විදේශ කටයුතු අමාත්ය අලි සබ්රි මහතා ඉස්ලාමීය ඉරාන ජනරජයේ නිල සංචාරයක නිරත වීමට නියමිත බව විදේශ කටයුතු අමාත්යාංශය වාර්තා කරයි.
අගෝස්තු 04 සිට 07 දක්වා අමාත්යවරයා නිල සංචාරයේ නිරත වීමට නියමිත අතර, එය ඉරානයේ විදේශ කටයුතු අමාත්ය ආචාර්ය හොසේන් අමීර් අබ්දුල්ලාහියන් මැතිතුමා යොමු කළ ඇරයුමකට අනුව සිදුවන බව සඳහන්ය.
අමාත්යවරයා මෙම සංචාරය අතරතුර ඉරාන ජනාධිපති ආචාර්ය සෙයිද් ඊබ්රාහිම් රයිසි මැතිතුමා හමුවීමට ද නියමිත අතර, දෙරට අතර පවත්නා සමීප සබඳතා තවදුරටත් ශක්තිමත් කිරීම ද එහි අරමුණකි.
එසේම, මෙම සංචාරයෙන් ඉරාන විදේශ කටයුතු අමාත්ය ආචාර්ය හොසේන් අමීර් අබ්දුල්ලාහියන් මැතිතුමා ඇතුළු රජයේ ජ්යෙෂ්ඨ නිලධාරීන් හමුවී සාකච්ඡා පැවැත්වීමට ද නියමිතය.
තවද අමාත්යවරයා ඉරානයේ දේශපාලන හා ජාත්යන්තර අධ්යයන ආයතනයේ දී දේශනයක් පැවැත්වීමට ද කටයුතු යොදා ඇති බව විදේශ කටයුතු අමාත්යාංශය නිවේදනය කරයි.