Author: LFN

ගම්පහ නගරය ආශ්‍රිතව සහ නගරයට නුදුරු ප්‍රදේශයක පාසල් දෙකක සිසුවියන් දෙදෙනකු (28) සිට අතුරුදහන් බවට ගම්පහ සහ වැලිවේරිය පොලිස්ථාන වෙත පැමිණිලි ලැබී ඇත. අවුරුදු 16 සහ 18 වයසේ පසුවන 11 වෙනි ශ්‍රේණිය හා 12 වන ශ්‍රේණියෙහි ඉගෙනුම ලබන සිසුවියන් දෙදෙනකු මෙලෙස අතුරුදහන්ව ඇති අතර ගම්පහ නගරයේ පාසල් සිසුවිය පාසල නිමවී යන විට අතුරුදහන්ව ඇති බවත් අනෙක් සිසුවිය ඊයේ පාසල් නොගොස් වෙනත් පාසලකට යන බව නිවසට පවසා ගොස් ඇති බවත් පොලීසිය පවසයි. වැලිවේරිය සහ ගම්පහ ප්‍රදේශයේ පදිංචි මෙම සිසුවියන්ගේ අතුරුදහන් වීම සම්බන්ධයෙන් ගම්පහ මූලස්ථානය පොලීසියත් වැලිවේරිය පොලීසියත් පරීක්ෂණ සිදු කරයි.

ජල අර්බුදයකට ලක්ව තිබෙන අඟුණකොළපෑලැස්ස මැටිගත්තවල කුඹුරුකට ජලය හැරවීමට ගියා මාමා සහ බෑනා අතර වූ බහින් බස් වීමකින් අනතුරුව බෑනා විසින් මාමාට කැති පහරක් ගසා බරපතල තුවාල සිදු කොට ඇතැයි අඟුණකොළපෑලැස්ස පොලීසිය පවසයි. බෑනාගේ කැති පහරින් තුවාල ලබා ඇත්තේ වයස අවුරුදු 74 ක අයකු බව පොලීසිය කියයි. තුවාලකරු මේ වන විට හම්බන්තොට දිස්ත්‍රික් මහ රෝහලේ ප්‍රථිකාර ලබමින් සිටී. උඩවලව විශේෂ මහවැලි කලාපයට අයත් මැටිගත්තවල කුඹුරු යායටද මේ වන විට ජල හිඟයක් පවතී.ජල හිඟයෙන් තම ගොයම බේරා ගැනීමට ගිය මාමා හා බෑනා අතර මෙම ගැටුම ඇතිව තිබෙන්නේ අද පස්වරු 3.30ට පමණය. මාමාට පහරදුන් 41 වැනි වියේ පසුවන බෑනා අඟුණකොළපෑලැස්ස පොලීසිය විසින්…

ඔත්තු බැලීමේ චෝදනා මත චීනයේ සිරගතවී සිටි තායිවාන ජාතික ව්‍යාපාරිකයෙකුට දින 1,400කට පසුව නිදහස හිමිවී තිබේ. ඒ අනුව ඔහු බීජිං ගුවන්තොටුපොලේ සිට සිය රට බලා පිටත්ව ගොස් ඇති බව විදෙස් මාධ්‍ය වාර්තා කරයි. ලී මින්ග් නම් මෙම තායිවාන ව්‍යාපාරිකයා සිය ව්‍යාපාරික කටයුතු සඳහා චීනයට පැමිණ තිබු අතර 2019 වසරේ ෂෙන්ෂෙන් ප්‍රදේශයේදී පොලිස් නිලධාරින්ගේ ඡායාරූප ලබාගත් බවටවූ චෝදනාව මත ඔහුව අත්අඩංගුවට ගෙන තිබුණි. ඔත්තු බැලීම හා රාජ්‍ය රහස් සොරකම් කිරීම යන චෝදනා මත අත්අඩංගුවට ගත් ඔහුව පසුව බන්ධනාගාරගත කර තිබූ බව සඳහන් විය. විදෙස් වාර්තා පෙන්වා දෙන්නේ තායිවාන ව්‍යාපාරිකයින් දහස් ගණනක් චීනයේ ව්‍යාපාර කටයුතුවල නිරතවී සිටින බවය.

අනාගතයේදීත් ශ්‍රී ලංකාවට සහායදීමට ජපානය ඉතා උනන්දුවෙන් පසුවන බව මෙරටට පැමිණ සිටින ජපාන විදේශ කටයුතු අමාත්‍ය හයාෂි යොෂිමාසා මහතා පවසයි. ඔහු ඒ බව පැවසුවේ මෙරට බලධාරීන් සමග ඊයේ පැවැති සාකච්ඡාවකදීය. එහිදී ජපාන විදේශ කටයුතු අමාත්‍යවරයා වැඩිදුරටත් සඳහන් කළේ, සියලුම ණයදෙන රටවල් සම්බන්ධ වන විනිවිදභාවයෙන් සහ සන්සන්දනාත්මක ණය ප්‍රතිව්‍යුහගත කිරීමේ ක්‍රියාවලියක වැදගත්කම තමා අවධාරණය කරන බවය.

ශ්‍රී ලංකාව සහ ජපානය අතර නව ගිවිසුමකට අත්සන් තැබූ බව කොළඹ පිහිටි ජපාන තානාපති කාර්යාලය පවසයි. ඒ අනුව ජපාන විශ්වවිද්‍යාලවලදී මෙරට රාජ්‍ය අංශයේ තරුණ විධායක නිලධාරීන් පුහුණු කිරීම සඳහා ඉන් අවස්ථාව හිමිවෙයි. දෙරට අතර අත්සන් තැබූ ගිවිසුමට අනුව අදාළ මානව සම්පත් සංවර්ධන ශිෂ්‍යත්ව ව්‍යාපෘතිය සඳහා ජපානයෙන් රුපියල් මිලියන 611ක ප්‍රදානයක් ලබාදීම ද සිදුකෙරේ.

ලොව පුරා බැතිමතුන් මිලියන ගණනකගේ භක්තියට ආදරයට පත් තමිල්නාඩුවේ වේලක්කන්නි මාතා බැසිලිකා සිද්ධස්ථානයේ ශාඛාවක් මෙරටදී විවෘත කිරීම පසුගියදා සිදුවුණි. කල්පිටිය, උච්චමුනෙයි දූපතේ ඉදිකර ඇති එම දේවස්ථානය විවෘත කෙරුණේ තමිල්නාඩුවේ වේලක්කන්නි මාතා බැසිලිකා සිද්ධස්ථානයේ අධ්‍යක්ෂ පියතුමන්ගේ සහභාගීත්වයෙනි. ලංකාවේ වයඹ දිග පෙදෙසේ කල්පිටියට ඉහළින් පිහිටි උච්චමුනෙයි ගම්මානය මේ වනවිට ධීවර පවුල් 200කගේ පමණ වාසස්ථානයකි. කල්පිටියේ සිට උච්චමුනෙයි ගම්මානයට ප්‍රවේශවීමට වැලිතලාවක් තිබුණද, එය ජනතාවට ගමන්කළ හැකි මාර්ගයක් ලෙස සංවර්ධනය වී නොමැති නිසා අදටත් උච්චමුනෙයි හැඳින්වෙන්නේ දූපතක් ලෙසය. පාරම්පරික ජනාවාසවලින් සමන්විත උච්චමුනෙයි ගම්මානය තුළ අදටත් විධිමත් පානිය ජල පද්ධතියක් හෝ විදුලිබල පද්ධතියක් ස්ථාපිත වී නොමැත. එබැවින් කුප්පි ලාම්පුවෙන් නිවෙස් එළියවෙන මේ දූපතේ මිනිසුන් පිපාසය…

දෙස් විදෙස් ක්‍රිකට් තරු සහභාගී වන ලංකා ප්‍රිමියර් ලීග් ක්‍රිකට් තරගාවලියේ සිව්වන අදියර අද (30) ආරම්භ වෙයි. කොළඹ ආර්. ප්‍රේමදාස ක්‍රීඩාංගණයේ පැවැත්වෙන පළමු තරගය, ගියවර ශූරයින් වූ ජැෆ්නා කිංග්ස් කණ්ඩායම සහ කලම්බෝ ස්ට්‍රයිකර්ස් කණ්ඩායම අතර පැවැත්වෙනු ඇත. තරග 24කින් සමන්විත ලංකා ප්‍රිමියර් ලීග් ක්‍රිකට් තරගාවලියේ සිව්වන අදියර සිට අගෝස්තු 20 වනදා දක්වා පැවත්වීමට නියමිතව තිබේ. මෙවර තරගාවලිය සඳහා ජැෆ්නා කිංග්ස්, කලම්බු ස්ට්‍රයිකර්ස්, දඹුල්ල අවුරා, ගෝල් ටයිටන්ස් සහ බී ලව් කැන්ඩි යන කණ්ඩායම් 5 තරග වැදීමට නියමිතය. මූලික වටයේ තරග 12ක් කොළඹ ආර් ප්‍රේමදාස ක්‍රීඩාංගණයේදී සහ මූලික වටයේ තරග 8ක් පල්ලේකැලේ ක්‍රීඩාංගණයේදී පැවැත්වීමට නියමිතය. අවසන් වටයේ තරග තුන සහ අවසන් මහා…

බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් අද (30) දිනයේ වැසි වාර කිහිපයක් ඇති විය හැකි බව කාලගුණවිද්‍යා දෙපාර්තමේන්තුව පවසයි. එම දෙපාර්තමේන්තුව සඳහන් කරන්නේ, අම්පාර සහ මඩකළපුව දිස්ත්‍රික්කවල සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි බවය. දිවයිනේ සෙසු ප්‍රදේශවල ප්‍රධාන වශයෙන් වැසි රහිත කාලගුණ තත්ත්වයක් පවතී. මධ්‍යම කඳුකරයේ බටහිර බෑවුම් ප්‍රදේශවලත්, උතුරු සහ උතුරු-මැද පළාත්වලත් හම්බන්තොට සහ ත්‍රිකුණාමලය දිස්ත්‍රික්කවලත් විටින් විට හමන පැ.කි.මී. 40 ක පමණ තරමක තද සුළං ඇතිවිය හැකි බව කාලගුණවිද්‍යා දෙපාර්තමේන්තුව වැඩිදුරටත් පැවසීය.

ඔස්ට්‍රේලියාවේ සිට අන්තර්ජාලය හරහා භාණ්ඩ ඇණවුම් ලබාගෙන මෙරට තුළ වියලි ආහාර බෙදහරින ආයතනයක් පාරිභෝගික සේවා අධිකාරියේ නිලධාරීන් විසින් වටලනු ලැබීය. ඊයේ (28) පස්වරුවේ එම වැටලීම සිදුකර තිබුණි. එහි තිබී කල්ඉකුත් වූ භාණ්ඩ කිහිපයක් සොයාගත් එම නිලධාරීන් නීති රෙගුලාසිවලින් තොර භාණ්ඩ අලෙවි කිරීම හේතුවෙන් අදාළ භාණ්ඩ තොගයට මුද්‍ර තබන ලදි. පාරිභෝගික සේවා අධිකාරියේ නිලධාරීන්ට ලද තොරතුරකට අනුව එම වැටලීම සිදුකර තිබුණේ තොටළඟ පිහිටි ස්ථානයකදීය. එහිදී සිදුකළ සොයාබැලීමේදී පළමුව අනාවරණ වුයේ ඔස්ට්‍රේලියාවේ සිටින ශ්‍රී ලාංකිකයින් විසින් ලබාදෙන ඇණවුම් මත ඔවුන්ගේ මෙරට සිටින ලබැඳියන්ට අදාළ භාණ්ඩ මෙම ආයතනය මගින් බෙදාහරින බවය. ඒ අනුව අදාළ ස්ථානය පරීක්ෂා කළ පාරිභෝගික සේවා අධිකාරියේ නිලධාරීන් විසින් අදාළ…

අංගොඩ මානසික සෞඛ්‍ය විද්‍යායතනයේ නේවාසිකව ප්‍රතිකාර ලැබූ මානසික රෝගියෙකු පහරදී ඝාතනය කිරීම සම්බන්ධයෙන් සෞඛ්‍ය කාර්ය සහායකයින් සිව්දෙනෙකු ලබන මස 10 වැනිදා දක්වා රක්ෂිත බන්ධනාගාර ගතකර තිබේ. රෝහල් අධ්‍යක්ෂවරිය පැවසුවේ එය පහරදීමකින් සිදුවූ මරණයක් බවට තහවුරු වී ඇති බැවින් ඊට සම්බන්ධ සෞඛ්‍ය කාර්ය සහායකයින්ගේ වැඩ තහනම් කර ඇති බවය. අංගොඩ මානසික සෞඛ්‍ය විද්‍යායතනයේ නේවාසිකව ප්‍රතිකාර ලබමින් සිටි රෝගියෙකු පසුගිය 25 වැනිදා මියගොස් තිබේ. ඔහු පාදුක්ක වටරැක සමනලතැන්න ප්‍රදේශයේ පදිංචි 47 හැවිරිදි ඔසී නානායක්කාර නමැති එක්දරු පියෙකි. රෝහල් බලධාරීන් ඔහුගේ ඥාතීන්ට පවසා තිබුණේ නාන කාමරයේ ඇද වැටී රෝගියා මියගිය බවය. පශ්චාත් මරණ පරීක්ෂණයෙන් තහවුරු වී ඇත්තේ, පහරදීමෙන් සිදුවූ අභ්‍යන්තර ලේ වහනයකින් මරණය…