Author: LFN

ගාල්ල වරායට නාවික සැතපුම් 40ක පමණ දුරින් අනතුරකට ලක්ව ඇති ඉරාන නාවික හමුදාවට අයත් නෞකාවේ සිටි 35 දෙනෙකු පමණ මේ වනවිට ශ්‍රී ලංකා නාවික හමුදාවේ මුදාගැනීමේ කණ්ඩායම් විසින් ගොඩබිමට රැගෙන එමින් පවතී. ආරක්ෂක අමාත්‍යාංශය සඳහන් කළේ, ඔවුන් අනතුරුව ගාල්ල කරාපිටිය රෝහල වෙත රැගෙන යාමට අවශ්‍ය කටයුතු සූදානම් කර ඇති බවය. තවද ශ්‍රී ලංකා ගුවන් හමුදාව විසින් නෞකාව අනතුරට ලක්වූ ප්‍රදේශයේ සෝදිසි මෙහෙයුම් සඳහා නිරීක්ෂණ ගුවන් යානයක් යොමු කර තිබේ. මේ අතර අද (04) දින පාර්ලිමේන්තුවේ දී අදහස් දක්වමින් විදේශ කටයුතු අමාත්‍ය විජිත හේරත් මහතා පැවසුවේ IRIS Dena නම් අදාළ නෞකාව අනතුරට ලක්ව ඇත්තේ ශ්‍රී ලංකාවට අයත් මුහුදේදී නොවන නමුත් ජීවිත…

වෙරළබඩ පොලිස් වසමේ ජින්තුපිටිය ප්‍රදේශයේදී වෙඩි තබා පුද්ගලයෙකු ඝාතනය කර දරුවන් දෙදෙනෙකුට තුවාල සිදුකිරීමේ අපරාධයේ වෙඩික්කරු අත්අඩංගුවට ගෙන තිබේ. මෙම සැකකරු ඊයේ (03) දහවල් ග්‍රෑන්ඩ්පාස් පොලිස් වසමේදී කොළඹ දිසා අපරාධ කොට්ඨාසය විසින් අත්අඩංගුවට ගෙන තිබුණි. සැකකරු අත්අඩංගුවට ගන්නා අවස්ථාවේදී ඔහු සතුව තිබී අයිස් මත්ද්‍රව්‍ය ග්‍රෑම් 11 මිලිග්‍රෑම් 830 ක් පොලිස් භාරයට ගෙන ඇත. සැකකරු අවුරුදු 24 ක් වන කොළඹ 13 ප්‍රදේශයේ පදිංචිකරුවෙකි. කොළඹ දිසා අපරාධ කොට්ඨාසය විසින් වැඩිදුර විමර්ශන සිදුකරනු ලබයි.

පුල්මුඩේ නගරයේ වෙළෙඳසැලක බලපත්‍ර නොමැතිව වැඩි මුදලට ඩීසල් අලෙවි කරන ලද සැකකරුවෙකු අත්අඩංගුවට ගෙන තිබේ. ඊයේ (03) රාත්‍රී කාලයේ මෙම සැකකරු අත්අඩංගුවට ගෙන තිබුණේ, පුල්මුඩේ පොලිස් ස්ථානයේ නිලධාරීන් කණ්ඩායමකට ලද තොරතුරකට අනුවය. එහිදී පොලීසිය එම වෙළෙඳසැල වටලා මෙම සැකකරු අත්අඩංගුවට ගෙන ඇති අතර සැකකරු සතුව තිබී නීතිවිරෝධී ලෙස රැස්කර තබාගත් ඩීසල් ලීටර් 390ක් ද පොලිස් භාරයට ගෙන ඇත. අත්අඩංගවට ගත් සැකකරු අර්පත් නගර්, පුල්මුඩේ ප්‍රදේශයේ පදිංචි 36 හැවිරිදි පුද්ගලයෙකි. සැකකරු අද (04) කුච්චවේලි මහෙස්ත්‍රාත් අධිකරණයට ඉදිරිපත් කිරීමට නියමිත අතර පුල්මුඩේ පොලීසිය විසින් වැඩිදුර විමර්ශන සිදුකරනු ලබයි.

කොළඹ පිළියන්ලද මාර්ගයේ රත්තනපිටිය ප්‍රදේශයේ සිදුවු වූ රිය අනතුරක් හේතුවෙන් දැඩි රථවාහන තදබදයක් පවතින බව පොලීසිය පවසයි. කුඩා ලොරි රථයක් සහ පාසැල් බස් රථයක් අනතුරට ලක්ව ඇති අතර අනතුරුව මාර්ගය අසල විදුලි කණුවක ගැටී ඇති බව වාර්තා වේ. මේ හේතුවෙන් 120 මාර්ගය පිළියන්දල සිට කොළඹ දෙසට මංතීරුවේ වාහන ගමානාගමනයට බාධා එල්ල වී ඇති බව පොලීසිය පවසයි.

පෙබරවාරි මාසය තුළ දී මෙරටට පැමිණි සංචාරකයින් සංඛ්‍යාව 279,328ක් බව ශ්‍රී ලංකා සංචාරක සංවර්ධන අධිකාරි පවසයි. මෙය පසුගිය වසරේ පෙබරවාරි මාසයේදී පැමිණි සංඛ්‍යාවට සාපේක්ෂව 16.2%ක වැඩිවීමකි. ශ්‍රී ලංකා සංචාරක සංවර්ධන අධිකාරිය විසින් නිකුත් කරන ලද නවතම දත්තවලට අනුව, පෙබරවාරි මාසයේදී ඉන්දියාවෙන් සංචාරකයින් 47,679ක් පැමිණ ඇති අතර එය 17%කි. තවද, එක්සත් රාජධානියෙන් 30,788, රුසියාවෙන් 23,099ක්, ජර්මන් 22,566ක්, චීනයෙන් 20,180ක් සහ ප්‍රංශ ජාතිකයින් 17,174ක් ද පෙබරවාරි මාසයේදී ශ්‍රී ලංකාවට පැමිණ ඇත. ඒ අනුව, 2026 වසරේ ජනවාරි 01 වනදා සිට පෙබරවාරි 28 දක්වා සංචාරක පැමිණීම් සංඛ්‍යාව 556,655කි. ඒ අතරින් සංචාරකයින් 99,740ක් ඉන්දියාවෙන්, 50,233ක් රුසියාවෙන් සහ 60,328ක් එක්සත් රාජධානියෙන් පැමිණි බව ශ්‍රී ලංකා සංචාරක…

නීතිවිරෝධී වත්කම් විමර්ශන අංශය මගින් අත්අඩංගුවට ගෙන රිමාන්ඩ් භාරයට පත් කර සිටින සැකකරුවකුට ඇප ලබාදීමට අවශ්‍ය ආධාර කිරීම සඳහා ඔහුගේ පවුලේ සාමාජිකයින්ගෙන් රුපියල් ලක්ෂ 50 ක අල්ලසක් ලබා ගැනීමේ සිද්ධියක් සම්බන්ධයෙන් අල්ලස් කොමිසම විසින් අත්අඩංගුවට ගත් ව්‍යාපාරිකයෙකු රක්ෂිත බන්ධනාගාර ගත කරන ලෙස කොළඹ මහේස්ත්‍රාත් අධිකරණය නියම කළේය. ඒ අනුව අදාළ සැකකරු ලබන 13 වනදා දක්වා රක්ෂිත බන්ධනාගාර ගත කරන ලෙස කොළඹ ප්‍රධාන මහේස්ත්‍රාත් අසංග. එස්. බෝදරගම මහතා ඊයේ (03) නියෝග කළේය. මෙම සිද්ධියට අදාළ විමර්ශන කටයුතු අවසන් නොමැති බවට අල්ලස් කොමිසම විසින් ඉදිරිපත් කළ කරුණු සලකා බැලීමෙන් අනතුරුව මහේස්ත්‍රාත්වරයා මෙම නියෝගය කළේය. 2021 වසරේ නීති විරෝධී වත්කම් විමර්ශන කොට්ඨාශය මගින්…

එළැඹෙන සිකුරාදා (06) වැනි දිනට නියමිත පාර්ලිමේන්තු කටයුතුවල වෙනසක් සිදු කිරීමට කථානායක වෛද්‍ය ජගත් වික්‍රමරත්න මහතාගේ ප්‍රධානත්වයෙන් ඊයේ (03) පැවති පාර්ලිමේන්තු කටයුතු පිළිබඳ කාරක සභා රැස්වීමේදී තීරණය වී තිබේ. ඒ අනුව එදිනට නියමිතව තිබූ පෞද්ගලික මන්ත්‍රී යෝජනා වෙනත් දිනකදී විවාදයට ගැනීමටත් ඒ වෙනුවට 2026.02.28 දිනැති අංක 2477/46 දරන අති විශේෂ ගැසට් පත්‍රයේ පළ කර ඇති මහජන ආරක්ෂක ආඥාපනත යටතේ ජනාධිපතිවරයා විසින් සිදුකර ඇති ප්‍රකාශනය ඇතුළු යෝජනා සම්මතය පෙ.ව 11.30 සිට ප.ව 5.00 දක්වා විවාදයට ගැනීමටත් මෙහිදී තීරණය විය. අනතුරුව ප.ව 5.00ට අත්‍යවශ්‍ය මහජන සේවා පනත යටතේ යෝජනා සම්මතය විවාදයකින් තොරව අනුමත කිරීමටත් ඉන්පසු ප.ව ප.ව 5.00 සිට ප.ව 5.30 දක්වා…

ශුද්ධ වූ 14 වන ලියෝ පාප් වහන්සේට ශ්‍රී ලංකාවේ සංචාරයක් සඳහා ජනාධිපති අනුර කුමාර දිසානායක මහතා ආරාධනා කර තිබේ. ඉතාලියේ නිල සංචාරයක නිරත අමාත්‍ය බිමල් රත්නායක මහතා විසින් ඊයේ (02) වතිකානයේදී රාජ්‍යයන් සමඟ සබඳතා පිළිබඳ උප ලේකම් මිහයිටා බ්ලාජ් පියතුමා (Msgr. Mihăiță Blaj) හමු වී මෙම නිල ආරාධනා පත්‍රය භාර දී ඇත.

ජපන් භාෂා පුහුණු මධ්‍යස්ථානයක් මුවාවෙන් පවත්වාගෙන යමින් ජපානයේ ඉදිකිරීම් ක්ෂේත්‍රයේ, හෝටල් ක්ෂේත්‍රයේ හා රියදුරු රැකියා සඳහා පුද්ගලයින් යොමුකිරීමට කටයුතු කළ කුරුණෑගල, මහව ප්‍රදේශයේ පවත්වාගෙන ගිය වංචනික විදේශ රැකියා ආයතනයක් ශ්‍රී ලංකා විදේශ සේවා නියුක්ති කාර්යාංශයේ විශේෂ විමර්ශන ඒකකයේ නිලධාරීන් විසින් වටලා තිබේ. ජපානයේ රැකියාවක් ලබාදීම සඳහා මෙම ආයතනයේ හිමිකරු විසින් රු.750,000.00 ක මුදලක් ලබාගෙන පොරොන්දු වූ පරිදි රැකියාව ලබා නොදුන් බවට කාර්යාංශයට ලද පැමිණිල්ලක් අනුව මෙම විමර්ශනය මෙහෙයවන ලදී. විමර්ශන නිලධාරීන් විසින් උපායදූතයෙකු යොදා ගනිමින් මේ රැකියා ජාවාරම පිළිබඳව කරුණු සොයාබැලූ අතර, එහිදී ජපන් භාෂාව පුහුණු කරන මුවාවෙන් මෙම ආයතනය පවත්වාගෙන යන බවත්, සුදුසුකම් නොමැති පුද්ගලයින්ට විශ්ව විද්‍යාල උපාධි සහතික…

ඊශ්‍රායලයේ ප්‍රධාන ජාත්‍යන්තර ගුවන්තොටුපොළක් වූ බෙන්-ගුරියන් ගුවන් තොටුපොළ, ගුවන් ගමන් ක්‍රමයෙන් නැවත ආරම්භ කිරීමට සැලසුම් කර ඇති බව නිවේදනය කර තිබේ. ගුවන්තොටුපොළ පාලක අධිකාරිය සඳහන් කරන්නේ, ඊශ්‍රායල ගුවන් සීමාව බදාදා සිට බ්‍රහස්පතින්දා දක්වා අදියර දෙකක් යටතේ ක්‍රමයෙන් විවෘත කිරීමට නියමිත බවය. පළමු අදියර යටතේ පැයකට එක් මගී ගුවන් ගමනක් පමණක් ක්‍රියාත්මක කිරීමට සැලසුම් කර ඇති අතර, දෙවන අදියරේදී පැයකට මගී ගුවන් ගමන් දෙකක් දක්වා වැඩි කිරීමට බලාපොරොත්තු වන බව එම නිවේදනයේ සඳහන් වේ. කෙසේ වෙතත්, දෙවන අදියර ආරම්භ වන නිශ්චිත කාලරාමුවක් මෙතෙක් ප්‍රකාශයට පත් කර නොමැත. ඉරානයට එල්ල වූ අමෙරිකා-ඊශ්‍රායල ගුවන් ප්‍රහාර ආරම්භ වීමත් සමඟ සෙනසුරාදා දින ඊශ්‍රායලයේ ගුවන් සීමාව…