කඳු නගින්නන් 274 දෙනෙකු අද (21) ලොව උසම කඳු මුදුන ලෙසින් සැලකෙන එවරස්ට් කන්ද තරණය කළ බව නේපාල මාධ්ය පවසයි.
මෙය එක් දිනක් තුළ නේපාල සීමාව හරහා වැඩිම පිරිසක් එවරස්ට් තරණය කළ අවස්ථාව ලෙස සැලකෙයි.
මීට පෙර වැඩිම පිරිසක් වාර්තා වී ඇත්තේ 2019 වසරේ දී වන අතර, එවර 223 දෙනෙකු එවරස්ට් තරණය කර තිබේ.
කෙසේ නමුත් එවරස්ට් කඳු මුදුනේ ‘Death Zone’හි මෙතරම් ජනකායක් සිටීම අවදානම සහගත වන අතර, ඒ හේතුවෙන් වැඩි පිරිසකට එකවර අවස්ථාව ලබාදීම ගැන නේපාල රජයට දැඩි විවේචන එල්ල වී ඇත.
එම කලාපයේ ඔක්ෂිජන් මට්ටම අවම බැවින් එකවර වැඩි පිරිසකට අවස්ථාව ලබාදීම සීමාකර තිබේ.
මීටර් 8,849 (අඩි 29,032) උස එවරස්ට් කන්ද නේපාලය හරහා මෙන්ම චීනයේ ටිබෙට් කලාපීය මායිම හරහාද තරණය කළ හැකිය.
කෙසේ නමුත් චීන බලධාරීන් ටිබෙට් කලාපය හරහා එවරස්ට් තරගය කිරීමට මෙවර කිසිදු බලපත්රයක් නිකුත් කර නොතිබූ බැවින්, මෙම වසරේ ටිබෙට් හරහා කඳු නගින්නන් නොසිටි බව ගවේෂණ ක්රියාකරුවන් පවසති.