Author: LFN

මැතිවරණ කටයුතු සඳහා මූල්‍ය ප්‍රතිපාදන සැපයීමේ දුෂ්කරතා හේතුවෙන් පාකිස්තානයේ මැතිවරණ කල්යාමේ අවදානමක් මතුව ඇති බව වාර්තා වේ. එරට ආරක්ෂක අමාත්‍ය කාවාජා අසීෆ් ප්‍රකාශ කර ඇත්තේ මේ වන විට එරට මුදල් අමාත්‍යංශයට මැතිවරණ පැවැත්වීම සඳහා මුදල් නොමැති බවය. ඔහු මේ බව සඳහන් කළේ පාකිස්තානයේ හිටපු අග්‍රාමාත්‍ය ඉම්රාන් ඛාන් මැතිවරණයක් ඉල්ලා දිගින් දිගටම රජයට බලපෑම් කරමින් සිටින පසුබිමකය. ඉම්රාන් ඛාන්ට විවේචන එල්ල කරමින් පාකිස්තාන ආරක්ෂක අමාත්‍යවරයා වැඩිදුරටත් පවසන්නේ, ඉම්රාන් ඛාන් තමන්ව ඝාතනය කිරීමට සැලසුම් කළ බවට රජයේ නිලධාරීන්ට එල්ල කරන චෝදනාව සාවද්‍ය බවය. පාකිස්තාන තොරතුරු කටයුතු අමාත්‍යවරයා සමග පැවති ඒකාබද්ධ මාධ්‍ය හමුවකදී පාකිස්තාන ආරක්ෂක අමාත්‍යවරයා මේ බව සඳහන් කර තිබේ. එමෙන්ම තමන්ව…

දියගම මහින්ද රාජපක්ෂ ක්‍රීඩාංගණයේ නඩත්තුව පිළිබඳව පසුගිය කාලයේදී ක්‍රීඩා අමාත්‍යාංශය නිසි අවධානයක් යොමුකර නොමැති බව ජනාධිපතිවරයා අවධාරණය කරයි. ජනාධිපති රනිල් වික්‍රමසිංහ මහතා ඊයේ (25) පෙරවරුවේ දියගම මහින්ද රාජපක්ෂ ක්‍රීඩා සංකීර්ණයේ නිරීක්ෂණ චාරිකාවකට එක්වෙමිනි පවසා සිටියේ, වැය කරන සෑම සතයක් පිළිබඳවම රජය වගකිව යුතු බවය. මේ අතර මෙරට ක්‍රීඩා ක්ෂේත්‍රයේ ප්‍රගමනය සහ එහි ඉදිරි සැලසුම් පිළිබඳ සොයා බැලීමට විශේෂඥ කමිටුවක් පත් කරන ලෙස ජනාධිපති රනිල් වික්‍රමසිංහ මහතා උපදෙස් දී තිබේ. ක්‍රීඩා සහ අධ්‍යාපන අමාත්‍යවරුන් මෙන්ම ක්ෂේත්‍රයේ විශේෂඥයන් ඇතුළු පාර්ලිමේන්තුව නියෝජනය කරන පක්ෂ, විපක්ෂ මන්‍ත්‍රීවරුන් කිහිප දෙනෙකුගෙන් සමන්විතව එම කමිටුව පත් කිරීමට ද ජනාධිපතිවරයා විසින් උපදෙස් දෙනු ලැබීය. ජනාධිපති රනිල් වික්‍රමසිංහ මහතා…

ශ්‍රී ලංකා නීතිඥ සංගමයේ 27 වන සභාපතිවරයා ලෙස ජ්‍යෙෂ්ඨ නීතිඥ කෞෂල්‍ය නවරත්න මහතා ඊයේ (25) සිය ධුරයේ වැඩ ආරම්භ කළේය. එහිදී ඔහු සඳහන් කළේ, පක්ෂ දේශපාලනයෙන් බැහැරව ස්වාධීනව නීතිඥ සංගමයේ ඉදිරි කටයුතු කරගෙන යාමට පියවර ගන්නා බවය. 2023 – 2024 වසර සඳහා ශ්‍රී ලංකා නීතීඥ සංගමයේ නව සභාපතිවරයා ලෙස ජ්‍යෙෂ්ඨ නීතිඥ කෞෂල්‍ය නවරත්න මහතා ඡන්ද විමසීමකින් තොරව පසුගියදා තේරී පත් වුණි. ඒ, එම තනතුර සඳහා ඔහු පමණක් නාමයෝජනා භාරදී තිබීම හේතුවෙනි. මේ අතර නීතිඥ සංගමයේ විධායක කමිටු සාමාජිකයින් 13දෙනෙකු තෝරා පත්කරගැනීම සඳහා වන නිලවරණය කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී අද උදෑසන පැවැත්වුණි. නීතීඥ සංගමයේ මීට පෙර සභාපතිධුරය හෙබවූ ජනාධිපති…

පසුගිය සමයේ නුපුහුණු සංවර්ධන නිලධාරීන් 22,000ක් පාසල්වල ඉගැන්වීමේ කටයුතු සඳහා සම්බන්ධ කරගැනීම හරහා ප්‍රාථමික අධ්‍යාපනයට විශාල බලපෑමක් එල්ලවී ඇති බව අධ්‍යාපන අමාත්‍ය සුසිල් ප්‍රේම්ජයන්ත් මහතා පවසයි. කොළඹ පැවති වැඩසටහනකට එක්වෙමින් අමාත්‍යවරයා වැඩිදුරටත් සඳහන් කළේ, තමා අධ්‍යාපන අමාත්‍ය ධුරයේ සිටින තෙක් කිසිදු පාසලක් ජාතික පාසලක් බවට පත්නොකරන බවය. එහිදී වැඩිදුරටත් අදහස් දැක්වූ අධ්‍යාපන අමාත්‍ය සුසිල් ප්‍රේම්ජයන්ත් මහතා, “ජාතික පාසල් 1,000ක් හදන්න උත්සාහ කළා. ජාතික පාසල් 499යි – ගුරුවරු 35,000යි. 14,000ක් ජාතික පාසල් ගුරු මාරු ඉල්ලුවා. ප්‍රධාන පාසල් 20ක පමණ ගුරුවරු විරුද්ධ වුණා. ජනාධිපතිතුමාට කියලා මාරු මණ්ඩලය විසුරුවා. මම මැදිහත් වෙලා එය විසඳා ගත්තා. ජාතික පාසල් 499ක ගුරුවරු 35,000ක් එක්ක මේ වැඩේ…

හෝමාගම මාබුල්ගොඩ ප්‍රදේශයේ ගරාජයක් ඉදිරිපිට නතරකර තිබූ බස් රථයකට සහ ත්‍රිරෝද රථයකට ඊ (25) රාත්‍රියේ දී ටී 56 ගිනි අවියකින් වෙඩි ප්‍රහාරයක් එල්ල කර ඇතැයි හෝමාගම පොලීසිය කියයි. යතුරුපැදියකින් පැමිණි පුද්ගලයන් දෙදෙනෙක් වෙඩිතැබීම සිදුකර ඇත. වෙඩි තැබීමෙන් කිසිවෙකුටත් තුවාල සිදු වී නැති අතර වාහන දෙකට අලාභ සිදුවී ඇත. වෙඩි තැබීමට හේතුව මෙතෙක් අනාවරණය වී නැත. හෝමාගම පොලීසිය පරීක්ෂණ පවත්වයි.

බස්නාහිර, සබරගමුව සහ වයඹ පළාත්වලත් ගාල්ල සහ මාතර දිස්ත්‍රික්කවලත් අද (26) සවස්කාලයේදී හෝ රාත්‍රීකාලයේදී තැනින්තැන වැසි හෝ ගිගුරුම් සහිත වැසි ඇතිවිය හැකි බව කාලගුණවිද්‍යා දෙපාර්තමේන්තුව පවසයි. එම දෙපාර්තමේන්තුව සඳහන් කරන්නේ, ඇතැම්ස්ථානවලට මි.මී. 50ක පමණ තරමක තද වැසි ඇති වියහැකි බවය. උතුරු මැද සහ ඌව පළාත්වලත් මහනුවර නුවරඑළිය සහ මන්නාරම දිස්ත්‍රික්කවලත් ස්ථාන ස්වල්පයක සවස් කාලයේදී හෝ රාත්‍රීකාලයේදී වැසි හෝ ගිගුරුම් සහිත වැසි ඇති වේ. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටී.

සිවිල් ආරක්ෂක දෙපාර්තමේන්තුව විසිරුවා හැරීමේ කිසිදු සූදානමක් නොමැති බව ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සාගල රත්නායක මහතා පවසයි. 2015 කැබිනට් පත්‍රිකාවට අනුව සිවිල් ආරක්ෂක සේවය ක්ෂ්‍ය වන සේවයක් ලෙස අනුමත කළද එම කාලසීමාව ඉකුත් වී ඇති බව ඔහු පෙන්වා දෙයි. ඒ අනුව සිවිල් ආරක්ෂක දෙපාර්තමේන්තුවේ සාමාජිකයින්ට වසර 60ක සේවා කාලයක නිරතවීම සඳහා වසර 55න් ඉදිරියට සේවා දිගුව ඉල්ලා සිටිය හැකි බවට පෙන්වා දුන් සාගල රත්නායක මහතා, එම කටයුතු කිසිවක් වෙනස්වී නොමැති අතර ඉදිරියේදී ද වෙනස් කිරීමට සූදානමක් නොමැති බව අවධාරණය කළේය. සිවිල් ආරක්ෂක දෙපාර්තමේන්තු නිලධාරීන් විසින් ඉටුකරන ලද සේවාව අගය කිරීම සඳහා සිවිල් ආරක්ෂක දෙපාර්තමේන්තු මූලස්ථානයේ පැවති ඇගයීම් උළෙලට…

රුපියල් මිලියන 12කට ගජමුතු 05ක් චීන ජාතිකයෙකුට අලෙවිකිරීමට තැත්කළ පුද්ගයින් පස්දෙනකු අත්අඩංගුවට ගෙන තිබේ. ඔවුන් අද (25) අත්අඩංගුවට ගෙන ඇත්තේ, මාතලේ ප්‍රදේශයේ පිහිටි සුපිරි හෝටලයකදීය. මෙසේ අත්අඩංගුවට ගෙන ඇත්තේ මාතලේ මහෙස්ත්‍රාත් අධිකරණයේ ලේඛනාගාරයේ සේවකයෙක්, නඩු භාණ්ඩ කාමරයේ සේවකයෙක් සහ රත්තොට ප්‍රදේශයේ පදිංචි පුද්ගලයන් තිදෙනෙකු බව පොලීසිය පවසයි. එම ගජමුතු මාතලේ මහෙස්ත්‍රාත් අධිකරණයේ නඩු භාණ්ඩ කාමරයේ තිබූ බවට සැක කෙරෙයි. ගජමුතු පහක්, සැකකරුවන් පැමිණි ත්‍රිරෝද රථයක් සහ යතුරුපැදියක් ද පොලිස් භාරයට ගෙන තිබේ.

කොළඹ සිට මඩකලපුව දක්වා අද (25) ධාවනය වූ දුම්රියක් විරෝධතාකරුවන් පිරිසක් විසින් නතර කර තිබේ. ඒ, මඩකලපුව ස්විස්ගම ප්‍රදේශයේදීය. දුම්රිය මාර්ගය අලුත්වැඩියා කිරීම හේතුවෙන් සිය ගම්මානයට පිවිසීමට අපහසු බව පවසමින් පිරිස මෙලෙස විරෝධය පළ කර තිබුණි. පැය දෙකක පමණ කාලයක් දුම්රිය නතර කර තිබෙන අතර පසුව දුම්රිය මාර්ගයේ අදාළ කොටසට ගල් අතුරා සකස් කිරීමෙන් අනතුරුව විරෝධතාවය අවසන් කර තිබේ.

දකුණේ විශ්ව විද්‍යාල සිසුන් පිරිසක් අද (25) යාපනයට ගොස් යාපනයේ සම්මන්ත්‍රණයක් පැවැත්විමට යාමේදි යාපනය ජනතාවගේ දැඩි විරෝධය මැද නැවත පැමිණිමට කටයුතු කර ඇත.එහිදි ජනතාවගේ අයිතින් යැයි පවසමින් ත්‍රස්ථවාදි පනත අහෝසි කරනු, දේශපාලන සිරකුරුවන් නිදහස් කරනු යන කරුණු සම්බන්ධයෙන් සම්මන්ත්‍රණයක් පැවැත්විමට මෙලෙස කටයුතු යොදා තිබුන අතර, එවැනි කරුණු යාපනයේ සාමාන්‍ය ජනතාවට ජිවිකාවට බාධාවක් නොවන බවත්, එම නිසා නැවත ජාතිවාදි ප්‍රශ්ණ හෝ දේශපාලන සටන් පාඨ රැගෙන යාපනයේ ජනතාවට සම්මන්ත්‍රණ තැබිමට ඉඩ නොදෙන බවට යාපනය ජනතාව පවසා ඇත. එහිදි වැඩිදුරටත් අදහස් දැක්වූ සෙල්වරාසා මහතා.. අපිට කන්න අදින්න ටික ගන්න අපි හම්බ කරගන්නවා.. අපිට ඡන්දයක් ආවම අපි අපිට අවශ්‍ය කෙනො පත් කරගන්නම්.. පාසැල් ගොස්…