. ඇතැම් පළාත්වල සියයට 88ක පමණ පිරිසක් ආහාර අනාරක්ෂිතතාවයෙන් පෙළෙන බව මහාචාර්ය වසන්ත අතුකෝරළ මහතා සඳහන් කළේය. ‍2019 වර්ෂයට සාපේක්ෂව මේ වනවිට මෙරට ආහාර සුරක්ෂිතතාව පහත වැටී ඇති බව ද මහාචාර්ය වසන්ත අතුකෝරළ මහතා වැඩිදුරත් පැවසීය.

තුර්කියේ පුපුරණ ද්‍රව්‍ය නිෂ්පාදන කර්මාන්ත ශාලාවක පිපිරීමක් සිදුව ඇති බව විදෙස් මාධ්‍ය වාර්තා කර ඇත. එම වාර්තා වැඩිදුරටත් සඳහන් කරන්නේ මෙම පිපිරීම හේතුවෙන් පුද්ගලයින් 5දෙනෙකු මියගොස් ඇති බවය. මේ අතර විදෙස් මාධ්‍ය වාර්තා කළේ පිපිරීමත් සමග අදාල කර්මාන්තශාලාව පිහිටි ගොඩනැගිල්ලද කඩා වැටී ඇති බවය. අනතුර සිදුවන අවස්ථාවේ ගොඩනැගිලල් තුළ සිටි එම කර්මාන්තශාලාවේ සේවකයින් 5දෙනාම මිය ගොස් ඇති බව බලධාරීන් පවසයි. පිපිරීමට හේතුව මෙතෙක් අනාවරණය වී නොමැත.

ගාල්ල, හබරාදුව තල්පේ මුහුදේ දියනාමින් සිටි සිසුන් හය දෙනෙක් මුහුදු රළ පහරට හසුවී ගසාගෙන ගොස් තිබුණි. අද (10) හවස් වරුවේ එම සිදුවීම සිදුව තිබුණි. ඉන් සිසුන් 5 දෙනෙක්ව ප්‍රදේශවාසීන් සහ පොලීසිය එක්ව බේරාගෙන ඇති අතර එක සිසුවෙක් අතුරුදන්ව තිබුණි. දියේ ගිලී අතුරුදන්වී ඇති සිසුවා කුරුණෑගල පොතුහැර ප්‍රදේශයේ පදිංචිව සිටි 16 හැවිරිදි අයෙකි. කුරුණෑගල ප්‍රදේශයේ උපකාරක පන්තියක් මගින් සංවිධානය කර තිබූ විනෝද චාරිකාවක් සඳහා පැමිණ සිටි සිසු සිසුවියන් පිරිසක් තල්පේ මුහුදුතීරයේ දී එම සිද්ධියට මුහුණදී තිබේ.

ඊයේ (09) පස්වරුවේ මාතර කොටවිල රෝහල ඉදිරිපිටදී විරෝධතාවයක් පැවැත්විණි. තරුණයෙක් මියයාමේ සිද්ධියක් මුල්කරගනිමින් මෙම විරෝධතාවය සංවිධානය කර තිබිණි. අදාළ තරුණයා මියගොස් තිබුණේ යතුරුපැදියක් මතට ගසක් කඩාවැටීමෙන් සිදුවූ අනතුරක් හේතුවෙනි. කෙසේවෙතත් විරෝධතාවයේ නිරත වූ පිරිස පැවසුවේ කොටවිල රෝහලේ නොසැලකිල්ල මෙම මරණයට හේතුවූ බවය. ඔවුන් චෝදනා කරමින් පැවසුවේ ප්‍රථමයෙන් කොටවිල රෝහලට රැගෙන ආ තුවාල ලැබූ තරුණයාට ප්‍රකිකාර කිරීම ප්‍රතික්ෂේප කළ බවය. එසේම රෝහල් බලධාරීන් විසින් තුවාල ලැබූ තරුණයා ප්‍රතිකාර සඳහා මාතර රෝහල වෙත රැගෙන යාමට ගිලන් රථයක් හෝ නොදුන් බවද විරෝධතාකරුවන් පවසයි.

දරුවන්ගේ ආකල්ප වර්ධනය කරන්න පුළුවන් හොඳම පරිසරය නිවස සහ පාසලයි. එය එසේ වුවත් පසුගිය සති කිහිපය පුරා ඇතැම් දරුවන්ගේ අනිසි ක්‍රියාගැන නිරන්තරයෙන් වාර්තා විය. ලංකා ගුරු සංගමය පවසන්නේ මේ තත්ත්වයට පාසල් ගුරුවරු ඇතුළු අධ්‍යාපන බලධාරීන් ද වගකිව යුතු බවය. සුදු ඇඳුමෙන් සැරසුණු දරුවන් දකින ඕනෑම කෙනෙක්ට හිතෙන්නේ ආයේ පාසල් යන්න ඇත්නම් යනුවෙනි. ඒ පාසල් කාලය එතරම්ම ම සුන්දරය. නමුත් ඒ සුන්දරත්වය විවිධ දරුවන් අවබෝධ කරගෙන තියෙන්නේ, එය විඳින්නේ විවිධ ආකාරයෙනි. පසුගියදා පැවති සාමාන්‍ය පෙළ විභාගය අතරේ බොහෝදෙනෙකුගේ කතාබහට ලක්වූ දසුන් සහ සේයා රූ කිහිපයක් සමාජ මාධ්‍යවල සංසරණය විය . ඇතැම් පාසල්, විභාගයට මුහුණ දෙන්න පාසලට එන දරුවන්ට ආශිර්වාද කරන්නට දිරි…

මුල්ලේරියාව, හල්බරාව ප්‍රදේශයේ දී සිදුවූ පස්හැවිරිදි පිරිමි දරුවාගේ මරණය සම්බන්ධයෙන් තවත් පුද්ගයෙකුව අත්අඩංගුවට ගෙන තිබේ. එලෙස අත්අඩංගුවට ගෙන ඇත්තේ මිය ගිය දරුවාගේ සීයාව බව අද දෙරණ වාර්තාකරු ප්‍රකාශ කළේය. සැකකරුව (11) අධිකරණයට ඉදිරිපත් කිරීමට නියමිතය.