හංවැල්ල පොලිස් වසමේ ඇඹුල්ගම පනාගොඩ මාර්ගයේදී මෝටර් රථයක ගැටී කාන්තාවන් දෙදෙනෙකු ජීවිතක්ෂයට පත්ව තිබේ.
පොලීසිය පැවසුවේ ඊයේ (06) දින පස්වරුවේ මෙම අනතුර සිදුව ඇති බවය.
එම මාර්ගයේ ඇඹුල්ගම දෙසට ධාවනය වූ මෝටර් රථයක් එම දෙසටම මාර්ගයේ පාගමනින් ගමන් කරමින් සිටි කාන්තාවන් දෙදෙනෙකුගේ ගැටී අනතුර සිදුව ඇත.
අනතුරින් පසු මෝටර් රථය නොනවත්වා පලාගොස් ඇති අතර අනතුරින් තුවාල ලැබූ කාන්තාවන් දෙදෙනා නවගමුව රෝහලට ඇතුළත් කිරීමෙන් අනතුරුව ජීවිතක්ෂයට පත්ව ඇත.
මරණකාරියන් අවුරුදු 42 සහ 44 වයස්වල පසුවූ රනාල සහ ගිරාඳුරුකෝට්ටේ ප්‍රදේශවල පදිංචිකාරියන් වේ.
අනතුරින් පසු CCTV දර්ශන සහ ලද තොරතුරු මත විමර්ශන සිදුකළ පොලීසිය විසින් සැකකාර රියදුරු අත්අඩංගුවට ගෙන ඇති අතර ඒ සමග අදාළ මෝටර් රථයද පොලිස් භාරයට ගෙන තිබේ.
පොලීසිය පැවසුවේ සැකකරු අනතුර සිදුවන අවස්ථාවේදී බීමතින් සිට ඇති බව විමර්ශනයේදී අනාවරණය වී ඇති බවය.
අනතුර සම්බන්ධව හංවැල්ල පොලීසිය විසින් වැඩිදුර විමර්ශන සිදුකරති.