ප්රදේශ කිහිපයක සිදුවූ රිය අනතුරුවලින් කාන්තාවක් සහ තරුණයින් දෙදෙනෙකු ඇතුළු පුද්ගලයින් හයදෙනෙකු මියගොස් තිබේ.
ඊයේ (16) මෙම අනතුරු සිදුව තිබුණේ, හලාවත, කුලියාපිටිය, පුල්මුඩේ, දවුලගල, මිහින්තලය සහ සීගිරිය යන පොලිස් වසම්වලදීය.
හලාවත පොලිස් වසමේ කොළඹ – හලාවත ප්රධාන මාර්ගයේ මයික්කුලම ප්රදේශයේදී ලංගම බස් රථයක ගමන් කළ මගියෙකු බස් රථයේ ඉදිරිපස දොරෙන් ඇද වැටී එම බස් රථයටම යටවීමෙන් අනතුරක් සිදුව ඇත.
අනතුරින් බරපතළ තුවාල ලැබූ මගී පුද්ගලයා ප්රතිකාර සඳහා හලාවත රෝහලට ඇතුළත් කිරීමෙන් පසු මිය ගොස් ඇති බව පොලීසිය පවසයි.
එලෙස මියගොස් ඇත්තේ, හලාවත ප්රදේශයේ පදිංචිව සිටි 45 හැවිරිදි පුද්ගලයෙකි.
මේ අතර කුලියාපිටිය – හෙට්ටිපොල මාර්ගයේ කරගහගෙදර ප්රදේශයේදී මෝටර් රථයක ප්රතිවිරුද්ධ දෙසින් ධාවනය වූ යතුරුපැදියක ගැටී මෝටර් රථය විදුලි රැහැන් කණුවක ද ගැටී අනතුරක් සිදුව ඇත.
අනතුරින් බරපතළ තුවාල ලැබූ යතුරුපැදිකාරිය, පසුපැදිකාරිය හා මෝටර් රථයේ රියදුරු ප්රතිකාර සඳහා කුලියාපිටිය රෝහලට ඇතුළත් කිරීමේදී පැදිකාරිය මියගොස් තිබේ.
එලෙස මියගොස් ඇත්තේ, මූණමල්දෙනිය ප්රදේශයේ පදිංචිව සිටි 47 හැවිරිදි කාන්තාවකි.
මේ අතර පුල්මුඩේ බෝගස් හන්දිය මාර්ගයේ කිලෝමීටර් 14 කණුව ආසන්නයේදී යතුරු පැදියක් ප්රතිවිරුද්ධ දෙසින් ධාවනය වූ බහාලුම් ප්රවාහන ලොරි රථයක මුහුණට මුහුණ ගැටී අනතුරක් සිදුව ඇත.
අනතුරින් බරපතළ තුවාල ලැබූ යතුරුපැදිකරු ප්රතිකාර සඳහා පුල්මුඩේ රෝහලට ඇතුළත් කිරීමෙන් පසු මියගොස් ඇති බව පොලීසිය පවසයි.
එලෙස මියගෝස ඇත්තේ, මහසෙන්පුර ප්රදේශයේ පදිංචිව සිටි 35 හැවිරිදි පුද්ගලයෙකි.
මේ අතර දවුලගල – පිළිමතලාව ප්රධාන මාර්ගයේ පමුණුව ප්රදේශයේදී පුද්ගලික බස් රථයක ගමන් කළ මගී කාන්තාවක් බස් රථයෙන් බැසීමට යාමේදී ඇද වැටීමෙන් අනතුරක් සිදුව ඇත.
අනතුරින් තුවාල ලැබූ එම කාන්තාව පමුණුව රෝහලට ඇතුළත් කිරීමෙන් පසු වැඩිදුර ප්රතිකාර සඳහා පේරාදෙණිය රෝහලට ඇතුළත් කිරීමේදී මිය ගොස් තිබේ.
එලෙස මියගොස් ඇත්තේ, 75 හැවිරිදි කාන්තාවකි.
මේ අතර මාතලේ හන්දිය – ගල්කුලම දක්වා ඇති මාර්ගයේ කුරුන්දන්කුලම ප්රදේශයේදී යතුරුපැදියක් පැදිකරුට පාලනය කරගත නොහැකිව මාර්ගයෙන් ඉවතට පැන පෙරළීමෙන් අනතුරක් සිදුව ඇත.
අනතුරින් යතුරුපැදිකරු බරපතළ තුවාල ලබා ප්රතිකාර සඳහා අනුරාධපුර රෝහලට ඇතුළත් කිරීමෙන් පසු මිය ගොස් තිබේ.
එලෙස මියගොස් ඇත්තේ, අනුරාධපුර ප්රදේශයේ පදිංචිව සිටි 23 හැවිරිදි පුද්ගලයෙකි.
මේ අතර දඹුල්ල – හබරණ මාර්ගයේ දිගම්පතහ ප්රදේශයේදී යතුරුපැදියක් කැබ් රථයකට ඉස්සර කිරීමට යාමේදී කැබ් රථය හා යතුරු පැදිය මාර්ගය හරහා ගමන් කළ වන අලියකුගේ ගැටී අනතුරක් සිදුව ඇත.
අනතුරින් යතුරුපැදිකරු,කැබ් රථයේ රියදුරු හා රිය සහයක තුවාල ලබා ප්රතිකාර සඳහා ප්රතිකාර සඳහා දඹුල්ල රෝහලට ඇතුළත් කිරීමෙන් පසු යතුරු පැදිකරු මියගොස් ඇති බව පොලීසිය පවසයි.
එලෙස මියගොස් ඇත්තේ, දිගම්පතහ ප්රදේශයේ පදිංචිව සිටි 22 හැවිරිදි තරුණයෙකි.