Author: LFN

අඟුණුකොළපැලැස්ස බන්ධනාගාරයේ පරීක්ෂා කිරීමකදී සයිනයිඩ් කුප්පියක් සොයාගැනීමට බන්ධනාගාර නිලධාරීන්ට හැකිව තිබේ. “කුඩු සලිඳු” නමැති මත්ද්‍රව්‍ය ජාවරම්කරුගේ ගෝලයකු වන “තරිඳු මධුසංක” නැමැත්තා සතුව තිබී මෙම සයිනයිඩ් සොයාගත් බව බන්ධනාගාර මූලස්ථානය පැවසීය. “කොමාන්ඩෝ කවිෂ්ක කුමාර” නැමැත්තා ඝාතනය කිරීම සඳහා මෙම සයිනයිඩ් බන්ධනාගාරය තුළට ගෙනවිත් ඇති බවට සිදු කළ මූලික විමර්ශනවලදී හෙළි වී තිබේ. බන්ධනාගාරය තුළට ගෙන ආ මෙම සයිනයිඩ්, පරීක්ෂා කිරීමට අදාළ පිරිස කටුස්සෙක් අල්ලා ඌට එන්නත් කර ඇති අතර, එම ස්ථානයේදීම කටුස්සා මියගොස් ඇති බවද අනාවරණය වී ඇත.

පෑලියගොඩ මාළු වෙළෙඳසැලේ සේවකයෙකු පෑලියගොඩදී ඊයේ (19) වෙඩි තබා ඝාතනය කර තිබුණි. වෙඩික්කරුවන්ගේ ඉලක්කය වූ තැනැත්තා පමණක් නොව මහමඟ ගමන් කරමින් සිටි පුද්ගලයෙක් ද මෙම වෙඩි ප්‍රහාරයට ලක්වී තුවාල ලැබීය. පෑලියගොඩ, ඥාණරතන මාවත ප්‍රදේශයේදී ඊයේ උදෑසන 9:30ට පමණ මෙම වෙඩිතැබීම සිදුකර තිබුණි. යතුරුපැදියකින් පැමිණි දෙදෙනෙක් මාර්ගයේ ගමන් කරමින් සිටි අයෙකු ඉලක්ක කර T56 වර්ගයේ ගිනිඅවියකින් වෙඩිතැබීම සිදුකර ඇති බව පොලිසිය පවසයි. වෙඩිවැදීමෙන් තුවාල ලැබූ දෙදෙනා කොළඹ ජාතික රෝහලට ඇතුළත් කෙරුණු අතර එහිදී වෙඩික්කරුවන්ගේ ඉලක්කය වූ පුද්ගලයා අද දහවල් ජීවිතක්ෂයට පත් විය. අනෙක් පුද්ගලයාගේ තත්ත්වය බරපතළ නොවන බව පොලිසිය පවසයි. වෙඩි තැබීමෙන් ඝාතනය වූ පුද්ගලයා අයියප්පන් ප්‍රභූ නම් 40 හැවිරිදි අයෙකි.…

සෞඛ්‍ය සහ ජනමාධ්‍ය අමාත්‍යාංශයට අදාළව 2025 වසරේ වෙන් කෙරුණු අයවැය ප්‍රතිපාදන මත ක්‍රියාත්මක ව්‍යාපෘති පිළිබඳ සමාලෝචනය සහ 2026 වසරට අදාළ පූර්ව අයවැය සාකච්ඡාවක් ජනාධිපති අනුර කුමාර දිසානායක මහතාගේ ප්‍රධානත්වයෙන් ඊයේ (19) පස්වරුවේ ජනාධිපති කාර්යාලයේදී පැවැත්වුණි. සෞඛ්‍ය සහ ජනමාධ්‍ය අමාත්‍යාංශය යටතේ පවතින දෙපාර්තමේන්තු 04ක ආයතන 41ක් වෙනුවෙන් වෙන් කෙරුණු ප්‍රතිපාදන සහ ඒ යටතේ ක්‍රියාත්මක ව්‍යාපෘතිවල ප්‍රගතිය මෙහිදී පුළුල් ලෙස විමසා බැලුණි. සෞඛ්‍ය අමාත්‍යාංශය යටතේ ප්‍රාථමික සෞඛ්‍ය සේවා ඉහළ නැංවීම වෙනුවෙන් ඉදිරි අයවැයෙන් විශේෂ අවධානය යොමු කරන ලෙස මෙහිදී නිලධාරීන්ට උපදෙස් දුන් ජනාධිපතිවරයා ප්‍රාථමික සෞඛ්‍ය සේවා මධ්‍යස්ථාන සංවර්ධනය කිරීමට දැනට ක්‍රියාත්මක වැඩපිළිවෙළ පිළිබඳවද විමසා බැලීය. දැනට පුද්ගලයන් 30,000කට 01ක් වශයෙන් ක්‍රියාත්මක ප්‍රාථමික…

පෑලියගොඩ, වෙදමුල්ල ප්‍රදේශයේදී පුද්ගලයෙකුට මොට ආයුධයකින් පහර දී ඝාතනය කර ඇති බව පොලීසිය පවසයි. ඊයේ (19) සවස් කාලයේ දී මේ සම්බන්ධයෙන් පෑලියගොඩ පොලිස් ස්ථානයට ලද පැමිණිල්ලක් මත විමර්ශන ආරම්භ කර ඇත. ඝාතනයට ලක්ව ඇත්තේ, වයස අවුරුදු 46ක් වූ වෙදමුල්ල, කැලණිය ප්‍රදේශයේ පදිංචිකරුවෙකි. මියගිය පුද්ගලයා හා තවත් පුද්ගලයෙකු අතර ඇති වූ බහින් බස්වීමක් දුරදිග යාම හේතුවෙන් ඝාතනය සිදුව ඇති බවට දැනට සිදුකරන ලද විමර්ශනයේදී අනාවරණය වී ඇත. මෘත ශරීරය කොළඹ පොලිස් මෘත ශරීරාගාරයේ තැන්පත් කර ඇති අතර, අපරාධයට සම්බන්ධ සැකකරු අත්අඩංගුවට ගැනීම සඳහා පෑලියගොඩ පොලීසිය වැඩිදුර විමර්ශන සිදුකරයි.

තැපැල් සේවකයින් ආරම්භ කළ අඛණ්ඩ වෘත්තීය ක්‍රියාමාර්ගය තෙවන අදිනටත් අද (20) දිනයේ ක්‍රියාත්මක කරන බව තැපැල් හා විදුලි සංදේශ නිලධාරීන්ගේ සංගමය පවසයි. එහි සභාපති ජී.ජී.සී. නිරෝෂණ මහතා සඳහන් කළේ, අමාත්‍යවරයා සමඟ විධිමත් සාකච්ඡාවක් ලබාදෙන ලෙස ඉල්ලා වර්ජනය ක්‍රියාත්මක කරන බවය. ඇඟිලි සලකුණු කිරීමේ යන්ත්‍රය ප්‍රතික්ශේෂ කිරීම සම්බන්ධයෙන් එල්ල වන චෝදනා සම්පූර්ණයෙන්ම අසත්‍ය බව ද ජී.ජී.සී. නිරෝෂණ මහතා පැවසීය. කෙසේ වෙතත් මේ සම්බන්ධයෙන් අදහස් දක්වන නියෝජ්‍ය තැපැල්පති චමීශා ද සිල්වා මහත්මිය පවසන්නේ, වර්ජනයට හේතුව ඇඟිලි සලකුණු කිරීමේ යන්ත්‍රය ක්‍රියාත්මක කිරීම බවය

බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් වැසි ස්වල්පයක් ඇතිවිය හැකිය. කාලගුණවිද්‍යා දෙපාර්තමේන්තුව නිවේදනය කළේ, දිවයිනේ සෙසු ප්‍රදේශවල ප්‍රධාන වශයෙන් වැසි රහිත කාලගුණ තත්ත්වයක් පවතින බවය. මධ්‍යම කඳුකරයේ බටහිර බැවුම් ප්‍රදේශවල විටින් විට හමන පැ.කි.මී.30-40ක පමණ තරමක තද සුළං ඇති වේ.

පරිසර අමාත්‍ය වෛද්‍ය දම්මික පටබැඳි මහතා සහ ශ්‍රී ලංකාවේ ඉන්දුනීසියානු ජනරජයේ තානාපතිනි, Dewi Gustina Tobing මහත්මිය අතර හමුවක් ඊයේ (18) සවස පරිසර අමාත්‍යාංශයේදී පැවැත්විණ. මෙම සාකච්ඡාව පරිසර කළමනාකරණය සහ තිරසාර කෘෂිකාර්මික භාවිතයන් සම්බන්ධයෙන් ද්විපාර්ශ්වික සහයෝගීතාව ශක්තිමත් කිරීමේ අරමුණෙන් පැවැත්විය. මෙම අවස්ථාව සඳහා පරිසර නියෝජ්‍ය අමාත්‍ය ගරු ඇන්ටන් ජයකොඩි මැතිතුමා ද පරිසර අමාත්‍යංශයේ නිළධාරීන් ද සහභාගී වූ අතර ඉන්දුනීසියානු ජනරජයේ තානාපති කාර්යාලය නියෝජනය කරමින් එම කාර්යාලයේ අමාත්‍ය උපදේශක Lailal Khairiyah Yuniarti මහත්මිය සහ තෙවැනි ලේකම් Sheila Ananta Ully මහත්මිය ද සහභාගී වූහ. ඉන්දුනීසියාව විසින් සාර්ථකව නිපදවා ඇති කාබනික දියර පොහොර පිළිබඳව තානාපතිනිය විසින් අදහස් දැක්වනු ලැබූ අතර පොල්, තේ සහ වී…

මුදල් අච්චු ගැසීම හේතුවෙන් රටේ උද්ධමනයේ වැඩිවීමක් සිදුනොවන බව ප්‍රවාහන නියෝජ්‍ය අමාත්‍ය වෛද්‍ය ප්‍රසන්න ගුණසේන මහතා පවසයි.

බදුල්ල, කයිලගොඩ වැඩිහිටි නිවාසයට යාබද කුඹුරේ තිබී අබිරහස් ලෙස මියගිය පුද්ගලයෙකුගේ නිරුවත් මළ සිරුරක් අද (18) පෙරවරුවේදී හමුවූ බව බදුල්ල පොලීසිය පැවසීය. කුඹුරේ හිමිකරු දින හතරකින් පසු කුඹුරට පැමිණි බවත් ඒ පැමිණීමේදී මෙම පුද්ගල මළ සිරුර දැක ඇති අතර, පසුව පොලීසිය දැනුවත් කර තිබුණි. අනතුරුව බදුල්ල පොලීසියේ නිලධාරීන් සිද්ධිය පිළිබඳව මූලික විමර්ශන ආරම්භ කර ඇත.

වත්මන් දේශ­පා­ලන පරි­ස­රයේ නිසි ලෙස නීතිය ක්‍රියා­ත්මක කර­න්නට නොහැකි නම් එය පොලී­සියේ දුර්ව­ල­තා­වක් බව පොලි­ස්පති ප්‍රියන්ත වීර­සූ­රිය මහතා පව­සයි. මේ වන­විට රජය වෙතින් පොලී­සි­යට එල්ල­වන එකම බල­පෑම නීතිය නිසි ලෙස ක්‍රියා­ත්මක කරන ලෙස කරන බල­පෑම බව ද ඒ මහතා කීය. මල්වතු අස්ගිරි උභය මහා විහා­රීය මහ­නා­යක හිමි­ව­රුන් දෙනම ඊයේ (17) බැහැ­දැක ආශී­ර්වාද ලබා ගැනී­මෙන් පසු මාධ්‍ය හමුවේ අද­හස් දක්ව­මින් පොලි­ස්ප­ති­ව­රයා මේ බව පැව­සීය. මහ­නා­යක හිමි­ව­රුන් බැහැ­දැ­කී­මට පෙර පොලි­ස්පති ප්‍රියන්ත වීර­සූ­රිය මහතා ශ්‍රී දළදා මාලි­ගා­වට ගොස් දළදා සමි­ඳුන් වැඳ­පුදා ගත්තේය. එම අව­ස්ථාවේ දිය­ව­ඩන නිලමේ ප්‍රදීප් නිලංග දෑල මහතා පොලි­ස්ප­ති­ව­ර­යාව පිළි­ගත්තේ පිච්ච­මල් වට්ටි­යක් පිළි­ග­න්ව­මිනි. අන­තු­රුව වැඩි­දු­ර­ටත් අද­හස් දැක්වූ පොලි­ස්පති ප්‍රියන්ත වීර­සූ­රිය මහතා…