Author: LFN

ජනාධිපති අනුර කුමාර දිසානායක මහතා සහ ශ්‍රී ලාංකික ප්‍රාසාංගික කලාකරුවන්ගේ ඒකාබද්ධ සංසදය අතර හමුවක් ජනාධිපති ලේකම් කාර්යාලයේදී ඊයේ (25) පස්වරුවේ පවත්වා තිබේ. රට තුළ මෙන්ම විශේෂයෙන් ග්‍රාමීය ප්‍රදේශවල ජීවත්වන ජනතාවට අහිමි වී ගිය සංස්කෘතික ජීවිතය නැවත සමීප කරවීම වෙනුවෙන් එළිමහන් ප්‍රසංග පවත්වන කලාකරුවන් සිදුකරන මෙහෙය මෙහිදී ඇගයීමට ලක් කළ ජනාධිපතිවරයා ඒ වෙනුවෙන් සිය ස්තූතියද පළකර ඇත. ග්‍රාමීය ප්‍රදේශවල ජීවත්වන ජනතාව ආර්ථික වශයෙන් ගොඩනැංවීමට රජය ගෙන යන වැඩපිළිවෙළට අමතරව ඔවුන්ගේ කටුක ජීවන රටාවට අස්වැසිල්ලක් වෙමින් සංස්කෘතික ජීවිතයක් ලබා දීමේ වැදගත්කම පැහැදිලි කළ ජනාධිපති අනුර කුමාර දිසානායක මහතා සංස්කෘතික ක්‍රියාකාරකම් තුළින් විනයගරුක පුරවැසියෙක් රට තුළ ගොඩනැගිය හැකි බවත්, එහිදී ප්‍රාසාංගික ක්ෂේත්‍රයේ කලාකරුවන්ට…

පානදුර, පින්වත්ත පොලිස්බල ප්‍රදේශයේ මාදුපිටියේ පිහිටි ඇඟලුම් ශාලාවක් අසල නිවසකට ඊයේ (25) පස්වරුවේ වෙඩි ප්‍රහාර මාලාවක් එල්ල වී තිබේ. පොලීසිය සඳහන් කළේ මි.මී. 9 වර්ගයේ ගිනිඅවියකින් මෙම ප්‍රහාර එල්ල කරන්නට ඇති බවට සැකකරන බවයි. සිද්ධිය සිදු වූ ස්ථානයේ උණ්ඩු කොපු 10ක් පමණ තිබී සොයාගෙන ඇත. යතුරු පැදියකින් පැමිණි පුද්ගලයන් දෙදෙනෙකු විසින් මෙම වෙඩිප්‍රහාරය එල්ලකර පලාගොස් ඇත. කෙසේ නමුත් මෙම ප්‍රහාරයෙන් කිසිවෙකුට හෝ තුවාල සිදු වී නොමැති බව වාර්තා වේ.

මෙරටට පැමිණි පිලිපීන සංචාරකයෙකුට වැලිගම පිහිටි සර්ෆින් ආයතනයක සේවය කරන ශ්‍රී ලාංකිකයෙකු පහරදෙන අයුරු දැක්වෙන වීඩියෝ පටයක් එම සංචාරකයා සිය යූටියුබ් ගිණුමේ පසුගිය (24) පළ කර තිබුණි. කෙසේවෙතත් අදාළ සිද්ධිය සම්බන්ධයෙන් මාධ්‍ය කළ විමසීමේදී වැලිගම පොලීසිය පැවසුවේ, එම සිද්ධිය පසුගිය වසරේ පෙබරවාරි 14 වනදා වාර්තාවූවක් බවයි. ඒ සම්බන්ධයෙන් මාතර මහෙස්ත්‍රාත් අධිකරණයේ නඩුවක් විභාගවෙමින් පවතින අතර, මෙම වසරේ එළැඹෙන සැප්තැම්බර් 11වනදා එම නඩුව යළි කැඳවීමට නියමිත බවත් පැවසීය. මේ සම්බන්ධයෙන් පොලිස් මාධ්‍ය කොට්ඨාසයද ඊයේ පස්වරුවේ නිවේදනයක් නිකුත් කළේය. එම නිවේදනයට අනුව මෙම සිදුවීම සිදු වූ දිනම අදාළ පිලිපීන ජාතිකයා තමන්ට පහරදුන් බව පවසමින් වැලිගම පොලිස් ස්ථානයට පැමිණිල්ලක් ඉදිරිපත් කර ඇත. ඒ…

බස්නාහිර, සබරගමුව සහ වයඹ පළාත්වලත් නුවරඑළිය, මහනුවර, ගාල්ල සහ මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇතිවන බව කාලගුණවිද්‍යා දෙපාර්තමේන්තුව පවසයි. ඇතැම් ස්ථානවල මි.මී. 75 ට වැඩි තරමක තද වැසි ඇතිවිය හැක. දිවයිනේ සෙසු ප්‍රදේශවල වැසි ස්වල්පයක් ඇතිවිය හැක. මධ්‍යම කඳුකරයේ බටහිර බැවුම් ප්‍රදේශවලත් උතුරු, උතුරු මැද, දකුණු සහ වයඹ පළාත්වලත් ත්‍රීකුණාමලය සහ මොණරාගල දිස්ත්‍රික්කවලත් විටින් විට හමන පැ.කි.මී. (40-50) ක පමණ තද සුළං ඇතිවිය හැකි බව දැනුම් දී තිබේ.

සිනමා නිළි අභාවප්‍රාප්ත මාලනී ෆොන්සේකා මහත්මියගේ දේහයට අවසන් ගෞරව දැක්වීම සඳහා ජනාධිපති අනුර කුමාර දිසානායක මහතා ඊයේ (25) රාත්‍රියේ පැමිණියේය. ඇගේ දේහයට මහජන ගෞරව දැක්වීම සඳහා ජාතික චිත්‍රපට සංස්ථාවේ තරංගනී ශාලාවේ මේ වනවිට තැන්පත් කර ඇත. 78වන වියෙහි පසු වූ මාලනී ෆොන්සේකා මහත්මිය පසුගිය (24) අලුයම අභාවප්‍රාප්ත විය. ඇගේ දේහය ඊයේ පස්වරුවේ මාදිවෙල, අනුර මාවතේ පිහිටි ඇගේ නිවස වෙත රැගෙන යාමෙන් අනතුරුව සිට මේ දක්වා ඇයට අවසන් ගරු බුහුමන් දැක්වීම සඳහා විශාල පිරිසක් පැමිණියේය. එලෙස පැමිණි අය අතර හිටපු ජනාධිපතිවරුන් වන රනිල් වික්‍රමසිංහ, මහින්ද රාජපක්ෂ, ඝෝඨභය රාජපක්ෂ, චන්ද්‍රකා කුමාරතුංග යන අයද විය. නිළි රැජිනගේ දේහය පිළිබඳ අවසන් කටයුතු රාජ්‍ය ගෞරව…

ගෝමරන්කඩවල ඉදිකටුවැව ප්‍රදේශයේදී වනඅලි පහරදීමකින් 7 හැවිරිදි දරුවෙකු මියගොස් තිබේ. අලුයම රැකියාවට පිටත්ව යන පියා සමග පාපැදියකින් ප්‍රධාන මාර්ගයට පැමිණෙමින් සිටියදී මෙම ප්‍රහාරය එල්ලවී ඇත. වනඅලියා පාපැදියට පහරදීමත් සමග පියා විසිවී ඇති අතර, එහිදී දරුවාට පහර දී ඇති බව සඳහන්. සිද්ධියෙන් බරපතළ තුවාල ලැබූ දරුවා එම ස්ථානයේදීම මියගොස් තිබේ. මේ අතර අනුරාධපුර, පොළොන්නරුව සහ අම්පාර යන ප්‍රදේශවල වනඅලි ගම් වැදීම හේතුවෙන් ජනතාව දැඩි දුෂ්කරතාවට පත්ව සිටියි. සිය දෛනික කටයුතුවලට පවා මේ වනවිට බාධා එල්ල වී ඇති බව එම ප්‍රදේශවල ජනතාව පවසති.

ගිනිඅවි පෙන්වා පුද්ගලයින් බිය වද්දමින් මුදල් ඇතුළු, භාණ්ඩ කොල්ල කෑමේ නිරත වූ සැකකරුවෙකු කොළඹ අපරාධ කොට්ඨාසය විසින් අත්අඩංගුවට ගෙන තිබේ. දිවයිනේ ප්‍රදේශ රැසක සිදුවූ කොල්ලකෑම්වලට සැකකරු සම්බන්ධ බවත් කොල්ලකා ඇති භාණ්ඩවල වටිනාකම රුපියල් කෝටි 10කට ආසන්න බවත් සැකකරුගෙන් සිදුකරන ලද ප්‍රශ්න කිරීම්වලදී අනාවරණය වී ඇත. 2020 වසරේදී ජනවාරි මස 16 වනදා දොම්පේ පොලිස් වසමේදී යතුරු පැදියකින් පැමිණි සැකකරුවන් දෙදෙනෙකු රන් භාණ්ඩ උකස් ගන්නා ආයතනයකට ඇතුළු වී එහි පුද්ගලයින් ගිනිඅවි පෙන්වා බිය ගන්වා රුපියල් ලක්ෂ 65ක පමණ වටිනාකමකින් යුත් රත්‍රං භාණ්ඩ කොල්ල කෑමක නිරතව තිබුණි. අනතුරුව සැකකරුවන් සොයා කොළඹ දිසා අපරාධ කොට්ඨාසය විමර්ශන ආරම්භ කර තිබූ අතර සිදුකළ දුරකථන විශ්ලේෂණ වාර්තා…

වයඹ ජාතික අධ්‍යාපන විද්‍යාපීඨයේ දෙවැනි වසරේ ඉගෙනුම ලබමින් සිටි සිසුවියක් නේවාසිකාගාර කාමරය තුළදී සියදිවි නසාගෙන තිබුණි. එලෙස සියදිව නසාගෙන තිබුණේ ‌මහනුවර, තෙල්දෙණිය ප්‍රදේශයේ පදිංචිව සිටි සංජීවනී කුමාරි නැමැසි සිසුවියකි. සංජීවනීගේ මරණය ගැන වාර්තා වෙන්නේ සබරගමු සරසවියේ සිසුවකුගේ දිවි නසාගැනීමේ සිද්ධියේ උණුසුම පහව යන්නටත් පෙරයි. මහනුවර තෙල්දෙණිය ප්‍රදේශයේ සිට සංජීවනී වයඹ ජාතික අධ්‍යාපන විද්‍යාපීඨයට පැමිණෙන්නේ මීට වසර දෙකකට පෙරදීය. නමුත් තම ඉගෙනුම් කාලය සම්පූර්ණ කිරීමට පෙර ඇය තම ජීවිතය හැර යන්නට තීරණය කරන්නේ ඉතා අවාසනාවන්ත අයුරින්ය. ඇය සියල්ලන්ටම රහසින් ඇගේ නේවාසිකාගාර කාමරය තුළදීම දිවි නාසගෙන තිබුණි. ඇගේ මිතුරු මිතුරියන් පවසන්නේ විද්‍යාපීඨය තුළදී ඇයට ගුරුවරුන්ගෙන් විඳින්නට සිදුවූ හිරිහැර හේතුවෙන් හටගත් චිත්ත පීඩාව…

හැව්ලොක් සිටි නිවාස සංකීර්ණයේ තිබී රන් ආලේපිත ගිනිඅවියක් සොයාගැනීමේ සිද්ධියට අත්අඩංගුවට ගෙන රක්ෂිත බන්ධනාගාර ගත කෙරුණු හිටපු අමාත්‍ය දුමින්ද දිසානායක මහතා බන්ධනාගාර රෝහලට ඇතුළත් කර තිබේ. අධිකරණ නියෝගයකට අනුව වෛද්‍ය පරීක්ෂණයකට ලක් කිරීම සඳහා ඔහු බන්ධනාගාර රෝහල වෙත ඇතුළත් කර ඇති බව බන්ධනාගාර මාධ්‍ය ප්‍රකාශක, බන්ධනාගාර කොමසාරිස් ගාමීණි බී දිසානායක මහතා සඳහන් කළේය. T56 වර්ගයේ ගිනිඅවියක් හැව්ලොක් සිටි නිවාස සංකීර්ණයේ තිබී සොයා ගැනීමේ සිද්ධිය සම්බන්ධයෙන් අත්අඩංගුවට ගත් දුමින්ද දිසානායක මහතා ගල්කිස්ස මහේස්ත්‍රාත් අධිකරණයට ඉදිරිපත් කිරීමෙන් අනතුරුව ලබන 29 වන දින දක්වා රක්ෂිත බන්ධනාගාර ගත කිරීමට නියෝග කළේය. ඒ අනුව දුමින්ද දිසානායක මහතා මැගසීන් බන්ධනාගාරයට ඇතුළත් කෙරුණු අතර ඔහුට ප්‍රථිකාර ලබා…

ඩෙංගු සහ චිකුන්ගුන්යා මෙරට සෞඛ්‍ය ප්‍රශ්නයක් ලෙස වර්ධනය වෙමින් පවතින බව සෞඛ්‍ය නියෝජ්‍ය අමාත්‍ය වෛද්‍ය හංසක විජේමුණි මහතා පවසයි. ඔහු පවසන්නේ මේ වනවිට පවතින දත්ත අනුව මෙම වසරේ වාර්තාවන ඩෙංගු රෝගීන්ගේ වැඩි වීමක් සිදුවිය හැකි බවය. එමෙන්ම උණ රෝගයක් පවතින්නේනම් වෛද්‍ය ප්‍රතිකාර සඳහා කඩිනමින් යොමුවන ලෙස නියෝජ්‍ය අමාත්‍ය වෛද්‍ය හංසක විජේමුණි මහතා සඳහන් කළේය. මේ අතර මෙරට රෝහල්වල පවතින ඖෂධ හිඟය සම්බන්ධයෙන්නියෝජ්‍ය අමාත්‍යවරයා සඳහන් කළේ ඖෂධ වර්ග 180ක් හිඟ බවට පැවසුව ද සත්‍ය වශයෙන් රෝහල්වල හිඟව පවතින්නේ ඖෂධ වර්ග 45ක් පමණක් බවය.