සෙල්වම් සන්නිදි මුරුගන් කෝවිලේ සිට කතරගම දේවාලය දක්වා සිදුකරන වාර්ෂික පාද යාත්‍රාව පසුගිය (06) වන දින ගමන් ආරම්භ කරන ලදී.
පාද යාත්‍රාවේ බැතිමතුන් අද (09) දින උදෑසන වන විට කිලිනොච්චිය දිස්ත්‍රික්කය හරහා ගමන් කරමින් සිටී.
මේ දක්වා ගමන් කල ගමන් මාර්ගයේදී බැතිමතුන්ගේ විඩාව සමනය කිරීම සඳහා බොහෝමයක් යුද්ධ හමුදා කඳවුරු අසලදී විවිධ සංග්‍රහ සහ වෛද්‍ය ආධාර වැඩසටහන් සිදුකරනු දක්නට ලැබිණ.
අද (09) දින අලිමංකඩ යුද්ධ හමුදා මර්ග බාධකය හරහා බැතිමතුන් ගමන් කරමින් සිටියදී, ඔවුන්ගේ විඩාව දුරු කිරීමට තේ පැන් සංග්‍රහයක් සහ වෛද්‍ය ආධාර ලබා දීමේ වැඩ සටහනක් යුද්ධ හමුදා සාමාජිකයින් විසින් සංවිධානය කර තිබුණි.
යාපනය ප්‍රදේශයේ දමිළ දේශපාලන නායකයින් බෞද්ධ පන්සල් සහ යුද්ධ හමුදාවට විරුද්ධව විවිධ විරෝධතාවයන් පවත්වමින් සිටී. එවැනි වාතාවරණයක දුෂ්කර පාද යාත්‍රාවේ නියැලී සිටින හින්දු බැතිමතුන්ට යුද්ධ හමුදාව දැක්වු සහය, ජාති ආගම් භේදයකින් තොරව අගය කල යුතුමය. කෙසේ වෙතත් මේ වන තෙක් කිසිදු දේශපාලඥයෙකු එම බැතිමතුන්ට ජලය බිදක් හෝ ලබා දීමට සැලසුම් නොකර සිටීම කණගාටුදායක කරුණකි.
