Author: LFN

බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා විසින් ඉදිරිපත් කළ රිට් පෙත්සමේ තීන්දුව ප්‍රකාශ කිරීම ලබන සඳුදා (26) දක්වා කල්තැබීමට අභියාචනාධිකරණය නියම කළේය. අරගලකරුවන් ජනාධිපති මන්දිරයට ඇතුළුවූ අවස්ථාවේදී එහි තිබී රුපියල් එක්කෝටි හැත්තෑ ලක්ෂයකට අධික මුදල් සොයාගැනීමේ සිද්ධිය සම්බන්ධයෙන් තමන්ට එරෙහිව කොටුව මහෙස්ත්‍රාත් අධිකරණය හමුවේ ගොනුකර තිබෙන පුද්ගලික පැමිණිල්ලක් බලරහිත කරන ලෙස ඉල්ලා දේශබන්දු තෙන්නකෝන් මහතා මෙම රිට් පෙත්සම ගොනුකර තිබේ. මෙම තීන්දුව අද (23) දින ප්‍රකාශයට පත් කිරීමට නියමිතව තිබුණි. එහෙත් අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ ඒ. මරික්කාර් යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ල සඳහන් කළේ එම තීන්දුව ප්‍රකාශ කිරීම ලබන සඳුදා සිදුකරන බවය. මේ…

මහජන උපයෝගීතා කොමිසමේ නව සභාපති ධුරය සඳහා යෝජනා වූ මහාචාර්ය මංජුල ප්‍රනාන්දු මහතාට ආණ්ඩුක්‍රම ව්‍යවස්ථා සභාවේ අනුමැතිය හිමිව තිබේ.

ලෝක කුසලාන තරගාවලියට සුදුසුකම් ලැබීමේ වටයේ 11 වන තරගය ශ්‍රී ලංකාව සහ ඕමානය අතර දැන් බුලවායෝ හිදී පැවැත්වෙයි. එහිදී ප්‍රථමයෙන් පන්දුවට පහරදුන් ඕමාන ක්‍රීඩකයින් පන්දුවාර 30යි පන්දු 2කදී ලකුණු 98ක් ලබා සිටියදී ශ්‍රී ලංකා කණ්ඩායමේ විශිෂ්ට පන්දු යැවීම හමුවේ සියලුදෙනා දැවී ගියේය. සුපිරි පන්දු යැවීමක නිරතවූ වනිඳු හසරංග ලකුණු 13කට කඩුලු 5ක් දවාගැනීමට සමත්විය. ලහිරු කුමාර කඩුලු 3ක් සහ කසුන් රාජිත එක් කඩුල්ලක් දවාගත්තේය. ඕමානය වෙනුවෙන් යම්තාක් දුරට සාර්ථක පිතිකරණයක නියැලුණේ Ayaan Khan පමණි. පන්දු 60කදී ඔහු ලකුණු 41ක් රැස්කරගැනීමට සමත්විය. Jatinder Singh ලකුණු 21ක් ලබා ගත්තේය.

ටයිටැනික් නෞකාවේ සුන්බුන් ගවේෂණයට ගිය ටයිටන් සබ්මැරීනය පුපුරා විනාශවී එහි සිටි මගීන් පස්දෙනාම මියගොස් ඇති බව අමෙරිකානු වෙරළාරක්ෂක සේවය තහවුරු කළේය. නමුත් අමෙරිකානු බලධාරීන් පවසන්නේ මියගිය පිරිසගේ මෘතදේහ සොයාගැනීම දුෂ්කරවනු ඇති බවය. මගීන් 5දෙනෙකු රැගත් කුඩා ප්‍රමාණයේ ටයිටන් සබ්මැරීනය සමග පෝලාර් ප්‍රින්ස් නෞකාව පසුගිය ඉරිදා ගමන් ආරම්භ කළේ නැගෙනහිර කැනඩාවේ නිව්ෆවුන්ඩ්ලන්ඩ් වරායෙනි. අත්ලාන්තික් සාගරයේ මීටර් 3,800ක ගැඹුරේ පිහිටි ටයිටැනික් නෞකාවේ සුන්බුන් ගවේෂණය මේ පිරිසගේ අරමුණ විය. නමුත් සබ්මැරීනය දියත් කර පැයයි මිනිත්තු 45කදී සියලු සන්නිවේදන සබඳතා බිඳවැටී ඇත. එම සිද්ධිය වෙරළාරක්ෂක නිලධාරීන් වෙත දැනුම් දී තිබුණේ ඉන් පැය 8කට පසුවය. අනතුරුව සබ්මැරීනය සොයා දින 4ක කාලයක් තිස්සේ දැවැන්ත මෙහෙයුමක් ක්‍රියාත්මක…

කැනේඩියානු පාර්ලිමේන්තුව විසින් යෝජනා කර ඔවුන් විසින්ම සම්මත කර ගනු ලැබූ දෙමළ ජන සංහාර අනුස්මරණ දිනය (මැයි 18) වෙනුවෙන් කැනඩාවේ අග්‍රාමාත්‍ය ජස්ටින් ටෲඩෝ නිකුත් කළ නිවේදනයට විරුද්ධව ජාතිය ගොඩනැගීම හා සංහිඳියාව උදෙසා වූ ව්‍යාපාරය විසින් ශ්‍රී ලංකා කැනේඩියානු මහකොමසාරිස් කාර්යාලය ඉදිරිපිට අද (23) විරෝධතාවයක් පැවැත් වූහ. එහිදි ඔවුන් පැවසුවේ කැනේඩියානු අග්‍රාමාත්‍ය ජස්ටින් ටෘෘඩෝ මහතා විසින් මැයි 18 යනු දෙමළ ජන සංහාරයක් සිදු කල දිනයක් බවත්, වසර 14කට පෙර දෙමළ ජනයා දහස් ගණනකට දිවි අහිමි වූ බවත්, මුල්ලිවයික්කාල් ඝාතන එයට නිදසුන් බව පෙන්වා දෙමින් සාවද්‍ය, අසත්‍ය, අන්තවාදී, අයුක්ති සහගත මෙන්ම අභූත චෝදනාවක් එල්ල කරනු ලැබූ අතර, එය සංවිධානයක් වශයෙන් මෙන්ම සමස්ථ ශ්‍රී…

අධිකරණයට අපහාස කිරීම සම්බන්ධයෙන් රාජ්‍ය ඇමතිනී ඩයනා ගමගේ මහත්මියට එරෙහිව පියවර ගන්නා ලෙස අභියාචනාධිකරණයේ සභාපති විනිසුරුවරයා වෙත ඉල්ලීමක් යොමු කරන බව කොළඹ මහෙස්ත්‍රාත් අධිකරණය ඊයේ (22) නියෝග කළේය. අපරාධ පරීක්ෂණ දෙපාර්තමේන්තුව සහ සමාජ මාධ්‍ය ක්‍රියාකාරිකයෙකු වන ඔෂල හේරත් මහතා වෙනුවෙන් පෙනී සිටි නීතිඥවරුන් විසින් ඉදිරිපත් කළ කරුණු සලකාබැලීමෙන් අනතුරුව කොළඹ ප්‍රධාන මහෙස්ත්‍රාත් ප්‍රසන්න අල්විස් මහතා මෙම නියෝගය නිකුත් කර තිබුණි. රාජ්‍ය ඇමතිනී ඩයනා ගමගේ මහත්මියගේ පුරවැසිභාවයට අදාළව කොළඹ මහෙස්ත්‍රාත් අධිකරණය හමුවේ ගොනුකර ඇති නඩුවක නියෝගයක් පසුගිය අප්‍රේල් මස 24 වනදා කොළඹ ප්‍රධාන මහෙස්ත්‍රාත් ප්‍රසන්න අල්විස් මහතා විසින් ප්‍රකාශයට පත් කර තිබුණි. ඉකුත් මැයි මස 29 වනදා ‘අද දෙරණ’ රූපවාහිනී නාලිකාවේ…

උද්ධමනය පහළ ගියද ඇතැම් භාණ්ඩවල මිල අඩු නොවීමට පිළියමක් ලෙස ඉදිරි සති කිහිපය තුළ මිල පාලනය සම්බන්ධයෙන් දැඩි පියවර ගැනීමට සිදුවනු ඇතැයි වෙළෙඳ අමාත්‍ය නලින් ප්‍රනාන්දු මහතා පවසයි. ‘ස්ථාවර රටකට සැවොම එකමඟකට’ මැයෙන් රජය මගින් පවත්වන මාධ්‍ය හමුවට ඊයේ (22) එක්වෙමින් අමාත්‍යවරයා මේ බව සඳහන් කළේය. “ඒ කියන්නේ ඉදිරි සති කිහිපය තුළ පාලන මිලවල් එන්න පුළුවන්. ගැසට් නිවේදන එන්න පුළුවන්. එක්කෝ තරගයට ලෑස්ති වෙන්න.. නැත්තම් මිල අඩු කරන්න” මේ අතර, පසුගියදා ආනයනය තහනම් කර තිබූ භාණ්ඩ කිහිපයක් යළි ආනයනයට අවසර ලබාදෙමින් ගැසට් නිවේදනයක් නිකුත් කෙරුණ ද ටයිල් ආනයනයට එමගින් අවසර ලබාදී නැතැයි ටයිල් හා සනීපාරක්ෂක ආනයනකරුවන්ගේ සංගමය පැවසීය. වෙළෙඳ අමාත්‍ය…

නේපාල කණ්ඩායමට එරෙහිව ලෝක කුසලාන සුදුසුකම් ලැබීමේ තරගයේ ලකුණු 101ක ජයක් ලබාගැනීමට කොදෙව් කණ්ඩායම ඊ සමත්විය. එම තරගය පැවැත්වුණේ සිම්බාබ්වේ හරාරේ ක්‍රීඩාංගණයේදීය. ලකුණු 340ක ජයග්‍රාහී ඉලක්කයක් හඹා ගිය නේපාල ක්‍රීඩකයින් පන්දුවාර 49යි පන්දු 4කදී සියලුදෙනා දැවී රැස්කරගත්තේ ලකුණු 238ක් පමණි. පන්දු යැවීමේදී Jason Holder කඩුලු 3ක් දවාගත් අතර Alzarri Joseph, Keemo Paul සහ Akeal Hosein කඩුලු 2 බැගින් දවාගැනීමට සමත්විය. නේපාලය වෙනුවෙන් Aarif Sheikh ලකුණු 63ක් රැස්කළේය. තරගයේ ප්‍රථමයෙන් පන්දුවට පහරදුන් කොදෙව් පිතිකරුවන් පන්දුවාර 50 අවසානයේ කඩුලු 7ක් දැවී රැස්කළ ලකුණු සංඛ්‍යාව 339කි. මෙම ජයග්‍රහණයත් සමග ලෝක කුසලාන තරගාවලියට සුදුසුකම් ලැබීමේ වටයේ A ඛාණ්ඩය යටතේ තරග වදින කොදෙව් කණ්ඩායම එහි…

දකුණු කොරියාවට ශ්‍රමිකයින් පිටත්කර යැවීමේදී ශ්‍රීලන්කන් මගින් සේවාව ලබා ගැනීමට අකමැතිනම්, ඒ සඳහා කොරියානු ගුවන් සේවයට අවස්ථාව ලබා දෙන බව වරාය, නාවික හා ගුවන් සේවා අමාත්‍ය නිමල් සිරිපාල ද සිල්වා මහතා පවසයි. ඉකුත් 20 වනදා දකුණු කොරියාව බලා පිටත්ව යෑමට නියමිතව තිබූ ශ්‍රී ලංකන් ගුවන් සේවයට අයත් UL 470 යානයේ සිදුවූ ප්‍රමාදය සම්බන්ධයෙන් ඊයේ (22) පාර්ලිමේන්තුවේදී ප්‍රකාශයක් කරමින් අමාත්‍යවරයා මේ බව ප්‍රකාශ කළේය. ” එදා කොරියාව බලා ගමන් කිරීමට නියමිතව තිබුණු ගුවන් යානයේ ප්‍රධාන පයිලට් ඇතුළුව තව ෆස්ට් ඔෆිසර් කෙනෙක් හිටියා. එතුමා දවල් 13.40 ට වෛද්‍ය සහතිකයක් එවලා කියලා තියෙනවා මට ෆ්ලයි කරන්න බෑ අද කියලා. ජාත්‍යන්තර නීතිරීති අනුව ප්‍රධාන…

ශ්‍රී ලංකාවේ ණය අර්බුදය විසඳීම සඳහා සැප්තැම්බර් මාසය වනවිට ණය ප්‍රතිව්‍යුහගත කිරීමේ ක්‍රියාවලිය අවසන් කිරීමට සැලසුම්කර ඇති බව ජනාධිපති රනිල් වික්‍රමසිංහ මහතා පවසයි. ලන්ඩන් හිදී පැවැති ජාත්‍යන්තර ප්‍රජාතන්ත්‍රවාදී සංගමයේ 40 වන සංවත්සර උත්සව අවස්ථාව අතරතුර ජනාධිපතිවරයා මේ බව සඳහන් කර තිබේ. ජාත්‍යන්තර ප්‍රජාතන්ත්‍රවාදී සංගමයේ (IDU) 40 වන සංවත්සරයට සමගාමීව ජුනි මස 19 සහ 20 යන දෙදින තුළ ලන්ඩන් නුවර පැවති එම සංගමයේ වාර්ෂික සංසදයට ජනාධිපති රනිල් වික්‍රමසිංහ මහතා එක්වුණි. ජනාධිපති රනිල් වික්‍රමසිංහ මහතා මෙම අදහස් පළ කළේ කැනඩාවේ හිටපු අගමැති ස්ටීවන් හාපර් මහතා සමඟ සාකච්ඡාවකට එක්වෙමිනි.