Author: LFN

සුඛෝපභෝගී හෝටල් ව්‍යාපෘතියක් ක්‍රියාත්මක කිරීම සඳහා එක්සත් අරාබි එමීර් රාජ්‍යයේ කැපිටල් ඉන්වෙස්මන්ට් එල්.එල්.සී ආයතනය වෙත දීර්ඝකාලීන බදු පදනම මත ඉඩමක් ලබාදීම සඳහා කැබිනට් අනුමැතිය ලැබී තිබේ. එක්සත් අරාබි එමීර් රාජ්‍යයේ කැපිටල් ඉන්වෙස්මන්ට් ආයතනය විසින් පූර්ණ වශයෙන් සෘජු විදේශ ආයෝජනයක් ලෙස ඇමෙරිකා එක්සත් ජනපද ඩොලර් මිලියන 25ක් යෙදවීමෙන් හෝටල් සංකීර්ණයක් ඉදිකර ඉදිකර පවත්වාගෙන යාමේ ව්‍යාපෘතියක් සඳහා දැනට ලංකා විදුලිබල මණ්ඩලය භාරයේ පවතින මාඋස්සාකැලේ ජලාශයට යාබද ව පිහිටි ඉඩම් කොටසක් හා ජලාශයේ පිහිටි කුඩා දිවයිනක් දිගු කාලීන බදු පදනම මත ලබා ගැනීම පිණිස ව්‍යාපෘති යෝජනාවක් ඉදිරිපත් කර ඇත. ඒ අනුව අදාළ ආයතන වල එකඟතාවය ලබා ගනිමින් යෝජිත ව්‍යාපෘතිය ක්‍රියාත්මක කිරීම පිණිස එකී…

ස්කොට්ලන්ත කණ්ඩායම සමඟ පැවති තරඟයද ලකුණු 82කින් ජය ගැනීමට ශ්‍රී ලංකා කණ්ඩායම සමත් වුණා. කාසියේ වාසිය දිනූ ස්කොට්ලන්ත කණ්ඩායමේ ඇරයුමින් පළමුව පන්දුවට පහර දුන් ශ්‍රී ලංකා කණ්ඩායම පන්දුවාර 49යි පන්දු 3ක් අවසානයේ සියලු දෙනා දැවී ලකුණු 245ක් රැස් කළා. පැතුම් නිස්සංක රැස් කළ ලකුණු සංඛ්‍යාව 75ක්. පන්දු 85කට මුහුණ දුන් ඔහුගේ ඉනිමට හතරේ පහර 10ක් ඇතුළත් වුණා. පන්දු 65කට මුහුණ දුන් චරිත් අසලංක ලකුණු 63ක් රැස් කළේ හයේ පහර 2ක් සහ හතරේ පහර 4ක්ද සමඟින්. කෙසේ වෙතත් සෙසු ක්‍රීඩකයින් කිසිවෙකුට ලකුණු 27 සීමාව ඉක්මවා යාමට ස්කොට්ලන්ත පන්දු යවන්නන් ඉඩ ලබා දුන්නේ නැහැ. ජයග්‍රාහී ලකුණු 246ක ඉලක්කයක් හඹා යාමට පිටියට පිවිසි…

2014-2015 කාලයේදී ලංකා සතොස ආයතනය හරහා සහල් ගෙන්වීම නිසා රු. බිලියන 6ක පාඩුවක් සිදුවී ඇති බව කෝප් කමිටුවේදී අනාවරණය වී තිබේ. ඒ බව අනාවරණය වූයේ පසුගියදා ලංකා සතොස ආයතනයේ 2019 සහ 2020 වර්ෂවල විගණකාධිපති වාර්තා සහ වර්තමාන කාර්යසාධනයට අදාළ කරුණු පිළිබදව විමර්ශනය කිරීමට කෝප් කමිටුව රැස්වූ අවස්ථාවේදීය. ලංකා සතොස සහල් ගෙන්වූ එම සහල් තොග කල්ඉකුත්වීම නිසා සත්ත්ව ආහාරවලට විකිණීම සිදුව ඇති බවද මෙහිදී සාකච්ඡා විය. මෙම සිදුවීම සම්බන්ධයෙන් මීට පෙර විගණකාධිපතිවරයා විසින් වාර්තාවක් පිළියෙල කර ඇති බවත් මේ අනුව ඉදිරියේදී ඒ සම්බන්ධයෙන් සාකච්ඡා කිරීමටත් කමිටුවේදී තීරණය වුණි. ලංකා සතොස ආයතනයේ 2022 වසරේ පාඩුව මිලියන 600කට ආසන්න බවත් මෙහිදී හෙළිවිය. එසේම…

දේශීය ණය ප්‍රතිව්‍යුහගත කිරීම මගින් සේවක අර්ථසාධක අරමුදල ඇතුළු කිසිඳු මහජන අරමුදල්වල සාමාජික ශේෂයට බලපෑමක් එල්ල නොවන බවත්, අතීතයේ ගෙවා ඇති සුපිරි විශ්‍රාම අරමුදල් ප්‍රතිලාභ අනුපාතයට ද කිසිඳු ආකාරයකට බලපෑමක් නැති බවත් ජනාධිපති රනිල් වික්‍රමසිංහ මහතා පැවසීය. එසේම දේශීය ණය ප්‍රතිව්‍යුහගත කිරීම මඟින් මෙරට බැංකු පද්ධතියේ ස්ථායීතාවයට හෝ කිසිඳු රාජ්‍ය හෝ පෞද්ගලික බැංකුවක ස්ථායීතාවයට බලපෑමක් එල්ල නොවන බවද ජනාධිපතිවරයා පවසයි. රටේ මිලියන 50කට අධික බැංකු තැන්පත්කරුවන්ගේ කිසිඳු තැන්පතුවකට ද මෙහි බලපෑමක් නැති බවත්, දැනට ගෙවනු ලබන බැංකු තැන්පතු සඳහා වන කිසිඳු පොලියකට බලපෑමක් එල්ල නොවන බවත් ජනාධිපතිවරයා පැවසීය. විදේශීය මෙන්ම දේශීය ණය ප්‍රතිව්‍යුහගත කිරීමේ යෝජනා අද (28) පැවැත්වෙන විශේෂ කැබිනට්…

චීනයේ සිට ශ්‍රී ලංකාව දක්වා Air China ගුවන් සේවය සෘජු ගුවන් ගමන් ආරම්භ කිරීමට තීරණය කර ඇත. ඒ අනුව චීනයේ සිචුආන් සිට කටුනායක දක්වා ගුවන් ගමන් වාර 3ක් සහ කටුනායක සිට චීනයේ සිචුආන් දක්වා ගුවන් ගමන් වාර 3ක් ආරම්භ කිරීමට නියමිතව තිබේ. කටුනායක ගුවන්තොටුපොළ පවසන්නේ එම ගුවන් ගමන් එළඹෙන ජුලි මස 03 වනදා සිට ක්‍රියාත්මක වීමට නියමිත බවය. ඒ අනුව චීනයේ සිචුආන් සිට ගමන් අරඹන Air China CA 425දරණ ගුවන් යානය සතියේ සෑම දිනකම සඳුදා, බදාදා සහ සිකුරාදා දිනවල රාත්‍රී 08.55ට කටුනායකට ළඟාවීමට නියමිතය. එසේම කටුනායක සිට ගමන් අරඹන Air China CA 426 දරණ ගුවන් යානය සතියේ සෑම දිනකම සඳුදා,…

දිනයේදී ග්‍රහකයක් පෘථිවියට ආසන්නයෙන් ගමන් කරනා බව නාසා ආයතනය පවසයි. එම ආයතනය වැඩිදුරටත් පවසන්නේ එම ග්‍රහකයේ විශ්කම්භය මීටර් 160 ක් පමණ වන බවය. මේ අතර එය පෘථිවියට සැතපුම් මිලියනයක් ආසන්නයෙන් ගමන් කිරීමට නියමිත බවද අදාළ වාර්තා වැඩිදුරටත් පෙන්වාදෙයි. එය පැයට සැතපුම් 26,000ක වේගයකින් ගමන්ගැනීමට නියමිතය. පෘථිවියට ඉතාමත් සමීපයෙන් ගමන් කළත්, විද්‍යාඥයින් පුරෝකතනය කරන්නේ ඉන් කිසිදු හානියක් සිදුනොවනු ඇති බවය.

බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් වැසි වාර කිහිපයක් ඇති වේ. කාලගුණවිද්‍යා දෙපාර්තමේන්තුව නිවේදනය කළේ, වයඹ පළාතේ වැසි ස්වල්පයක් ඇති විය හැකි බවය. ඌව පළාතේත් අම්පාර සහ මඩකළපුව දිස්ත්‍රික්කවලත් සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකිය. මධ්‍යම කඳුකරයේ බටහිර බෑවුම් ප්‍රදේශවලත්, උතුරු-මැද පළාතේත් පුත්තලම, හම්බන්තොට සහ ත්‍රිකුණාමලය දිස්ත්‍රික්කවලත් විටින් විට හමන පැ.කි.මී. 40-45ක පමණ තරමක තද සුළං ඇතිවිය හැකිය. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටී.

විදුලිබල මණ්ඩලයේ නිලධාරීන්ට පහර දුන් කර්නල්ට පොලිස් ඇප විදුලිය විසන්ධි කිරීමට පැමිණි විදුලිබල මණ්ඩලයේ නිලධාරීන්ට පහර දීමට තැත් කළ යුද හමුදා ලුතිනන් කර්නල්වරයකු පොලිස් ඇප මත මුදාහැරීමට දිවුලපිටිය පොලිසිය පියවර ගෙන තිබෙනවා. දිවුලපිටිය ප්‍රදේශයේ පිහිටි ලූතිනන් ක‍ර්නල්වරයාගේ නිවෙසේ විදුලි බිල්පත් නොගෙවීම හේතුවෙන් විදුලිබල මණ්ඩලයේ නිලධාරීන් විදුලිය විසන්ධි කිරීමට පැමිණ ඇති බවයි පොලිසිය පැවසුවේ. එම අවස්ථාවේදී ඇති වූ වචන හුවමාරුවක් දුරදිග යාමෙන් ලුතිනන් කර්නල්වරයා මෙලෙස පහරදීමට තැත් කර ඇති බවයි වාර්තා වන්නේ. දිවුලපිටිය පොලිසිය වැඩිදුර විමර්ශන සිදු කරනවා.

විශ්වවිද්‍යාල සිසුන්ගේ මහපොළ ශිෂ්‍යත්ව ආධාර සඳහා මුදල් නිකුත් කර ඇති බව අධ්‍යාපන අමාත්‍යාංශය නිවේදනය කරයි. එහි දැක්වෙන්නේ අධ්‍යාපන අමාත්‍යාංශයේ මැදිහත්වීමෙන් රජය විසින් රුපියල් ලක්ෂ 3,100ක මුදලක් මහපොළ භාරකාර අරමුදලින් එලෙස මහපොළ ශිෂ්‍යත්ව ආධාර සඳහා නිකුත් කර ඇති බවය. එම මුදල් මාර්තු සහ අප්‍රේල් යන මාස 02 සඳහා ශිෂ්‍යාධාර ලෙස සිසුන්ගේ ගිණුම්වලට මෙම සතිය ඇතුළත බැර කෙරෙනු ඇති බවද අදාළ නිවේදනයේ දැක්වෙයි.

ජනාධිපති රනිල් වික්‍රමසිංහ මහතා විසින් හෙට (28) දිනයේ ආණ්ඩු පක්ෂ මන්ත්‍රීවරු සමග විශේෂ සාකච්ඡාවක් පැවැත්වීමට නියමිතව තිබේ. ඒ අනුව සවස 5ට ජනාධිපති ලේකම් කාර්යාලයේදී එම හමුව පැවැත්වෙනු ඇත.