Author: LFN

වෙසක් දිනය නිමිත්තෙන්, එළඹෙන 31 වන දින (ඉරිදා) රජයේ නිවාඩු දිනයක් ලෙස ප්‍රකාශයට පත් කර ඇත. රාජ්‍ය පරිපාලන, පළාත් සභා සහ පළාත් පාලන අමාත්‍ය චන්දන අබේරත්න මහතා විසින් මෙම ගැසට් නිවේදනය ප්‍රකාශයට පත් කර ඇත. 2026.03.30 දින ගත් කැබිනට් තීරණයට අනුව, 2026.05.27 සිට 2026.06.02 දක්වා කාලය වෙසක් සතිය ලෙස ප්‍රකාශයට පත් කර ඇති අතර ජුනි 02 දක්වා කාලය වෙසක් සතිය ලෙස ප්‍රකාශයට පත් කර ඇත. ඒ අනුව, 2026 වර්ෂය සඳහා වෙසක් උත්සවයේ නිල උත්සවය මැයි 30 වන දින සංවිධානය කර ඇත. ඊට අමතරව, සාමාන්‍ය පරිපාලන, අභ්‍යන්තර කටයුතු, පළාත් සභා සහ පළාත් පාලන අමාත්‍යාංශය විසින් ඊළඟ දිනය වන මැයි 31 රජයේ…

නර්තන කණ්ඩායමක ස්වරූපයෙන්, කාන්තාවන් ලෙස වෙස්වලාගත් තායිලන්ත පොලිස් නිලධාරීන් පිරිසක් දියත් කළ සුවිශේෂී මෙහෙයුමකින් එරට ප්‍රධාන පෙළේ මත්ද්‍රව්‍ය ජාවාරම්කරුවෙකු අත්අඩංගුවට ගෙන තිබේ. මෙහිදී “Mekha Fa-Wap-Wap” නැමැති සැකකරු අත්අඩංගුවට පත්ව ඇති අතර, ඔහු සන්තකයේ තිබී මෙතැම්පටමයින් (Methamphetamine) මත්ද්‍රව්‍ය ජාවාරම් සහ නීතිවිරෝධී සූදු ව්‍යාපාර සඳහා භාවිතා කළ ජංගම දුරකථන ද පොලිස් භාරයට ගෙන ඇත. පොලිස් නිලධාරීන් වෙස්වලාගෙන සිටින මෙම වැටලීමට අදාළ ඡායාරූපය මේ වන විට ජාත්‍යන්තර සමාජ මාධ්‍ය සහ වෙබ් අඩවි තුළ දැඩි අවධානයට ලක්වෙමින් පවතී.

වැලිකඩ පොලිස් ස්ථානයේ ස්ථානාධිපතිවරයා කොළඹ මධ්‍යම අපරාධ විමර්ශන කාර්යාංශය විසින් අත්අඩංගුවට ගෙන තිබෙනවා. එසේ අත්අඩංගුවට ගෙන ඇත්තේ, අන්තර්ජාල ජාවාරමක් සම්බන්ධයෙන් අත්අඩංගුවට ගත් චීන ජාතිකයන් 19 දෙනෙකුගේ විදේශ ගමන් බලපත්‍ර මුදා හැරීම සඳහා රුපියල් ලක්ෂ 3 බැගින් අල්ලස් ඉල්ලා සිටීමේ චෝදනාව මතයි.

හැටන්, තිකෝය ප්‍රදේශයේදී යුවළක් ඝාතනය කිරීමේ සිද්ධියේ ප්‍රධාන සැකකරු අද (27) අලුයම 5.45 පමණ මහනුවර ජාතික රෝහලේ ප්‍රතිකාර ලබමින් සිටියදී බන්ධනාගාර නිලධාරීන්ගේ භාරයෙන් පලා ගොස් තිබේ. මූලික විමර්ශනවලට අනුව මොහු මීට පෙර හාලිඇළ, වත්තවෙල, වික්ටන්, තිකෝය, ලිඳුල, බෝගවන්තලාව, පුස්සැල්ලාව, ඇඟලුම් සහ පිළියන්දල යන ප්‍රදේශවල සැරිසරා ඇත. එසේම, මොහු විවිධ අපරාධ ක්‍රියාවන්ට සම්බන්ධ බවටද හෙළි වී තිබේ. හදිසි රෝගී තත්ත්වයක් හේතුවෙන් සැකකරු ඊයේ (26) මහනුවර ජාතික රෝහලට ඇතුළත් කර තිබූ අතර, අද අලුයම ඔහු මෙලෙස පලා ගොස් ඇත. මීට පෙර හැටන් සහ බගවන්තලාව පොලිසිය විසින් මහජනතාවගෙන් සහ මාධ්‍යයෙන් ලැබුණු තොරතුරු මත විශාල පරිශ්‍රමයක් දරා මෙම සැකකරුව අත්අඩංගුවට ගෙන තිබුණි. සැකකරු යළි…

2026 රාජ්‍ය වෙසක් උත්සවය වෙනුවෙන් මස් මාංශ අලෙවි සැල්, මස් පිණිස සතුන් මරණ ස්ථාන, රේස් බුකි, කැසිනෝ ශාලා හා සමාජ ශාලා වසා තැබීමට තීරණය කර තිබේ. ඒ අනුව අද (27) සිට ජූනි මස 2 වනදා දක්වා වෙසක් සතිය පුරාවට ඉහත ස්ථාන වසා දමන බව රාජ්‍ය පරිපාලන, පළාත් සභා සහ පළාත් පාලන අමාත්‍යාංශය නිවේදනය කරයි. මේ අතර, මැයි මස 30, 31 සහ ජූනි 01 යන දිනයන්හි දිවයින පුරා ඇති මස් පිණිස සතුන් ඝාතනය කරන ස්ථාන හා මස් මාංශ අලෙවිසැල් වසා තැබීමටත්, සුපිරි වෙළඳ සැල්වල මස් මාංශ අලෙවිය නැවැත්වීමටත්, රේස් බුකි, කැසිනෝ ශාලා හා සමාජ ශාලා වසා තැබීමටත් අවශ්‍ය කටයුතු කරන ඉල්ලා…

ඉබෝලා ආසාදනය වී ඇති බවට සැක කෙරෙන උගන්ඩා ජාතික කාන්තාවක් ඉන්දියාවේ බැංගලෝර් තාක්ෂණික මධ්‍යස්ථානයේ නිරෝධායනය කර ඇති බව ඉන්දීය මාධ්‍ය වාර්තා කර තිබේ. මෙම කාන්තාවට ඉබෝලා ආසාධනය වී ඇති බවට තහවුරු වුවහොත් එය 2014න් පසු දකුණු ආසියාතික රටකින් වාර්තා වන පළමු ඉබෝලා ආසාදිතයා විය හැකි බවද වාර්තා වේ. ලෝක සෞඛ්‍ය සංවිධානය විසින් ජාත්‍යන්තර අවධානයට ලක්විය යුතු මහජන සෞඛ්‍ය හදිසි තත්ත්වයක් ලෙස ප්‍රකාශයට පත් කර ඇති මෙම රෝගය වැළඳුණු කිසිදු රෝගියෙකු ඉන්දියාවෙන් වාර්තා වී නොමැති බව එරට සෞඛ්‍ය අමාත්‍යශය ප්‍රකාශ කර දිනකට පසුව මෙම පුවත වාර්තා වී ඇති බවද සඳහන්. 28 හැවිරිදි මෙම උගන්ඩා ජාතික කාන්තාවට සුළු ඇඟපතේ වේදනාවක් හටගෙන ඇති…

ඊබෝලා වෛරසය පැතිරීමේ අවදානම හේතුවෙන් අප්‍රිකානු රටවල් තුනක පදිංචිකරුවන්ට තාවකාලික සංචාරක තහනමක් පැනවීමට කැනඩාව තීරණය කර තිබේ. ඒ අනුව කොංගෝ ප්‍රජාතන්ත්‍රවාදී ජනරජය, උගන්ඩාව සහ දකුණු සුඩානය යන රටවල පදිංචිකරුවන්ට බදාදා සිට දින 90ක කාලයක් සඳහා කැනඩාවට ඇතුළුවීම තහනම් කෙරේ. කැනඩා රජය පවසන්නේ, ඊබෝලා වෛරසය කැනඩාවට ඇතුළු වීම සහ රට තුළ ව්‍යාප්ත වීමේ අවදානම අවම කිරීම සඳහා මෙම තීරණය ගත් බවයි. කොංගෝ ප්‍රජාතන්ත්‍රවාදී ජනරජය තුළ Bundibugyo වර්ගයේ ඊබෝලා වෛරස් ප්‍රභේදය ජාතික වසංගත තත්ත්වයක් දක්වා වර්ධනය වීමේ අවදානම “ඉතා ඉහළ” මට්ටමකට පැමිණ ඇති බව ලෝක සෞඛ්‍ය සංවිධානය පසුගියදා ප්‍රකාශ කළේය. මේ අතර, පසුගිය සතියේ අමෙරිකාව ද මෙම රටවල් තුන වෙත පසුගිය සතිවල…

ආරක්‍ෂක ලේකම් එයාර් වයිස් මාර්ෂල් (විශ්‍රාමික) සම්පත් තුයියකොන්තා මහතා මොස්කව්හිදී රුසියානු ආරක්‍ෂක අමාත්‍ය Vasily Osmakov මහතා හමුවී තිබේ. ඊයේ (26) මෙම හමුව සිදුව ඇති බව ආරක්‍ෂක අමාත්‍ය සඳහන් කළේය. මොස්කව්හිදී  මැයි 26 සිට 29 දක්වා පැවැත්වෙන පලමුවන ජාත්‍යන්තර ආරක්ෂක සංසදය සහ ආරක්ෂක ගැටලු පිළිබඳ ජ්‍යෙෂ්ඨ නියෝජිතයින්ගේ වාර්ෂික රැස්වීම සඳහා සහභාගි වු ආරක්‍ෂක ලේකම්වරයා ඊට සමගාමීව මෙම හමුව පැවැත්විණි. මෙම සාකච්ඡාවේදී, දෙරට අතර කලාපීය සහ ගෝලීය වශයෙන් වැදගත් ආරක්‍ෂක අභියෝග පිළිබඳව අදහස් හුවමාරු කර ගෙන තිබේ. ශ්‍රී ලංකාව සහ රුසියානු සමූහාණ්ඩුව අතර අන්‍යොන්‍ය වශයෙන් වැදගත් වන ආරක්‍ෂක ක්ෂේත්‍රවල, විශේෂයෙන්ම යුද-තාක්‍ෂණික සහයෝගීතාව ධාරිතා සංවර්ධන වැඩසටහන් මෙන්ම දෙරට අතර පුහුණුවිම්වලට අදාළ අවස්ථා ඉහළ…

එක්සත් අරාබි එමීර් රාජ්‍යයේ බරාකා න්‍යෂ්ටික විදුලි බලාගාරයට එල්ල වූ ඩ්‍රෝන ප්‍රහාරය දැඩි ලෙස හෙළා දකින බව එක්සත් ජාතීන්ගේ ආරක්ෂක මණ්ඩලය පවසයි. මෙම ප්‍රහාරය ජාත්‍යන්තර නීතිය උල්ලංඝනය කිරීමක් බව ආරක්ෂක මණ්ඩලය ප්‍රකාශ කර ඇත. එයට වගකිව යුතු පාර්ශ්වය සම්බන්ධයෙන් එක්සත් ජාතීන්ගේ ආරක්ෂක මණ්ඩලය විසින් කිසිදු රටක් නම් නොමැත. පසුගිය සතියේ ඉරාකයෙන් ඩ්‍රෝන යානා හයක් තමන් වෙත එල්ල වූ බව එක්සත් අරාබි එමීර් රාජ්‍යය සඳහන් කළ අතර, ඒ අතරින් එක් ඩ්‍රෝන යානයක් මෙම බරාකා න්‍යෂ්ටික බලාගාරය ඉලක්ක කර තිබූ බව වාර්තා වෙයි.‍

ශ්‍රී ලංකාවේ විස්තීරණ අරමුදල් පහසුකම යටතේ ශ්‍රී ලංකාව සම්බන්ධයෙන් පස්වන සහ හයවන සමාලෝචන ඇගයීමට ලක්කිරීම අද (27) සිදුකිරීමට නියමිතව තිබේ. ජාත්‍යන්තර මූල්‍ය අරමුදලේ විධායක මණ්ඩලය විසින් මේ සඳහා අනුමතිය ලබා දී ඇති බව සඳහන් ය. ජාත්‍යන්තර මූල්‍ය අරමුදල පැවසුවේ මේ යටතේ ශ්‍රී ලංකාවට අමෙරිකා ඩොලර් මිලියන 700ක පමණ මූල්‍ය ආධාරයක් ලබාගැනීමට ප්‍රවේශය සැලසෙන බවය. මෙම සමාලෝචනය සඳහා අනුමැතිය ලැබීමට අවදානය ලක්විය හැකි පාර්ශ්ව ආරක්ෂා කරමින් පිරිවැය ආවරණය කෙරෙන විදුලි සහ ඉන්ධන මිල ප්‍රතිස්ථාපනය කිරීම තීරණාත්මක ක්‍රියාමාර්ගයක් බව මීට පෙර ජාත්‍යන්තර මූල්‍ය අරමුදලේ සන්නිවේදන දෙපාර්තමේන්තුවේ අධ්‍යක්ෂවරිය සඳහන් කර තිබුණි.