මෙවර අයවැයෙහි සමස්තයක් ලෙස වරදක් නොමැති බවත්, ‘හරියට කළොත්’ බිම් මට්ටමින් ක්රියාත්මක කළ හැකි බවත් ශ්රී ලංකා පොදුජන පෙරමුණෙහි නායක, හිටපු ජනාධිපති, වත්මන් පාර්ලිමේන්තු මන්ත්රී මහින්ද රාජපක්ෂ මහතා ප්රකාශ කළේය.
කෙසේ වුවද ඇතැම් ‘නරක’ද අයවැයෙහි ඇති බැවින් ‘හොඳ දේට’ සහාය ලබා දීම සිදු කරන බවද ඔහු සඳහන් කර සිටියේ බත්තරමුල්ල, නෙළුම් මාවතෙහි පිහිටි ශ්රී ලංකා පොදුජන පෙරමුණු පක්ෂ මූලස්ථානයේදී ඊයේ (14දා) පැවති සාකච්ඡාවකින් අනතුරුව මාධ්යයට අදහස් දක්වමිනි.
අයවැය යෝජනා ක්රියාත්මක කිරීම සඳහා අවශ්ය මූල්ය ප්රතිපාදන සම්බන්ධන්යෙන් එහිදී මාධ්ය සිදු කළ විමසීමේදී රාජපක්ෂ මහතා සඳහන් කර සිටියේ “සල්ලි හොයා ගන්න ඕනේ, ඒකටනේ බලය දුන්නේ අපි එපා කියලා” යනුවෙනි.
ශ්රී ලංකා පොදුජන පෙරමුණෙහි ජාතික සම්මේලනය දෙසැම්බර් 15 වැනිදා පැවැත්වීමට එම පක්ෂය තීරණය කර ඇති අතර ඒ සම්බන්ධයෙන් වූ සාකච්ඡාවක් පක්ෂයේ ජ්යෙෂ්ඨයන් අතර ඊයේ පවත්වා තිබිණ.