Author: LFN

අදානි සමූහයේ නිර්මාතෘ සහ සභාපති ගෞතම් අදානි ආසියාවේ ධනවත්ම පුද්ගලයා බවට පත්ව තිබේ. ඒ අනුව වසර ගණනාවක් ආසියාවේ ධනවත්ම පුද්ගලයා බවට පත්ව සිටි බිලියනපති මුකේෂ් අම්බානිට දෙවන ස්ථානය දක්වා පසුබැසීමට සිදුව ඇත. බ්ලූම්බර්ග් බිලියනපති දර්ශකයට අනුව අදානිගේ ශූද්ධ වත්කම් මේ වනවිට ඩොලර් බිලියන 92.6ක් දක්වා ඉහළගොස් තිබේ. අම්බානිගේ වත්මන් ශූද්ධ වත්කම් ප්‍රමාණය ඩොලර් බිලියන 90.8ක් බව එම දර්ශකයේ දැක්වේ. කෙසේ නමුත් මෙම දෙදෙනාම ලොව ධනවත්ම පුද්ගලයින් 20 දෙනා අතර සිටියි. ඒ අනුව අදානිට ලොව 19වන ස්ථානයත්, අම්බානිට 20වන ස්ථානයත් හිමිව ඇත. ලොව ධනවත්ම පුද්ගලයන් අතර පළමු 8 දෙනාම අමෙරිකානුවන් වන අතර, එලොන් මස්ක් තවමත් එහි පෙරමුණේ පසුවෙයි. ඔහු ඩොලර් බිලියන…

මාදුරුඔය යුධ හමුදා පුහුණු පාසලේ පැරණි ගොඩනැගිල්ලක බිත්තියක් කඩාවැටී ඊයේ (17) දහවල් සිදුවූ අනතුරකින් යුද හමුදා සෙබළෙකු ජීවිතක්ෂයට පත්ව තිබේ. මෙලෙස මරණයට පත්ව ඇත්තේ අවුරුදු 37ක් වූ ජනකගම, මාදිවෙල ප්‍රදේශයේ පදිංචි යුධ හමුදා ලාන්ස් කෝප්‍රල්වරයෙක් බව පොලීසිය පැවසීය. මෘත ශරීරය පශ්චාත් මරණ පරීක්ෂණය සඳහා පොලොන්නරුව රෝහලේ මෘත ශරීරාගාරයේ තැන්පත් කර ඇත. අරලගංවිල පොලීසිය විසින් වැඩිදුර විමර්ශන සිදුකරයි.

ගල්අඟුරු ආනයනයට අදාළ ක්‍රියාවලිය පරීක්ෂා කර බැලීමේ විශේෂ ජනාධිපති කොමිසම විසින් ඉදිරියේ පවත්වනු ලබන අපක්ෂපාතී හා ස්වාධීන විමර්ශනයකට ඉඩ සලසමින් බලශක්ති අමාත්‍ය කුමාර ජයකොඩි මහතා සහ ලේකම් මහාචාර්ය උදයංග හේමපාල මහතා අද(17) පස්වරුවේ ජනාධිපති අනුර කුමාර දිසානායක මහතා වෙත ලිපි ඉදිරිපත් කරමින් සිය ධුරයන්ගෙන් ඉල්ලා අස්වී තිබෙනවා.

ශ්‍රී ලංකාව තුළ ගල් අඟුරු ආශ්‍රිත විදුලි ජනන ක්‍රියාවලිය ආරම්භ වූ අවස්ථාවේ සිට 2026 අප්‍රේල් 16 වන දිනෙන් අවසන් වූ කාල සීමාව තුළ රජයට අයත් සී/ස ගල්අඟුරු පුද්ගලික සමාගම හෝ එහි අනුප්‍රාප්තිකයින් මඟින් ලංකාවට ගල්අඟුරු ආනයනය කිරීමේදී සහ විදුලිය නිෂ්පාදනයේදී  අක්‍රමිකතා හෝ නීති විරෝධී ක්‍රියා සිදුවී ඇත්දැයි පරීක්ෂා කර බැලීම සඳහා ජනාධිපති අනුර කුමාර දිසානායක මහතා විසින් කොමිෂන් සභාවක් පත් කර තිබෙනවා. මෙම කොමිෂන් සභාවේ සභාපති ලෙස ශ්‍රේෂ්ඨාධිකරණ විනිසුරු ගිහාන් කුලතුංග මහතාත්, සාමාජිකයන් ලෙස අභියාචනාධිකාරණ විනිසුරු ආදිත්‍ය පටබැඳිගේ මහතාත්, මහාධිකරණ විනිසුරු සංජීව සෝමරත්න මහතාත් පත් කර තිබෙනවා. එහි ලේකම් වශයෙන් හිටපු රාජ්‍ය අමාත්‍යාංශයේ ලේකම් පී.වී. බන්දුලසේන මහතා පත් කර තිබෙනවා.

ඉන්දියාවේ ටී.වී.කේ. පක්ෂයේ නායක, ඉන්දිය සිනමා නළු තලපති විජේ සිය මැතිවරණ ප්‍රතිපත්ති ප්‍රකාශය එළි දක්වා තිබේ. ලබන 23 වැනිදා පැවැත්වීමට නියමිත තමිල්නාඩු ප්‍රාන්ත මැතිවරණය වෙනුවෙන් ඔහු මෙම ප්‍රතිපත්ති ප්‍රකාශය එළිදක්වා ඇති බවයි ඉන්දිය මාධ්‍ය වාර්තා කරන්නේ. ඉන්දියාවේ වෙසෙන ශ්‍රී ලාංකික සරණාගතයින්ට එරට පුරවැසිභාවය ලබාදීමට ඉන්දීය මධ්‍යම රජයට බලපෑම් කිරීමටත්, මෙරට සිටින දෙමළ ජනතාවගේ අයිතිවාසිකම් තහවුරු කිරීම වෙනුවෙනුත්, තමන් පෙනී සිටින බවයි ඔහු සිය ප්‍රතිපත්ති ප්‍රකාශය මගින් වැඩිදුරටත් පෙන්වා දී ඇත්තේ. එමෙන්ම කච්චතිව් දූපත ආශ්‍රිතව ඉන්දිය ධීවරයින්ට නිදහසේ ධීවර කටයුතු සිදුකිරීමට ඇති අයිතිය යළි තහවුරු කිරීමට අපේක්ෂා කරන බව ද ඔහු සිය ප්‍රතිපත්ති ප්‍රකාශනයේ සඳහන් කර ඇති බව වාර්තා වේ.

බලංගොඩ සිට බගවන්තලාව හරහා මහනුවර දක්වා ධානයව වූ මෝටර් රථයක් මාර්ගයෙන් ඉවතට පැන අඩි 300ක් පමණ ප්‍රපාතයෙන් වු කෙසෙල්ගමු ඔය අසළට පෙරලිමෙන් එම මෝටර් රථයේ ගමන් ගත් එක් අයෙකු එම ස්ථානයේම ජීවිතක්ෂයට පත් වී කාන්තාවන් දෙදෙනෙකු බරපතල ලෙස තුවාල ලබා දික්ඔය මූලික රෝහලට (17) දින ඇතුළත් කළ බව බගවන්තලාව පොලීසිය කියයි. හැටන් බගවන්තලාව ප්‍රධාන මාර්ගයේ ටින්සින් කම්බිපනස්එක ප්‍රදේශයෙදි උදෑසන මෙම අනතුර සිදුව තිබේ. මෝටර් රථය අනතුරට පත් වන අවස්ථාවේ එහි සිව් දෙනෙකු ගමන් කර ඇති අතර, රියදුරා ආසන පටි ගලවා මෝටර් රථයෙන් ඉවතට විත්, අනතුර පිලිබද බගවන්තලාව පොලිසිය වෙත දැනුම් දි ඇත. අනතුරින් මිය ගිය පුද්ගලයා සහ තුවාල ලබා සිටි…

2026 වර්ෂයේ 1 ශ්‍රේණිය II සහ III වන වාරවලට අදාළ ක්‍රියාකාරකම් පොත් බෙදා හැරීම මේ වන විට ආරම්භ කර ඇති අතර ලබන 30 දින වන විට සියලුම පාසල් වෙත බෙදාහැර අවසන් කිරීමට නියමිත බව අධ්‍යාපන, උසස් අධ්‍යාපන හා වෘත්තිය අධ්‍යාපන අමාත්‍යාංශ ලේකම් නාලක කළුවැව මහතා පවසයි. 1 ශ්‍රේණිය විෂයමාලා දැනුවත් කිරීම සහ ගුරු පුහුණුව, පළාත් ප්‍රාථමික විෂය අධ්‍යක්ෂවරුන්, ගුරු උපදේශකවරුන්, පුහුණුකරුවන් සහ ගුරුවරුන් සඳහා මේ වන විට ලබා දී ඇති අතර අවශ්‍ය අමතර පුහුණු කිරීම් මැයි 16 දින වන විට අවසන් කිරීමට පළාත් අධ්‍යක්ෂවරුන් වෙත උපදෙස් දී ඇතැයි ද අධ්‍යාපන අමාත්‍යංශ ලේකම්වරයා නිවේදනය කරයි. තවද 1 ශ්‍රේණිය, I වන වාරය…

මෙරට මව්වරුන්ට අඩු බර දරු උපත් සිදුවීමේ ප්‍රවණතාව වැඩි වී ඇති බව පවුල් සෞඛ්‍ය සේවා කාර්යාංශය පවසයි. පසුගිය වසරේ එම කාර්යාංශය සිදුකළ සමීක්ෂණවලට අනුව අඩු බර දරු උපත් සිදුවීම සියයට පහළොවයි දශම එකක් (15.1 % ) ලෙස වැඩිවී ඇත. නමුත් 2024 වර්ෂයේ දෙසැම්බර් මාසය වනවිට අඩු බර දරු උපත් සිදුවීමේ සංඛ්‍යව ප්‍රතිශතයක් ලෙස සියයට දාහතරයි දශම හයක් ලෙස සටහන්ව තිබිණි. මෙම සමීක්ෂණයට අනුව අඩු බර දරු උපත් සිදුවීම වැඩිම ප්‍රතිශතයක් සටහන් වී තිබුණේ නුවරඑළිය දිස්ත්‍රික්කයෙන් වන අතර එම සංඛ්‍යාව සියයට විසිතුනකි (23%). දරුවකුගේ උපත් බර කිලෝග්‍රෑම් තුනක් හෝ කිලෝග්‍රෑම් තුනයි ග්‍රෑම් පන්සියයක් ලෙස සටහන් වී තිබිය යුතුය. එසේ වුවද ඉපදී…

මේ වන විට පවතින වියළි කාලගුණයේ බලපෑම හේතුවෙන් මාස හයකින් පමණ පසු පොල් අස්වැන්නේ යම් අඩුවීමක් සිදුවිය හැකි බව පොල් වගා කිරීමේ මණ්ඩලයේ සභාපති වෛද්‍ය සුනිමල් ජයකොඩි පැවසීය. එබැවින් මෙම වියළි කාලගුණයට පොල් වගාව ඔරොත්තු දීම සඳහා ජල සම්පාදනය මෙන්ම ජල සංරක්ෂණය ද සිදුකළයුතු බව හෙතෙම පෙන්වා දුන්නේය. කෙසේවෙතත් මේ වන විට පොල් වගාවේ ජල සංරක්ෂණ කටයුතු සඳහා රජය විසින් පොල් අක්කරයකට රුපියල් තිස්දහසක සහනාධාරයක් ද ලබා දෙයි. මෙම වසරේ (2026) ජනවාරි පෙබරවාරි මස වලදි පොල් අස්වැන්න පසුගිය වසරට සාපේක්ෂව සියයට විසි හතරකින් (24%) ඉහළ ගොස් ඇත. එමෙන්ම මෙම වසරේ (2026) දී පොල් අස්වැන්න ගෙඩි බිලියන හතරයි දශම දෙකක (4.2)…

පාතාල නායකයෙකුවූ ලොකු පැටීගේ සහෝදරයා වන වන පොඩි පැටී නොහොත් ලත්තුවාහන්දි සුගත් නුවන් කුමාර නමැත්තා ගමන් ගත් ත්‍රිරෝද රථයට ඊයේ (16) අහුන්ගල්ලේදී වෙඩි තබා ඇතැයි අහුන්ගල්ල පොලීසිය කියයි. මේ වෙඩි තැබීමෙන් ඔහුට වෙඩි වැදී නැති බවත් මේ වෙඩි තැබීම සිදුවන අතරතුර ඔහු ත්‍රිරෝද රථයෙන් පැන දිව ගොස් දිවි බේරාගෙන ඇති බවද පොලීසිය කියයි. අහුන්ගල්ල බෝගහහපිටිය ප්‍රදේශයේ අලුත් අවුරුද්ද නිමිත්තෙන් පැවති සංගීත සංදර්ශන නරඹා යළි අහුන්ගල්ල වැලිකන්ද සිය නිවසට පොඩි පැටී නමැත්තා පැමිණෙමින් සිටියදී මේ වෙඩි තැබීම සිදුව ඇති බවද පොලීසිය කියයි. යතුරු පැදියකින් පැමිණි දෙදෙනෙක් මේ වෙඩි තැබීම සිදු කර ඇති බවත් එම වෙඩි තැබීමෙන් ඔහු ගමන් ගත් තීරෝද රථයේ…