Author: LFN

අයපත් කාලගුණික තත්ත්වය හේතුවෙන් ශ්‍රී ලංකාවට බලපෑ ආපදාවට ප්‍රතිචාර වශයෙන් ජපානය මෙරටට හදිසි ආධාර ලබා දීමට තීරණය කර තිබේ. ඒ අනුව ජපාන ජාත්‍යන්තර සහයෝගීතා ඒජන්සිය (JICA) හරහා මෙරට රජයට තක්සේරු කණ්ඩායමක් එවීමට ජපාන රජය තීරණය කර ඇත. එම කාර්ය මණ්ඩලයට වෛද්‍ය නිලධාරීන්ද ඇතුළත් වන අතර ඔවුන් මෙරට වෛද්‍ය අවශ්‍යතා නිරීක්ෂණය කරනු ඇති බවත් සහ ජපන් ආපදා සහන කණ්ඩායමක් එවීමට ඇති හැකියාව සම්බන්ධීකරණය කරනු ඇති බවත් සඳහන් වේ එමෙන්ම ජපාන රජය විසින් JICA ආයතනය හරහා විපතට පත් ජනතාවට කූඩාරම් සහ බ්ලැන්කට් ඇතුළු හදිසි සහනාධාර භාණ්ඩ ලබාදීමට ද තීරණය කර තිබේ.

ගතවූ පැය 24ක කාලය තුළ දිවයිනේ වැඩිම වර්ෂාපතනය කිලිනොච්චි දිස්ත්‍රික්කයෙන් වාර්තා වී තිබේ. ආපදා කළමනාකරණ මධ්‍යස්ථානය නිවේදනය කළේ, කිලිනොච්චි දිස්ත්‍රික්කයේ පොක්කනායි ප්‍රදේශයට ඊයේ (29) දිනය තුළ මි.මී 274ක වාර්ෂාපතනයක් ලැබී ඇති බවය. මේ අතර, මන්නාරමේ පොර්ටකනි ප්‍රදේශයට මි.මී.210ක් සහ මන්නාරමේ, මඩු ප්‍රදේශයට මි.මී. 193ක වර්ෂාපතනයක් ලැබී තිබේ. මේ අතර කෑගල්ල දිස්ත්‍රික්කයයේ දුනමාලෙයි වත්ත ප්‍රදේශයට මි.මී.181ක වාර්ෂාපතනයක් ලැබී ඇති අතර ගම්පහ කිරිඳිවැල ප්‍රදේශයට මි.මී 121ක වර්ෂාපතනයක් ලැබී තිබේ.

වහල මත සවි කර ඇති සූර්ය පැනල හිමිකරුවන් අද පස්වරු 3 දක්වා ස්වේච්ඡාවෙන් තම සූර්ය පැනල ක්‍රියා විරහිත කරන ලෙස ලංකා විදුලි බල මණ්ඩලය එම හිමිකරුවන්ගෙන් ඉල්ලීමක් කර තිබේ. විදුලි බල පද්ධතියේ දක්නට ලැබෙන සැලකිය යුතු අඩු ඉල්ලුම හේතුවෙන් පවතින ආපදා කාලය තුළ ජාතික විදුලිබල පද්ධතියේ විශ්වසනීය හා ස්ථාවර ක්‍රියාකාරිත්වය සහකිත කිරීම සඳහා සූර්ය පැනල ක්‍රියා විරහිත කිරීමට අවශ්‍ය වන බවය.

අයහපත් කාලගුණ තත්ත්වය හමුවේ විපතට පත් ජනතාවට සහන සැලසීමේදී මෙන්ම ජන ජීවිතය යථා තත්ත්වයට පත් කිරීමේ වැඩපිළිවෙළෙහිදී මෙරට ව්‍යාපාරික ප්‍රජාවගේ සහයෝගය අපේක්ෂා කරන බව ජනාධිපති අනුර කුමාර දිසානායක මහතා පැවසීය. ජනාධිපතිවරයා මේ බව සඳහන් කළේ ලංකා වාණිජ මණ්ඩලය සමග ඊයේ (29) රාත්‍රියේ ත්‍රිවිධ හමුදා ආරක්ෂක මූලස්ථානයේදී පැවති සාකච්ඡාවට එක් වෙමිනි. මේ වන විට රට තුළ පවතින තත්ත්වය සහ විපතට පත් ජනතාව මුදා ගැනීම් සහ සහන සැලසීම වෙනුවෙන් රජය ක්‍රියාත්මක කර ඇති වැඩපිළිවෙළ පිළිබඳ ජනාධිපතිවරයා මෙහිදී ව්‍යාපාරික ප්‍රජාව දැනුවත් කළ අතර එම කටයුතුවලදී ඔවුන්ගෙන් ලබා ගත හැකි සහාය පිළිබඳවද අවධානය යොමු කළේය. එමෙන්ම, මෙම හදිසි තත්ත්වය හමුවේ කර්මාන්ත ක්ෂේත්‍රයේ මතුව ඇති…

පවතින අයහපත් කාලගුණය තත්ත්වය හමුවේ අද (30) දිනයේ දුම්රිය ධාවනය සිදු කරන ආකාරය පිළිබඳව නිවේදනයක් කර තිබේ. ඒ අනුව දුම්රිය ධාවන කටයුතු පහත පරිදි සිදු කිරීමට ඔවුන් සැලසුම් කර ඇති බව වාර්තා වෙයි. මුහුදුබඩ දුම්රිය මාර්ගය 1. අළුත්ගම – මරදාන දක්වා පෙ.ව.05.30 – මන්දගාමී 2. ගාල්ල- මරදාන දක්වා පෙ.ව.06.00 -මන්දගාමී 3. අළුත්ගම – මරදාන දක්වා පෙ.ව.06.30 – මන්දගාමී 4. පානදුර -මරදාන දක්වා පෙ.ව.07.00 – මන්දගාමී 5. දකුණු කළුතර – මරදාන දක්වා පෙ.ව.10.30 – මන්දගාමී 6. අළුත්ගම – මරදාන දක්වා ප.ව.01.50 – මන්දගාමී 7. බෙලිඅත්ත – මරදාන දක්වා ප.ව.03.15- සීඝ්‍රගාමී ( මොරටුව,ගල්කිස්ස,දෙහිවල දුම්රිය ස්ථාන වල නතර කරනු ලැබේ.) 8. දකුණු කළුතර…

පවතින අයහපත් කාලගුණික තත්ත්වය හේතුවෙන් දිස්ත්‍රික්ක 11ක ප්‍රාදේශීය ලේකම් කොට්ටාස 93කට නිකුත් කර ඇති නායයෑම් අනතුරු ඇඟවීමේ නිවේදන තවදුරටත් දීර්ඝ කර ඇති බව ජාතික ගොඩනැගිලි පර්යේෂණ සංවිධානය පවසයි. ඒ අනුව, බදුල්ල දිස්ත්‍රික්කයේ ඌව පරණගම, හපුතලේ, බණ්ඩාරවෙල, හැලිඇල, බදුල්ල, ලුනුගල, පස්සර, මීගහකිවුල, සොරනාතොට, වැලිමඩ, ඇල්ල, කන්දෙකැටිය සහ හල්දුමුල්ල යන ප්‍රාදේශීය ලේකම් කොට්ටාස සඳහා එම නායයෑම් රතු නිවේදන නිකුත් කර ඇති බව සඳහන්ය. එමෙන්ම මහනුවර දිස්ත්‍රික්කයේ පන්විල, පාතදුම්බර, ගඟ ඉහළ කෝරලේ, උඩුනුවර, දොලුව, පූජාපිටිය, මිනිපේ, ගඟවට කෝරලේ, අකුරණ, පස්බාගේ කොරලේ, හතරලියද්ද, හාරිස්පත්තුව, පාතහේවාහැට, උඩුදුම්බර, තුම්පනේ, උඩපළාත, කුණ්ඩසාලේ, යටිනුවර, දොල්තොට සහ මැදදුම්බර යන ප්‍රාදේශිය ලේකම් කොට්ටාස සඳහා ද ඉවත්වීමේ රතු නිවේදන නිකුත්කර තිබේ.…

“දිට්වා” සුළිකුණාටුව ඊයේ (29) ප.ව.11.30 වන විට යාපනය සිට 130 kmක් උතුරු දෙසින් , අක්ෂාංශ 10.7°N සහ දේශාංශ 80.6°E ආසන්නයේ කේන්ද්‍රගතව වී ඇති බව කාලගුණ විද්‍යා දෙපාර්තමේන්තුව පවසයි. එම දෙපාර්තමේන්තුව සඳහන් කරන්නේ, මෙම පද්ධතිය උතුරු දෙසට ගමන් කර ඉදිරි පැය 24 තුළ ඉන්දියාවේ තමිල්නාඩු වෙරළ තීරයට සමාන්තරව ගමන් කරනු ඇතැයි අපේක්ෂා කරන බවය. පවතින වැසි සහිත කාලගුණ තත්ත්වයේ අඩුවීමක් අද (30) සිට අපේක්ෂා කරන බව කාලගුණ විද්‍යා දෙපාර්තමේන්තුව නිවේදනය කරයි. උතුර, උතුරුමැද, වයඹ, බස්නාහිර, සබරගමුව පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් වැසි වාර කිහිපයක් ඇති විය හැකියි. උතුරු, උතුරු-මැද, සහ වයඹ පළාත්වල සහ ත්‍රිකුණාමලය දිස්ත්‍රික්කයේ විටින් විට හමන පැ.කි.මී.…

ආපදා සහිත ප්‍රදේශවල අඛණ්ඩ සෝදිසි කිරීම් සහ මුදාගැනීමේ මෙහෙයුම් සඳහා සහායවීමට ඉන්දීය ගුවන් හමුදාවේ MI-17V5 හෙලිකොප්ටර් යානා දෙකක් ශ්‍රී ලංකාව වෙත ළඟා වී තිබේ. ඊයේ (29) සවස මෙම හෙලිකොප්ටර් යානා දෙක පැමිණි බව ගුවන් හමුදා පවසයි. සහන සේවා සඳහා අත්‍යවශ්‍ය මානුෂීය ආධාර සහ ආපදා සහන ද්‍රව්‍ය සමඟ භට පිරිස් සාමාජිකයින් 22 දෙනෙකු ද එහි පැමිණි ඇති බව සඳහන්ය. මෙම හෙලිකොප්ටර් යානා දෙකෙහි නායකත්වය දරන ලද්දේ වින්ග් කමාන්ඩර් නාගේෂ් කුමාර් සහ වින්ග් කමාන්ඩර් මුකුල් මහජන් විසින්ය.

කැලණි ගඟ ආශ්‍රිතව පහත්බිම්වල වෙසෙන ජනතාව තවදුරටත් දැඩි සැලකිල්ලෙන් යුතුව කටයුතු කරන ලෙස වාරිමාර්ග දෙපාර්තමේන්තුව දැනුම්දීමක් සිදුකර තිබේ. වාරිමාර්ග අධ්‍යක්ෂ ජල විද්‍යා ආපදා කළමණාකරණ එල්.එස් සූරියබණ්ඩාර මහතා පැවසුවේ කොළඹ ආසන්නයේ පහත්බිම් ආශ්‍රිතව මෙන්ම කැලණිය, බියගම ආදී බොහෝ ප්‍රදේශවල ජනතාව තවදුරටත් දැඩි සැලකිල්ලෙන් යුතුව කටයුතු කළ යුතු බවය. “මේ වන විට හංවැල්ල ප්‍රදේශයේ ජල මට්ටම 10.8 දක්වා උපරිමයකට ඇවිත් තියෙනවා. අපේ නිරීක්ෂණ අනුව බොහෝ දුරට 10.88 අගය හංවැල්ල ජල මට්ටමේ උපරිම අගය වීමට ඉඩ තිබෙනවා. නාගලගම්වීදියේ ජල මට්ටම ආසන්නම අඩි 7 දක්වා පැමිණ තිබෙනවා. මේ හේතුවෙන් අපිට පෙනෙන්නට තියෙන්නේ කැලණි ගඟේ ජල මට්ටම් ඉහළ සිට පහළට යද්දි හංවැල්ල ජල මට්ටම උපරිම…

බණ්ඩාරනායක ජාත්‍යන්තර ගුවන් තොටුපළ වෙත පැමිණෙන ගුවන් මගීන්ට කොළඹ – කටුනායක අධිවේගී මාර්ගය තවදුරටත් භාවිතා කරන ලෙස උපදෙස් දී තිබේ. ඒ රට පුරා පවතින අයහපත් කාලගුණික තත්ත්වය හේතුවෙන් ගුවන්තොටුපළ ප්‍රවේශ මාර්ග කිහිපයකට ගං වතුර බලපෑම් එල්ලව් ඇති බැවින්ය. මීට අමතරව මෙම කාලය තුළ ගුවන් තොටුපළ පරිශ්‍රය තුළ තදබදය අවම කරගැනීම සඳහා, අමුත්තන් පර්යන්තයට රැගෙන නොඑන ලෙස ගුවන්තොටුපළ සහ ගුවන් සේවා (පුද්ගලික) සමාගම මගීන්ගෙන් කාරුණිකව ඉල්ලා සිටී. අභියෝගාත්මක තත්ත්වයන් මධ්‍යයේ වුවද ගුවන් තොටුපළ මෙහෙයුම් කටයුතු අඛණ්ඩව පවත්වාගෙන යාමට සඳහා පැමිණෙන ගුවන් මගීන්ගේ සහයෝගය සහ අවබෝධය අගය කරන බවද ගුවන්තොටුපළ සහ ගුවන් සේවා (පුද්ගලික) සමාගම පවසයි.