මේ වසරේ පැවත්වීමට නියමිත ජනාධිපතිවරණය ජාතික ජනබලවේගයේ ජයග්‍රහණය කරනු ඇති බවට විශ්වාසදායක සමීක්ෂන වාර්තා ලැබී ඇතැයි, එම පක්ෂයේ විධායක සභික හිටපු පාර්ලිමේන්තු මන්ත්‍රී බිමල් රත්නායක මහතා පැවසීය.
එකී මහජන කැමත්තේ අගය පසුගිය නොවැමබර් මාසයවනවිට සීයට පනහක පමන තිබු බවට මහතා ඒ බව පැවසුවේ ෆින්ලන්තයේ නගර කිහිපයක සංවිධානය කරතිබු විශේෂ ජනහමු කිහිපයක් අමතමිනි.
ජනවාරි 14 දින ෆින්ලන්තයේ අධ්‍යාපන කේන්ද්‍රීය නගරය ලෙස සැලකෙන යුවස්කුලා නගරයේ (jyväskylä) උසස් අධ්‍යාපනය ලබන ශ්‍රී ලාංකිකය ශිෂ්‍ය සහ පුරවැසි ප්‍රජාවක් අමතමින් ඒ මහතා වැඩිදුරටත් සදහන්කලේ ජාතික ජනබලවේගයේ දේශපාලන වැඩපිලිවෙල කෙරෙහි ජාතික වශයෙන් මෙන්ම විදෙස්ගත ශ්‍රීලාංකීය ප්‍රජාවේද බහුතරයක් විශ්වාසය තබා ඇතිබවයි.
දේශපාලන නායක්තවය වෙනස් කිරීමකින් තොරව ශ්‍රී ලංකාව වැටී තිබෙන දුශ්කර තත්වයෙන් රට ගොඩගත නොහැකි බව සදහන්කල ඒ මහතා මහජන විස්වාසය ගිලිහීමෙන් රටේ අනෙකුත් දේශපාලන බලවේග මේවනවිට බරපතල පිරිහී තිබෙන බවද සදහන් කලේය.
ජාතික ජන බලවේගය රට ගොඩනැගීමට අදාලව ඉදිරිපත්කර තිබෙන ප්‍රායෝගික විසදුම් යෝජනා පිලිබදව රටේ මහජනතාව විශාල උනන්දුව දක්වමින් තිබෙන බව සදහන් කල බිමල් රත්නායක මහතා එම දේශපාලන යෝජනාමාලව මහජන සංවාදය සදහා එලබෙන මාර්තු මාසයේ ජනගත කිරීමට බලාපොරොත්තුවන බව සදහන් කලේය.දේශපාලන පරිවර්ථනයකින් පසුව නව නිදහස් ව්‍යාපාරයක් බිහිකර ගතයුතු බව පෙන්වාදුන් රත්නායක මහතා එකී ඵෙතිහාසික අවස්ථාව 1948 දී ගිලිහීගිය බැවින් අද රටක් විදියට ලංකාව ඛේදවාචකට මුහුන දී ඇතිබවද කියා සිටියේය.
තම දේශපාලන ව්‍යාපාරය කෙරෙහි මේවනවිට රටේ ජනතාව තබා තිබෙන විශ්වාසය කිසිම අයුරකින් පළුදු නොකරන බවට සහතික කරන බව සදහන් කල බිමල් රත්නායක මහතා වැඩිදුරටත් පැවසූවේ ජාතික ජන බලවේගයට ජනතා විරෝධී කදවුරු නියෝජනය කරන කිසිවකු සමග කිසිම දේශපාලන ගනුදෙනුවක්,ඩීල් නොමැති බව සදහන් කලේය.